影片
港铁太子站 C2 出口, 步行约3分钟
继续阅读
电话号码
64111154
开饭介绍
日式木系裝潢，日式布簾及和風圖案的牆畫，每個角落都充滿特色。主打關西風壽喜燒特色肉類食材，及各款美味日式小食／吉列菜式。
继续阅读
营业时间
今日营业
12:00 - 23:00
星期一
12:00 - 23:00
星期二
全日休息
星期三至日
12:00 - 23:00
以上资料只供参考，请与餐厅确认详情
有关奖赏计划
有次經過太子，見好多人排隊食呢間店，一直都好想試，今日終於比我食到，好開心，果然不負所望，好好味！一入店舖，木系裝修，自然清新，加埋日本淨世繪擺設同掛畫，好似去左日本咁，食得好有氣氛。不得不提店員會幫我開爐，落牛油起鑊，煎洋蔥🧅同大蔥，再落壽喜燒汁，我哋可以自己煎牛肉食，之後加清湯做壽喜燒湯底，正宗又好味！🤗今日我哋嘗試了三款不同嘅和牛，真係好正❤️極稀有雷室和牛:和牛的肉質非常細膩，油花分佈均勻，散發著濃郁的肉香，肉質柔軟，入口即化。日本和牛封門柳:封門柳的肉汁多 口感滑順。肉質有獨特嘅甘甜味。澳洲和牛牛小排:澳洲和牛牛小排同樣令人驚喜。肉質強韌，但不失鮮嫩。呢三款和牛各有千秋，全部都好好食。
继续阅读
今日星期日係拍拖日，話明拍拖當然要食好啲啦。揀咗呢間壽喜燒小店，真係驚喜重重。我哋叫咗個一人餐，佢會有一個野菜拼盤同埋一隻雞蛋。雞蛋係用嚟點和牛嘅，如果野菜盤就係食完晒啲牛肉之後攞嚟打邊爐用嘅。我哋揀咗個和牛封門柳餐，封門柳呢個部位牛尾會濃啲，而且比較有口感，食落都瘦啲，因為佢係和牛嘅關係，比起普通出邊食到嘅封門柳會再腍身少少，我自己就比較鍾意呢一種。另外見到另外一款個名好似好勁，係澳洲唯一純血統和牛，即刻要叫嚟試一試啦。見到佢啲紋路都好靚，最重要嘅係佢做到入口即溶嘅口感，但係又唔會覺得好肥膩，真真正正嘅比例恰當。食完晒啲肉好滿足，當然要食埋個野菜拼盤，令自己個心理平衡啲，感覺上冇咁肥膩。佢呢度啲款式都唔少，我幾鍾意佢呢度個壽喜燒汁，因為佢個甜度啱啱好，唔會好似其他地方咁樣死甜，因為如果太過甜嘅話煮完啲菜出嚟都好奇怪。而佢個湯汁亦都比個超彈牙冬粉朔晒，入晒未之餘，行到甜度都啱啱好。除咗壽喜燒出色之外，我想講佢呢度嘅炸物都好正，因為我咁啱坐嘅位置可以望到廚房。我見到佢所有嘅嘢都係即叫即整。呢個吉列豬扒超大份，而且好鬆軟。個炸粉亦都唔會太厚，所有嘢都啱啱好。另外我哋叫咗個炸池魚片，估唔到係有四嚿咁大嚿嘅。啖啖肉真係好正，再配埋佢個芥末蛋黃醬，真係超好味。第一次會食晒人哋嘅醬，因為真係好夾。我哋仲叫咗兩款日本直送嘅果汁，分別係蘋果汁同埋提子汁，兩款都唔會太甜，飲得出係真係新鮮果汁嘅味道。兩個人食咗咁多好嘢都只係$700有找，壽喜燒嚟講，真係超級無敵勁抵食，最重要嘅係全日都唔收加一㗎。
继续阅读
————————————————————————餐廳名：八不·壽喜燒地址：太子大南街52號地舖在繁忙的都市中，八不·壽喜燒為食客提供了一個高雅而舒適的用餐環境，讓人一踏入就感受到一種放鬆的氛圍。這裡的裝潢時尚典雅，一定要order一個壽喜燒set感受和牛和不同部位的牛的不用口感😛🟠推薦食物 Recommended🔹 極品·八不壽喜燒二人牛盛🥩（$788）：絕對是壽喜燒愛好者不容錯過的選擇。餐盤中包含了A5佐賀牛、和牛封門柳、安格斯牛小排，以及新鮮的野菜盒。 A5佐賀牛以其極致的油花和鮮嫩的質地著稱，每一口都散發著濃郁的肉香，融化在口中，讓人感受到極致的奢華享受😎 和牛封門柳肉質稍有嚼勁，口感豐富，其獨特的風味與壽喜燒的醬汁相得益彰，讓整體味道更加層次分明🥩安格斯牛小排肉質較為結實，但仍然保持著良好的多汁感，為整個菜品增添了不同的風味🔸名古屋風味粟米🌽（$58）：這道小菜簡直是驚喜，甜美的粟米搭配特製醬料，口感鮮甜，且帶有一絲微微的焦香，一定要order！🔹日本木村靜岡柑橘汽水🍊($26)：清新爽口，酸甜適中，是搭配重口味壽喜燒的完美飲品🥤🟡不推薦食物 Not Recommended 🔹無 No🟠員工 Waiters服務員熱情周到，對菜品的介紹細緻入微，能夠根據顧客的需求提供建議，讓每位食客都有賓至如歸的感覺🟡環境 Environment環境優雅高貴，營造出一種高雅閒適的用餐氛圍，柔和的燈光和精緻的桌椅設計🟠總評分Overall (9/10)💰$450/person#ezukokofood #ezukokoprinceedward #ezukoko太子#ezukokochinese #foodiehk #foodie #hkfood #美食 #食好西 #壽喜燒 #日系 #cp值 #日本和牛 #入口即化 #香港美食
