八海山 (已結業)

昨晚, 2 人唔知食咩好, 去到京都廣場求其搵一間食飯, 去八海山試一試, 一座低, 有2客前菜,好似有d日本豆腐皮絲&唔知加咗什麼絲之類, 味道ok !我哋叫咗 :汁燒牛肉飯豬軟骨拉麵2 隻餃子雞亦 2 串煙肉???糕串 (中間夾咗d灰糕整體味道ok, 服務ok, 不時給我們加茶, 環境ok, 有日本居酒屋的感覺, 只是牛肉就硬咗d!Total : $206! 哇! 原來前菜每位$20 再加一, 真係貴咗d!

星期五晚八時多, 當整個CWB都擠滿找地方食飯的人群, 我倆無意之間發現了這個小小的地方.這兒是難得每個客人都沒有"被趕"的壓力, 可以舒舒服服吃飯, 也可坐一會兒談天的一家小店.雖然沒有訂位, 侍應仍然願意讓我們坐入房.是有梳化, 夠一家三口坐的二人小房.從有日本客到訪, 以及食品質素得知, 這裏該算是傳統日本餐廳.壽司size及比例均很適中, 三文魚夠新鮮之餘也不太薄.最要推介汁燒牛肉窩飯, 汁的份量剛剛好, 沒有飯焦, 很多洋蔥以致整個飯很香, 又不會膩.芝士年糕外脆內軟, 粟米沙律OK.唯一不滿意焗帶子是切碎的... 又沒有芝士味...侍應的service不錯, 雖是坐房都很sensitive.不過前菜&茶另收$20...@@ 雖然那個豆腐很好吃, 也不用這樣貴吧......"||anyway, 能以適中價錢在CWB吃一餐安樂飯, 已經很好了~

今日係同老公貓慨相識紀念日，行過銅鑼灣，見到呢度勁多人派傳單於是去咗六樓的「八海山」因為68$一板海膽！！！海膽！我至愛呀！一上到去坐底，嘩！咁多日本人慨？！唔理啦！即刻叫一板海膽先！跟住再同老公再研究餐牌！卒之叫咗以下食品：葱碎拖羅法包牛油帶子豆付夾海鰻洋蔥沙律三文魚、帶子蚧子手卷地獄餃子鍋******先講海膽，好新鮮！好味！抵！法包呢，如果真係可以留黎做早餐or下午茶就正啦！牛油帶子，餃子鍋，大路野，不過不失豆付夾海鰻，我中意呀！同洋蔥沙律！呢兩樣野，帶比我無限美味呀！真係冇諗過會咁美味哦！手卷紫菜脆料ok吖不過後尾唔夠，叫多個雪菜炒飯，又一好味之作！******侍應們個個都識講日文咁喎！都幾好feel吖！加荼都幾勤！******我鄉下妹第一次寫食評，寫得好開心！

同honey 去晚飯, 食咗:1. 三文魚刺身 : 新鮮2. 甜蝦及帶子手卷 : 一樣, 新鮮, 紫菜夠脆幾好味3. 炸蟹肉薯蛢 : 超好味, 外面個皮炸到好脆, 入面d 薯蓉真係好蓉, 熱辣辣4. 炸軟殼蟹天婦羅 : 這個ok, 同出面食開的差不多5. 芝士漢堡扒 : 無乜特別6. 日式窩蛋牛肉飯 : 這個幾好味呢間係一間好傳統正宗的日本料理店, 見到有好幾圍日本人的客人包咗房食....所以味道一d 都唔質疑, 價錢唔算貴可是特式欠奉, 久唔久一次都ok~

(有相) 好孩子好唔好食第 261 回: 只要一客吞拿魚配法包@銅鑼灣八海山http://hk.myblog.yahoo.com/goodboy_philip/article?mid=32561又經過銅鑼灣京都廣場, 望下門口? 食飯時候永遠都有條龍企0係門口, 睇睇棟樓 d 食店, 又真係幾多 choice 既! 同銅鑼灣鑽石大廈既日本野相比, 京都廣場 d 食店較適合好孩子口味, 一於繼續逐間試! 今次試下八海山先! 好唔好食? 又睇落去? 地址: 銅鑼灣駱克道491-499號京都廣場6樓 Menu 野食選擇多, 中英日文對照簡潔有圖; 裝修間隔方面, 私人房間係比日本人既, 出面就香港人, 我覺得出面既燈光幾暗, 坐得唔太舒服...意大利風吞拿魚法包: 之前0係同一棟樓食過 "穴" 既拖羅薄脆, 八海山都有相類似既意大利風吞拿魚法包。沙津醬混吞拿魚碎配上法包, 吞拿魚碎滑滑地唔油, "挫落" 一聲咬下爽脆法包, 連埋 thick thick 地既沙津醬, 味道醒神! 如果可以當早餐真係唔錯!芝士明太子焗薯仔: 個人比較鍾意濃味既芝士, 薯仔下面全部都係紅紅的明太子, 一定要撈埋食

