利寶閣 (已結業)

唔知點解屋企人好鍾意飲茶所以每個星期都會搵一日同屋企人去飲茶最近利寶閣做緊午市點心放題由即日起星期六﹑日及假日午市上午11時至下午4時，2小時任食50幾款點心任揀，即叫即整蝦餃、燒賣、排骨、鳳爪、流沙包咩都有我自己鍾意食荔蓉蜂巢帶子，係芋頭蓉，好好食，跟住仲有好多人鍾意食嘅暗然銷魂飯除咗點心之外，每位仲會額外送原隻鮑魚酥及花膠灌湯餃我次次食親放題見都咩都想食但又驚叫咁多野食會食唔哂不過好彩呢度係會根據返人數去俾如果2個人，可以就咁叫2粒蝦餃所以就可以食多幾款唔同野食啦

平時真系好鍾意飲茶食點心但係如果人少少的話真係好難叫到好多款式近排發現呢間酒樓有點心放題而且價錢又好抵週末即刻要來試吓放題嘅好處就係可以一件一件咁樣點就算大家想食嘅嘢唔同都唔怕放題嘅款式選擇亦都好多一定有嘢啱你心水鮮竹卷，豬肉肥瘦適中，腐皮吸晒啲醬汁同豬肉味點心通常都油膩，當然要叫多個菜清淡下呢個係杞子白菜仔每人一件嘅限定鮑魚撻灌湯餃又點少得呢重點左招牌菜暗然銷魂叉燒煎蛋飯蝦餃芋頭角鹹水角仲有鮮蝦腸炆雞腳

利寶閣-中式點心放題平日假期當然和家人喝茶，一盅兩件，但每次想試很多不同款式的點心，但每一盅也有三到四件，奈何只可點幾款，今天的酒家就可以解決這問題，按自己的需要和選擇點需要的數量，而且款式比一般酒家的多，這就是中式點心放題。原隻鮑魚酥原隻鮑魚配上鬆化香口的酥皮，鮑魚鮮味又不韌。花膠灌湯餃非常足料的湯品，厚身入味花膠，餡料滿滿的灌湯餃。晶瑩鮮蝦餃、上素蒸粉果外皮薄內裡包著大大粒蝦身的鮮蝦餃。鵪鶉蛋燒賣、百花燒賣皇一次過品嘗兩款不同的燒賣，因為兩款都喜歡，每次喝茶時也要考慮一番，這次就沒有憂慮了。叉燒腸粉、珍珠帶子腸粉滑滑的蒸腸粉，有叉燒和帶子兩種味道。豬腳薑炆煮得非常入味的豬腳薑，一人的份量已包含所有的元素。暗然銷魂叉燒飯、豉油王炒麵酒家招牌的飯類、半肥瘦的叉燒配上太陽蛋，蛋汁混合着飯粒一拼吃。山竹牛肉球、豉汁蒸鳳爪、上湯鮮竹卷、薑汁雞包仔還有多款平日常見即叫即蒸的點心類。蛋白杏仁茶、炸榴槤酥、榴槤布甸、流心榴槤炸彈甜品種類選擇多，更非常貼心照顧鍾情榴槤的人士，有外脆內嫩的榴槤酥，榴槤味濃郁的布甸，邪惡的流心榴槤餡的球。

 點心放題兩位起 $238一位 要訂位 6點至10點食2小時有酸菜魚,水煮魚,黃金蝦,炒蟹,片皮鴨,煎牛柳中式燒味,燒腩,叉燒,乳鴿,水煮牛,紅油抄手炸紫薯,雞翼,芝士百花球,炸蝦餃,鳳爪,金錢肚牛柳卷,芝士年糕,尖椒,炒麵,炒河,XO醬炒雜菜欖角骨,清酒浸蝦,小黃瓜,麻醬豆腐滷水小吃,貴妃雞等等甜品楊枝甘露,布甸,馬拉糕,杏仁茶,雪糕,紅豆冰先位上一客燉湯料多,味道偏淡,雞肉,鮑魚等等胡椒豬肚湯夠辣,開胃暖身 椒鹽蟹,肉少,但入味滷水牛展片夠入味,但略嫌薄身叉燒太乾身,雞肉夠嫩滑 生炒骨都係獲氣,唔會係煮定先壞處就係上菜比較慢上湯蝦撈麵蝦夠大隻,肉夠彈,醬汁好食  黃金蝦超水準黃金醬唔會太薄,但滿滿掛好了整隻蝦片皮鴨就即切,中間有段時間要等新鮮出爐鴨片夠肥美!雲吞麵無上比我,但上左一碗上湯雲吞肉餡飽滿,但味道不突出牛肚蘿蔔,燉得入味,夠嫩滑 脆雞翼,夠脆口,雞翼夠大隻,啖啖肉炒牛河,一份上,也放滿牛肉片炒牛河等最耐,等埋幾張單一齊炒 金姑牛肉卷,燒汁夠甜欖骨多肉,甜香帶欖角香芝士年糕,芝士百花球都係炸百花球噴芝士熱溶甜品,紅豆雪糕脆麻花總評部份菜式上菜慢,但水準味道都可以2小時內食左

