八沢 (筲箕灣東大街)

营业中

休息中

✨ 小桶山薑玉子鯛魚腩飯 首先嚟到木桶壯觀，裝住鯛魚腩飯，鋪滿左一塊塊嘅魚腩，而且肉嫩滑滑，魚香濃郁而唔膩，入口即化，配埋佢哋嘅山薑玉子飯， 完美無瑕，醬汁滿滿嘅薑味，香甜可口，而且令到魚腩嘅味道昇華👍🏻 ✨ 廣島蠔肉碎烏冬呢個廣島蠔隻隻都好大好足份量，肉質肥碩，而且烏冬上面布滿左佢哋嘅肉碎， 烏冬面份量都好夠多，每一條都掛湯，口感富彈性。 湯底甜而唔咸，配上紫菜好正 ✨ 牛乳忌廉餅忌廉餅外皮炸都金黃色，而且炸衣薄薄一層，唔會太口好鬆脆。 餡料還挺飽滿，奶香濃郁。

黎到依一間店，睇到裝橫就好似有日本街頭的感覺，店內以木系做主題，貼滿很多特色海報，坐低會有一股優美的旋律融入你當中，環境優美相當舒服，在現今嘅疫情底下仿似去咗日本旅行。今日叫咗個（黑松露忌廉海鮮烏冬）同埋（豬骨湯叉燒拉麵），個黑松露忌廉海鮮烏冬一嚟到，就聞到濃郁嘅黑松露味，我會建議大家先飲湯，因為個湯嘅層次夠厚，然後先撈埋啲黑松露，再夾一口烏冬，口感更加升華，材料有大大舊三文魚，啖啖肉，黑松露都係大大嚿，同埋大大舊帶子，一個字正！另外個豬骨湯叉燒拉麵絕對合格，因為越簡單嘅菜式，越難整得好食，雖然店裡面嘅價錢比出面昂貴，但絕對物有所值，唔好等快d黎食啦

今次是外賣自取咖喱系列有88折今次同朋友叫左雙重芝士吉豬飯+咖啡鳥冬~小男生店員一開始唔記得計折佢竟然係外賣裡面摺紙包住$5寫上不好意思，食完外賣先發現呢個小驚喜好窩心👍另外一向都好鐘意食佢地個雙重芝士汁吉豬飯！芝士汁真係好出色，係出邊未食過呢種芝士汁，仲厚面皮問可口唔可以多汁，竟然仲可以免費多汁👍而且佢地嘅飯唔係普通白飯，係有咬口嘅珍珠米，配埋芝士汁，輕鬆KO成碗飯😀小店生意難做，會繼續支持的！

東大街一向岀名多嘢食，但我次次都係食果兩間粉麵，今日想搵間坐得耐少少又舒服嘅餐廳，見到有間裝修得幾有懷舊日式嘅感覺就入左去試下，本身以為佢係小店，但原來睇返先知有幾間分店叫佢做日本嘢好似唔係好岩，因為佢啲野都幾fusion，點咗幾樣野都可以分享下:鮮什菌松露芝士烏冬 第一啖覺得幾濃，但食多幾啖其實會有少少覺得漏，有啲似食緊卡邦尼果種感覺，唔係話差，但個人就唔算太鍾意。什菌同芝士都幾夾，值得一讚。清酒雞肉竹笙烏冬 個湯底非常濃，超夠味！有好重紅棗同龍眼嘅味道，不過可能有人會覺得偏甜，但我自己就好鍾意！雞肉都非常嫩滑，唯一缺點係清酒嘅感覺就唔算好岀。鹽燒白鱔感受唔到有調味，可能想帶岀食物嘅原味，不過好似做唔到呢個感覺。

餐牌可以選擇網上落單。環境小巧玲瓏，濃厚日本居酒屋feel，加些少港人情懷。咖喱叉燒豬扒飯，飯有啲涼涼。叉燒肉質脆爽。黑蒜油拉麵，呢個值得推薦。不過份量就有啲偏小了。黑蒜油噶味道以及乾脆蒜鋪滿在拉麵上。拉麵軟而咬勁，加五元可以再選擇烏冬。可惜食完都唔夠喉。最值得寫一下係呢個燒烤，鹽燒白膳，脆而嫩口，不過就得一條，價錢五十幾元🤣數量同分量感覺少左。白鳝，是鰻魚的一種，又称河鰻，廚房已經整走腥味，肉質鮮嫩。

