利苑酒家 (德福廣場1期)

营业中

休息中

朋友大婚被邀請參加，第一次去九龍灣分店，因為只有十多圍，所以地方不大，但感覺舒服不覺得侷促，可能其中一邊有落地窗，感覺開揚。食物用料上盛，加上烹調方法細心，好似大鮑翅特別用上沙煱上，所以特別好味。

今日唔係第一次黎幫趁德福利苑，平時受埋個 reception 姐姐氣都算啦，今日真係唔上黎寫吓下唔倒氣! 我每個星期六都會黎幫趁呢間利苑，無他嘅，啲野好食，所以佢地set 咗2點至接一位客我都黎，次次個 reception 一聽倒一位就即刻“拿”埋塊面有啲惡死好悔氣咁話 “一位？等一等啦! ” 次次受完佢氣就要等佢皇恩浩蕩咁分配張枱比我。點知今日佢啲態度重囂張! 佢今日又試一貫好悔氣又惡死咁叫我等一等，我就坐咗喺度等，點知跟住我發覺完來所有客除咗我佢都有張紙寫低咩生幾位，我冧住算啦可能佢冧住記得我就冇去問佢，點知跟住有個阿伯行入黎等都唔洗等就比佢入去，我覺得奇怪點解我黎先佢唔比枱我要比咗人先，咁就好有禮貌咁問佢我重要等幾耐，點知佢好惡死咁話“你都冇話要枱，我點知要比枱你，你又冇留貴姓？” 我成個呆咗! 係佢叫我等又從來咁多次都唔問我姓咩，而且我坐咗喺佢隔離就得我一個喺度等，佢竟然話我冇話要枱？咁我就話要投訴佢，佢就好惡死咁話好呀！然後就比咗張近住兩個大垃圾桶嘅枱我，而且果橦墻又舊又污漕，分明玩野，咁我唔要呢張枱，佢就比隔離果張，叫做好少少但仍然坐近兩個垃圾桶，我都拒絕，佢好氣頂，咁

在德福廣場找地方飲茶，見到利苑，以為可以吃得好一點，可惜……事與願遺點了鐵觀音和普洱茶，侍應只送上一壷鐵觀音和一壷滾水。喝普洱茶的要再找侍應才有茶喝。吃到一半，喝鐵觀音的發現，標示著鐵觀音的茶壷裝著的是普洱茶。原來並沒有送漏普洱茶，只是送漏了鐵觀音!燒賣送上枱，賣相令人失望，比一元硬幣更小，盛為$36！冰燒三層肉，味道不錯，外皮香脆，一碟有十多粒，像大富翁玩具內的骰子大小，很寒酸，盛為$118。相信切成九小件，賣相及咬口會好多。最後上枱的係薑蔥蝦子叉燒撈粗麵。夠膽將此撈麵放入菜譜，理應做得不錯。今次上枱的撈麵，份量比相像中大，可分到六大碗。但賣相很不對勁，見不到蝦子，見不到叉燒，一大碟撈麵上只有輕輕一抹的蝦子，及十多條叉燒絲（叉燒不上色，看似肉絲般）。蝦子撈麵的味道來自蝦子，沒有蝦子的撈麵，又怎會好吃。夾起麵條，粘在一起分不開，是放久了嗎？吃了兩小碗，沒有什麼味道，剩下大半碟，不想浪費，唯有打包回家再加點蝦子調味吧！（題外話：問侍應拿盒子時，我們提及撈麵沒有味道所以吃剩一大碟。侍應即説幫我們取消這碟，並夾起一小掫麵。轉頭待應又走來說，經理試過不是沒有味道，只是較淡，提議再煮一碟給我們。

星期五晚德福間間中菜都好多人，全部都排晒長龍，返左成日工鬼死咁肚餓唯有要揀唔駛等位嘅利苑😏😏 環境比其他酒樓靜少少，起碼都可以傾到下計唔需要講句野都好似鬧交咁，餸菜嘅味道唔錯上菜都上得好迅速，但個所謂例牌嘅份量偏少左啲，我地個女仔叫左兩餸兩飯都唔係好夠飽，咁就食左三百幾蚊。。。感覺有啲唔抵

我從未寫過食評，但今次不得不寫。利苑向來給我感覺是高檔和質素㚥。有親友海外回來就想著帶他們到九龍灣利苑品嚐，心想萬無一失，結果大失所望！！食物質素一般，侍應態度差！片皮鴨的麵皮太簿全部黏在一起，每次取皮都要大家狼狽幫忙才能取得一片食用，弄不開索性整疊拿去。再來燒雞，中規中舉。吃完2道菜就停下來了，連催了2次才到，11人白等了超過半小時，但連一聲抱歉都沒有，而且態度泠漠，好像是我們不應該似的！真接受不了！侍應人手又不足，每次需要幫忙都要不停擧手示意多次。今次用餐實在令我對利苑改觀不少，非常非常之失望。唉！價錢貴服務差！今次真倒霉！