呢一輪天氣轉冷，特别好胃口，見利宝阁有個点心放题，百零蚊就任点任食，好抵喎，一於去放縦一下！利舞台呢間利宝閣地方企理，客人甚多！坐落用点心紙点餐，款式甚多，先送上来是鲍鱼酥同埋花膠灌湯餃！賣相十分吸引，食味十足，特别係隻花膠，好大件，又腍又滑，十分滋味！另外点咗好多精美点心，蒸炸炆煑，粥粉麵飯、大把選擇！最鍾意食嘅虾餃，燒賣，鲍汁鳯爪，豬脚羌，全部係我至愛！幾十款点心選擇，認真豐富！而且十分新鲜又好味！員工工作效率甚高，下单不用等多久就把所点的食物送上！换碟也快，我们吃完又点，点完又吃，十分開心！以此價錢，十分超值！

向來都中意食點心既我，呢日就同左朋友黎食點心放題~~平日一至五，每位成人HKd$148+10%，假日就HKd$168+10%，入座起計任食兩小時：）我地大概一點左右上到去，見到都差唔多坐爆晒咁濟，所以都要等等位先入得~~坐低左無耐，先有每人一盎灌湯餃同一件鮑魚撻！！兩款既質素都幾好~~而可以任食既食物款式都唔少，蒸、炸、煎、焗、煮既點心都包含晒！！就連豬腳薑同咸菜湯呢d廚部既食物都可以食個夠~~而且大部份既味道都幾好，有一定既水準！自己偏好食蒸既點心，可以任食大大粒既蝦餃燒賣既感覺真係好爽xpp而朋友就中意食香口野，佢極推薦呢度既芋角，佢仲encore 左兩三轉添！食完輪點心，我地都有點返d菜食下，之後就到甜品部份啦~~除左有感覺養顏嘅蛋白杏仁茶之外，仲有 楊枝甘露同雪糕配脆麻花~三款都各有特色，味道唔差！呢兩小時絕對可以一次過滿足曬食點心同食甜品兩個願望xpp

利寶閣推出了即點即做粵菜晚市放題，超過五十多款小菜即叫即做，任點任食。煎、炒、煮、炸、炆、浸、烤、焗和甜品，通通都有，超級豐富咧😌價格相當實惠，水準也相當不錯。點菜後，店員會先奉上一碗花膠響螺雞湯和上湯大虎蝦伊麵，雞湯足料，內有原隻鮑魚，海參，花膠等食材。由於五十多款小菜不能盡吃，那麼小編就為大家推介一些必點菜，其中必點的有片皮鴨，師傅現場切，一片片的鴨肉油香皮脆肉滑🌟另外，薑蔥炒蟹和椒鹽蝦兩者有獲氣，惹味到不得了，超好吃👍🏻👍🏻👍🏻不能錯過的還有紅油抄手，薄而潤滑，又麻又辣的調味令人胃口大開，蘿白金錢肚，水準和味道跟中午吃的點心一樣，越嚼越香。走前吃杯榴槤布甸，作個完美的總結。晚上6-10時 (任食2小時)星期一至四成人 $238星期五至日及假期 $258