八月廿六‧陰天很久以前吃過尖沙咀店，感覺一般，已多年沒有再幫襯，是日練習完畢，很熱，沒有胃口，只想喝口生啤，吃些小吃，想起這裡，就一個人來了。周四的晚上十時，來到門口卻看到牌子寫著「本日終了」的﹝就如舖面相示﹞，心一沉，以為摸門釘。一問之下，原來是掛錯了牌子，為何這麼的不小心？也不知是不是因為這個原因，餐廳沒有什麼客人的。我一個人也可以坐進對窗的個室內，居高臨下，景致不錯。先來生啤，這裡是間日式局酒屋，但只有生力，有點失望，但也都照喝。要點些吃的，就簡單的要了海膽長芋、厚燒玉子及天婦羅茶漬飯。海膽長芋盛在一個雞尾酒杯子內，賣相不錯。但原來長芋是切成一條條的，跟口感滑溜的海膽是完全扯不上關係，跟心目中的長芋蓉是兩回究。結果長芋有長芋吃，海膽有海膽吃，這道前菜的設計，有點不明所以；厚燒玉子真的燒得幾厚，味道偏淡，不甜不鹹，不喜歡。口感不鬆化，沒有層次感，是不及格的玉子燒；天婦羅茶漬飯也一般，天婦羅脆漿下得太厚，浸在清湯中變成了更厚的一層濕粉，要將之除掉才好吃一點。泡飯就不錯，起碼是正正常常的，不過如果可以加幾塊紫菜就更好了；食物一般，但幾位女侍應服務都很好，值得一讚。埋單二百五，只屬一般。

九月廿九日, 又係去《八海山》!而家基本上冇特別嘢想食既日子, 就會去呢度食晏啦~今日個日式便當既餸唔錯, 所以全世界都係叫便當食, 先嚟蒸蛋, 都係同上次一樣幾好味!跟住係便當, 今日有龍蝦沙律, 超正呀!!而今日既餸係燒鰻魚同炒雜菜餅, 燒鰻魚確係正, 但估唔到個炒雜菜餅都幾好味幾大份喎~又一個唔錯既午餐!更詳細資料及圖片請看 : http://hk.myblog.yahoo.com/joycewai616/article?mid=11216

九月廿四日, 又係忍唔住同班同事出街街食飯啦~我哋今日又去噃其中一間堂《八海山》,因為是日便當都幾吸引, 係汁燒牛肉同炸墨魚餅呀!嚟到落單都唔駛諗啦! 五個人有四個都係叫便當,今次仲好 lucky 係我好鍾意食既龍蝦沙律呀!!汁燒牛肉既份量仲幾多添! 今次既炸墨魚餅亦畀上次整得好食, 可能因為冇咁燶啦!而啲三文魚亦算唔錯, 當然唔少得我好鍾意食既玉子都好味呀!至於仲有一份同事因為唔食牛, 所以叫咗個「天婦羅鍋物」,個底係烏冬, 賣相都好靚仔呀! 乜都有啲, 仲要勁熱囉! 職員都即刻幫我哋開大少少個冷氣呀! (我哋今日坐細房)之後我哋見到出面檯有人食緊個「壽司定食」, ($58)個賣相好靚架!! 好似都得得哋咁喎~~ 有機會試吓先~~更詳細資料及圖片請看 : http://hk.myblog.yahoo.com/joycewai616/article?mid=11056

