八海山 (已結業)

個人喜好，鐘意呢間多過尖沙咀個間，個人感覺係呢間食物質素好ｄ，人既服務窩心ｄ而且好多日本人都會上黎，好明顯好正宗～是晚單拖一人黎到，一坐低已經有人問，張檯上面個風口，大需要關掉麻？問個陣我都仲未feel到大風，只係答唔需要．．．一陣都覺得大風，不過都ｏｋ既～一個人唔食得多野，同埋只係想食簡單食物，所以只係叫左一碗梅既茶漬飯，一個雜錦天婦羅同埋一串厚燒牛舌。好鐘意牛舌, 一厚燒就一定好好味, 呢個都唔例外, 如果可以ENCORE 就好囉。梅茶漬飯係既可以飽肚又唔會食到滯, 呢到既酸梅好正, 再配埋個天婦羅就絕對唔會膩啦~

兩星期前喺銅鑼灣搵日本野同家人食。雖然睇食評好似唔太好，但樓下有個嬸嬸好落力叫大家上去，套餐價錢睇落OK，諗住試一試。星期日晚都好靜，同侍應傾開話係因為呢間餐廳都幾多日本客，星期日佢地休息，平日放工時間會多啲人。當晚我地有房坐，比較安靜，房入面冷氣有得獨立調較，唔會因為有門同外面隔開就太凍太熱太焗，坐得幾舒服。本身打算叫套餐，但經理好熱情咁推薦左好多其他野食，最後散叫。我地仲叫左一啲串燒，軟殼蟹沙津等等，雖唔算非常突出但都幾好食。本身無打算食甜品，但見到有樣炸香蕉幾特別，所以叫黎試下。服務都唔錯，經常有人入黎加水加茶。最後堆單一千蚊多少少，四個人食，人均二百幾，食咁多刺身黎講都算係合理，而且啲刺身咁新鮮！

今早返工一出MTR,突然嗅到燒牛肉味,令我回想起五個月前食過GE網燒牛肉 好想食 於是約埋兩位同事一齊去食LUNCH下午1點幾到達,出面坐滿人,所以我地就入左大房!! 一坐底,我地3個已經好有目標地order.因為已經好餓我要左網燒牛肉定食,而兩位同事就要左親子定食(即係三文魚+三文魚子壽司飯)先黎左3個蒸蛋, 嘩! 成個杯滿晒...味道適中,蛋夠滑! 第一道已經滿意地pass左之後好快再黎兩客親子定食,魚生新鮮,麵使湯味道適中,仲有D鮮甜,原來加左三文魚連骨係入面當同事食左一半,我GE網燒牛肉先黎,雖然有D耐,不過始終係燒物等一陣都OK! 賣相吸引,同事忍唔住想先試一塊...係咪好好味呢?? 同事即刻話下次要再黎,同埋已揀定order網燒牛肉隨餐仲有附送橙 & drinks...一杯凍檸茶,兩杯橙汁, 唔該!P.S>由於LUNCH time 時間有D趕,所以冇影相! 雖然個阿姨廣東話不太正,但服務很好! 每一台客都照顧周到!

(以下係由男朋友打既)星期日晚同女朋友去食,,見樓下有個呀姐派傳單先有留意到,一上到去得2,3台人,已經心知不妙,但係因為見佢小人所以會坐得幾comfortable,,就座低左 一坐低,,就即刻拎黎2碟"前菜"(其實係麻油+連藕and羅白) 叫野食,叫左個seafood 炒飯,三文魚壽司,一窩蜆湯,一板海膽刺身,一串燒雞腎,一串雞翼,,而係我地叫到第4樣野,,個女人就講"得4樣咋wo" 真係俾個good你..... 野食黎得好快,,三文魚壽司,d飯係暖ge,,蜆湯就好咸,串燒普普通通,炒飯好細碟(食得出係叮返熱),得個海膽刺身係好食($68) 好,,食完,賣單,,,竟然收我$302,,,,我睇下張單,,,"前菜"係20蚊份^o^,,個海膽刺身原本係180蚊,,但係張單寫優惠減左$112,,嗯,68蚊無錯,,,但係睇真d,,個加一服務費要$38蚊,,,明顯係當我個海膽似身係$180 黎計加一,,仲要唔收5毫子! 結論: $302 2個人,,,好似無食過野咁,,,拎去食放題不知幾開心,,呢間野又唔好食服務又差,,,最重要係好貴貴貴貴貴