早前在網上見到現在的放題已經唔局限於日式同西式，連中式酒樓都有放題可以食。今晚就同屋企人黎到這間中式酒樓，試試他們晚上的中式放題!他們有兩個放題套餐，一個是任食大閘蟹的，而另一個是任食50幾款不同的中菜，而我們選擇了後者!點餐紙上有多款中菜，我們點了多款不同的來試試。而片皮鴨是自行到場中間的位置取，也是任食的。另外我們的放題套餐還有一個上湯大虎蝦天使麵，天使麵的味道有點似龍蝦伊麵，蝦肉都幾鮮甜，中西合壁幾特別!極上佛跳牆，這個湯內裡有花膠、雞肉等，很清甜!而天使麵和佛跳牆就只有一份!其他放題食物味道都不錯!乳鴿燒得幾脆口，肉質嫩滑!燒肉皮脆，多肉，唔會好肥!沙薑雞腳味道都幾夠，係D雞腳唔係好淋，但還可以的。椒鹽蝦味道可口，辣辣地幾惹味!薑蔥炒蟹都好夠鑊氣，好香薑蔥味，蟹肉都算幾多!清酒醉蝦帶有少少酒味，蝦肉彈牙!酸菜魚有少少酸辣味，魚肉都幾嫩滑而且切得幾薄身，冇魚骨，食落啖啖肉!馬拉糕，酒樓當然也有糕點可以食到，馬拉糕夠熱而且都幾大件，又唔會太甜!第一次體驗到中式放題，幾得意又特別，有機會可以再同長輩再黎食下!

食物真係好一般，除了第一round 其他大閘蟹新鮮，另外再叫的都是放涼了的，食到第三round 真情有死蟹。螺頭湯味精極重，試過就算。重有任食片皮鴨，可惜餐廳冇好好安排，配料隨便放。人手不足，人唔多亦要排隊等10多分鐘。店員算主動積極，食放題對服務期望唔高，所以加返少少分。價錢：400多小小，之前有團購買coupon.食物質素有改善空間，如果留意多小小可以進步很多。可能食小菜㸃心放題好d。整體來講，唔會再去呢一間食店。

昨晩去了銅鑼灣利舞台店, 二個字“勁差”。叫了5轉大閘蟹，只有最後嗰轉係熱辣辣上枱，其餘4轉都微暖及凍上枱。好唔明由落order 到上枱已等咗約15 mins, 點解上枱時係凍呢!!?? 問伙記點解凍, 嗰嬸答我呢嗰時世咁ka la…. 即刻走開咗!片皮鴨 – 唔係長期有人片比你, 包片皮鴨嗰塊皮，長期缺貨(不停話蒸緊就攞出嚟)，長期缺貨仲包括片皮鴨醬汁及配菜(青瓜西芹etc). 好la 等到D皮攞出嚟仲火….. D皮冰凍…. 有無離譜D…. 總之D orders 亂七八糟, 我無落order嘅嘢就攞埋嚟, 想你哽咗佢, 叫咗無嚟D嘢, 追3次至有! 星期三晚埋單每人約 $420

難得的假期，同朋友去左食點心放題，十一點去到，食放題安排坐到窗邊，係大玻璃下望住藍天既假日，心情好，食慾大增，我地叫左好多點心。放題包左每人都有原隻鮑魚酥同花膠灌湯餃，酥皮脆，原隻鮑魚下有沙律醬同洋蔥，金菇絲；花膠灌湯餃，花膠好大舊硬身，灌湯餃大大隻，即叫即蒸，熱辣辣。放題點心可每粒叫，每樣試d，鵪鶉蛋燒賣同百花燒賣皇放埋一籠蒸，質素不錯，燒賣肉都好實淨；山竹牛肉球有一籠三粒，配喼汁好味，有好多蔥同芫茜係牛肉裡面。炸物都不錯，即炸，炸得剛好，叫左沙律蝦春卷，裡面好大隻蝦；咸水角好吃，外面脆得黎有點煙韌；脆皮蝦餃叫左一粒，是原隻蝦，不是切碎了的。叫了三個大排檔小食，咸菜豬肚、蘿蔔金錢肚同豬腳薑，三款都出色，豬腳薑特別讚，有一隻蛋，兩舊大大的豬腳，好入味！我地仲叫左晶瑩鮮蝦餃、鮮蝦水晶餃同上素蒸粉果，五粒放埋同一籠，鮮蝦餃皮薄餡靚，鮮蝦彈牙，沾辣油提升味道。油鹽水菜遠有兩條，青綠！最後就是豉汁蒸鳳爪，有一籠，份量好多！食到飽飽。

