創發潮州飯店

营业中

休息中

十月24日晚4女一男去食晚飯, 落單阿姐係咁叫你點D貴野, 凍蟹呀~煎蝦碌呀咁....終於點咗 :蠔餅 : .外剛內柔...硬朗嘅脆皮, 又厚又濕嘅粉漿, 無乜鮮味嘅蠔仔...阿Q啲諗..好在唔腥.胡椒豬肚湯 : 大堆頭嚇窒你...淋pahpah嘅咸菜, 好多條粉腸, 豬肚片, 超多胡椒碎...味道就...屋企樓下潮州茶餐廳唔多料嘅果一碗好飲DD.鵝片+鵝腸 : 好有心機切埋D碎濕濕柴皮肉條+粗大橡筋口感鵝腸.舂菜 : 比飯碗大少少嘅份量, 淋pahpah甘甘地嘅佢竟然係幾位朋友覺得全餐飯最好"味"嘅一道菜!!!!!!!!煎蘿蔔丸 : 純粹以質取勝!! 又實又大塊, 要頂肚又唔鍾意蘿蔔味嘅你就啱曬咧!油泡鮮魷 : 好啦~見阿姐你咁落力勸我地食海鮮, 接受推介整碟食吓! 佢以*量*及爽脆取勝! 討厭魷魚味嘅朋友放心食用!反沙芋 : 都係以量取勝!! 哈哈~~阿姐勸我地叫一碟! 問有幾多先講話有8條! 食完餐飯點啃8條芋頭呀~阿姐! 最終只係要2條淺嚐! 好彩朋友覺得尚算ok.清心綠豆爽 : ...基本甜品都咁樣...無野講...成個落單及上菜過程都令到幾位朋友唔多高興, 指明埋單時要我C

數一數, 已是第三次幫襯, 每次黎都叫魚....今晚入到去已有前菜兩碟, 菜莆同炸魚...我望到大枱有碟靚靚車厘茄, 侍應好人...俾咗我, 我唔好意思話....唔要碟炸魚....老公有點不滿(佢想食魚仔)! 四隻茄仔唔算上等貨, 但脹卜卜, 實正, 清甜!魚飯都有幾款, 侍應提議馬友, $120, 初初都驚好鹹, 食落一啲都唔覺, 肉質較結實, 但唔嚡, 連皮都食得, 講真, 我覺得呢條好食過烏頭添! 黃豆涼瓜排骨湯是必叫的, 涼瓜好腍, 唔苦, 排骨肉亦離骨! 最後叫多個大芥菜火腿煲...外觀有點像紹菜, 芥菜食落有輕微苦澀味, 但屬正常味道, 今天的侍應好好人, 唔錯!

食物一般, 但價錢不算便宜, 論潮州食店在九龍城有好多間都比這間好.服務要分前部曲和後部曲.在門前的接待員熱情招呼, 帶我們入座. 之後伙記幫我們點菜不時加茶, 面上帶有笑容.這裡出名上菜勁快, 一個小時我們就吃完飯, 之後再點甜品都不用個半鐘, 剛吃完就當然坐下等下食物落下格先, 同埋出來吃飯就一定是同朋友相聚一番.後部曲 :一班老伙記把你桌上的東西全收掉, 當時我還食緊最後一件反沙芋, 伙記可以狠到收淨我一個的筷子碗(因為我用緊)和各人茶杯. 之後沒有人過來加茶但就有3至4位伙記圍你(張桌), 我看一看門外沒有人等位, 店內大細桌都有空的, 咁我們沒有阻著地球轉啦我叫了一位伙記加茶, 她可以鬼起塊面話要茶的就拿隻杯出來, 唔要的就唔好加咧~~咁趕客咪走人囉~~~埋單呀老伙記不停同你講我們沒有收加一~~~~~識做啦......講一次都未夠, 講多幾次講到你明.....是咪好掂呢 !!

上星期五一行四人, 原先想打邊爐, 但原來佢地個個都食過創發嘅潮菜,無理由唔帶我呢隻為食貓去試下,上次佢地雖然都中左隻响螺招...但依然力讚喎,我緊要試下啦,我地四個人叫左以下......1)胡椒豬肚湯 (正)2)鵝片并鵝腸 (D鵝腸好食過鵝片喎)3)炒魚麵 (OK,未食過就幾特別嘅)4)水瓜烙 (好食, 我一向少食呢D炸野都覺得好好食,因為一D都唔油,)5)蝦棗蟹棗 (蝦棗好食過蟹棗, 入面D馬啼D味好清同好出)6)韮菜花炒咸肉 (一般)7)石榴雞 (食師傅D功夫…但我覺得D味麻麻~) ***　前菜小食個個炸魚仔 真係超好食!8)反沙芋 (好好食)9)清心丸薑薯 (D清心丸咁少嘅~~~)10)清心丸豆爽 (D清心丸咁少嘅~~~,不過相比起薑薯，清心丸薑薯好食Ｄ喎 )11)潮式慈穀粿　（好香芝麻味，但唔識欣賞）12)福果甜芋泥　　（超甜．．．但同行有人鍾意到暈）如果唔叫Ｄ時價野，其實都好抵食另外分舖都幾乾淨，洗手間都乾淨Ｄ侍應都幾好，知道我地件件甜品都想食，每款都可以要一兩件．

