利苑粉麵

营业中

休息中

當日病住想食清D, 而呢間又無食過. 但個心又好想試下佢地既牛腩, c就c啦...叫左個牛腩飯.飯係有例湯送既, 我本身唔想飲架, 好驚係味精湯.位叔叔話要老黃瓜,好好味架. 就係佢誠意提議下, 我就恭敬不如從命入面好多豬骨, 又有老黃瓜, 好好味. 少鹽岩哂我. 有位姐姐會問夠唔夠飯....我當日因為病諗住唔會食太多, 猶豫左一陣應該夠既....姐姐好好, 佢話唔夠再問佢拎啦. 我覺得咁樣幾好, 記碼唔會浪費先.唔夠食再叫佢地加.牛腩只有細飯碗一碗, 我心諗咁少既.但食落其實都幾多, 碗底唔會有蘿蔔充數. 以前很喜歡吃重味既牛腩. 現在比較喜歡清湯腩.因為咁先可以吃到牛腩本身的牛味, 坑腩好淋, 咬下去鬆化. 加上香蔥伴飯最美味吃著飯時, 店內還有其他熟客同老闆吹水, 聽著他們說說以前的事, 回憶回憶係佢地傾到興起之時, 我不好意思打斷話題, 跟姐姐說XD老闆毫不猶豫說:"好"姐姐後來說:你病呀, 要食多D食藥. 既然有留意到我病. 又同我傾計. 雖然只是閒話, 但有人關心總覺得好溫暖雖然店子小小, 而且裝潢也很舊. 但亦阻不了我會繼續幫襯之心. 加油

利苑嘅牛腩係清湯型，所以一食就知d牛肉好嘅，因為無得用濃味去掩飾。 牛腩非常鬆化， 完全唔韌， 冇多餘嘅調味料， 花椒八角嘅味都冇。 實實在在係食牛肉嘅香甜。 唔知係咪我好彩， 舊舊牛腩都係齊齊整整啖啖肉。 因為有啲舖頭會有一舊好肥，另一舊瘦到好柴皮。 湯底我覺得一般，略為普通。 但係佢個幼麵算係幾唔錯， 好爽口完全冇鹼水味。 地方比較細， 不過招呼好好。 侍應有禮貌， 叫油菜會問你食爽定淋， 好細心。 整體嚟講， 收呢個價錢， 呢個質素嘅牛腩係好抵食。 全間舖頭得廿個位， 食完真係要即走， 叫外賣可以返屋企慢慢歎。

見完客要食晏牛筋腩夠冧又入味，米粉不會過冧。以為細細碗，點知勁飽！超滿足好食～菜14麵雙併33抵食！姐姐服務態度又好～～！再來這邊一會再去食～～～～～～～～～～～～～～～～

第一次寫食評, 請多多指教之前幫襯過幾次, 每次都有好印象。樓面的姐姐, 十分友善, 平日的晚市, 根本不用等位; 但如果是平日午飯時間, 根本就滿到插針不入, 所以買外賣更好。星期六. 日也人頭湧湧, 脾氣不好的人應該會很容易發怒的!說回招牌清湯牛腩。牛腩一D都唔"un", 又唔"鞋", 有少少入口即溶feel, 很不錯的! 湯底也食不出有味精, 食完也不口渴!牛雜也不錯。我媽叫了"牛雜河走青走腸走肚多肺", 這樣麻煩的要求, 也沒有被黑臉!! 牛雜口感也很好, 非常有水準(我媽說的)!如果叫油菜, 姐姐會問"菜心定芥蘭?" "爽定林?" "蠔油定腩汁?" 十分貼心呀!順帶一提, 如果想吃坑腩或者崩沙腩, 可以跟姐姐說, 如果有的話可以要喔, 價錢一樣的~唯一美中不足是坐得比較迫, 也時常很多人, 不過價錢很相宜, 性價比很高!! 之前在上環吃牛腩河, 質素跟這裡差不多, 足足貴十蚊!!! 所以都係有heart地區小店抵D~~

十月下旬．晴四圍去吃牛腩，也未再吃這裡的。趁是日比賽完，也處理好所有的事情，來吃碗爽腩米（扣底）。爽腩是連筋帶肉的，吃起來肉質偏腍，街坊小店的便宜麵點，也不可以要求太多。湯底是牛骨湯，不錯。不過這裡的強項是牛雜，就是真的，也是區內其中一間吃麵不錯的店子了。

食評補完到17了,嗯看過KC大人的食評,說過這間餐廳的牛腩都不錯,加上剛剛回收了一大堆的廢紙,得到的錢剛好就吃一碗麵,所以就來了這兒吃了,嗯牛腩的確真的不絢,不會「鞋」,而且都滿「淋」的,如果湯底是腩汁的話我想會更加好的,嗯嘛,要說的就是那個墨丸了,嗯.一吃下去就知道是雪貨了,不過大家火鍋都是吃雪貨的,但我介意的是它的是10多蚊磅的那些吧.你可以說是我太嘴饞了,是的,我是習慣食20多蚊磅的那些,所以這個真的是完全不能比,不過重點是在牛腩,嗯嘛,那個河粉我都要說一說,可能我真是太嘴饞了,是的,那個河粉就是沒有銅鑼灣出名吃紫墨河的好吃(我是心在比較啊)嗯,在柴灣,吃東西的要求就是比較低的就是了,嗯

食左好多年啦呢間野 成日過小西灣都會去食D牛什 墨丸 真係好好食都吾算太貴啦=]可以接受

爽腩ok，麵爽彈，+湯一起食偏咸，咖哩幾香，飯普通街坊生意，員工好客禮貌，不過好細同逼，食慣大地方不宜中午精選小西灣OL到食，心情大好

媽咪最念舊,每次外出午膳都話去鄉里間店食,真冇計!不過我自己都鐘意吃牛肚,這間店的牛類產品可以是全區最好吃的一間了.我仍未找到可以取代它的麵店.每次必選牛肚,其次是咖喱牛腩,今個星期已吃了兩次宵吃了!下次再探訪阿伯.

