加太賀

营业中

休息中

早前和友人提起這間曾風靡一時的明星食店，發覺我原來還未有機會一試！最近行經附近，加上非peak hour，好吧，就試試佢！花之戀：是必點食物！雖然索價比一般店貴，但我覺得值得，而且它不愧為鎮店食品～ 飯量是一般連鎖壽司店花之戀的2-3倍，足足四大塊三文魚圍著，蟹子和沙律醬也多，總之啖啖滿足，正！炸多春魚：size 大，不過粉比較厚，好在夠味，新鮮炸起，算OK 吧。香橙牛仔骨：橙是伴碟，牛仔骨零橙味。比較油，肉算腍但不離骨。和「日式」沒大關係，像港式茶記小菜。另外叫了加太賀特色冷麵，沒拍照。雖然只叫了少份量，但二人來說非常足夠。有大量魚生、八爪魚、魷魚圈、蟹子、青瓜絲、蛋絲⋯ 飽～

三文魚刺身($200)加太賀，以前真係好出名。唔知大家知唔知係佢地發明花之戀嫁呢？最近司令同屋企人，興致一起，就走左去加太賀度食。由於當日十一，塌塌米既位置一早已滿，司令只好坐卡位。司令當日叫左好多食物，但始終最值得講既係三文魚刺身。大份既三文魚有14塊，索價200元正，司令當時心諗都咪話唔貴。但一嚟到就覺得又冇話唔值既，因為三文魚既厚度相等於兩塊三文魚，超級和味😍而且因為厚切，所以口感豐富，又鮮甜，食到停唔到口，所以司令都覺幾值既！

加太賀~對於香港人黎講都唔會陌生係紅磡區都仲算出名(名氣已大不如前)晚餐時間黎食魚生壽司就食得多, lunch time黎食set lunch都係第一次食~我order左: 鰻魚拼鴨胸飯好港式配搭, 不過勝在鰻魚本身都好厚身好好味飯底夠熱之餘汁醬方面都好足夠, 唔會好咸!鰻魚底層有少許椰菜, 都爽甜而鴨胸都係一般吧~還可以的以一個女士黎講呢個lunch份量都算多~(應該有平常的一碗半飯)男士食就岩晒了總括黎講呢個set都算合格啦p.s. 留意返, 佢呢個set會附送面豉湯, 生果同雪米糯

N咁多年前，加太賀是一間超超超人氣餐廳，記得當年成條崇潔街都係等入座嘅人，不過佢又的確安排得幾好，整條街很有日本小巷feel, 又有小型攤位遊戲玩住嚟等冇咁悶，當時香港嚟講，這間餐廳確係搞得有聲有色、熱熱鬧鬧，巨型花之戀三文魚花型壽司和飯後贈送的雪糕糯米糍均紅極一時。某日路經紅磡，心血來潮帶埋孖寶去了加太賀，看看現在變成怎樣。我們沒有點招牌花之戀壽司，只是隨便叫了刺身定食、烏冬冷麵、石窩飯和孖寶最愛的三文魚籽壽司。當天下午客人不多，食物水準不過不失，烏冬冷麵略嫌不夠爽彈，石窩飯有點過油，最吸引孖寶的是一直沿用至今的飯後送雪糕糯米糍的習慣，氹得小朋友好開心，大讚好味!店外仍有不少擺設可供拍照，對小朋友來說是挺特別的地方，嚷著下次還要再來!