最初滿心期待，最後失望而回．．．今次同朋友去一去心中的名食店．有老朋友住在城南道，二十年來，每次探老朋友行經此店都聞到很香的味道，但我都沒有光顧過．老朋友又向我推介了．終於約了朋友去試試．結果失望而回．可能是蔡生效應，才令此店仍未結業．．．首先此店並沒有餐牌．只有二十多款菜式寫在牆上，而有很多菜式並沒有寫上．真係唔識點菜．幸好得老朋友二十年來的推介，我點了胡椒豬肚湯，炒魚麵，另外加上豬腳凍，鵝片，炒薄殼．胡椒豬肚湯喝第一口時實在好味，在別的食店沒有這味道．不只用了豬肚，也用了豬粉腸等．但多飲湯後，發現湯水很鹹．幸好辣味適中．兩人勉強可飲完一窩．炒魚麵沒什麼特別，令人失望．豬腳凍味道很淡，朋友說外面所食的比這裏好．鵝片比外面普通打冷檔的更差．．．炒薄殼算是有驚喜，因為以前沒食過．但九層塔略嫌不足．剛好是三百元．．．收錢時侍應還要求再多加貼士．．．如此服務．．．丟下十元貼士便急急離開．．．唔通真係要食翅食凍蟹先好來創發．．．但我肯定不會再來了．下次去新城算了．．．下一站走去食潮州糖水－合成．

今晚我們一家人到創發食晚反，一位侍應介紹食琵琶蝦 $15 一両，當時我們在門外看見一盆全是細細隻的，侍應說只有這些，沒有大的，每隻約５-6両，我們便叫了3隻，還叫了餓片和水瓜烙和竽泥。後來的食物來了，貨不對辦，琵琶蝦 3隻總重量差不多3斤，超咸，好像是死蝦，餓片只有4片，下面全是豆腐和餓骨。竽泥不像竽泥，好像把一個芋頭蒸熟，死實實。 :最後找數要$1006。 食物質數勁差，侍應把人客當水魚！店內還有曱甴橫行，簡直就是黑店！ 請大家不要幫襯！免得被人當水魚！

星期六(2/8), 約左成班friend一共11人去呢度食飯, 幫其中一個慶生日…之前都同佢0地食過一次, 上次大約每人$120度!坐低就叫0野食, 生日的朋友仔話想食大响螺, 就叫左一隻, 侍應大叔仲問佢一隻定兩隻, 我朋友話一隻ok, 之後就繼續叫其他0野食…隔左一陣大叔仲拎住隻响螺出0黎, 仲俾我0地望左一望, 大叔用勁快速度show一show就拎走, 我叫停左佢, 影左張相…真係好寶貴的一張相…跟住就開始食0野…食到咁上下, 大响螺就出現喇…咦咦? 乜得0個十幾片咁少?? 都算啦, 每人一片食…不過食落口…好普通囉, 又無咩味, 咬左兩下就吞左lu~~之後想叫甜品, 我0地11個人, 呢間0野有8款甜品, 我0地樣樣都想試少少. 所以就問佢每款有幾多, 其中一個後生仔話一碟4件, ok啊, 我0地就叫每款一碟諗住share食. 點知轉個頭, 竟然有另一個人問我0地係唔係每人每款都要!!! 下?? 點食得哂啊?? 我0地即刻話唔係, 我0地同返佢講話係每款一碟. 點知0的甜品一到…每款有成8件!!!! 我0地即刻問返第二個人, 佢仲話就住我0地人數所以每款整8件!! 下? 佢有無

