冰極餐廳

营业中

休息中

好耐冇去過海洋公園啦，冇咩做去海洋公園走返轉玩下輕鬆下都唔錯，睇下熊貓睇下海獅睇下海豚真係好治癒呀！今次去終於冇食麥當勞餐啦，因為食一個餐都差唔多 $100，不如入餐廳坐低食個飯好過，今次去左好有極地 feel 嘅冰極餐廳，佢地岩岩搞緊呢個「北海道祭」，係北海道嘅精選四道菜式套餐，1. 燒北海道半殼帆立貝配素冷麵，原粒帆立貝稍為燒左下，味道非常鮮甜，而冷麵配上獨特醬汁令人食指大動！2. 男爵薯蓉忌廉湯伴黑蒜，個湯嘅味道嘅奶香超強超香，而個湯感覺好足料，因為真係好溶下，而黑蒜調一調個味有另一番風味！3. 香煎北海道 kamikomi 豚肉柳配黑毛豆蓉，我已經好耐未食過咁好味嘅豬扒，肥瘦適中，重點係唔硬，好易入口，超正，撈埋豆蓉一齊食好 match！4. 北海道 3.6 牛乳布甸伴藍靛果醬，最後唔少得甜品，牛奶味亦好強，個果醬嘅酸甜同個牛奶布甸相輔相成！另外叫左個北海道特色小食拼盤，有北海道男爵薯餅、北海道柚子豚肉腸、北海道印加薯仔角，各有特色，一班人 share 就最好不過！黎到一定要食呀！

每次黎到海洋公園，行完南極館同北極館，就會去呢間餐廳食。佢既味道未必最好，價錢都係主題樂園既價錢，但一邊食飯，一邊可以睇住企鵝行行企企，都幾特別。今次叫左一個招牌沙律，企鵝薄餅，豬肋骨同小食拼盤。個沙律幾好食，不過$168得個少少，食得唔夠下次要叫個兩人份量既，都係$228！個企鵝薄餅都唔錯，但比起早兩年食，份量變細左無左好多芝士，得個樣無話好好食！個豬骨好好食！好入味同軟身！小食拼盤有雞翼，吉列豬扒同芝士薯條，吉列豬扒有驚喜，好juicy

男朋友生日一早預備了一天的行程就是去海洋公園啦想同男朋友係樂園食餐好特別既午餐所以就已經做定資料搜集見倒有一間餐廳可以見倒企鵝喔就想book la但太遲了，要早一個月訂但餐廳說有一半位都是for walk in 就只能遠距離望住企鵝咁我都放心啲因為男朋友係正日去，所以有coupon係話消費滿150元就可以送蛋糕啦呢間餐廳有每人最低消費100元喔我地叫左個小食拼盤（208）好好味喔兩個人食都好充夠另收加一服務費食到差不多，就請服務員上蛋糕真心覺得呢個蛋糕好有誠意雖然佢係免費，但都好精美仲要係好好味士多啤梨慕絲蛋糕好甜心地已經一早點上 蠟燭因為有呢一個免費蛋糕所以我真的覺得呢一餐性價比高

每年最重要的日子就是12月31日除了是除夕亦是皇太后的壽宴爸爸姐姐和我特登請假陪佢去海洋公園玩排了一個小時才進場 已經12點半即刻搭海洋烈車到山頂睇極地動物雪狐和企鵝超級可愛 海象們好像表演一樣睇完有點餓 乾脆在旁邊的冰極餐廳食飯如大家有心食這間餐廳 先下載app拎左飛先再行旁邊的館 不然就好似我地咁等成個鐘幸好安排左坐企鵝前面既檯！等咁奈值得晚上我們食燒肉放題 所以只叫了兩樣野首先來的是意式水牛芝士薄餅餅底是薄批夠脆 水牛芝士拉絲但嫌不夠多蕃茄比較酸再加上黑醋更加酸火箭菜不過不失 整體不過不失 再來的是帶子忌廉天使麵(不記得全名)兩人份量上檯有點驚訝 真的滿多意粉碟上有可愛的企鵝 加分！帶子幾大粒 輕輕煎一煎唔會太老太熟天使麵有不少煙肉粒 忌廉creamy唔會太膩這個麵比薄餅更好食 推介最後企鵝也餓了 到他們開餐全部企鵝衝去餵飼員 超級可愛！！用左生日coupon 8折4百幾蚊埋單睇企鵝都抵啦！！