日本料理小店，地方不算大，裝潢普通。有兩三間房，應可供包房開派對。午市套餐五六＋元起，都算相宜。主菜來之前奉上蒸蛋，頗滑，內有雞粒、蟹柳、白果及香菇，都算唔錯。主菜試了滑蛋豬扒飯，醬汁調味不俗，但炸豬扒浸在當中始終有減香脆口感。豬扒鬆軟度合預期，滑蛋混飯吃頗合適。同枱好友吃壽司定食，壽司賣相都唔錯，淺嚐了帶子、甜蝦及三文魚刺身，帶子幾甜美，甜蝦甜度一般但口感不俗，三文魚厚切有質感，都算肥美，整體評分不錯。湯烏冬湯底略鹹，烏冬品質中等。飯後有鮮橙一件，同樣多汁甜美噃！定食應有咖啡果汁餐飲，忙中忘記點選，店方又無加以提醒，OMG！

當日光顧銅鑼灣八海山日式餐廳午膳，點了一客三文魚刺身魚籽飯…到開飯喇，覺得不對勁！所謂刺身(叫魚片貼切些)，很多部分顏色是泥黃和灰瘀色？擔心不新鮮，遂向店員反影。由於地方不大，壽司師傅亦聽到我的疑問，並與店員聯聲回答，說這是三文魚背部位，灰色的是魚皮和油脂，無間題的。既然這樣，惟有照食喇，幸好沒有怪味。不過，食了一口之後，發覺牛筋腩食得多，食魚筋腩還是第一次！於是再向店員反影刺身又靭又有渣，但得到的回應，居然是:『食雞都有不同部位喇！』言下之意，『刺身』不一定是魚腩或魚身，可能和可以是其他部位，看你彩數。『全背刺身』- 我食三文魚刺身食剩九成也是第一次！如此特式刺身，我向店員說會拍下來上網嘉許！估唔到店員亦十分自然大方地回答：『隨便你』。如不表揚，豈不是唔俾面？

原本打算跟男朋友慶祝, 吃一餐豐富的, 怎料....其實食物質素是不錯的, 可是服務態度真令人受不了選擇這間餐廳的原因是因為看見有promotion單張有2人晚餐, 價錢都跟其他日本餐廳差不多我們就想試一下我們沒有拿單張上去, waitress招呼我們坐下後, 我們看餐牌, 但沒有2人餐的選擇男朋友問waitress有沒有set dinner的, 她說: 我地得散叫架咋, 無餐叫喎 我們說看見單張有2人晚餐怎料她說: 咁你又唔拎張野上黎? 結果我們說下去再拿上來, 她才拿出單張給我們然後用極不滿的態度跟我們說: 係唔係要2人餐呀? 一直都吃得很不爽, 到最後結帳的時候, 小吃是要加錢的! 20元一個..這實在是太令人氣憤了! 但食物的確是不錯的! 但我覺得假如服務態度差, 就算食物再好吃,我們都不會再去的!

