別府駅前料理 (青衣城1) (已結業)

星期五晚要揾位食飯都真係一項挑戰。約咗朋友響別府食晚飯。拎二人枱。奇怪餐廳俾左三張四人枱都無俾過二人枱。好彩最終都係二十五分鐘左右有位。坐低左等朋友果五分鐘店員並無催促過落單。叫左壽司（黑象拔蚌、赤貝、海膽）同三文魚卷。蚌類野，本人認為要凍些小先至食到佢地爽口既感覺。無奈象拔蚌同赤貝只係微涼，食唔到爽口感覺，覺得有d 浪費。海膽紫菜仲脆，好明顯即包！但或者我先食蚌類，覺得海膽味淡。壽喜鍋個鍋得三吋深，所以其實無乜料。但70蚊左右又要求唔到咁多。炸雞軟骨。一般！有d 好似無肉（或者粉）而無軟骨。海鮮石鍋炒飯不可看小。勁夕至櫻花蝦。入面有帶子同青口肉。食到尾仲有小小飯焦添！

门面很有feel，见到又多人外面排队，想着唔系太饿可以等下试下，就取了票估唔到未到3分钟就到我，刚好一人位。其余两位齐来的多，里面唔算太大座位两人对坐多数。  叫了個壽喜鍋  上来都算快下单后唔到5分钟就上来、摆的几吸引。肥牛得两片少了点，蘑菇新鲜細，娃娃菜，金菇，豆腐，紅蘿蔔，配料都算有咁多，但锅细唔大，有只生蛋，就係咁、個爐煲得等起码10分钟多以上，上来虽然快。煲开可以吃了，汤底清清带少少甜。牛肉都嫩，肥度唔算太肥。菜一般串烧牛舌 有点硬身，肉质一般。烧的都够味        简单的一餐  

今天過來青衣城行下，在有機店買些東西什麼逛下！在有機店的旁邊見到有間吃日本拉麵的，就試下好多人排隊，等了我二十幾分鍾才能入座等的餓到前胸貼後背咁座位大多數二人對座門外等待時就見到山地獄拉麵好像好正咁就確定吃，外面雖然等時間長，但坐下落完單不到3分鐘麵就上到，好快！選擇的是1辣度，湯汁好濃夠味，有玉米粒好新鮮甜口，昆布好軟！配的糖心蛋只有半個，牛腩好唸軟⋯⋯不過1辣吃到一半時就都發覺咸了點，辣度都明顯感受到。麵幼生軟口，總的來說OK，就是咸度可以再減下就十分滿意單點了5款壽司，最愛的是青柚子胡椒獅魚壽司，雖然一分只有一件但真的很好吃，胡椒的辛辣感爆發好正，北吉貝就干身少少甜味普通！吞拿魚好新鮮，油感都夠，沒有胡椒配搭的獅魚壽司就唔清啖很多，鰻魚好唸汁都OK1人買單203.5好飽

準備在看戲前吃個簡單的便飯。印象中沒有吃過青衣城的別府，這次就到來嘗一嘗。牛肉壽喜鍋甜豉油湯底跟在某日式火鍋快餐店的濃湯味道相似。火鍋 $60多元一個，當中並不包括飯或麵食，如想加白飯伴着吃則須多付$12一碗。火鍋的餸料不算多，是女孩子一人的份量。鍋內有數片肥牛、蔬菜及豆腐等，底下還有一少撮粉絲。隨鍋還附帶一隻生雞蛋，等湯底滾起後便能加上面，成為美味的半熟蛋。牛肉偏肥而且多根，其他蔬菜配料亦沒有突出的地方，只能說火鍋整體的味道平平。以這食物份量及味道來說，定價未免偏貴。白蒜腩肉拉麵腩肉肥瘦均勻，吃下去沒有太大的油膩感覺。但湯底跟拉麵的質素一般，麵質偏腍，湯底重味精味，喝不出鮮味。整體食物的性價比不高，這餐亦旨在填飽肚子而已。