偷得浮生半日閒﹐便約埋亞女同老公一起去嘆茶﹐因亞女工作地點係九龍灣(德福)﹐便選擇德福那裡飲茶﹐落車剛見到利苑酒家開門﹐便入去攞左3個位﹐拿起點心紙隨意點了幾款﹐當中有北菇燒賣、原隻蝦餃、濃湯泡腐皮卷、蝦腸、香煎蘿蔔榚、咸水角、奶皇流沙飽、陳醋雲耳及南翔小籠飽﹐再加一碟鴛鴦炒飯。北菇燒賣比其他酒樓一般細小﹐原隻蝦餃一般水準﹐濃湯泡腐皮卷味道不錯﹐蝦腸內還有芥蘭粒配料﹐配搭都不錯﹐咸水角外脆內暖﹐配料都很多﹐味道很喜歡﹐南翔小籠飽﹐皮薄不過肉餡有點失望肉汁不多﹐反之奶皇流沙飽不錯﹐飽餡非常飽滿的﹐至於鴛鴦炒飯﹐一般鴛鴦炒飯紅汁會搶味一點﹐但利苑這個鴛鴦炒飯剛相反白汁那邊奶味好香滑﹐搶了紅汁的口感﹐正所謂眼濶肚窄最後當然有廚餘﹐只好打包做下午茶啦！壹餐两食！

BOOK兩位飲茶,BOOK 11:30, 要12:45走人BOOK12:00, 要13:15走人即係一個鐘頭及15分鐘包埋坐下,開位,揀點心,等點心嚟,埋單,洗手間?若有其他特別呢?例如朋友嚟遲左, 落錯單, 漏單等等問題呢?可以有改善空間嘛?

香港眾多大學很多都有屬於自己的西餐廳、中菜廳校友會會所。我在城大，港大工作期間亦曾經去過那些地方（如城軒中菜廳和城峰閣）或聽過那些地方的大名（香港大學校友會會所的大名我聽聞已久了）。我的母校珠海學院，學校雖未昇格正名為大學，但畢竟拿着一張正式的大學學位文憑證書，所以對它的事情都特別注意。例如珠海學院其中的校董是香港有名的利苑酒家的家族。當然，珠海學院跟利苑有密切關係，不等於珠海學院學生/舊生在利苑食飯會有折扣優惠，只是會有一份莫名的親切感、情意結和關係而已。利苑在香港九龍各地都有分店，或你也曾經有光顧，因為利苑在九龍灣德褔廣場的分店位於工業區旁邊，很多上班族都曾在九龍灣利苑吃過午飯。利苑午飯時間特別多人在等位，內裡高朋滿座，座無虛席，包括今日這次我跟阿媽，細佬三人在利苑食的午飯。利苑的餐牌和點餐紙都比一般酒家的來得典雅和精緻，不單止特色和推介餐點，就連飲品和甜品欄目也有列明和標示價錢。至於點心的價錢，你可能會認為是偏貴，但利苑在香港鼎鼎有名，一籠叉燒包，一籠鳳爪賣$28已經不算特別過份，吃過你就會發覺物有所值。利苑食物向來有一定水準，就連一般常見的燒味也是，蜜汁叉燒和鹽香脆皮雞都不是一

利苑有質素，眾所周知，近排比較多去晚餐。杏汁豬肺湯湯料豐足，入口的湯，不是稀稀的流質，簡直有一點呈杏仁糊狀，可能有人不喜歡這款比較重口味的湯，建議選擇其他傳統燉湯也非常夠火後。不可不點的前菜絕對是海蜇頭，非常好吃！另一款必須必須必須要吃的是片皮鴨，一向以為是（北京的酒樓）是最好吃，原來這裏的片皮鴨更勝一籌。鴨皮真的烤得卜卜脆，而且並非一口油，片出的背脊部分，脂肪及肉不多，只是一片非常薄的皮，吃著就像咬薯片，絶無誇大！食客亦可以按喜好要求侍應片出肉多肉少呢！狂風掃落葉，很快K.O.兩碟子！再來是海參鮑魚及鵝掌，本人覺得是水準之作，略略偏鹹，但每人一份也很開心，以往曾經吃過很大片的花膠扒，很厚很膠，但人生豪一次便夠了！這次也吃了大蝦沙律，蝦新鮮爽甜，賣相很好，吃得開心，但沙律醬實在太多，而且當中的青蘋果也很酸，要挑着吃，相信事先與酒樓溝通一下喜好會比較好！以下是牛腩、雞及蔬菜，不特別介紹了，只需放心點菜便是，家人還喜歡這家的蛋散，也可試試！若是有計劃地光顧，不想掃興，便要預先點菜，簡單至一盅湯、一隻鴨也需要提早預訂，因為酒樓為保持食材新鮮，不會預留太多份量，曾經8時walk in已沒有豬肺

因有同事離職上司請飲茶，利苑飲茶每樣都好味道，首先黎既係佢招牌粒粒燒腩仔，一啖一粒，脆卜卜，蝦腸叉腸都好滑，流沙奶皇飽超流心，其他點心都新鮮好味，令外叫左個孖寶，海鮮荷蘭豆，同蛋白炒飯炒得好乾身，蝦同帶子都走過油先出黎，粒粒都好好食，最重要連荷蘭豆都甜過人，雖然貴D，但物有所值！

