創發潮州飯店

营业中

休息中

- $10 一片鵝片兼沒有鵝味道- $300 凍蟹僅足4人用- 點了10個菜幾乎沒有一樣可取(凍蟹勉強可以)- 清潔成疑一半人飯後出現輕瀉(可能蟶子出事)- 性價比 (value to money) 低

住了呢區咁多年, 今日先第一次幫襯聞名已久0既創發, 真係講都無人信兼笑死人 -_-" 一行 4 人叫了 5 個(食送), 4 個飯及兩個甜品, 食得非常飽足:- 豉汁蟶子: 碟頭好巨, 蟶子亦比想像中長身及厚肉. 炒到甩晒殼的, d 肉鮮甜爽身, 汁夠味又唔會太搶, 好好食! 不過有好幾隻都有沙, 可惜.- 椒絲通菜: 通菜炒得腍身, 去晒 d 青味, 幾對口味.- 豬腳凍: 第一次食呢樣0野...「膠」多過肉, 感覺有少少似上海菜的肴肉, 食落幾鮮味, 蘸埋鹹鹹香香的魚露就仲正!- 鹵水鵝片併鵝腸, 豆腐底: 鹵水汁好香好夠味, 鵝片薄切, 好入味又幾腍嫩, 非常好食! 鵝腸洗得好乾淨, 阿爸話好硬, 我則覺得好爽脆, 幾好食; 豆腐一樣好入味, 亦幾滑, 唔錯唔錯.- 凍龍蝦: 凍蟹就食得多, 凍龍蝦都係第一次食... d 膏非常甘香, 肉質結實, 食落 sok sok 聲, 不過始終乾0左 d, 唔蘸上梅汁 (?) 根本無味. 我都係鍾意食凍蟹多 d.- 清心丸薑薯: 薑薯 (即係深薯...?) 咁少見, 呢度有供應就當然叫個試試. 糖水好甜亦杰杰的;

星期六晚上既創發果然頗墟冚，心諗，雖然第一次嚟呢度食，但應該不會令我失望既...。甫坐下，侍應即問我們食d乜，好奇怪，原來沒有餐牌提供，牆上貼滿各式各樣既菜式。左諗右諗，決定咗叫蠔仔粥細窩、水瓜烙及沙爹牛肉炒芥蘭。蠔仔粥湯底清中帶甜，超多蠔仔，幾好；水瓜烙香脆可口，可惜有些油益味；沙爹牛肉炒芥蘭，沙爹醬頗惹味，牛肉唔靭，芥蘭亦夠爽，OK。很想試這裡既潮州甜品，不過個肚最公道，太飽食唔落。

昨夜食左一餐潮州晚飯!地點係創發!食物係凍龍蝦,芥菜煲,大眼雞,韮菜粿,鹵水鵝片...!唔知點解,感覺唔同左,以前d伙計都係串串貢咁,但係而家好左好多,招待比較友善!食物方面,有水準!一直以嚟佢地既食物都好好味,如果唔係點解串我都去,但係而家可能生意無以前好,所以"串"唔起了,不過我都覺佢地係潮州菜好食既領頭羊!推介佢地飯後既功夫茶,唔好唔記得飲!

(9/12/07)七人聚會晚飯。熟客朋友話呢度時常也旺場架。店員叔叔很友善,但有位店員阿姐,時常"隊"d野埋黎,問我地o岩唔o岩食,計平俾我地,初時都好啦,要左佢一碟椒鹽九肚,無"渣"的,很香口。叫完餸,說我地人多,把「例」加大d,點知真係好大碟,食唔晒,蠔餅良久未來,叫佢不如改番「例」size,點知截唔到廚房喎,做好上枱了。size巨得很,炸唔夠/槳粉頗多。胡椒豬肚湯、方魚肉粹粥,ok。川椒雞,得個"鞋"字,唔入味。沙茶牛肉,無沙茶味。鹵水鵝片,一般。大眼雞$80,好貴,其實唔值。酥炸拼盆,蝦棗蟹棗又粉又散,好唔得;炸潮州粉果,炸釀芋頭就唔錯。

記憶中, 都有10年8年冇去過創發食飯. 入到去~ 發現裝修鰦 牆身, 明顯地係光猛鰦 . 每張吉䒷 都放有2碟中碟size小食(菜圃條+灰色乾魚)+2碟細碟size小食(菜圃粒+泡菜)+1碟豆瓣醬, total = 5碟$15/碟. 離晒譜, 未叫野一坐低就收$82.5(加一).同佢講唔要, 咁佢會拎走2碟中size 的. 再話唔要個3碟, 佢就話, 當俾伙計小費都要啦. 頂呀!! 意思即係你要唔偠佢都會收錢啦... 個伙計叔叔, 服務態度真係獎. 食到7-8成, 佢過來睇到個3碟野冇乜攪過, 就問d醬洗唔洗打包. 嘩!!真係頂頂頂呀~ 真係頒個<全九龍城服務態度最差勁大獎>俾佢.哈~ 佢都夠膽死囉! 打算以一敵五~我媽媽立即話, "e...裝修來呀, 近期裝o架??"伙計叔叔話, "係呀, 早2個月囉"媽媽話, "乃左o野個時順便整o架??!!"伙計叔叔面色如死灰地話, "冇, 乜o野乃o野.... "我就話, "唔係呀fa, 食物中毒, 拉閘洗左幾日喎, 新聞報紙買晒啦, 你唔係冇睇呀嘛...."伙計叔叔尷尷尬尬地, "o薯~ 唔好咁大聲, 老闆會唔高興."唉!佢