曾幾何時，別府都係我成日去嘅餐廳之一，不過自從坊間有好多拉麵店，就已經冇再去喇！今日突然心血來潮去食返一次。叫咗個牛肉鍋，另外加12蚊多一碗飯，啲牛肉個樣都幾新鮮，亦唔會太肥，其他配菜都跟得好足，只不過個湯底真係好淡，好似滾水咁，而且份量真係算少，我一個女仔都唔係好夠，但係個豆腐真係好滑，但係都係湯底太淡，所以配料都冇味，認真失色

愛食辣嘅男朋友得閒就同我洗腦話呢到d麵好辣， 今日就如佢所願入黎食辣啦！一心所試嘅8椒， 一落單， 侍應小姐即係O咀， 驚我地應付不來， 不過結果落完單轉頭就話無8椒， 得6椒 檔次完全唔同個炸雞唔錯，但麵質同以前已經唔同， 而家又幼又淋。牛肋粒炒讚岐烏冬：蕃茄汁同西餐個d差唔多，偏酸。烏冬ok, 最驚喜係牛肋粒， 軟淋淋而且有牛味。不過太西餐化嘅野好似唔太夾烏冬咁， 襯意粉好似夾d😂味蔥玉子燒: 無甚驚喜， 似食緊嘅感覺似蔥炒蛋櫻花蝦薄餅： 櫻花蝦夠香，薄餅都脆脆地， 配上微酸嘅醬汁， 都唔錯。無骨雞翼： 本身叫“炸芥辣雞翼餃子”, 但完全無芥辣味總結： 環境夠舒服好坐， 食物雖然質數唔算好， 但因為本身預佢唔好食， 反應而家仲令我有d驚喜，同埋d野起碼上枱時都熱辣。侍應們都算勤快。

今日約左朋友係青衣城，加上大家未吃午餐，其實以前返工係青衣，青衣城大部份食肆都吃過好多次，今次再次黎到青衣城，都諗左一陣先諗到吃咩..係門口見到午市套餐又唔算好貴，而且都幾吸引，價錢大多數都係七十幾，而且包熱飲/麵豉湯 (凍飲加2蚊)我係餐牌見到個三文魚牛油果便當就覺得好吸引啦，估唔到黎到嚇一跳，D蟹籽多到滿，而且果兩塊三文魚刺身又夠厚，熟三文魚撈蟹籽，有玉子，青瓜，牛油果瓜拌飯…兩塊厚切三文魚加一塊北寄貝刺身，咖喱薯餅，青瓜小卷加熱檸水，價錢都係$76加一，又抵又好味！另外朋友叫既肥牛肉飯都好好味！

別府價錢，五十嵐嘅味道味道一般，如果普通平價拉麵我會接受，但你行緊個價係同高檔拉麵差唔多先講麵質，不過不失湯底，令我覺得食出五十嵐嘅味道個種淡淡嘅豬骨味豬頸肉味道都唔差，但厚左少少以依個價黎講我會選擇同一個商場嘅武藏

叫咗2個餐，拉麵好軟爛，一夾即斷。牛油果魚生嘅飯仲係熱嘅，三文魚係水煮，無味，同相片(半熟)係唔同，牛油果得4粒，非常慳皮。唯一唔錯係奶茶夠茶味，咖啡可樂餅好脆又香。

等左無耐就有位，叫左set lunch （包餐飲）金菇肥牛卷便當：原為青瓜卷被芒果蟹肉沙律取代了，芒果肉甜，蟹肉欠鮮味，菜是苦的金菇肥牛卷好香，可惜太un咬唔開咖喱餅食兩啖冇食了 整個定食只有刺身較可取三文魚牛油果便當：牛油果只有兩三粒，三文魚是熟的，味道一般

因為人太多，別府不用排隊便進去醫肚，點了饅魚炒飯，沒多久便來，我覺得味道是ok的，有重饋魚味，但其質感就不太好，整體而言，整個飯很濕，不像炒飯，像炊飯，配上濃烈醬汁，整感覺很膩，吃了一半已經不想吃，有點失望