今年係第二年黎啦☺️又係生日入黎食今次坐到跟玻璃位，如果係好鍾意企鵝又想好近既就可能要早小小去拎左位先😁因爲都多人坐好易full 。今次叫了四樣嘢食都非常不錯👍🏽😋😋

今日約咗一大班朋友入海洋公園玩，其中一位朋友特別要求要去企鵝餐廳午膳，即係這間冰極餐廳，之前一日打電話嚟book九人枱，但來到之後發現張枱距離企鵝太遠，我們要求分兩張細卡位，可以近一點欣賞企鵝的泳姿。室內燈光較暗，地方唔算大，最近企鵝大概有五至六張細枱，其他枱嘅位置分別在距離企鵝有幾遠。這裏最多是一家大細，門口泊滿BB車，有供應兒童餐。餐牌上其他嘅選擇尚算多款式，有小食、主菜、海鮮、肉類、意粉、飯、薄餅等等。我們這邊枱選擇了四款食物share，包括:邪惡蛋勁好味~鹹蛋黃薯條，薯條好大條，每條沾滿鹹蛋黃醬，美味極了！二人份量忌廉汁煙肉帶子意大利幼麵，份量好大，忌廉汁好香好滑，帶子好彈牙。勁多醬汁墨西哥雞肉餡餅，餡餅夾住雞肉及芝士，上面加了許多墨西哥番茄醬及牛油果醬，多重味覺享受，十分滋味。超可愛招牌海鮮企鵝型薄餅，薄餅底超薄，脆卜卜，上面鋪滿好多海鮮，有带子、蝦肉、青口等，醬汁唔算多，太多的話餅底唔脆。每人都選擇了特飲~"企鵝舞曲"，酸酸甜甜，相當醒胃。

好開心第一次嚟冰極餐廳食飯見到餐牌新出左個“低碳套餐”而食物全部都是用新鮮同有機食材煮法好健康，所以點了這個套餐這個是“有機本地薏米雜菜湯” 此湯清清地好清甜薏米加埋雜菜好特別。“新鮮有機田園沙律百香果蜜糖波羅汁” 沙律食得多但加左百香果既未試過，新鮮百香果好得意一粒粒果子硬硬地酸酸甜甜配上有機疏菜好夾好健康。“香濃本地走地雞肉醬配有機意粉” 雞肉碎加蕃茄醬好野味唔會太酸。生日有張coupon 是送一杯鮮橙果汁...正餐飲我揀左鮮磨咖啡，很喜歡佢哋比既係熱鮮奶加落咖啡到特別幼滑香甜。最後就係甜品“士多啤梨有機豆腐蛋糕” 這個蛋糕有香豆味一層豆腐慕絲一層蛋糕好軟綿綿再加埋士多啤梨醬就算已經好飽都可以食得晒

外面天氣很熱入餐廳食飯就最舒服，見到餐牌有個低碳兒童餐小朋友即刻連說兩次要這個要這個餐，因為是有駕火車裝住啲食物唔好話小朋友見到開心連大朋友都想食呀！咁啱就嚟到萬聖節餐廳都佈置得古靈精怪唔好睇兒童餐份量好似好少其實都好多好豐富架，有一杯鮮萍果汁而三格入面係裝住“有機本地車厘茄青瓜波羅沙律” 酸酸甜甜好開胃食完沙律就食中間個格有“時令鮮果” 西瓜、哈密瓜、密瓜同一串串紅梅同“有機本地粟米” 粟米好清甜粒粒脹卜卜，跟住最後個格係“香濃本地走地雞肉醬配有機意粉”小朋友最鍾意食意粉加埋雞肉好健康。之後甜品是“鮮焗有機南瓜蕃薯黃金腰果撻” 甜甜的蕃薯加南瓜蓉好香好夾而個撻好脆，小朋友食完好滿足好開心哈哈！清晒一邊食一邊睇住企鵝游來游去好寫意

