八月花 (已搬遷) 新店位置

First time dining in this restaurant. As they mistakenly letting our table to other same surname customer, my mother in law had to stand there with the standing stick and wait for the next table! This is a small issue although we got another table quickly! The overall food is OK, but the mini bucket rice is quite remarkable! The Grouper with Corn Sauce is just OK! But everyone really enjoy the Le Napoleon Cake and taste great! Size is also remarkable big for 1 piece!Overall, may come again for m

這次是第二次來，第一次來是剛開店的時候，已是很久之前的事。六點半來到，不用等位，但用餐時間只有90分鐘。餐牌上的選擇比以前多，今晚我們二人吃了:招牌BB豬。皮脆肉嫩，吃下有強烈的油香，醬汁甜甜的很惹味薏米杞子粥水浸莧菜。這一味是大廚推介，可惜不甚了了。浸菜的粥水沒如想像中般帶米香，整個菜很淡，近乎無味。鹽燒九肚魚。不過不失，可能本人孤陋寡聞，這道菜裏實在看不出也吃不到鹽燒和椒鹽的分別！蝦多士。這是＂懷舊＂菜式。多士炸得很脆，入口又不油膩，多士上的蝦是蝦膠加上原隻蝦，十分足料，味道不錯吃中餐又怎能＂無米落肚＂？我們要了桶仔飯和豬油撈飯(各一人份)。桶仔飯正常水準，豬油撈飯卻帶來驚喜！豉油和豬油分別盛在兩小碟中，兩樣一齊倒下去熱騰騰冒白煙的飯裏拌均，讓每一顆粒都裹上一層黑色一層白色，轉眼間一小碗飯便吃完了！享受久違的味道，膽固醇甚麼的就暫時拋諸腦後吧

最近真係成日跟朋友去食好野啦，朋友仔今次又帶咗我去九龍塘八月花食野，我見好多人都話佢地既脆脆BB豬好味道，我決定一定要試下。不過今日可能係星期五既關係D服務真係唔係好得囉脆脆BB豬有少少肥，不過接受到，唔肥又冇咁好食啫，外皮燒得香脆，一D都唔多油。見到格離個幾檯都有叫就知一定要試，不過得四塊真係唔夠食呀。沙律都唔錯蔬菜夠新鮮。薑蔥龍蝦煎米粉，龍蝦大隻，肉質爽口彈牙又容易開，仲有將米粉煎成餅，放在碟底吸收咗D汁令煎餅食落口有D味道唔會好乾。

上週與朋友到八月花晚膳，覺得食品味道不錯，於是昨晚再去。本來預備大吃一餐好的，但這次卻令我們大為掃興：1. 我們訂了6位，被分配了兩張沒有枱布的四方木枱拍在一起（其他四方枱均有枱布）。兩張木枱高低不平，兩邊各放了三套餐具，放在中間的兩套餐具都傾斜了，比街邊要拍枱的快餐店還差得多。2. 我們要求更換圓枱，一位副經理對我們說：「你睇吓，周圍的人都喺咁坐。」我們請他指出那一枱，他環顧四周，答不出，因為根本沒有。3. 我們表示不是吃西餐，坐長枱吃中餐很難分享食物。這位副經理說：「你咁即喺鬥氣啫！」意見反映：1. 差勁的整體安排 - 我們是預早兩天訂位的，並非 walk-in。店內亦不是沒有圓枱，經一番唇槍舌劍後還是可以安排得到。2. 惡劣的服務態度 - 我們只想舒服地吃一頓晚飯，根本沒需要（更犯不着）跟店內的伙計鬥氣。這位副經理的態度絕對不能接受。剛見到 OpenRice 另一食客言道：「咁既服務似乎有失八月花個招牌同價錢」，絕對同意！

訂左枱，約8點枱，我七時四十分到，等唔係問題，但前枱不停俾街客直入，但又不同呆止中的我們一家交代，問左三次先講，原來留左圓枱入座後介紹我靚茶，我話普通得啦～佢一句就問係咪要平茶，well…再問，係咪6人餐，包茶水喎，well…真係咁忙? 我在樓下茶記嗎?又一城八月花喎？落單後舉手無人理，要自己走埋電腦仔攞drinks menu.，我同條友表示要drink menu，佢比左張特飲紙我，我話想叫啤酒，佢話無drink menu，就咁叫就得，咁窮？還是個倉勁到齊曬全部牌子？過程無話，但食物偏咸，份量細（呢個預左佢“貴”精不貴多）最後想叫“馳名”拿破崙蛋糕，order完，半小時先上到，真係即場做？催第一次上甜品，之後無人理，再叫話上蛋糕，再等，再催，佢話以為係自携蛋糕，所以搵唔到……之後分蛋糕碟，居然丟碟，我好擔心啲碟會爛……現場得7成入座，真係好忙咁喎最後得一個叫angello既staff係正常啲，無掛住食士多啤梨，識幫手影相同扶下我個8個月大肚老婆我知請人難，50蚊一個鐘都無人做，從不期望會有好好招呼，但咁既服務似乎有失八月花個招牌同價錢6個人連蛋糕酒水，2400元，唔貴 但今晚服務堅令我

