八〇

营业中

休息中

夜晚難得一個人食飯又唔係好肚餓經過見到呢間Cafe有全日早餐食就入咗去了🥰🥰空間感唔錯 位於位之間都唔會好逼舒服寧靜嘅環境底下😗叫咗個全日經典早餐因為我見到有黑糖麻薯窩夫💜💜我的最愛!!窩夫梗係要擺喺最後食啦~💕其他配菜有薯波 滑蛋腸仔沙律炒蘑菇味道都好平均 都幾好食窩夫擺咗去最後食👀👀都仲係好脆 唔會係硬骨骨嗰隻做到外脆內軟 非常之驚喜🎊🎊🎊入邊真係有黑糖麻薯!!!加埋煉奶 真係好味😋😋😋

繁忙嘅旺角鬧市中都有隱蔽森林有少量輕工業風嘅背景作為襯托木系傢俬、綠油油嘅植物令人有放鬆嘅感覺點左一個二人晚餐頭盤有凱撒沙律、意大利雲吞烤大蝦龍蝦汁意大利飯意大利飯軟硬度適中龍蝦汁好濃郁威靈頓挪威三文魚真係第一次食因為通常威靈頓都係配牛扒個酥皮都幾香口甜品係提拉米蘇黑糖麻糬窩夫煙煙韌韌相信每個女仔都會鍾意餐廳仲有唔少打卡位

行過路過 唔知食咩好的情況下進了這間木系又帶點工業風的西餐廳因為不是很肚餓 只點了1前2 主前菜 凱撒沙律慢煮雞胸 健身人士心心眼煎香至金黃色的慢煮雞胸 肉汁鮮嫩 會令人一口接一口 KO 佢 係我現時為止食過最好食的雞胸沙律係好味 只係不太對名號 只有十分之微量的芝士同麵包粒同汁 如果唔當係凱撒沙律是合格有多主菜1 燒牛板健 配炸薯粒足5成煮 冇過多肉汁溜出 食到肉的鮮味 旁邊配以少許青色芥末醬很夾顏色也令人賞心悅目主菜2 All day 黑糖麻糬窩夫窩夫係十分脆口個種 夾了黑糖麻糬在中間可能放涼咗少許 麻糬未很煙靭 帶少許黑糖甜 其他也是一般組合 炸薯粒 腸仔 茄汁豆 蘑菇片 半片香蕉 炒滑蛋 沙律菜 全都味道正常環境很好 人唔多 靠牆的座位如果可以深啲同厚啲坐墊應該可以再加分

3:00pm入座，煙霧離漫，以為係搞氣氛，點知未坐低，已經feel 到一陣油煙味，唔係好掂囉。通風咁差已經影響食慾，真的辛苦晒廚房入面嘅人。我係黎食野唔係幫你吸油煙，冇下次。

唔推薦依間餐廳同男朋友去食，之後上菜速度超慢叫嘢飲講完佢有寫低，但又過嚟問多兩次前菜湯同沙律還好，但份量超少食主食唔記得上咗菜未要反覆吹佢先上菜叫嘅嘢食同送上嚟嘅根本對唔上

友人推介裝潢特別。。試晚上 7 時前到人唔太多店內多 4 人枱唔多人時段2 人亦安排 4 人枱感覺舒服食物選擇種類唔多對於選擇困難嘅友人係適合不過否則要花上更多時間用於點餐上黑松露醬配炸薯條 $58醬料黑松露味比較淡 ~ 味道普通明太子雞翼全日早餐 $148明太子雞翼 ~ 雞翼皮脆味美黑糖麻薯窩夫 ~ 未有即時享用質感已變硬(食完雞翼黑毛豬架已到，因坐嘅位置冷氣比較凍，怕豬架快凍，所以決定先食黑毛豬 ，回頭食黑糖麻薯窩夫)茄汁焗豆 ~ 碎煙肉放面，比較偏鹹焦糖香蕉 ~ 滿滿焦糖西班牙伊比利亞法式黑毛豬架配焦糖蘋果 $178口感軟腍恰當 ~ 好味食第二件時已少少凍咗 ~ 可惜 越式咖啡椰奶沙冰 $55椰汁味較淡咖啡味道返而突出 ~ 喜歡 蕉糖脆脆奶蓋咖啡 $55友人覺得雖然係甜但整體係好飲飲咗少少已將焦糖取出 (不太好甜嘅我 ~ 真心覺得太甜)發現一個共通點全店食客都係女性整體環境和食物尚算好可能近風口位食物凍得比較快