利寶閣呢間高質粵菜推出左中菜放題😳佢地菜式出名唔加味精及人造色素，依家晚市可以任食北京片皮鴨、花雕醉蝦、酸菜魚等等高檔料理😆每人會先奉送一碗花膠響螺雞湯、大蝦伊麵之後餐點上的食物可以任食，外面還有幾款任拎菜色，煎牛柳、片皮鴨、豬腳薑等🤤會有人係外面即切即煎超新鮮，每舊肉都仲係熱熱的👍🏻片皮鴨好好食，皮脆肉嫩，切完無耐好快又烤好另一隻出黎再切，唔洗驚食唔到，refill速度好快☺️佢地嘅餅皮都係自家製，夠薄同煙韌💗咕嚕肉唔會得粉同肥膏，用瘦肉而且好薄粉，足料過其他餐廳！蔥炒蟹雖然係細蟹，但都好多肉，而且炒得惹味不咸！鮑汁鳳爪同豬腳薑都好有水準，煮得又軟腍又入味，encore左好多轉😋最驚喜估唔到甜品都咁出色😳全部都唔會好甜!!除咗紅棗糕唔夠煙韌比較硬之外，其他都推薦😚尤其蛋白杏仁茶‼️食得出係自家磨製，唔係粉開，好香濃嘅杏仁味，而且唔會過甜💕黑糖馬拉糕，黑糖味夠濃厚，又唔會有甜膩感，口感鬆軟，都係出色之作麻花紅豆雪糕嘅紅豆係一粒粒，無加糖，應該係焗熟，所以軟糯感欠奉，不過雪糕係香芋味😝芋香十足正啊😆

位於銅鑼灣嘅利寶閣，係食中菜嘅。環境cozy，職員態度有善。佢嘅晚市自助餐有片皮鴨丶美國鐵板谷飼牛同埋送咗極上佛跳牆同埋虎蝦伊面，味道都唔錯。本人比較欣賞佢嘅片皮鴨，甘香嘅脆皮配埋亂口嘅肉，簡直係一個美味晚餐必備餸菜。又可以鍾意食幾多攞幾多無人阻住我。呢度有傳統嘅小菜譬如咕嚕肉丶水煮魚丶豬肚鹹菜同埋砂礓鳳爪等小食味道都尚算不錯。仲有甜品添譬喻，有楊枝甘露，榴槤布丁，同埋有呢一個棉花雲十勝紅豆冰，聽到都好期待啦！真係應該同啲長輩一齊你試嚇菜！小朋友有雪糕食又開心！我真係一個美滿嘅晚上啊。

This is the first time I tried a Chinese yum cha style buffetChoices are definitely more than enough You can also avoid having just a few dishesEveryone can get a free tiger prawnIt’s really fresh and crunchy in tasteNothing too overwhelming but good for this pricePeking duck is freshly cut in front of you with nice vege and dippingsLove the free chicken soup with abaloneIt’s really rich and full of $$ ingredients

尋晚同屋企人慶祝生日， 網上見到話有任食， 星期三仲有85折好吸引， 所以決定去呢度食晚飯。去到開頭有個女公關態度好好， 同我地講入單先計兩個鐘， 就算未齊人都可以入去剔定野食。 我見第一轉就剔左好多樣， 諗住佢會第一轉係一人一份啦， 點知， 佢每款只黎一份。 我地12個人， 將4分1件乳鴿分12份呀。 咁算啦， 我地再入紙， 今次寫明12份。 點知佢黎黎下見我地張枱擺唔曬， 就問我地咁多野你地食唔食得曬呀。。。 其實當時張枱多野係d碟多， 唔係分量多。 我地剛剛先開始食， 你又知我地食唔曬嗰個侍應跟住就全晚望住我地食， 好似想捉人食唔曬想話我地咁。 我地食野唔係想俾人住曬。最後我地當然係食得曬啦， 因為我地都係唔主張食剩野既人。佢仲有一個賣點， 係一人一盅燉湯， 但我爸爸飲左一半一唔為意就俾人收左， 跟著我同個侍應講， 佢無端端唔知喺邊攞左盅淨番少少湯既黎問係咪呢盅， 佢想俾黎盅唔知邊個客飲剩既湯俾番我爸爸。 有無攪錯。最重點， 我地食完埋單既時候， 發覺我地坐既位後面塊玻璃鏡有數十隻小強係度爬下爬下。 呢間野圍起上黎都要2百幾蚊一位， 呢個價錢好多地方都可以食得好好， 真係無下次