今日天氣轉涼~見到tamama凍到震下震下~於是就近近地上左黎呢間係mtr出口嘅日本野度食lunch~上到去一個人都無~已經係十二點幾~真係有d得人驚!!不過之後都陸續有人來先定d~我要左是日便當~tama就要左豆腐牛肉鍋燒定食~一落完單~待應即刻拎左兩碗蒸蛋來~麻麻地~kero自己整個d仲好食過佢~是日便當先來~有油甘魚刺身三塊,玉子鰻魚卷兩塊,洋蔥煮牛肉餅一塊,蟹子沙津少許,醃菜少許,麵豉湯一碗,白飯一碗~油甘魚刺身ok新鮮~玉子鰻魚卷唔得~洋蔥煮牛肉餅就普通~其餘普通野唔講~整體來講算ok~再來豆腐牛肉鍋燒定食~呢個真係唔多掂~豆腐幾滑~不過牛肉勁"鞋"~過熟了~鍋中嘅湯係甜嘅~但佢甜得黎又唔夠濃~總果係令d牛肉好唔掂!!真係唔recommend食呢set)!送簡單野飲~不過好細杯~~埋單仲要加一~唔係好飽~兩個人食接近一舊水~最後決定俾個喊面佢~因為好簡單嘅牛肉都整得唔好食~不過可能會俾多次機會佢試下佢d燒物~

14-12-20080係銅鑼灣想食個水準日式 lunch, 選擇其實多的是, 但要平又要好食, 就一 d 都唔易, 而呢日同朋友撞了上0黎呢間居酒屋, 就因為睇了食友天平貓貓連續幾篇的食評, 知道呢度有幾平又好似不錯的 set lunch 供應. 12:30pm 坐低, 佢先好似0岩0岩開門咁, 冷氣都未開, 環境幾焗, 但冷氣一開0左後, 就吹到頭都痛, 真係 -_-" 唯有快叫快食快閃!叫了鍋燒烏冬定食 ($48; 跟蒸蛋, 一「楷」橙及餐飲):- 蒸蛋: order 0野食後 1 分鐘就有得食, 唔知蒸好放0左幾耐? @_@" 不過好在佢仲係熱的... 蒸蛋配料有日式魚蛋, 蟹柳及白果, 味道 ok, 不過完全唔夠滑, 而且面頭塊日式魚蛋係樣衰又難吃, 食落又乾又硬, 整體印象麻麻.- 鍋燒烏冬: 將隻半生蛋撈到 d 熱辣辣湯內, 果然香唔少, 感覺不錯. 烏冬唔算彈牙, 但出奇地幾煙韌, 意料之外! 蝦天婦羅一早已浸濕了, 加上炸漿厚得過分, 唯有自行幫佢「去皮」, 淨食隻蝦, 都幾爽口吧; 仲有件燒雞扒, 肉滑又醃得入味, 幾好食; 其他配料有識得自行發大及「

收到傳單,膽粗粗來試一下. 從未試過在這大厦吃日菜,看看有否卧虎藏龍.我較遲到,爸媽已在吃.這裏有很多獨立房,有些只有一張細枱.最少找了三間也找不著,原來是在最後一間,亦是最大的一間. 房內除我們一枱之外,還有另一枱2人的,一枱3人和一枱7人. 但坐在外面大廳卻不及這裏熱鬧.侍應奉上熱茶及餐牌,餐牌內的選擇蠻多,有壽司set($58),6件壽司加兩件加洲卷和烏冬. 這日放棄了壽司set,因第一次光顧,不確定刺身是否新鮮. 最後選了三文魚魚子飯定食($50).爸媽分別點了照燒雞扒定食($42) 和燒鯖魚定食($48). 樣子不俗,雞扒定食沒太特別,但他們則大讚燒鯖魚有水準.不到5分鐘,我的定食已到,可能是生的食物,所以較快,他們的定食據聞等了15分鐘.三文魚魚子飯賣相討好,用一大片葉子盛著魚子,好讓兩者隔開,三文魚子很多. 而三文魚則厚切,有大約4-5片,沒大驚喜,但以價錢論是可以的.另有一片蛋. 飯不算多,女生來說夠飽.定食還有蒸蛋,麵豉湯,一片 橙. 每份定食都有一杯飲品,咖啡,奶茶,檸茶/水,橙汁.午市價錢不貴,但鑑於這大厦有過半餐廳為日本菜,競爭較大.但這店服務和食物質素也不錯.