Prelude:As a rule of thumb, if a restaurant has to hand out flyers, and has advertisements on the lift, it's a sure sign that it's not popular. We went to almost every floor of Kyoto Plaza - the chinese hotpot restaurant was fully booked, and another jap restaurant was incredibly expensive. So we ended up choosing this restaurant. Bad, bad choice. I should have trusted my gut judgement.Food:We ordered Salmon sushi (3 for $22). The price sounds not good for a middle class jap restaurant, but the

我同媽咪兩個人諗住食宵夜, 入座等5分鐘並唔係因為客多, 而係d waitress未汁台.等左30分鐘終於肯黎碟燒鯖魚. 以為整咁耐有幾好食, 點知比吉野家還要差! 又乾又韌! 鹽燒中蝦又係得個乾字, 痴哂殼既!等左40分鐘個清酒煮蜆都仲唔黎, 問個waitress佢話整緊. 再過5分鐘問第2個waitress, 佢話"清酒煮蜆晏奏已經賣哂喇喎, 乜同事冇話你知咩" 好野!! 我真係冇野好講!淨返個個蟹粥已經唔想再等, cancel左埋單即走!真係好想入廚房睇下佢整咩要整咁耐!身為一間日本餐廳, 員工連一d基本既禮貌都冇! 隔離枱埋單, 個waitress可以因為就手, 伸手跨過我地收錢食條鯖魚+兩隻$25既中蝦, 埋單$140, 完全唔值!

本身沒有寫食評的習慣, 但呢間 restaurant d 服務太差 la, 而且 d 價錢又貴, 不得不寫 價錢貴 : 1. 前菜每人 $20 (一定要收) 仲好難食前菜是一粒俾迷你冰皮月餅仲要細 ge 白蘿蔔, 而且味道仲差過小 販檔豬紅蘿蔔2. 壽司質素一般, 但收費貴, 我同男朋友兩個人係去食宵夜, 淨係叫左壽司同一客金菇肥牛卷, 咁就要俾 $3xx 好唔值得!!!!!3. 嘗試收多我地 $$佢話有一道菜有半價, 但埋單時收左全價, 同佢地理論時先肯減返一半, 即 $125, 如果我們唔望張單, 咁就俾佢地收多左 $$ la 質素一般:1. 有 d 壽司 (e.g. 三文魚籽仲好唔新鮮)2. 金菇肥牛卷好多油, 好濟3. 其他壽司質素一般服務超差:1. waitress 好被動, 唔叫都唔會幫我地加水, 日本餐廳出名服務好, 我未試過去一日本餐廳要吖人加水 ga lor !!!! p.s. 當時一d 都唔忙, 得5-6 位客人2. waitress淨係識得翹埋雙手傾計, 都唔理 d 客人 3. 上菜速度: 慢過蝸牛, 要30 mins 先上到一道菜, 但佢地又唔係忙 真係

食物很普通但態度真是差到無可再差第一招, 扮睇唔到; 你用手叫佢埋黎, 又見唔到, 到大聲叫, 又聽唔到。所有員工都又聾又盲第二招, 用停止的手勢叫你等等, 但是一等再等, 都是等第三招, 大聲鬧你, "未得丫ma,得會比你啦, 排緊隊家ma, 成室房大把客"第四招, 死都屈個客錯 "你可以賣單, 咪唔使等囉"等一個蒸蛋, 等了一個鐘又多, 十分鐘又十分鐘, 十分鐘又十分鐘, 2個鐘都黎緊頭啦唔通我由食午餐坐到食晚餐咩?!我唔知是咪間野大到坐到成千人, 可以要客等咁耐, 仲要"喝"人香港人止步!!!!!!可能是比日本人食Only