相隔兩年再光顧此老牌潮州飯店, 等位期間見到架Maybach黎買外賣, 第一次近距離觀看如此龐然大物, 此車果真霸氣十足, 就算一架S-Class或7系泊在旁, 都會即時由豪華房車, “downgrade”到家庭房車.入正題, 上次幫趁已是兩年前的事, 記得整體都不錯, 但有美中不足的地方, 且看兩年後的水準又如何. 一行七人被安排坐閣樓, 雖然不及樓下舒服同可以睇到打冷食物, 不過就多左一份懷舊feel. 點菜都以出名的菜為主, 不過可惜遲來一步, 石榴雞, 石榴蝦, 豆醬雞同炸吊桶都已沽清, 實在失望. 最後點了以下菜式:胡椒豬肚湯, 川椒雞, 炸拼盤, 炒蟶子, 芥菜煲, 豆醬生菜, 鹵水大腸, 沙爹牛河, 清心丸綠豆爽同反砂芋條, 當中以豬肚湯同炒蟶子最出色.豬肚湯材料以芥菜, 豬肚及粉腸為主, 份量十足, 而且可算是料多過湯, 胡椒味道非常濃郁, 甚至是有點搶喉, 配料的芹菜及芫茜散著淡淡的清香, 一窩湯多種味道, 唯一要彈的是豬肚似是冰鮮貨. 炒蟶子隻隻肥美鮮甜, 最重要係無沙. 要了兩個例牌炸拼盤, 雖是即叫即制, 但要等上差不多半小時又實在太耐, 其中墨棗比較好, 豬肉

身為潮州人, 以前成日跟老豆同阿嫲黎呢度食野, 好耐無黎過lu~尋晚0係九龍城左兜右兜都唔知食乜好...所以回歸創發!可能因為蔡生0係電視介紹完既關係, 禮拜三晚八點半後都竟然仲要等位…兩個人叫左潮州魚麵, 煎韮菜粿x2, 水瓜烙, 川椒雞球, 白飯x1, 可樂x1魚麵配料少左好多好多...水瓜烙想搵隻蝦仔睇下都無, d 瓜切得太細炸完都乾晒lu以前d 瓜好大塊炸完仲好甜好多汁ga...而家乾晒變左食到成口粉又油...濟死人咩...川椒雞球都算過份...收你$60碟, 碟頭唔大唔在講, 但係d 雞球竟然鞋過豬扒!成餐飯最可取既係韮菜粿同另外問姐姐拎0個碟辣椒油...短期內都唔會再去, 等食物質素回復當年之勇再講啦...

都不是第一次光顧，唔點海鮮，價錢都可以，食物也有水準﹗但海鮮的價格平與貴就好難講﹗今次，我想提的，不是食物質素，而是收費的項目，原本我們一行4人坐4人枱，後來有個朋友加入，轉去一張大枱，估唔到，結帳的時候，要收我們兩份酸菜的價錢﹗另外，有個類似少東的人，中途送來一碟反沙芋，話送給我們，又話最後一碟，到最後，又要收費﹗雖然都是講緊幾十元，但都無理由收我們錢，要知道我們5人吃了過千元，那個收錢姐姐，還好唔開心，話無可能唔收以上的項目，不過後來又話，找不到負責人，照單減去以上多收的錢就算，態度勁差﹗由於食物有水準，都會再次光顧，但要看清楚帳單呀﹗

遷了居後，開始在九龍城找吃飯的好地方，這晚來轉了一圈，決定先去有名的創發吃潮州菜。店比想像中撲實，一踏入店內便是多不勝數的打冷食物，不少客人就在這裡「手指指」地點菜。這裡沒有餐牌，要吃東西可看牆上貼著的菜單，或者乾脆出去點實物好了。坐下伙計熱情地送上功夫茶及酸菜，喝畢還問要不要添飲。第一次來，就吃些簡單的。先來花生燜豬尾，是打冷小吃，四件豬尾加大量花生，豬尾燜得腍，軟骨部份膠質極豐，十分美味。炒韭菜芯鑊氣夠，加了方魚吊味，香氣更盛，不過韭菜芯未算最嫩，季節不對沒有辦法。來潮菜館不能不吃鵝片吧，鵝肉有質感但不韌，鹵汁不會過份濃烈，合怕鹹的朋友。拼了墨魚片吃，柔軟度高，不過墨魚當然不會有太強烈的味道。墊底的豆腐千萬不要錯過。吃飽了伙計來介紹甜品，只有兩人自然不敢吃極甜的反沙芋。小卡要了清心丸綠豆爽，付大量白果。我要了薑薯，第一次吃此物，看來像長條型的芋角，不過外皮其實很硬，裡面的薑薯吃來似甜薯，但甚甜，不太合我們的口味。不錯的潮州菜館，貴有貴吃（翅／凍蟹／螺片），平有平吃（打冷），豐儉由人，大叔和大嬸們都很熱心，招呼不像某些評語般差。

上星期日同朋友去九龍城睇下有咩食, 經過創發門口不如問下有冇位,佢話等 25分鐘 ok....問佢有冇飛仔, 佢話唔使, 好快有, 留名得啦,於是先去買牛肉餅, 反轉頭等左一下, 問佢有幾多張台等, 佢話5張...........等左45分鐘, 見都有6~7張台入左, 再問下, 又係5張再問佢唔采我 tim......帶隊走人.老實講, 我覺得香港仲有大把正宗潮菜好食, 唔使一定食佢