當天與友人選擇來到這所餐廳一聚。這所餐廳店內環境都貼滿了些韓星poster,、木系枱、有些植物裝飾，氛圍予人舒適的感覺。當天一共3人共點了：❣️菠菜湯 (跟餐便可選擇湯或沙律）菠菜湯真的很鮮，有濃濃的菠菜香、味道上亦很清新❣️俄羅斯烤牛柳闊條麵這個意粉有驚喜！牛柳烤至軟嫩、不會韌闊條麵很掛汁，醬汁是creamy 的，帶少酸，不會膩口 ，亦有些香料味道。❣️明太子雞翼全日早餐這份全日早餐配搭亦挺豐富的👍🏻黑糖麻糬窩夫，有微微蛋香，窩夫內夾附黑糖麻糬，有甜甜味道，更添口感。明太子雞翼是雞翼內釀了些明太子和肉，再煎，口感飽滿實在。全日早餐內有小小薯餅粒,每粒炸至外脆, 一口一個 😋❣️威靈頓三文魚以往都是聽到有威靈頓牛扒，這次是威靈頓三文魚。外皮酥脆，三文魚不會烤得太乾身，再沾一沾伴碟上的芥末醬，美味度再🆙總括來說，這間餐廳坐得舒適，食物質素也是不錯，是適合與朋友聚餐的地方。雖說餐廳沒有說用餐限時，但如餐廳外有人等候，亦會提提客人需離座的。

最近襯住放假約咗朋友去試咗位於旺角嘅Aftereightys cafe 😙🤍我哋個日就試咗明太子蟹肉意粉大推介❗️真係超級好食蟹肉嘅鮮味好岀 個醬汁非常濃郁，明太子提升咗成個意粉嘅口感，超級好食🤤經典全日早餐- 平時總係會覺得All day breakfast 好無聊🤣呢個岀乎意料之外 連啲茄汁豆入面都加左啲脆脆增加口感🤤食唔停口🤤提拉米蘇黑糖麻糬窩夫 窩夫入面加入咗麻糬 超驚喜 加埋咗提拉米蘇嘅奶油 成件事好夾😙😙😙重有飲品方面就試咗佢哋嘅 Cappuccino同越式咖啡椰奶沙冰☕️Cappuccino 拉花拉得好靚，而越式咖啡椰奶沙冰就感覺好特別，咖啡同椰奶非常之夾 好好飲🤍

唔係真係太差，一般都唔會專登留負評…呢間可以話食過最差嘅cafe…喺網上見到都多好評，ig 又有foodie推薦，諗住一定唔會差啦。錯曬，真係錯曬，同女友人一行5人下午茶時段去食，伏到喊（出錯餐，態度一般，份量少，性價比超低，野食唔好食）首先，啲食物正常cafe價錢，但係每一份嘅份量就好細，我地5個女仔每人叫一個主食同一款飲品，再叫多個nachos share。但係食曬都冇人食得飽。再來啲嘢食3點落單，然後附近啲枱遲過我地嘅都上曬，我地有兩個主食等咗半個幾鐘先上來，懷疑唔追佢地嘅話，應該一個鐘都未有得食。再來頻頻上錯野食同嘢飲，有一個叫咗壺茶，上來啲茶完全飲唔出，都聞唔出係叫咗嗰款嘅味，問個侍應，就咁換壺茶俾我地就算，啲態度真係可以再好啲，唔講以為係我地問題。再來個窩夫都上錯，叫三文魚，俾火腿我地。望過去隔離枱，發現同樣上錯野食嘅情況都發生緊，侍應只好攞走。啲野食可以話不可一，不可再。我同另一友人都叫咗窩夫，唔熱嘅，腍嘅，eggs Benedict 係唔流心嘅。啲一壺壺嘅茶係冇味嘅，同飲水差唔多，友人最後飲咗半杯就算（但係佢叫咗一壺茶）。叫杯honey pineapple茶，陣味係士多