今日同女朋友第一次去海洋公園玩，玩到夜晚決定試一下園內既餐廳，反正之前都未試過，想知道食物質素如何可能我地食7點同只有兩個人，唔係等左好耐就入左去，坐正大型玻璃窗最近既枱，可以好清楚睇到企鵝🐧暢游，而另一面就見到成間餐廳既情況，真係差不多坐滿人。留意到枱上有做最新推廣，推介Sanrio哈囉喂全日祭套餐，外表好似好靚咁，但因為菜式的內容同Sanrio公仔我女朋友不太感興趣，所以就無叫。反而我地留意返普通餐牌發現有幾樣野食好似好吸引，就即刻叫左黎食~~首先上既係前菜，即係鹹蛋黃薯條，啱啱炸起熱辣辣，睇落每條都好粗，份量都唔細，食落好脆口，啖啖都有鹹蛋黃味，邪惡得來好好食。之後上菜既係忌廉帶子天使麵，帶子煮得剛剛好，而且食落每啖都有醬汁，但略嫌天使麵痴埋一舊舊，夾上黎有少少難度最後係個水牛芝士薄餅，上面一粒粒既蕃茄好甜，配埋水牛芝士同蕃茄醬，愈食會愈開胃，重點塊薄餅既餅底做得好薄，食落去好脆，好似薯片咁能夠睇住企鵝游水之餘仲可以食到如此美食，真係好滿足，不過如果無其他小朋友走黎走去既話環境一定更加好

今年海洋公園哈佬喂與Sanrio crossover，餐廳亦推出了以Sanrio角色為主題的菜式，但價錢亦較為高。單點一款也要$200以上，套餐價格要$380以上餐湯蕃茄湯味道一般，湯是冷冰冰，好像放涼了一段時間。XO造型蟹餅做得好神似及可愛，用來打卡最適合Kurumi造型漢堡包非常得意，中間夾著炸蝦餅配蕃茄、菜及醬汁，味道也不錯。甜品雪糕係芝麻味，等候時間較為長。企鵝形海鮮pizza舖滿雜錦海鮮，新鮮焗起好好味，配合企鵝館主題，一邊看著企鵝一邊用餐，十分寫意。較為美中不足係海鮮燴飯，味道過份咸，不能入口，亦沒有海鮮，不值得試。

昨天去咗海洋公園玩，中午就入咗呢間冰極餐廳食晏，入面好凍喎，要著多件衫，安排座位面對住個大玻璃缸，入面有企鵝仔游水，好得意㗎，小朋友就開心啦！這裡原來有最低消費的，每人最少一百蚊！我地四人點咗一個墨西哥雞肉饀餅$192，有番茄醬，雞肉，蘑菇，做饀料，藏入一個薄餅入面焗熟，份量都唔細！上面舖咗D牛油果蓉同沙律醬一起，又好好食喎！又點咗一個水牛芝士香草薄餅$198係一個薄批呢，芝士香草蘑菇舖在上面加些沙律菜，食落淸香開胃，薄餅D皮又幾脆口！仲點咗一個鮮什菌糙米飯，$172飯粒較硬，但混咗橄㰖油，蘑菇一起吃就好香滑！由於是遊客主題公園餐廳，這裡食物價錢較貴！好在入場時拿了八折優惠券，叫做有平返幾十蚊！

六點半去到餐廳已經一大堆人排隊等位， 好彩我哋book咗位可以即時入場，而且仲被安排坐喺玻璃隔離，可以最近距離望到企鵝餐廳入面都幾大，但係近玻璃嘅位唔多， 坐唔近玻璃都可以行落去影相或者睇企鵝。我哋食咗個水牛芝士pizza，同埋一個白汁帶子幼面仲有鹹蛋黃薯條。最先上嘅鹹蛋黃薯條份量都足夠，而且一上菜好香鹹蛋黃味！ 食辣熱辣辣好夠鹹香之後係白汁帶子幼麵賣相一般，味道正常~最後係水牛芝士pizza，芝士好香而且pizza皮好薄好脆，值得推介唯一美中不足嘅係餐廳入面有好多小朋友，於是小朋友係玻璃面前睇企鵝兼走嚟走去坐喺玻璃前面嘅我覺得非常騷擾而且冇乜員工叫啲小朋友唔好跑！實在令成個氣氛都被破壞