行完龍脊返到筲箕灣已入黑，係東大街食完先走吧看到這間不錯的日本店舖便入去try try 筲箕灣筲箕灣東大街59-99號東威大廈地下7號舖一入門口店員便即時接待，有檯即時坐低用QR code 下單，方便衛生餐牌~點左明太子雞翼 $ 38 3隻 微辣，炸得香脆，明太子餡都出色廣島蠔肉碎烏冬 $ 88有3隻肥大既蠔，烏冬夠煙韌，湯底清清地但有濃厚昆布味豚骨湯叉燒拉麵$ 72叉燒有三四片，肉質好有彈性彈牙艱咬口幾好食，湯底都香濃，拉麵都可以！

見到IG 有人介紹過，想食呢間八沢好耐，一直想試佢個黑松露忌廉海鮮烏冬。今次咁啱去港島到有啲野做，就揀咗東大街店試吓。鋪頭喺正Wilson停車場隔離，一落黎就到咗鋪頭。餐廳服務超好超有禮貌👍👍👍冇得頂！裝修行日本串燒店風格，木系裝修。有Lunch Menu👍👍叫咗個黑蒜油炙燒叉燒拉麵set，同一個黑松露忌廉海鮮烏冬set，兩個都各自加咗一個龍蝦沙律（$28each），是日飲品係熱黑糖玄米茶。龍蝦沙律細細球但有忌廉芝士，兩個烏冬都唔錯，埋單$228👌🏻👌🏻

「八沢Hachi Sawa」嘅招牌黑松露忌廉海鮮烏冬🍜出晒名夠晒濃郁，今日專登嚟到東大街呢間分店試吓😋呢度嘅lunch set 可以揀一個湯烏冬/拉麵/飯送一杯免費嘅自家製熱飲品🍵或者加$10可以揀另外加大杯嘅凍飲，我自己就加咗$28要多個前菜龍蝦沙律🦞🍜招牌黑松露忌廉海鮮烏冬$98嚟到一定要試吓佢哋好招牌，可以話係佢哋店嘅真店之寶連續10年銷量冠軍🏆一上枱見到白色嘅湯底再加一大pat烏克嘅黑松露醬已經覺得好吸引😳一撈埋個湯底仲仲即刻聞到好香濃嘅黑松露味道🤭 即刻忍唔住要飲一啖湯試吓，湯底忌廉味勁濃郁嘅奶香😳 湯底亦都好龍口真係好似飲緊一碗忌廉湯，因為佢完全唔會太鹹或者太油膩，手打烏冬嘅都彈牙，唯一覺得佢啲餸少咗啲，兩三塊三文魚🐟同埋兩粒帶子薄片，不過如果成碗飲埋啲湯嘅話，都真係好夠飽😆🥩黑蒜油炙燒叉燒烏冬$75試咗佢個忌廉湯另外就嗌多一碗黑蒜油湯🧄 呢個烏冬一上枱都好香黑蒜味🤭湯底比忌廉湯鹹少少，側邊有一大pat炸黑蒜粒好香，略嫌啲叉燒太薄同埋有啲燒得太乾🙈 如果可以用半肥瘦嘅叉燒會更好，溏心蛋做得好好，夠晒嫩滑👍🏻🦞龍蝦沙律 $28呢個龍蝦沙律好出色😋 一食落去淡淡龍蝦肉之餘，你會

忍不住要花一點時間給評價，烏冬很滑口，秋葵沙拉好好味，又健康。拉麵湯底有選擇，咖喱吉列豬排飯好野味，叉燒拉麵好彈牙，對我來說，最重要係外賣包裝妥當，衛生，同服務好到位。。。。值得一試。

真係好少寫食評，自從搬離香港區就好少來筲箕灣，尤其這間忌廉烏冬店，雖然烏冬店，裹面其實好多野食，串燒、飲洒，仲有打邊爐Tim ,值得一提佢個啖啖清哂雞煱，佢哋話用日本雞，但我唔識分乜雞，但食落口又真係係唔同，最奇怪就係啲雞煲極都係唔鞋🤷🏻‍♂️的，之前同屋企人嚟食晚餐都會叫。今次難得過嚟香港區，又經過筲箕灣，梗係黎食我念念不忘嘅黑松露忌廉海鮮烏冬喇，再加左啲串燒，回憶返晒嚟，十年前佢哋係對面巷仔開已經幫襯，到現在都keep住水準，值得一提店內高瘦女經理服務好又好細心，經過再幫襯🥰-今次黎仲見到佢地入選埋四大烏冬👍🏻

我係外賣自取，買左盒牛肉掛烏冬。行15分鐘歸家，打開袋發覺冇汁.......汁.............. 未完然後梗係第一時間打電話，諗住語重心長叫佢地以後唔好la。點知我啱啱講完冇汁個汁字，對方二話不說問我姓名電話地址，三話不說就派員工送左上泥我屋企。我除左咁都唔知講咩好。雖然食個麵一波三折，但服務+態度實在好，真係乜火都消哂。值得1+1+1讚。