🍽八〇 (旺角)📍旺角豉油街27號地舖1.餐湯及沙律🥗今日佢哋嘅是日餐湯係我最愛嘅羅宋湯，羅宋湯裏面嘅材料好豐富💓有大量蕃茄紅蘿蔔，西芹等等，真係好足料。而且佢味道酸酸甜甜，真係好開胃呀。佢哋個沙律居然係巴馬火腿沙律，佢哋用左新鮮既雜錦沙律菜翠綠加埋鹹鹹香香嘅巴馬火腿，呢個配搭真係天衣無縫！而且佢仲係上面灑上granola、藍莓粒等等，真係又好食又健康。2.俄羅斯烤牛柳闊條麵🐮身為牛魔王嘅我梗係第一時間試吓呢個牛柳啦！完全冇諗過佢個牛柳可以完全唔韌，一啲根都冇，而且闊條麵好Creamy，真係有意想不到嘅驚喜。3. 黑松露雜菌意大利飯配慢煮雞胸🐥真係大讚一下佢嘅慢煮雞胸，佢嘅雞胸做到好嫩滑，一啲都唔柴，佢嘅黑松露味道都好出，裏便好多雜菌，食落去好Creamy好有口感。4. 提拉米蘇黑糖麻糬窩夫🧇佢呢一款甜品真係內外兼備，佢嘅外表已經好吸睛，食完一啖，簡直融化你個心。窩夫超好咬落好鬆軟，上面嘅提拉米蘇中間夾住左黑糖麻薯，唔單止有濃濃既咖啡香味，而且增加左口感嘅層次。佢旁邊仲有焦糖香蕉，同埋雲呢拿雪糕，夾埋一齊食，真係再飽都想食多份。5. 牛油果乳酪沙冰🥤酸酸甜甜嘅牛油果乳酪沙冰，有淡淡的牛

🍳ALL DAY BREAKFAST經典全日早餐 配料非常豐富，有黑糖麻糬窩夫、香草豬肉腸、茄汁焗豆、焦糖香蕉、炸薯寶、炒蛋、炒白菌、雜菜沙律等，一盤點亮一日美好心情。🍝PASTA煙三文魚明太子忌廉意大利粉第一啖入口好creamy，而且明太子好有鮮味，再配上煙三文魚，味道好夾，意粉硬度又非常好，味道唔錯，必食推介。🥤DRINK提拉米蘇咖啡冰沙 (Tiramisu Coffee Smoothie)賣相已經非常吸引，飲品上滿佈可可粉，下層是奶香撲鼻的忌廉，充滿視覺效果。一入口帶有濃郁咖啡香，再配上香濃意大利芝士，質感軟滑輕盈，層次豐富，必點之選。*冷知識： Tiramisu被視為意大利的國民甜品，在意大利文當中更有「Pick Me Up」的意思！焦糖鮮奶咖啡 ( Caramel Coffee Latte )今次試左焦糖鮮奶咖啡，焦糖的甜味配上甘香的咖啡味道，加上奶泡打得好幼滑，每一啖都飲得出咖啡師的功力。🍮DESSERTS80後黑糖麻糬窩夫80後黑糖麻糬窩夫是餐廳自家製人氣食物之一！窩夫外脆內軟，蛋香味濃，滿載牛油香，整體甜而不膩，當中夾着黑糖麻糬，煙煙韌韌，好有口感！再配上雪糕，好好味喔