是日係紅磡探個frd,之後諗住係附近揾啲野食，之後就見到呢間傳說中嘅加泰賀，於是我地就入去試下都好，一睇個餐牌，我地都唔知叫咩好，就隨便叫左個加州卷，和風烤鴨，炒烏冬咁。但食落真係無想像中咁好。加州卷飯超級多唔再講，料又小，跟住飯痴牙嘅。。。和風烤鴨啲肉爛嘅，超難入口，仲無咩味tim.....炒烏冬濕嘅，唔通呢個係濕炒烏冬，而且菜多過面，俾多小小面我得唔得先。。。今次真係失望，見佢係電視賣咁多廣告，仲以為好勁。。。

之前係附近返工LUNCH 成日去食轉左工之後好耐無食過心郁郁想食花之戀就去左食食物仍然OK不過就係位置唔方便燒牛肉：牛肉味重，燒到外皮外脆配上牛肉汁野菜炒烏冬：稻庭鳥冬+大量的雜菜絲炒，咬下啖啖菜絲，唔油膩，夾埋菜食好爽口，味道剛剛好三文魚刺身：新鮮 大件 有色澤壽司：加洲卷 花之戀 好新鮮天婦羅：蝦、蕃薯 有口感 個皮有充滿酥香 大蝦仍然肉味鮮甜

一开始就緊係食生野先啦，有好多唔同種類嘅壽司，有些種類好小向其他日本料理地方食到，可以比較特别。好像依兩款，我都在其他地方好小食到我食日本野，多食生野依個粥係我會例外向食日本野嘅地方試食熟嘅食物。平時我去食野，一定食d特别第二度無得食嘅特别來到，咩都try下。依個粥真係比想像下鲜甜，兩個人食份量足夠。依個冷麵食落幾正宗

今天假期同家人食午餐, 嚟到我同太太拍拖時經常來的加太賀，打算預祝結婚十七週年紀念。有幸我一家來到餐廳時是第一枱客亦是為一的一枱客，員工也剛剛用膳完。當坐下時搗茶的職員到來搗茶，企係度，唔識行到近杯的位置取杯搗茶，叫客人傳杯到路口搗茶，枱的兩旁都足夠她行入搗茶的，不過算吧！因為食品未來，為了健康，忍忍忍，好，到點菜落單時，我叫最近的員工落單，她望一望我，吾出聲，搖一搖頭，示意我，要我叫後面的職員落單，呢次我真系要爆!甚麼服務態度，我問有無經理或店長返工。職員支吾以對，吾肯説有定無，我將我不快的經歴講出再次問有無負責人係度，職員話要睇睇，之後一去不返。於是我沿路進入，終於係巷內見到剛才的職員，她和一男職員「後來知道是店長」，我再將剛才不快的經歷說出來，他表示會改善！

When I first came to Hong Kong, my foodie cousin took me here as my first introduction to the weird foodie culture that Hong Kong is. It was pretty amazing. The whole alley looked like you were in Japan. And you could order anything that was Japanese. At least what I knew of Japanese food at the time. I had not returned again.Flash foward present time. My friend booked a table for dinner here on Christmas Day. I was taken back to the past as I walked into the restaurant. My other friends remarke

作為一個在香港土生土長的吃貨，都會對佔領了一整條後街的《加太賀》有所認識及聽聞。以前，好多人都會專程來，體驗一下這一條《加太賀街》，體驗一下這一條紅色的街。事隔多件，《加太賀》的熱潮已經不再，但這並不代表佢已經萎縮，今時今日的《加太賀》，依照是一整條街地列陣，行到入崇潔街，我眼前的，依然是《加太賀》的紅色世界。以前記得，一大班人食完飯，是可以去抽獎的，記得當時的大獎是原條三文魚，細獎小獎則有一些小文具、唔等使的小禮品等等....現在回來《加太賀》，這一個 party feel 應該依舊在，但我來的是中午時段，所以並沒有機會去抽大獎。室內，一切是依舊地以日式平民酒館格局裝潢，簡單的酒屋風格，其實是他們其中一個店，其中一個場的主題，不過，好像我小時候，來過好幾次，都是這一個場，也許，我只記得頭頂上的燈。紅燈，以前在街市及超市，用來照雞蛋的紅燈。小時候，不知為何要每隻雞蛋照，亦不知照出來有什麼分別，而現在，冇人會咁照了，我亦沒有癮去考究以前為何要這樣做，當然，我早已把這傳統燈飾忘記了。但，當我在《加太賀》再看見這一個燈，就會想起以前老媽子買雞蛋，隻隻都要照過才放落籃。中午到來，食午市套餐是指