继续阅读
因為工作太忙，已經成年無去日本🇯🇵，老公話好掛住啲高質和牛壽喜燒🤤。有朋友介紹我地呢間專食和牛壽喜燒嘅餐廳，仲要係老公最愛嘅關西煮法😍！🍲極品•八不壽喜燒二人牛盛 $788🧡日本A5佐賀130g 呢碟和牛一上枱就已經嘩一聲，係超靚嘅油花呀！九洲佐賀嘅和牛係日本Ichiban和牛，仲要係頂級A5和牛！店員會先以牛脂開鍋，之後落大蔥同洋蔥🧅沙香，將甜味迫出，再加入少量壽喜燒汁，最後放入佐賀牛！和牛會先煎香，再吸收壽喜燒汁，到左8-9成熟就可以點蛋汁放入口🤤！會先食到大蔥同洋蔥香味，之後到焦香嘅牛脂，再到甜甜嘅壽喜燒汁味道，最後和牛溶係口腔，再慢慢滲出牛味！口感同味道嘅層次都係完美👍🏻！老公大讚呢碟佐賀和牛💯！🧡和牛封門柳100g 封門柳好有牛味同咬口，而牛嘅油脂都好足夠，食落好juicy！🧡頂級黑安格斯小排 100g係三款牛中最有肉味，同愈𡁻愈有牛肉香味！🧡100g 野菜盤食完關西風嘅和牛，加清湯落野菜打邊爐。野菜新鮮爽甜，平衡返個味蕾。🧡日本雞蛋x2300ml清酒白鹿/果酒自選一支🧡日本木村完熟水蜜桃汽水🧡日本木村靜岡麝香哈蜜瓜汽水📍 八不·壽喜燒 太子大南街52號地舖
继续阅读
話說今日行經太子，平時都少發掘呢區嘅餐廳，估唔到行行下見到間裝修幾靚嘅餐廳，而且寫住主打壽喜燒，就決定試試佢。入面格局唔係好大，座位唔算太多，但都裝修得幾四正。主要係佢以木系風格，加上黃色燈光、日式圖案牆紙、繪馬等等，都幾有日本風味。極品•八不壽喜燒二人牛盛 $788（兩位）（免加一）呢個二人盛一共有三種肉：澳洲和牛牛小排和牛封門柳A5佐賀牛亦包含：野菜盤果酒／清酒呢度嘅壽喜燒係用關西風格，一開始店員會用一嚿牛脂幫我哋開鍋，之後放京蔥、洋蔥炒出香味，再放壽喜燒汁。壽喜燒汁味道唔算好濃味，小編會鍾意再重味啲，但鍾意食多啲食材原味嘅話應該會幾鍾意呢度嘅壽喜燒汁。放咗汁就可以開始放肉：澳洲和牛牛小排呢種肉係三款入面油脂第二多，油同肉嘅比例大概係四比六。味道相當平衡，要油香有油香，要肉香有肉香。而且厚薄啱啱好，唔會韌，亦唔易散。佢雖然記憶點唔算好深，但優勝之處係所有嘢都好平衡，作為第一種試嘅肉啱啱好。味道：7.8/10和牛封門柳封門柳一向係小編嘅最愛，呢個和牛封門柳都不負小編期望。即使油脂係三款入面最少，但肉質仍然好軟腍，而且肉味係三款入面最香。加埋蛋汁，就又滑又軟又香肉味～味道：8.1/10A5佐賀牛 呢隻牛肉係成個餐嘅重中之重，油花最多，但又未至於成嚿都係，油同肉嘅比例好靚仔。入口嘅時候，油香亦都係最突出，但都有少少嘅肉味，所以未至於好油好膩。肉質方面，佢都係最軟嫩嘅一個，咬兩下已經化開。A5果然有料。味道：8.3/10野菜盤食完所有牛，精華都留晒喺鍋入面。呢個時候就要加清湯同蔬菜，湯底嘅味道偏清淡，會有少少昆布同柴魚香，之後亦會試到牛肉嘅香味。當然嫌太清淡，可以再加壽喜燒汁或者醬油，蔬菜主要係小棠菜、娃娃菜、冬菇、南瓜、豆腐等等。蔬菜整體味道都唔錯，吸收晒湯底精華。味道：7.7/10白岳柚子果酒呢款果酒柑橘嘅酸味幾突出，酒精味唔算太重，都算幾易入口，消濟解膩啱啱好。味道：7.7/10抵食：8/10服務：8.2/10環境：8.1/10八不·壽喜燒 (太子)太子大南街52號地舖 #hk #hongkong #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #旺角 #旺角美食 #mokkok #mkfood #太子 #太子美食 #日本 #日本菜 #すきやき #壽喜燒 #すき焼き #和牛 #鍋料理 #日式料理 #日本 #Japan #大正 #昭和 #wagyu #sukiyaki #A5 #A5和牛 #封門柳
继续阅读
您可能会有兴趣的...