同朋友喺聖誕節約咗嚟呢度預祝！一行到門口，就見到好多MC嘅應援物品，餐廳入邊都有好多MC嘅海報同埋相片😎雖然唔肯定背景～但可能店主係MC fans(?)或者受托進行主題店😚由於嗰陣時係聖誕節，所以入邊個環境都佈滿左唔同嘅燈飾，同埋都幾有聖誕氣氛！嗰日係12月23號去，夜晚七點左右，都唔使預約，可以直接walk in👍🏻環境亦都闊落！好講返啲食物先！巴馬火腿卡邦尼扁意粉（$148）🍝覺得奶油味偏淡身，對於一啲唔鍾意食太膩同埋太重芝士味嘅人就比較適合！但整體都OK！辣肉腸薄餅（$128）呢個篇係一個似餅乾底嘅薄餅，不單止個質地味道亦都好相似！不過嗰pizza面頭嘅芝士真係做到拉斯效果🥰整體來講不錯！Strawberry Yogurt Smoothie ($48) 覺得呢一個士多啤梨smoothie 幾好飲！有好香嘅士多啤梨味，同埋入邊嘅沙冰係比較輕盈綿密，多個係硬骨骨嘅刨冰類😚同埋入邊都飲到淡淡的乳酪香味！

嘢食難食都算，態度真係好差(女店員態度好好多)，平時真係唔會點用openrice，今次係逼到為咗呢間嘢登入評分，犀利我黎之前仲見到咁多好推薦呢間既食評，真係中曬伏，唔知係咪我個日撞正佢地心情唔好，真係好西面，咁既價錢我不如去食翻cova，起碼人地服務態度好(雖然嘢食都好一般)而唔係好似我殺咗佢全家咁全場最好食竟然係個茄汁！！！啲湯係溫暖既唔夠熱(仲要問咗兩次之後先係我坐低半個鐘後上)，主菜，因為本身未試過其他威靈頓三文魚所以無法評價，但感覺好普通，個拌菜苦過涼茶，食到我懷疑人生

半年冇見同三個姊妹約食飯，Miss C👩🏻就book 左間我哋未試過嘅Cafe試吓！😙😙睇個裝飾就知道係MC張天賦嘅應援Cafe，我雖然唔係fans但聽過佢啲歌幾好聽☺️☺️當日客人頗多，可能是好少侍應，我哋三個女仔先到，女侍應俾咗兩杯水（？）🤨🤨同餐牌就走咗啦！到齊人再問佢攞多兩杯水，侍應應咗都係不了了之，我哋問咗四次先攞到手😕😕第二我哋每人叫咗一杯嘢飲，每隔10～15mins先送上一杯，最後一杯黎到都差唔多食完餐飯☹️☹️我哋就叫咗一款肉食、薯條同甜品一齊share😁😁～～～80後黑糖麻薯窩夫🧇（全份）～～～打卡甜品，有輕微黑糖味嘅窩夫🧇，唔知麻薯去咗邊😳😳，但味道OK😃😃～～～灸燒美國封門柳～～～（12oz)封門柳係牛柳之一，睇落幾靚，但完全冇肉味，落啲鹽叼下味都好呀😣😣，肉質 ‘ 柴 ’ 口😢😢～～～芝士薯條🍟～～～正常芝士薯條水準，芝士有拉斯效果😀😀～～～海鹽奶蓋綠茶～～～我嘅飲品：低海鹽味奶蓋，綠茶味幾清，攪勻後先感覺到奶蓋嘅味道😕😕

難得聖誕連假梗係出黎食下好西見呢間都幾多推介就同老婆兩個黎支持下啦！廢話唔多講食物係okay既特別係午餐既牛阪健意粉, 5成熟岩岩好但係店員禮儀同應變能力要加強! 先係餐湯又話南瓜湯但變左蕃茄湯, 咁都算啦。之後叫小食芝士波波拎到埋台面放低時整跌左一粒但店員一啲反應都無, 最後叫一杯青蘋果蘆薈梳打, 但入面係椰果黎。問完店員之後佢問咗廚房, 番黎話得椰果咋！搞錯咁餐牌就寫好啲 或者講句唔好意思都好。一心就係想食蘆薈先叫呢杯原價42蚊既野飲