細路仔已經開始幫襯到現在，情意結關係，每次吃到他們的菜式不期然就會想嫲嫲的手勢……今天點了滷水鵝片、滷水鵝水腸、滷水鵝肝、蠔仔粥、沙爹牛肉炒菜心、凍龍蝦片和清心圓綠豆爽糖水。每一樣都很好味道，雖然今天的凍龍蝦片乾了一點，但這一頓晚餐也很滿意！

重創於創發愛吃，然對於寫食評，絕非多產之輩，通常是心血來潮，才偶一為之。昨夜創發一役，敢說，是自回港以來，吃過最不爽的一頓飯。是的，是比Lucy's的水準更低，比見城更教人失望，比遊食吟嚷更叫人不敢恭維。按捺不住，來個筆誅。哥嫂住處剛裝修完畢，昨晚偕友人到訪，並一起吃頓飯。本想到觀塘少數算是較為吃得過的其中一所食肆蛇王彪，然忽然想起巳良久沒正正經經的在外吃過一頓潮州菜﹝蠔仔粥，蠔烙及魚飯倒有常做﹞，便提議到KC 慣常推介的創發，準備大快朶 頤，酣暢一番。一行五人驅車前往九龍城，八時半巳安坐在靠牆一張五人圓枱，也算自成一角。做了功課，甫坐下便點了幾道大家喜愛而這裡理應做得不錯的菜色，當然也包括了KC 的「特別提名」。雖說是平日，但店子是出奇地比以往清靜﹝是早前此店發生食物中毒的關係吧﹞。也好，客稀上菜會較有效率，不用等。可惜快歸快，味道卻是差得令人有點大惑不解...鰤魽–沒有供應，絕對失望！胡椒豬肚湯–胡椒味相當濃重，本應甚對個人口味，可恨咸得死勁！此湯應有的辛香慘遭虐殺。身為「湯王」的我，也只能納下一小碗。味菜炆大鱔–就是那個「温 馨推介」。期望最高，結果眼鏡碎得滿地皆是。雖早知此味大

很久沒有約契妹食飯了，早前大家也有空，便相約出來見見，互相問候一！本來打算食泰國菜，但最後改了來這裡，因還有朋友未到，我們先看看餐牌，最後選擇了普寧豆腐、蝦乾鹹肉、煎水瓜烙、石榴雞和墨魚拼鵝片。普寧豆腐- 外表很脆，內餡又好香豆腐味，真係一試難忘。蝦乾鹹肉- 蝦乾大大隻，幾有咬口；鹹肉唔算太肥，很入味，送飯食幾開胃。煎水瓜烙- 煎得好香口，水瓜口感很爽口，朋友食完後，也讚不絕口，值得一試。石榴雞- 外表包得好靚，味道也很好，但不知什麼原因，外皮太乾身而幾硬，變相令口感變差，實在有點可惜。墨魚拼鵝片- 墨魚沒有什麼味道，唔算好食；鵝片就幾好，唔韌又入味，肉質嫩滑，幾好食。一般食物都算幾好，價錢又唔算特別貴，可以一試。

星期六肥b 行街,等我收工,又唔係好肚餓,走食粉麵,我叫坑腩米,坑腩夠淋,不過有d黐牙,安利好食d,肥b叫牛肉餅+魚蛋河,牛肉餅好爽,雖然細細件,但都幾多,魚蛋夠"但"牙,但得幾粒,肥b話d辣椒油唔得,不過有炸蒜蓉撈埋一齊食都ok

食完好唔開心,癮唔住出自己o既第一個post。首先, 食物質素一般:1. 凍蟹好老,o的肉"痴"殼2. 麵線超咸,成圍人,冇人頂到3. 食物偏油,好鬼肥4. 總體一般,唔算好差,不過唔抵食完埋單,2千幾,問收唔收卡。唔收。同事多口話有cash,個阿嬋話後巷大把碗。比完錢,個friend o個埋找錢,個阿嬋突然爆o左句:喂,冇tips o嫁?!唔係要我空盤返去嘛?!你o地話,食o左都背脊骨落?>_______<"