入到海洋公園，玩一日都最少會消費一餐，以前會偷帶食物進去，今次是第一次到園內餐廳光顧，是次經驗也令我以後不敢再光顧（至少這家冰極餐廳就免了）環境係靚嘅，有企鵝餵飼觀賞，環境都尚算整齊有花心機佈置一下。我沒喝咖啡，不過是同行有喝的朋友都一致認為這咖啡已經是全餐最合格的東西叫了一個兒童餐和意粉，都是一樣的東西。肉醬的味道其實還可以免強算合格（但完全比不上連鎖店的肉醬味道），至少有味⋯⋯但那意粉⋯⋯口感太難以形容了！吃下去面身是「鞋」的，是粉的問題還是什麼？而且一點意粉的香味也沒有，只有一種面粉的生味⋯⋯明明有肉醬沾在上面但也可以完全沒肉醬味道，好神奇！（當你單獨吃肉醬才會發現肉醬有味道）感覺煮意粉的時候沒下鹽油⋯⋯在家水煮意粉也比它能入口白汁長通粉，不好看沒美感，聞上去很香，以為會好吃，怎料放進口裡都是沒味道的！鼻子完全被騙到嚴重受傷了！！！嗚⋯⋯不過唯一好的是粉的口感比較正常，至少不是「鞋」的⋯⋯只是沒味道這個比剛才那意粉好一點⋯⋯是萬聖節去光顧的，這也是我們為什麼會進餐廳，就是為了試節日特色菜式。不過當然一整個失望⋯⋯賣相能從餐牌裡認出來，但不算美。味道和口感都跟賣相不成正比。最令人安

生日一家三口去海洋公園玩，去之前一早打電話訂位喺冰極餐廳食午餐，訂位時可以request坐近玻璃位置睇企鵝。我哋叫咗小食拼盤同埋忌廉汁煙肉帶子意大利粉(family portion)，食物份量好大，2大1小夠晒食。小食拼盤好食，吉烈豬扒好脆，意粉就好淡，我哋懷疑廚師唔記得咗落鹽......由於係生日，入場時送咗張飲品coupon,可以換一杯橙汁或汽水。總括而言，可以一邊嘆住冷氣睇企鵝一邊食午餐，不失為帶住小朋友喺海洋公園用餐嘅好選擇。

暑假就黎完啦，成個7月去左旅行。8月仔就要趕功課，買書準備開學。今個Summer係香港都冇乜點去玩呢。所以係開學前，嗱嗱聲去多次海洋公園。而且Summer 期間去海洋公園，年卡會員有杯Free既可口可樂飄雪冰係7-11可能係幾蚊杯，但係海洋公園入面要38蚊架唔飲又好似浪費左咁。所以都係要係Summer 完結前入場飲番杯飄雪冰先既企鵝餐廳，第一次係同表妹一家一齊食；果時已經覺得佢既意粉冇乜味，但以為係因為叫左家庭Size，所以係咁。今次我地叫普通Size，點知都係冇味，真係好失望囉。仔重話都話去海龍皇架啦，真係好食好多囉。熱狗，薯條同沙律，依個幾好味。份量都OK，一個人食係會飽既。不過都真係幾貴要198，唔係餐只係單點；真係貴到嘔囉。企鵝pizza，完全一山還有一山高，熱狗貴咩？依個Pizza重貴，要268，大細份。不過呢，佢貴得黎都有D值既，因為係勁多帶子，青口果D海鮮，真係啖啖都係海鮮，除左企鵝既手腳，係舖滿成個身同頭的。所以話睇價錢，係真係好鬼貴，但值唔值呢，雖然又未去到好值得好抵食，但實在又唔算貴得過份既。最後意粉，完全冇乜味道，就係一pat意粉囉。第一次食以為叫左家庭量所以淡D