利苑酒家 (德福廣場1期)

营业中

休息中

今日黎到九龍灣利苑飲茶連食中午，預先電話訂了枱，一行5人，分開咗兩枱相鄰的枱坐 （4+2）。11半準時入座，每台枱面均放有口罩紙給大家放口罩用。我哋一開始就叫了一壺$88 的茉莉花茶。有別一般叫茶。之後就叫咗啲點心、麵飯，食物味道都唔錯，食物賣相如下：點心都是正常發揮，味道和賣相都ok。麵和飯份量都足夠我們五人。最後我們還加了個甜品，椰皇燉奶一齊share。價錢上我們都覺得偏貴，人均$180。我們由入座起計食了1個小時15分鐘左右，而它們午市還安排了第二輪食客。

扁皮鴨兩食好好味，皮薄餡靚，感覺不會太肥或太有罪疚感。燒肉也燒得剛剛好，皮脆肉正。叉燒也好，肉汁多肉則肥瘦適中。很開心食餐好的來farewell 我的好姊妹，最難得是佢對食物好有要求的老公也讚不絕口！

🍗 片皮鴨 （半隻） （價錢： $210）評分： 4.3/5片皮鴨係真心值得食既，鴨皮都保持到脆口感覺，服務員👩🏻‍🍳即場為你切片，會切走多餘脂肪，真係好細心❤️，一D都唔馬虎。 而且，依度既蒸餅皮厚薄岩岩好，加上鴨皮連有著少許肉一齊食，一D都唔會覺得膩🥰，相反，太厚既餅皮卻好容易有飽肚感，食唔到其他美食嫁。 再者，每塊餅皮數量同片皮鴨既數量一樣，有D酒樓會俾多D顧客，但小編一家永遠都食唔曬，所以比較鍾意利苑既服務👍🏻。除此之外，要值得讚既係，利苑提供免費斬件上（如圖1），一個價錢食到片皮鴨同半隻鴨肉，仲要係有埋鴨髀，真係幾抵嫁😋！🥩 自製咖哩炆牛肋骨 （價錢： $190）評分： 3.5/5牛肋骨份量非常多🤩，而且牛味香濃，薯仔煮得好夠淋，咖哩汁色水好吸引，聞落亦好香，可惜咖哩汁唔夠惹味，令牛肋骨唔夠入味🤨。🦐 蝦籽海參豆腐煲 （價錢： $150）評分： 3.5/5味道中規中矩，豆腐、香菇同菜🥗等份量充足，唯海參較少，只有數條較幼的海參。🥓 川味回鍋肉 （價錢： $140）評分： 3.5/5回鍋肉每件都好大舊，同椰菜青椒🫑一齊炒幾有鑊氣，雖然唔覺得辣，但比平時出面餐廳食既一樣惹味🔥，即使

服務態度極差衛生欠佳本身係熟客，個個月都會幫襯>6次知道佢哋節日會多人，已經特登提早訂位飲茶，無奈去到竟然要等齊人先俾入座（可能即日掛，平時都唔洗）都算！去到入座嘅時候發覺佢哋竟然安排咗我哋座廁所、收銀隔籬d暗角位，咁一家人梗係好唔開心，即刻要求調位，不過佢哋staff就係完全唔肯讓步，懶理熟客感受，迫人一定要座d差枱，極度老肚😡咁我就覺得好奇怪啦，明明場內大堂仲有咁多吉枱淨，而且陸續都有客埋單，點解佢哋嘅知客/staff竟然非要迫我哋座d暗角差位不可？其實平日飲茶成日催住曬、好似食快餐咁都算，特別節日都咁對熟客真係好過份囉！！已blacklist，唔會有下次🤬🤬

今時今日所謂高級食店,係咪真係咁樣嘅質素,好地地一個肉絲煎脆麵，變咗油浸肉絲煎脆麵，同侍應反映，她說會同廚房講吓，然後了事🤢我都冇眼睇大家自己睇吓相啦⋯⋯不過點心係ok嘅👍