Right thing serves the right person. 這是我一直相信的。對喜歡吃的人, 一頓好吃的比一個LV Mirror更吸引。難得你主動的要求吃創發, 我當然奉陪, 當然知道其實係你知我想吃好耐啦。兩個人在龍城, 買了臭腐乳及橄欖菜, 施施然去創發吃潮菜。被發落的門口位, 有兩碟唔知放了多久的腌菜, 我就不敢掂喇。在門口打冷檔望了兩眼, 決定要潮式春菜, 鹵水鵝腸拼鵝肝及水瓜烙, 之後的邊吃邊叫。春菜味道十分好, 很香, 也炆得入味。創發的鹵水真的不得了, 甘香味美, 可惜鵝腸有少少化學味, 過脆了, 鵝肝就夠甘香, 一讚。其後叫了煎牙帶魚及重皮蟹兩隻。煎牙帶硬了多少; 而重皮蟹的羔很香, 很好吃。最後想吃反沙芋, 垂不知老細已預備好四件。反沙芋甜甜的幾好吃, 可是太飽, 只吃得下一件。創發不愧為主港最好的潮菜館。最欣賞是其不開天殺價, 不像我以往吃過幾家所謂"正"的潮菜館。

跟姊妹C說起, 不如搞個頌揚團年飯局, 結果有12+2人出席, 連弟兄J都首次出席, 真高興. 地點基本上由我去決定, 大家習慣了跟我走去食. 今年經濟好, 過年前的星期天係一圍難求, 最後揀了而度.吃完陳記就過來了, 差不多六點, 都要等店方去開燈執位先有得坐. 環境係麻麻, 但我們十四人坐在一角, 還不算太迫.飲過功夫茶同食過魚乾蝦乾, 就同弟兄M去點菜. 而度點菜係無餐牌, 就係睇牆上的菜牌紙同去打冷檔揀. 打冷檔果然幾有睇頭, 一隻隻凍花蟹吊在那裡.姊妹多加上有兩位小朋友, 最後只揀了十樣菜.凍花蟹: 8分, 並不便宜, 經表決後, 大家都係要了一隻六百蚊的. 都算幾大隻,分到十件. 跟文迪分了一件蟹腳, 肉質鮮甜, 但未算嫩滑.叫做試過.但一人加多五十蚊去試, 又唔多抵. 巴黎, 永利飲食蟹腳, 水準都唔差很多.大眼雞: 8分, 比凍花蟹更有驚喜, 魚肉幾嫩滑. 小弟兄應該吃得很高興.鹵水鵝肉片: 9分, 單叫鹵水鵝片太貴, 最後叫了鹵水鵝肉片, 即係唔夠十片鹵水鵝片係面, 再加鹵水鵝肉係底. 鹵水汁相當美味, 鹵水鵝片係瘦肉帶點肥, 幾嫩滑. 鹵水鵝肉就較多肥羔, 但肉質都

委實, 真係唔明白點解之前一眾食家給予此店咁高評價.........此老店又貴又唔好食鵝片賣哂, 唯有叫鵝翼+鵝腸例牌.........味道尚可, 不過都幾細碟, HK$100 太唔抵涼瓜排骨湯幾清....HK$50, OK啦蠔烙勁油,勁淡.......HK$40 潮式魚麵HK$50......好咸, 唔熱, 好油, d配菜又未炒熟豉椒蟶子HK$80......細隻, 好咸, 無咩特別蠔仔肉碎粥HK$50.......蠔無鮮味, 湯較油水瓜魚膘HK$80.....原來唔係新鮮魚瞟, 而係炸魚肚, 又係勁味精一家四口, 食到一肚氣......此店浪得虛名, 永不錄用!

是晚來，純粹因為想吃鹵水鵝。原本是十二人的一圍，坐下坐下，又去到16人，由有背椅轉圓橩仔，難得大家也不介意，柴娃娃、嘻嘻哈哈的，又一晚。師姐的餐酒加專兄的燒酌再加區區的平白酒，沒有了九唔搭八的伏特加，也是一個不錯的組合。當然少不得的，也有麵包兄的餐前小吃。已來過不知多少次，點菜當然沒有難度，行過去找老細胡扯一輪，就搞掂。仗著人多，也可以叫多幾味，前後加埋，都有廿味，分別是鹵水鵝半隻、白灼鰤魽、豬腳凍、凍蟹兩隻、煙鴨、鵝腸併墨魚﹝大﹞、筍炆鴨、水欣烙、蠔烙、炸三併、鹹肉炒蝦乾蘭度、豉椒炒蟶子、普寧豆腐、魚丸吊桶浸紹菜、苦瓜湯、胡椒豬肚湯、煎韮菜粿、煎筍粿、反沙芋、煎酒麯粿。坦白講，沒有每一樣都吃，只挑有興趣的吃就算了。凍蟹要了兩隻大的，雖然價錢不便宜，要一千大元，但斬埋都有一碟滿滿的。轉了差不多一圈，還可以吃到蟹鉗；轉多幾圈，意外地發現蟹蓋還在那裡，這班食友也真夠客氣的。凍蟹不夠實肉，有點水水的，可幸件頭不小，吃落也覺不錯；鹵水鵝切得幾大片，叮囑要鵝胸，卻意外的發現不太嫩滑，何解？不過鹵水的味道仍然好，始終是店子的「膽」，船爛也剩三斤釘的。因為鹵水味道夠，之後的一碟鵝腸併墨魚就更好味。兩