去到很多位已滿座，同waiter講話兩位就坐​喺門口等，點知有另一pair客人行入去佢就揾位俾人坐，即刻嘈​佢，佢先揾到張枱俾我。叫野食，餐牌有兩個都係寫三文魚刺身，一​個$35，一個$68，我問佢有乜分別，第一個waiter唔識​答，問第二個，佢竟然答我價錢上有分別，就走左，問第三個先知係​厚度上有分別！跟住佢攞左兩碟前菜來，買單先知要收$40。無俾​筷子要問佢攞，食刺身又要問佢攞wasabi,佢拎走碟刺身去廚​房加，之後拎左碟野去第二枱,又成日拎左隔離枱的餸來，等左9個​字仲有一碟餸未來，叫左個侍應幫我追，跟住再等左陣，再追，佢扁​咀，再返來先話無落單，我白白咁浪費哂啲時間！！整體食物味道好​一般，等候時間長，serve過我張枱的侍應無一個態度好，一個​乜都唔識，一個高傲，一個唔做野，一個亂答問題！無一個有歉意!!佢令我食得好唔​開心！補充:整體食物味道一般, 唔難食, 我去的時候食刺身拼盤有半價, $280變$140.食左個一口芝士,芝士焗帶子,都ok環境都似日本feel, 有細房提供,有好多支酒有人名mark左唔知係咪飲唔哂可以留低個隻..都幾多日本人去食(所以以為ok)總結都

中上價錢的日本菜, 環境尚舒適, 吃了數碟sushi - <普通沒特別>燒鰻魚玉子 - <厚切, 蛋味很重的燒玉子>牛肉鍋飯 - <很香, 都不錯的>芝士年糕 - <有口感, 淡淡的芝士味, 剛剛好>炸蝦卷 - <買相差, 散散地, 味道ok>鴨胸 <一般>~~~~~~~~~~事實上食物普普通通, 以這樣的價錢有更多其他好選擇!!! 而且份量較少, 不值這價錢~星期五晚市時間, 早兩日訂定台, 接線生的態度不太好, 想request三人的房仔, 反問: "點解一定要坐房? (我係客, 我有權要求吧, 有就有, 冇就冇, 仲問咩點解一定要??)侍應落order極慢, 寫唔切單, 重覆了幾次才完成, 心情開始差, 食物上菜速度尚快, 味道不錯, 賣相卻比較求其~~~幾個朋友傾得興勃勃, 吃完後很快收哂台, 很快催賣單, 都明白都要做生意既, 但係比得咁既價錢係度食, 當然係想傾下計, 如果唔係, 去茶餐廳食快餐都得啦, 洗鬼黎呢度食!!! 呢樣都算, 賣單時發現放在空位上的手袋被類似豉油汁弄污了

first we wanted to try 風月堂, when we arrived it's already a long queue of 7 tables ahead. so we randomly picked this one.it turned out to be a nice lunch.i ordered the set of raw fish + sushi rice, with steamed egg, a slice of orange, miso soup, and orange juice.the fish is fresh with nice texture, and the quantity is also generous, given the price of a lunch set.steamed egg is very hot, it's nice as well.nothing special to mention with the fruit and miso, just so so.i'll definitely come again f

我本身從來都冇寫過食評，但今日呢件激氣事件真係要講講 今日去八海山食lunch，我地三個人叫左三個餐。等左5分鐘先有杯茶，30分鐘先有個前菜(送蒸蛋)，45分鐘先有主菜!!!!!! 解釋話因為多人，lunch time 多人都預左，但要九個字先有野食就點講都講唔通啦。我地係坐響間房入面，入面有三張四人台，三張六人台。房出面仲有其他台，如果個廚房係接唔到咁多客，就應該唔好開咁多台啦!!!我地途中一路都有吹D食物，次次都話來緊來緊!!!! 到D食物終於來啦.....1) 迷你魚生飯 (跟淨烏冬) ： 淨係來個烏冬，到個烏冬食完魚生飯都未到。2) 牛扒定食： 來個牛扒同白飯，面豉湯又冇左。3) 咖喱豬扒飯： 今次就來齊。餐茶：橙汁，奶茶，咖啡，檸茶，檸水。點知到我地落單叫餐茶就話冇檸茶或檸水!!!! 真係火都來，隔離台先剛剛有三杯檸茶放底。如果未去過可以唔駛去，去過就唔好再去啦!!!!!!!!!