趁著星期日的空閒假期，便攜帶家中長輩到住家附近的商場走動，順道到酒樓喝個早茶，最終我們選擇了位於德福的利苑酒家，皆因看見這裡光顧的客人眾多，便決定入內一嚐究竟。北菇滑燒賣燒賣一籠四件，但外型較一般燒賣細小，入口肥瘦均勻，滑溜鮮美，既有香菇的獨特香濃，亦有肉質的鮮香嫩口，整體爽口彈牙。原隻蒸蝦餃原隻蒸蝦餃一籠四件，外型製作細小，蝦餃皮入口黏度較高，軟糯薄身，內裏餡料豐富飽滿，爽口彈牙，嫩滑鮮美。巴蜀麻香抄手巴蜀麻香抄手同樣製作得過於細顆，夾起時亦容易散開，而且味道沒有麻辣的辛香，只帶有甚輕微的辣味，唯獨餡料尚算飽滿。紅裳鮮蝦水晶餃水晶餃色澤金黃，薄身的餃皮透出內餡的各種色彩，賣相精緻吸引，外層口感軟糯且黏度較高，內餡料的蔬菜、蝦肉鮮嫩彈牙，可惜製作得較為細顆。南翔小籠包小籠包一籠只有三件，外層口感軟糯薄身，內餡肉質香嫩鮮美，湯汁濃郁可口，唯獨餡料和湯汁不夠豐富飽滿。奶黃流沙包奶黃流沙包外型圓潤雪白，麵包皮入口軟綿鬆化，內餡奶黃色澤金黃，飽滿充足，味道濃郁滑溜，富有奶香，唯獨口感較為稀薄。香煎黑胡椒牛肉包香煎的牛肉包製作得不夠香濃脆口，外層麵包皮口感過厚，而且餡料甚少，黑胡椒味道並不出眾，

六月時打電話訂枱飮茶下午時間 1130 ，預約時已講明1小時15分鐘要還枱，同意和明白依家做生意的難處，只希望有個開心午飯和享受美味食物，預計1245結賬，食飯過程不停騷擾你，係咁收收收枱面碗碟，1230已經比張單你埋 ，到1240有個男伙計走埋嚟話已經夠鐘， 叫你還枱。點解d服務差到咁。食物質素跟超級市場雪住賣的無分別，仲差過快餐店，點解要比平均消費都超過2百元嘅利苑你呢，自挖墳墓

九龍灣間利苑坐得幾舒服，一啲都唔迫，而且服務勤快一家人好肚餓，叫咗幾個菜。個燒味組合都叫抵食，一個天麻燉湯夠四個人飲，半隻片皮鴨，一碟西芹淮山炒花膠片。個天麻湯好香，吾似有味精，幾好飲個片皮鴨就麻麻哋，啲皮有啲韌，但又未算難食，始終佢都唔係烤鴨專門店，所以叫做過得去。西芹淮山花膠味道有啲淡，蒜蓉太多，奪去咗食材原有味道。片皮鴨二食叫咗涼瓜炆鴨殼，苦瓜有驚喜，好耐未食過甘苦嘅苦瓜，值得讚清湯牛腩都幾好，蘿蔔稔，又入味，牛筋亦都軟韌適中，牛腩都可以，而且份量頗大另外叫咗個啫啫唐生菜，有啲鹹，但生菜好脆口每碟餸份量都大，四個人都食唔晒，要打包啲苦瓜鴨走，以中高價位酒家黎講，都叫份量多，而且同佢早午巿飲茶黎講，晚飯叫抵食啲

飲茶點心水準依舊，燒賣，芋角，春卷，雪山叉燒包，蛋白杏仁茶，正！味道，溫度，賣相，全部都是中上，呢個價錢，都算物有所值。抵食過龍皇，點心選擇亦比較多。現今香港，好多名過於實，食到一肚氣嘅把鬼酒樓。所以保持到水準都算讚

1:00pm入座， 應該有一小時十分鐘 ， 2:10pm前要埋單，但1:45pm， 食完嘢傾下偈 ，茶都未飲完， 又未到還枱時間 ，即刻話我幫你埋單， 距離還枱時間兩點鐘，仲有15分鐘正， 非常冇禮貌。

媽媽生日，因為閒日，沒有大事慶祝，祗係同兩個好友，陪佢食餐豐富D嘅晚餐慶生吧！咁啱朋友晌九龍灣shopping，冇訂枱，只係想揾間正D嘅中菜食，反正同老人家食飯，都係早好過夜，所以，6pm walk in 係冇問題嘅。利苑，曾經……係我經常幫襯嘅酒家，雖然係……曾經，但好似係……信心保証，所以，大家就決定呢間！服務員，仍然好好招待……當然已經冇個識！食物質素，仍然好有水準，片皮鴨冇北京樓咁好食，但仍不失水準，始終佢哋係廣東菜，已經非常唔錯，其他都好滿意。