九月十九日, 今日唔想諗食乜, 又走噃嚟飯堂「八海山」, 因為呢度既日式便當日日唔同款, 所以成日嚟都唔會話怕悶既~~都係一人一個日式蒸蛋, 依? 點解今次啲蒸蛋唔同咗既? 片日式魚旦同葉喺面喎, 蝦柳同白果就仍然喺底, 同埋係咪唔同咗師傅呢? 鹹咗啲, 啲蛋又蒸到多咗水泡喎~今日既便當麻麻哋, 係炸蠔同韓式泡菜, 只有一位同事叫咗嚟食, 佢話啲泡菜真係幾辣喎!而其他人就叫吓佢其他午市定食, 我就試咗「汁燒牛肉飯」($48), 真係幾好味呀! 嘩! 份量仲勁多, 啲餸有半個碗咁多, 但係底度啲飯都有兩碗半呀....最後真係食唔錯, 食淨咗成碗飯啦! 我諗男仕一定好啱食!!然後係同事既燒雞扒飯 ($45), 呢度既燒雞扒確係幾出色架!另一個同事既「天婦羅烏冬」($48), \嘩! 原來咁豐富架~ 有成兩隻天婦羅蝦架! 不過同事話個湯底就普通咗啲, 得豉油味喎~仲有「鮮牛肉烏冬」($42), 都好似好正咁喎~ 唔多肚餓既時候食呢個就啱晒啦!其實呢度既午市仲有好多嘢食架, 不過我哋都懶諗, 所以多數都係食便當囉~更詳細資料及圖片請看 : http://hk.myblog.yahoo.com

九月五日, 都係諗唔到食乜, 同埋大家呢個星期以嚟都工作到好攰好攰,冇心機諗食乜下, 又再重覆去噃《八海山》, 反而呢度既便當日日都唔同餸。依? 今日個日式蒸蛋好似多咗啲喎??!麵豉湯合格, 但都係鍾意《穴》果碗麵豉湯多啲。沙律就麻麻, 係通粉蟹子沙律, 不過仍然有噚日既三文魚刺生同玉子, 正!可惜今日係炸薯餅, 普通咗啲, 但啲燒豬頸肉又確係幾好食, 仲好食過好多中式或港式餐廳添呀!!呀! 成日都唔記得講, 其實呢間日式料理個便當餐係可以添飯架! 添幾多碗都得呢!!更詳細資料及圖片請看 : http://hk.myblog.yahoo.com/joycewai616/article?mid=10672

九月四日, 冇帶飯既我又要跟大隊出街街食飯,今日諗唔到食乜, 再嚟《八海山》, 因為打電話去問時, 知道今日既便堂有炸蠔呀!原來佢個日式蒸蛋杯日日都唔同款架喎~ 不過裡面既料係一樣既~嘩! 炸蠔有成三件咁多, 仲幾大件幾肥美, 食落都幾正, 啲汁亦唔錯, 仲有沙律醬畀你自行選擇, 只係唔夠熱啫~沙津係日式芋絲之類既東西, 普通, 不過今日刺生有三文魚, Good 丫! 仲有件玉子, 出奇地好食喎~至於個墨魚餅, 雖然賣相麻麻, 但原來都好好味! 裡面勁多墨魚, 幾爽口架! 今餐大家終於試到佢既炸蠔, 原來真係幾好味, 唔會淨係得啲粉,同埋發現我哋早兩日喺《麵屋一平安》坐隔離檯果幾個日本人都一齊嚟呢間幫襯呀!更詳細資料及圖片請看 : http://hk.myblog.yahoo.com/joycewai616/article?mid=10668

九月一日, 今日終於畀啲同事帶咗我去《八海山》試吓佢哋成日話好得既日式便當,便當會跟一個日式蒸蛋, 個蒸蛋都幾有水準, 不過唔鍾意佢個底有粒白果...便當有麵豉湯, 一個白飯, 一份沙律, 一份魚生, 一份燒物, 一份炸物, 仲有一少份生果添!今日最正係個沙律, 因為係龍蝦沙律嚟架! 裡面又溝咗啲蟹子, 勁正!!燒雞扒之前同事們已經話好食, 原來真係幾好味, 呢間啲師傅做既燒物都好得架喎~炸豆腐普通, 炸得重手咗少少, 另外今日份魚生啲魚麻麻, 有啲鹹魚 feel, 即係腥腥哋,不過對於鍾意食魚既我都冇問題, 但對於一位唔多鍾意食魚既同事就覺得好難食!另外仲有杯餐茶, 可以叫檸茶、咖啡、奶茶或橙汁, 我今日叫咗奶茶,但好失望, 杯奶茶好淡呀....... 同埋等咗好耐好耐 (約二十分鐘), 吹咗三次先嚟飲品...不過同事們話啲橙汁最好飲, 有啲橙肉架, 下次都係飲橙汁好啲!呢道都好多日本人嚟幫襯, 日日都見到有三、四成日本人嚟, 但係呢度既老闆娘態度真係幾麻麻, 我哋初時坐個位勁凍勁大風, 叫職員幫我哋開細啲個冷氣,可惜開細咗都係咁, 我哋頂唔順, 再同職員講, 職員就同身旁既老闆娘細