九龍塘的又一城並不多中菜餐廳選擇，而八月花是唯一一間有廣東點心的。燒賣大大利、裏面真材實料、而且鮮蝦亦非常彈牙。鳳爪非常惹味，不過略嫌有點太油膩，不過勝在分量十足。流沙奶黃包非常好味，一撕開麵包後奶黃一直流出來，而且蛋黃的鹹香味與奶黃配搭得非常好，絕對可以自己一個食晚一籠啊！數到賣相特別，一定要試一下這款煎粉餜，與普通粉餜有別，煮法利用了煎炸形式，再沾旁邊的湯來食，非常好食。炸芋角酥脆的外層加上實在的芋蓉餡料，非常好味，而且上面加上炸蝦，令到口感層次非常豐富，膠質鮮蝦、酥脆表面及綿滑芋蓉，非常特別。八月花的水準以集團來説屬於水準之上，不錯。

就嚟要過年啦，好開心吖~~今日要同媽咪一齊出去辦年貨，不過我自己就覺得香港噶年味真係一年不如一年，不過我地屋企都算比較傳統啦，不過買野之前都係先去飲茶啦~~南非鮑魚蛋撻，真係好特別吖，蛋撻上面有鮑魚，而且鮑魚鮮嫩多汁，口感香滑，再加上蛋撻噶蛋撻皮酥脆，口感大爆炸吖！！燕窩蛋撻，同樣好特別，一般噶茶樓根本食唔到，蛋撻上面竟然有燕窩！！燕窩嫩滑噶口感系蛋撻到真係完全發揮曬出嚟~~~大蝦腸粉，好多蝦，而且腸粉噶口感好細滑！晶瑩剔透噶蝦餃絕對系飲茶必點啊，蝦餃皮透明，而且啲蝦爽口彈牙！

友人介紹九龍塘「八月花」食物一流，特入內試一試。脆皮BB豬的脆皮香脆鬆化又肉嫰，無甚油膩感真係正。(太好食唔記得影相)帶子豆腐，以高湯浸著豆腐及帶子，豆腐又軟又清新，帶子口感一流又美味鱔魚炒蛋，蛋質配合鱔魚的幼滑，配合得恰到好處可惜服務還是...黎的時候訂左位都要等勁耐位都算,入到黎order都勁耐先有人黎serve, 而且表現得頗不耐煩所以標題這句評語雖然見很多食評家也用過，但還是不得再提服務未得，食物再好也未必會再來

上網見到呢間美心集團旗下的八月花比較新穎菜色及甜品，所以就馬上打電話訂枱，6：30入座，環境舒適，不過太迫夾，馬上打開餐牌點菜，先叫了一隻bb豬，2客燕窩蛋撻及檸汁咕嚕肉，5個燉雞湯，魚更，還有其他已忘記了，燉湯很cute,用了工夫茶壺盛載，之後給予工夫茶杯倒出來品嘗，其實味道沒有驚喜，只係器皿比較cute,所以各人都飲得很開心，因人未齊所以先叫了5個湯，點知過了10分鐘友人到齊時想追加3個湯那時才是7：30，已經售罄了 ，唯有叫了蟹黃羮，並沒有驚喜的外觀，反而魚更那款菜色不錯，上面魚片很滑，下。面的羔好像蛋和豆腐似的，清淡得來又有口感，bb燒豬比起傳統的食起來方便，因醬已放了在豬入面，不過我們席內亦有人不喜歡，主菜整體不俗，最後叫了兩款甜品，係席上每位期待的食物，叫了後約15分鐘先來一個拿破崙，份量十足當然每位都相機先食，很開心切下去時一刀已散開了，分給友人時都有點難度，先來一口，很脆但沒味的，淡得跟本不像吃甜品 ，再來那個忘記名字(燉蛋)，來時亦很驚喜，上面就像一個金黃色的太空館，真的不捨得得切來食，最終影。完相都馬上分給大家吃，去到燉蛋的位置已知出事了，texture 就好似海

因初一、十五我朋友也要食素, 想想其實不一定素菜館才能吃素吧, 於是提意嚟呢度食餐具已有一番心思!小吃.. 芝麻醬生菜! 芝麻醬加小辣油生菜爽口!我可以食肉所以叫咗個菠菜魚蓉湯, 冇咩特別, 不過唔似味噌湯!呢個叫做三層xxx (sorry 真係忘記了咩名) 裏面係素菜蓉,外面脆卜卜好好食! 個樣又靚! 不過如果要全素,就make sure落單叫佢個汁走蠔油同高湯!炒年藕好爽口味,仲有准山,炒得真係剛剛好!炒飯就一般般太濃醬油! 甜品真是必食! 我呢個炸雪糕個樣已經驘曬!飯後甜品一絶! (最緊要, 唔太甜)如果唔係大時大節星期六日人最多嘅時候、呢度的而且確係好地!