今早路過德福商場,睇到有人龍排隊等位。原來11:30開始入座而12:45埋單有八五折。裝飾環境幽靜人客另類,比較斯文嘅一族打開點心紙睇到第一眼就鍾意咗心愛嘅煲仔飯,結果叫咗三樣野。首先上檯係叉燒腸粉,唔算特別。況且啲腸粉有少少黏住分唔開,調味豉油亦只得個咸字,無香味。腸粉入口唔覺滑溜跟住食$39一籠嘅鮮蝦蛟餃皮都算合格,但鮮蝦調味略淡,油水唔夠。一般最後係等咗45分鐘即叫即做嘅臘味煲仔飯女侍應打開蓋都唔覺有乜香味,佢幫忙分好臘味上碟(臘腸+潤腸+臘肉)。其實三樣材料嘅水準都係一般貨色。臘肉略帶煙韌,潤腸無豬潤嘅香味,還好臘腸👌最值得讚又有驚喜就係煲飯,好有飯香軟硬適中如果以價錢$100/2位扣返85折,足足有4碗嘅飯量。兼且果啲(飯焦)真係做得非常一流,忍唔住超額添多一碗(暴暴飯焦)滿足晒

阿姨星期一約阿媽跟我去食午飯，想食自助餐可惜又滿座，訂不到座位，於是阿媽跟阿姨選擇了，在「德福廣場」裡面的酒家「利苑酒家」裡面食午飯。可惜「利苑酒家」適合我口味的午飯，選擇委實不多。所以我沒有在「利苑酒家」正式享用任何碟頭飯食品，「午餐食品」就由得阿姨她自由去選擇。至於我當日在午飯時間的食店，就要留到阿姨阿媽食完「利苑酒家」之後再續了。阿姨她自己就選擇了，「利苑酒家」午市餐牌裡面的「海鮮燒味組合」。「利苑酒家」裡面的「海鮮燒味組合」，包括有湯品「蓮藕鱆魚煲豬踭」、「XO醬金菇龍蝦菘炆伊麵」，還有「利苑片皮鴨」。一共有炆伊麵菜式加一隻燒鴨，再加刀切下來的燒鴨皮連燒鴨肉，最後加上一個砂煲煲出來，含一大隻很多腳的鱆魚，連豬踭和蓮藕煲成的老火湯，成了今次「利苑酒家」裡面的主角。當然，「蓮藕鱆魚煲豬踭」裡面夾雜豬踭肉的老火煲鱆魚蓮藕湯，如果老火湯裡面還夾雜了，我平日不會食的豬踭。所以我雖然喜歡老火煲鱆魚蓮藕豬踭湯，但是今次只能喝湯，豬踭肉就可免則免了。我喜歡「蓮藕鱆魚煲豬踭」湯裡面的原隻鱆魚，鱆魚其實即是所謂的「八爪魚」，「八爪魚」佈滿吸盤的腳，即使曾經被煲煮過一輪時間，「八爪魚」腳的口感也不會

香煎蘿蔔糕：蘿蔔糕極有質感，較厚身，煎得恰到好處，想枱已聞到蘿蔔香，入口外脆內軟非常夠香口。豉汁蒸鳳爪：鳳爪比較乾身，醬汁不夠多，份量適中，味道略遜。排骨陳村粉：排骨份量算多但多骨少肉，而陳村粉沒有汁，入口比較硬身，由於沒有醬汁關係，令陳村粉的味道較淡，相信加多點甜豉油更佳。紅裳鮮蝦水晶餃：其實同蝦餃差唔多，只是多了些芫茜及芹菜絲，這樣比較香和清新而且能中和肉味。乾清棗皇糕：香甜煙韌，紅棗味濃郁，熱食軟糯，讚！

利苑集團九龍灣分店。位置方便，算是寬敞，僅次IFC跟圓方分店。是日晚宴菜單如下：燒三層肉江南小品陳醋雲耳美極雞軟骨清宮明火雞煲鮑翅瓦罐薑蔥焗大蝦蠔皇扣南非鮑魚玉掌伴清蒸沙巴海星斑鹽香脆皮雞濃湯鮮茄泡菜苗鵝肝桂花炒飯生磨蛋白杏仁茶山西棗皇糕錦繡保健生果前菜三層肉保持水準。但雲耳不爽，雞軟骨炸得鬆脆但調味奇怪。鮑翅翅身完整，雞湯濃郁，沒用上重手味精，其實不錯，但個人不喜魚翅。焗大蝦做法跟黃金蝦相似，蝦身有鹹蛋黃醬，甚惹味，而蝦肉亦彈牙爽口。鵝掌鮑魚個頭不小，算是大器的份量。但鵝掌不膠，鮑魚肉質過實，可惜。海斑，炸子雞應有品質。菜苗用料不俗。炒飯沒鵝肝味，但飯炒得不錯。整體來說，不錯的用料，部份菜式以利苑品牌跟價錢可更佳。3.5星，推介三層肉、焗大蝦、菜苗。同價位下5星：即使排隊亦要一試再試4星：甚佳，可以一試3星：同價位有不少更佳選擇