老爺奶奶的結婚週年紀念，利苑是他們的最愛。叉燒肉質有點粗糙，不夠嫩滑，比起明x的叉燒, 有點距離。下次不會再叫。火同翅很爽口，湯有好香的金華火腿味，超好味 鮑魚 口感滑嫩，有彈性有嚼勁，好好味 海參 海參口感嫩滑，味道鮮美，無膩口。鵝掌燜得好"林", 好入味, 正

今年公司在利苑食開年飯，九個人叫了個八人餐，承惠$2888+$200 。先來個靚湯， 龍躉骨燉湯， 好香甜，唔知有冇加味精呢，不過都好多湯渣，好足料。另外，有三款點心，小籠包好多湯，好食！另外，推介帶子炒飯，雖然基乎見唔到帶子，但粉飯粒粒分明，有香濃既蒜味。蒸龍躉球亦好味，配上黑木耳，清淡但鮮甜。作為甜品既紅棗榚亦令人留下深刻印象，紅棗味好特出，唔會太甜。不過，亦有失手既餸菜，像貴妃雞，好咸。鮑魚鵝掌亦是一般， 有點難切。

新年期間黎左利苑晚飯, 平時o係度飲茶覺得唔錯, 原來晚飯都做得幾好~先叫左半隻片皮鴨, 得好小塊, 每人只可以食到2件, 不過食落皮好脆, 有油香, 同埋個餅皮好薄身, 帶點煙un, 包埋食好正 而鴨身既其他肉就用左黎做生菜包, 明顯比就咁食無咁好食, 醬汁有點咸, 蓋過哂D鴨味~之後黎既係半隻脆皮雞, 都係幾細隻, 但雞肉好嫩滑而且皮好脆, 好味!而呢個炆龍躉翅唔係度度有得食, 龍躉翅原件上, 店員再將佢剪開, 龍躉肉好嫩滑, 炆得好入味, 好好食, 而且都有好大件, 夠幾個人食 最後叫既炸蝦梂比想像中多, 而且隻隻都好大隻, 食落好香口,皮脆肉爽, 都係做得唔錯既~甜品試左擂沙湯圓, 皮好煙un, 而裡面既芝麻餡多到流哂出黎!整體呢度既菜色樣樣都好平均, 質素唔錯, 價錢亦唔會太貴~

2015年最後一天, 我們來了利苑飲茶, 叫左兩壼人參烏龍茶, 夠香夠濃的. 清清地好甘香，好有人參的味道，飲幾壼都唔淡味。五香牛展, 都好薄身, 好味的. 夠香又大件，淋身的，薄到有點透光的, 好香卥水的味道. 正呀.鮑汁鳯爪, 賣相有點唔似平時食開的鳯爪, 個汁好似好結身的, 味道唔似鮑汁, 好似蠔油呀, 鳯爪就幾淋身的. 花生都好香. 又淋, 如果送飯食仲正的.海蜇都好爽口, 有些芝麻係度, 好味的. 夠爽夠彈牙呀蝦腸都好大隻蝦的, 腸粉皮都薄身的, 好味, 蝦係爽口的. 個皮唔夠薄身, 如果再薄D會更加好味道的芋角好味道, 夠疏化, 入面的芋頭蓉及肉都好味, 夠淋及香口. 炸到金黃色, 賣相已好討好的了. 出面的粉好夠薄身. 好味呀蘿白絲酥餅, 好味呀, 夠香, 夠酥的, 入面的薯白絲好甜呀, 燒賣都算好肥的, 有隻蝦. 好夠爽口, 好味呀, 唔會只係食到肥豬肉的 叉燒, 燒腩仔拼盤, 叉燒都燒到好靚的顏色, 好味, 夠淋身及甜甜地, 好味, 燒腩仔好香口, 夠脆的.這個菇包個樣好得意, 出面係朱古力粉嚟架, 好似真的冬菇咁. 入面係什菌, 都好香好惹味. 龍蝦泡飯, 賣相相當

我在酒家快中場休息時才到達（因為工作關係）。家人剛吃完午飯。所以，我只點了一款點心和一款小菜來吃。小菜是潮式鹵水豆腐，$38。別誤會份量如此少（也不完整），我是吃了一半才拍照的……豆腐非常軟滑！我喜歡吃豆腐，這口感真的很好。外層是極薄、略煎過的豆腐皮，所以同樣容易咀嚼。不會變成豆腐皮跟豆腐肉分開來吃。松露蘑菇包，$48。這個是姨姨極力推介的。樣子做成像冬菇的模樣，很有心思呢！那深棕色的東西應該是可可粉。原味的可可粉，沒有甜味，卻有淡淡的朱古力味。花紋做成如此，真是巧手呢！可以看到包子的底部也有可可粉做成的花紋，絕不馬虎啊。包皮略厚，但鬆軟。餡料其實也多。有雜菌和木耳。松露的味道則不太突出。總括來說這包子的味道是不錯的。然而，姨姨說這酒家的服務員態度不夠好。（對熟悉的客人服務卻是很好。）希望食物味道好，也不要忽略對顧客服務的重要性吧。