⭐️黑松露忌廉海鮮烏冬($98) 果然係招牌菜😍 烏冬又滑溜又煙韌，口感好正！ 條條都掛滿忌廉汁，真係好邪惡😈 忌廉汁好creamy好重奶香，但又唔會太油膩👍🏻 黑松露醬份量剛好，配埋忌廉係絕配🥰 海鮮有兩粒炙燒帶子同四塊炙燒三文魚～ 質素正常啦～ ⭐️黑蒜炙燒極濃黑豚肉拉麵($82) 冇諗過呢碗拉麵嘅湯底蒜味咁重😳 三塊豚肉肥瘦均勻，食落好香豚肉味👍🏻 呢款相對忌廉烏冬會清爽啲，係另一種嘅美味☺️ 如果豚肉可以厚身啲應該會更正！

放長假黎東大街道食飯，都已經八點幾，估唔到都仲係間間好多人。唯一揾到呢一間都仲有一張枱，我哋就即刻入咗去食啦。叫咗一個好似係招牌嘅黑松露忌廉海鮮烏冬，黑松露超級香，忌廉汁呢唔係好杰，係kind of湯咁樣，但係自己一人食曬全個嘅話應該會覺得好漏，我哋係幾人一齊share就感覺比較好。同埋叫咗另一個係最普通嘅牛肉烏冬，清清地中和下幾唔錯，比我想像中好食，牛肉好薄但唔硬。仲有一個安格斯牛扒咖哩飯，啲牛肉係真係唔錯嘅，但係個飯整體唔係好夠熱。佢可以加錢($5) 轉烏冬，所以另一個就嗌咗咖哩豚肉烏冬，豚肉非常乾嗰種，唔好order呢個。仲有嗌咗一個雜錦雞肉串燒set﹐總共有六串，其中有一個好似係將啲雞肉同埋雞軟骨MIX 埋變免治雞肉棒，呢個都幾好食，仲有雞腎同埋雞軟骨，正正常常。另外再嗌咗一個厚切牛舌，非常之厚，燒出嚟脆脆地好好食。

下午同朋友去筲箕灣辦事，我哋兩個都未食晏，勁肚餓，就先去醫肚去到東大街，發現之前幫襯過嘅食肆唔見哂，疫情+禁夜晚堂食令好多小店都生存唔到越行越餓，經過一間類似日式嘅小店，有個女人好熱情咁企係門口拉客，我哋就被佢拉咗入去，入去見到無客，已心知不妙。一睇餐牌，無乜選擇之餘，價錢亦唔係外面個牌所寫，求其叫個叉燒野菌烏冬頂肚上桌，祇見碗內得兩舊喑黑色嘅肉，咬落去勁鹹，旁邊一撮仔野菌，但因無處理菇啲腐木噏味，成碗味道極怪，而且超重味精，份量又少，我知揾食艱難但都唔駛整得咁差吖總之食完重要一肚氣，感覺中咗伏最後决定將呢次唔愉快嘅經歷按照真實感覺寫出嚟，希望佢有改善！

這店比以前差了太多啦…. 記得年頭黎食，俾佢個招牌黑松露忌廉海鮮烏冬驚豔左，一直念念不忘，之後發現佢銅鑼灣有分店，就打算再食，點知個時話冇師傅整。 再一次到筲箕灣行山，當然好想再食! 仲帶埋朋友去食，點知唔食好過食，極失望而回，我估都不了。首先，一入到去就俾店員帶到去佢地叫後場既空間食，環境簡陋，仲慘過去連鎖快餐店，好焗促，最得意係所有店員都唔知邊張枱打邊張枱，每次捧餐入黎都逐個位問，去睇，感覺好差，已經好想走，但因為太想食個烏冬而留下。黑松露忌廉海鮮烏冬 – 差差..一上到黎，用匙羹舀左一下，都心知不妙.. 稀左咁多… 飲一啖就知出事，個湯底稀左好多，有味但唔濃，記得上次係好滿足，今次只有失望的味道三文魚好鞋，帶子冇味，朋友說只係整熟左放上去既味道。由於太失望，都冇咩心機食啦，呢間都不了朋友食既壽喜燒火鍋只可以話係正常，但唔值個個價🍴八沢🚗 地址：筲箕灣筲箕灣東大街59-99號東威大廈地下7號舖抵食指數：🌕🌗🌑🌑🌑Encore指數：🌗🌑🌑🌑🌑