今天心情麻麻, 想找個好坐又好食既地方, 結果腦裡忽然想到潮州菜, 雖然地方麻麻, 但今晚叫既餸又唔錯!入到去....功夫茶先到, 然後叫了一個涼瓜排骨黃豆湯, 我是極怕吃涼瓜(苦 ma!), 老公好大膽地要了一個 (因為隨時佢自己食哂), 嘗了一口, 咦....唔苦 wor, 又好腍, 啲人話當你接受苦瓜既一刻就代表人生已去了一半, 咦...唔通真係? 骨唔多, 不過, 肉都腍, 個湯又清, 飲完無味精敏感, 下次會再叫! 然後想叫三刀魚, $50/ 両 , 一條要 $500 - $600, 太貴了, 想叫方利, 無, 亞姐話休漁期! 最後見到黃花魚, 佢介紹用豆醬蒸, 十幾蚊両, 最後要清蒸, 幾錢...當時唔知wor! 等緊魚又飲緊湯既時候, 亞姐突然放下六條炸小魚仔, 佢話係池魚, 仲係新鮮炸起, 佢問我地要唔要, 諗到諗唔切, 是但啦, 又係唔知要唔要收錢, 食到條黃花魚到, 我地叫埋個方魚芥蘭, $40 (唯一一樣知價), 條魚細細條, 不過, 好新鮮, 正! 芥蘭就好香, 好油, 好鹹, 早知叫薑汁芥蘭!成餐飯係個芥蘭麻麻, 其餘既都好滿意, 唔收茶錢, 加一, 總共 $

7時多才開會完畢, 一行8人打算打的到龍城吃晚飯, 原本已有目標....就是小曼谷。但當我們看見門外一堆堆人潮, 以及伙計說要等到9時....立刻放棄。captain四處走走找別家吃飯去....結果選了創發。來到門前才知道改了吃潮州菜, 既來之則安之, 雖然我對潮菜沒有太大寄望, 但難得是那種多人一起吃飯的氣氛。潮菜真的很少接觸, 一群年青人對著四周的餐牌顯得很陌生, 只好向阿姐詢問有何好介紹。我們不是富貴人家, 凍蟹鵝片跟我們無緣, 結果8個人叫了8碟小菜, 心中也準備是吃不完的了...一共叫了8味(不知道真正名稱): 普寧豆腐, 蠔餅, 菜甫炒蛋, 蒸糯米豬大腸, 炸蘿蔔糕(?), 辣椒葉炒沙茶牛肉, 辣椒葉炒魷魚, 炸白飯魚菜未到的時候, 大家已經急不及待吃桌上的前菜, 知道要收錢, 但看過openrice才知道真正價錢-_-"豆腐先上, 也是我覺得最好吃的...一人分吃半塊, 有點不滿足, 但可能這樣子我才覺得它好吃。菜甫炒蛋, 像家裡的味道, 不是不好吃但顯得有點普通了。然後炸蘿蔔糕, 本身沒其味道, 要點醬才覺得像樣一點....而辣椒葉的兩味因為有濃味醬汁, 也很難做得不好

上次去創發食到一頭煙, 事隔一年, 又同幾個朋友再試試. 今次比上次好, 但食物仍然偏鹹, 幾個朋友都話鹹...1) 前菜小食個炸魚仔 (其實唔知係乜) 超好食!2) 胡椒豬肚湯 - 今次無咁鹹, 但都係鹹左D, 同唔夠鮮味. 好重胡椒, 幾辣下, 我鍾意. 豬肚幾新鮮, 無"Up"味, 夠腍, 幾好食.3) 羅白 - 清甜無渣, 湯底亦甜美, 滿意.4) 大眼雞 - 大條好肉, 肉質實得來帶嫩, 一d都唔鞋, 非常好.5) 鹵水大腸 - 夠肥味, 鹵水入哂味, 唔錯. 係腍咗d, 有番d口感會好d.6) 味菜唐芹煮魚春 - 魚春過熟, 又硬又鞋, 而且超鹹, 浪費哂d魚春.7) 潮州魚麵 - 好細碟, 但勁煙韌爽口, 好好食.8) 欖菜肉鬆 - 鹹到上天靈蓋....服務就非常好, 伯伯好nice, 係咁斟功夫茶我地飲, 又好笑容.餐飯其實都食得超開心, 可以同阿熹&阿信兩個靚仔食飯, 梗係正. 而佢地又令到平時叫人納悶非常的A先生幽默感頓生, 雖然只維持左一餐飯ge時間, 都聊勝於無啦! 哈哈!