每次黎親都一大班人黎  起碼10個人~ 所以都book曬房  房間設計好靚  又坐得舒服😊  每次都影返幾張相  好有和味道   如果人多  一定要叫呢兩個必食孖寶   刺身絕對新鮮  好鮮甜    個海陸空拉麵好鬼大碗   好好味  個湯好夠味而唔油~  呢個饅魚餅值得一食  饅魚夠大夠厚身  加上個飲煎炸得香脆  口感好好  我好喜歡讚!!!!

老闆生日中午去了公司附近的加太賀食飯，叫咗2個套餐，今日的刺身算新鮮，有三文魚，牡丹蝦，油甘魚，八爪魚，吞拿魚，墨魚，花之戀和壽司都不錯，沙律汁幾好味，另一個沙律太多我5食既青瓜冇乜點食，魚湯麻麻地，炒飯不錯，燒鯖魚ok,牛油焗雜菌ok,天婦羅冇乜特別，豬軟骨忟得好冧，炒麵就一般，最尾有雪米糍做甜品。菜式一般，冇和民好食，不過貪佢近近地老闆又有折。

真係專登開返個account黎表達心聲兩個人去食晚飯,叫左d壽司,象拔蚌刺身,燒物,清酒煮蜆, 點知個象拔蚌刺身少到可憐又唔新鮮,煮蜆...d蜆細粒到不得了,冇酒味,壽司飯冇醋味又大舊又硬,我都未食完碟壽司侍應就趕住攞去dum,問都唔問一聲,最重要的係貴到亞媽都唔認得,果小小o野食左成七百幾...

一個人食午餐的星期天, 想食豪d, 去到加太賀食個late lunch. 成條食街在星期日竟然靜靜的, 比平日晚上寧靜多了。 星期天沒有午餐供應, 只有晚餐餐牌, 意思即是價格較昂貴的食物。 打開餐牌, 對定食沒大興趣, 最終點了明太子炒飯, 有辣與不辣兩款選擇, 原來明太子可以不辣, 就試試吧！等了大約五分鐘, 熱騰騰的炒飯端出來, 飯的木魚還在跳舞, 炒飯的材料挺豐富, 炒得均勻的明太子, 嫩滑的魚(如果沒有細骨會更好, 吃得更安心), 切成片的粟米芯, 鹹味適中的日本筍, 再用葱和提子乾作點綴, 色香味俱全。 我欣賞明太子炒得散, 只偶爾會見到一大塊, 飯的油份恰到好處, 炒飯其實是兩人份量, 但我無點其他食物, 一個人吃了整碟! 飯後還送細細的雪米糍, 滿足了！

中午到紅磡，正好到久未到坊的加太賀吃個日式午餐！環境有點老舊了，幸好服務還算可以，中午提供幾款套餐，索價幾十元，是便宜的選擇！點了魚生飯，還有加洲反卷，以及花之戀！上菜好快，質素對得起價錢。花之戀有兩客，魚生一大塊一大塊地圍住飯團和蟹子，望上去令人食慾大增！放一塊魚生到碟上，加一點飯，放上蟹子，包好，沾上沙律醬，豉油和wasabi,非常鮮美可口！反卷有不少蟹子，飯仍有點溫熱，同樣沾沙律醬吃，味道不會讓人失望！套餐的魚生飯，外表能令人食指大動！魚生鋪滿飯面，還有蟹子和炒蛋碎，吃到嘴裹，有多重不同的口感，如果魚生可新鮮一點，絕對令人一再回頭！結論：中等表現，過一段時間，會想過來吃頓午餐！