朋友推介位於九龍塘既八月花，話果度d一口牛好食，今日佢就帶左我去試下。我地叫左蒜片一口牛、鮑魚荷葉飯及炒雜菜。蒜片一口牛，牛既肉質鮮，蒜香四溢，一啖一件岩岩好。荷葉飯好有驚喜，因為有隻大飽魚，荷葉香味滲入左成為飯既一部份。菜就不值一提。

今晚黎到八月花晚餐, 其實係為左試佢地ge甜品而黎ge平日7點黎到, 唔洗等位,話就話為左甜品黎, 不過都要食左正餐先ge 粟米石班塊($158)Lam脷:4/5抵食: 2/5相機: 4/5呢個粟米石班塊present得好精緻, 粟米汁分開上, 咁就唔怕石班塊會淋左,石班塊新鮮炸起好熱好脆身, 肉質亦好嫩滑, 粟米汁texture剛好,係好食ge粟米石班塊 拔絲石榴咕嚕肉($88)Lam脷:3/5抵食: 4/5相機: 3/5Vi不嬲都好中意食咕嚕肉,但配石榴就係第一次試,咕嚕肉好大碟, 算幾抵食, 不過石榴有d怪, 面頭有炸粉包住,食落裡面爽,外面帶啫哩狀, 不太喜歡, 還我菠羅咕嚕肉好了 而咕嚕肉就不過不失, 不過完全淋哂, Vi比較喜歡帶點微脆ge咕嚕肉迷你桶仔飯($25)Lam脷:4/5抵食: 4/5相機: 3/5呢個迷你桶仔飯幾好食, 又抵,飯粒好分別, 咸咸地, 入面有蔥粒同瑤柱,無食白飯咁單調呢 炭燒半熟A3和牛沙律($248)Lam脷:3/5抵食: 3/5相機: 4/5而呢個沙律唔知點解到最後先黎,和牛都有好多塊, 而且真係半熟,好嫩好軟同重牛味, 係

首先，呢間嘢真係幾好生意嘅，好生意到我要拎籌仲等勁耐先有得埋位，都算仲要好生意到員工都勁忙碌，一面不耐煩，每次落order都揮手咗好耐先有人理我哋其實叫左好幾個菜都係好正嘅，食材好新鮮，不過由於成餐飯實在感覺唔算太愉快，所以淨係寫一個算就係呢個牛柳粒，實在係一流水準，肉質好飽滿，又夠腍，味道調較得宜，實在係上佳之作。可惜份量不太多，但又咁好食，顯然逼你encore叫多碟。加埋其他餸，每人都食咗差不多三百蚊了，但我想大概不會再有下次了，反正呢度都唔多願做我生意，呢度又附近咁多食肆，大把其他選擇

同朋友一齊到了8月花晚飯,我地2人點了8個菜. 吃得飽飽的.見到D餐具都認得..同美中XX的設計好似.他們必是同集團了。先不帶之前的負評過來新嘗的餐廳。點了木桶飯,一人份量我們兩SHARE食,不錯.飯軟硬適中,味道好.有點像糯米飯的味道,飯是用了白米。雞湯賣相已經加分,用了日式茶壺湯的概念,配合中式湯!仲有原隻鮑魚在內,值!都是一人份量。荷葉飯一人份量,有原隻鮑魚在上,賣相非常吸引。好味.荷葉飯好容易就會過咸,這味道適中!BB豬,普通普通。點了例牌.只是因為出名就盡管試試。南瓜龍蝦湯,不及雞湯好飲。不多地方有翡翠苗吃,美心集團例牌有的,非常好吃.甜品,即撞豆腐花,好滑..仲有職員來幫我地分,我地唔識分一定會分散哂.最suprised的是,我地本身叫埋單是$600,我用AE簽卡,番來的單是只需$300!!非常抵!!今次食美心集團的有意外驚喜,信心回來了一點.

新裝修後第一次嚟, 門口多嘢個等位apps, 不過又要登記又要入勁多個人資料, 所以都係嚟到攞飛算嘞.平日夜晚都幾多人, 最終等咗成半粒鐘, 不過為咗想食佢個脆皮BB豬, 唯有等啦.唉, 點知一次比一次失望, BB豬略肥, 件頭(我目測)又細件咗囉, 好彩個沙律都仲好好味一口牛我影到好大碟, 但實際應該得12粒左右, 份量唔多, 不過兩個人食就OK(個名我唔知有冇記錯...)呢個三層菜式幾得意, 上面係菇類, 底層係露筍, 中間嗰層, 係一層炸皮(類似炸排骨嗰啲), 包住我估係豆腐加菜的'蓉', 幾等別醬油炒飯炒得唔錯, 不過就'寡'咗啲, 而且份量唔細, 兩個人實食唔晒, 結果又要外帶了.