6月19日，22:30沒有大魔怪和太座的端午節的晚上，家裡無開飯。需在靠得住吃了泥蜢粥，但肚仍有點空。便到這裡補飛，因腸胃有警報，便要了魚片河。魚片：淋而有魚味(因在區其他店，吃到都是粉一團，實實的。)河粉：滑而不吸水。從前我多要牛雜麵，因每種配料，都保持了應有的口感，他那腩汁亦是一絕。因明天繼續北上，本打算五分鐘內吃完回家。但由被電視介紹泰昌餅店，打開了話夾子。老闆津津樂道，蛋撻有兩種皮，酥皮和威化皮，泰昌屬後者；更談及現今餅店，撻皮多是交來貨色。再扯到老婆餅，恆香老婆餅何等特別；隔夜的仍是那麼香鬆，不像別家收水變。(但各有所好，我喜歡的口感)。最後談鏞記更鮮鵝潤腸，何等甘香、鬆化；不像其他潤腸般實而不香。但最後他嘆句，鏞記的潤腸質量已不穩定了。最後23:00才離店，但覺得益不少。題外話：因這店是自置物業，價位97至今祇變動了HK$1.-(減了)；假期多，春節到新十五才開爐，真羨慕。

每碗15元, 雙併18元,牛腩, 牛筋, 牛什都好好味!!聽講咖哩都唔錯,值得試下, 不過位置就比較偏遠, 做街坊生意多~

今天下午來開餐，估唔到爆晒棚。叫了筋腩撈和菜心。牛筋和牛腩口感非常好，有咬口之餘又不會過硬，火候控制恰到好處。調味方面，味道濃淡適宜，不會過咸（一般食肆常見毛病），又能把牛肉既原味帶出。而且牛腩肉味鮮美，可見選料都落足心機。麵身爽口又無梘水味。而菜心亦很出色，沒有淥得太耐既情況。

8-5-2005 1800食完下午茶便要落柴灣辦些少公事，完事後，食番少少野過下口隱，記得KC及Li 兄都介紹過這裡，於是又以唔記得地址下搵，搵下搵下又搵到，於是點了牛腩片頭撈粗，片頭雖不是全部都係，但都幾彈牙，牛腩有少少肥，粗麵有少少鹼水味外，都幾爽口，汁用腩汁替代，如果更加入味就好啦，19蚊以咁既質素絕對值得一試。後記：老闆同位熟客係度講緊坑腩及爽腩的故事，真係識飲識食之仕。

4月3日，18:30一次又一次的在這裡吃麵。但今天喉嚨仍痛，不敢吃燥熱的牛和辣椒油。便要了魚片河:需知魚片和河粉都是交來的。但魚片夠彈牙而河粉夠滑，湯內加入了秘制清湯腩汁，吃完有點滿足感。老板對自己有出品要求，一次要蛋河外賣，見有魚蛋而不賣，理由是當天的魚蛋太淋身，口敢不好，所以不賣。題外話：老板的家族生意是五金廠(見那收銀的伯伯和從前的店員，都是十指不全，便是實證)，祖籍東莞石排。因機緣巧合，得到一條秘方，便賣起清湯腩來。

住在這區都幾十年，一直都未試過這裡，今日在家工作，過了午飯時間才去搵食。在街口巧遇家母，佢又係未食飯，話不如來食牛什，所以就來了幫襯。聽佢講，呢度幾時都咁旺場多人，就今日所見，三點幾都差不多坐滿，幫襯的多是街坊，似乎所言非虛。家母要了牛什麵，我就貪心一點，想試埋牛腩，所以就叫了牛什牛腩撈粗麵。撈麵也是用碗而不用碟，牛腩及牛什舖滿碗面，好豐富同有睇頭。先吃牛什，最好吃是牛膀，炆得不太腍，保留牛膀獨有的質地，有咬口又好味，不錯；牛腸切成小段，亦夠肥美，牛肚及肺也不錯；牛腩要了爽腩，果然是做到了，還搭多兩舊牛筋。牛腩亦係炆得入味，邊位爽脆。總括而言，這裡的牛腩及牛什在這區算是不錯的了。腩汁香濃，但蓋不了鹹水味，似乎是過冷河時慳了功夫。家母的牛什麵亦料多不錯，她唯獨嫌牛膀炆得不夠腍。我話：「唔係喎！牛膀係要咁至有口感同保留佢獨有....」家母﹝不屑地﹞：「車！你識咩丫？快D食啦，米阻住人地做生意！」係係係，娘親永遠是對的。埋單四十蚊有找，都算物有所值，可以一試。