傳統的智慧是，叫套餐會比散叫抵，但今午我運用了此智慧却有中伏的感覺。此店的午餐定食選擇不多，是主食加一杯普通飲品。我點了鬼山地獄拉麵(轉豬骨湯底)加熱檸水，餐牌上的標價是74元。等吃的時候，我無聊地翻看散叫的餐牌，同一款拉麵標價64元。此店有免費綠茶供應，雖是茶包貨色，但比起餐茶，毫不遜色，所以對於我來説，多10元要餐飲很不化算及無必要。 鬼山地獄拉麵，在餐牌上是無法得知配料將會是什麼的。待麵送上來時，才知是炸雞。雞炸得很燶，一看便知肉汁欠奉，吃下亦相距不遠，只能説不難吃。心想，配菜應不是此碗麵的賣點吧。豬骨湯底夠濃，呷一口，徧鹹，如果稍為減鹹一點，對我來說，有可能喝至見碗底。 拉麵是那種有點曲的蛋麵，比幼麵略粗。麵質本應不錯，可惜煮得太腍了，不知是此店風格，還是個別師傅問題。 假若不是叫錯了定食，只單叫一碗拉麵，價位比較合我心水。到這裡享用午餐，我的忠告是，不要叫定食。

雖名為地獄拉麵，但辣度有4個程度可選。我們選擇最低級的1椒，不太辣，一般人都能接受。麵質偏腍，湯底普通，但叉燒較韌，不過不失。蝦丸口感實淨，較乾身。沙律如果有更多醋就好了。Pizza比較乾身，若果上面的照燒汁及沙律醬多點，就能令Pizza濕潤點。芒果很鮮甜，但飯被炸蝦加熱了，成了暖暖的壽司。同樣較為乾身！特飲內藏爆珠！味道不會像藥水，果味挺濃，但有點過甜。最新推出的煙霧藏奶凍！我們當然是為這道甜品所吸引而來！木桶內藏着濃郁奶香的奶凍，採用3.6牛乳，每一口都是幼滑的質感，加上煙薰效果，睇得又食得。另外木桶內亦放有幾顆七彩的亮燈冰塊，只要淋水到桶內，彩燈便會亮起，同時乾冰會冒煙，只可惜當天所品嚐的，四顆有三顆燈都出現技術性問題，所以相片內沒有預期的閃燈視覺效果，有點失望。

家住青衣，不用帶飯局時，很多時也會到青衣城簡餐，看到「別府」新出的夏天新菜，又來試試。 這邊的卡位不少，衛生企理，是不錯的簡餐地方。 餐牌上選擇不少，也得找經理作推介，炎夏天她說不如試試大分醬油鰤魚飯（附麵豉湯），是很輕盈的消暑菜，還豎沒心水就來一客試試，畢竟$98在青衣城來說，也是很相宜的晚飯價錢。如經理所說，這個海鮮飯是下了滿滿的蔥粒，在悶熱天氣大有醒胃作用，用上日本米入口飽滿富嚼勁，而鰤魚油份較重，很討市場口味，用上甜中帶鮮的自家醬油漬後，個人覺得被刺身吃更美味，也不會出現過膩的情況。餐後，又叫來一款新出的牛乳地獄溫泉奶凍$38，跟經理說不能吃辣，她就建議選擇原味服務十分細心。以木桶奉客，吃時加入附設的水進去，內裡的乾冰爆出煙霧，其時會發出鳥鳴聲，十分過癮！ 至於味道，以北海道3.6牛乳製作的軟滑奶凍加上甜美水蜜桃和忌廉，也是不能輸的夏天美點，以此定位實在值得推介。還有些特色小品，會再找時間來嘗嘗。別府駅前料理 Beppu Ekimae 地址：青衣青敬路33號青衣城301號舖電話： 2497 7008

一直對別府的印象也算不錯。今次在青衣行街行到有點食晚飯的意欲。就興致勃勃入去諗住食碗拉面。在門外等了大約15分鐘位，點菜時比和風豬軟骨拉面($68)的圖片吸引了，就點了來試試 。拉面來到面前失望了，沒有吸引的氣味。先夾起拉面試試，再一次失望，面好似有點煮過龍。諗住連湯底一齊入口會好一點，誰不知，湯底也是沒有應有的水準，淡而沒有鮮味。唯一比較好的是豬軟骨，可算是不過不失。有醬汁味道，可惜口感林了一點沒有咬口。整體來說，不算是一碗合格的拉面。