加藤屋 (元州街) (已結業)

香港從此除咗吉位家，個個都爭住嚟食加藤屋之前甚至午市一個牛肉飯只係$15？！！（以家加返做$20連飲品但依然好平）即使係夜市都唔貴，依然係大排長龍，今日係特登嚟到深水埗為咗食一餐加藤屋😹★★★★★日式豚肉雜炊（泡飯） $40我地叫咗個穩陣嘅清湯，夾埋d飯食夠晒好味又唔會覺咸好足料，豬肉又多配料：粟米粒﹑蟹柳﹑菜﹑木耳絲﹑蘿蔔﹑蛋﹑金針菇etc.夠晒豐富，飯量又夠多！★★★★麻辣牛肉飯 $42有得叫大中小辣，我地叫咗個特辣，唯一係覺得達唔到我地＂辣＂嘅標準🤣🤣屬於微微香辣嘅口感，夠惹味，牛肉份量亦好多★★★★★脆炸逐瘋薯棒 +$8我地以為係長洲D薄身薯片，原來係偏厚的薯肉，感覺仲抵食咗薯味夠香濃★★★★★爆脆蝦角 +$6新鮮炸起非常香脆，皮薄餡靚，蝦肉多，正！埋單晚飯每人50蚊，有齊主食﹑野飲、小食，食到你飽一飽！真係想日日瘋狂食加藤屋呀加藤屋整體評分★★★★★地理環境★★★★深水埗出行２條街到，十分方便環境光猛，乾淨企理不過店舖細人流多，想食就要排隊啦服務★★★★店員招呼快，態度好食物★★★★★食物選擇多！份量足夠非常飽肚價錢＄抵食到傻，希望一直咁好食同咁好生意！

今次叫左個雞肉鍋物定食，原來40蚊，轉鳥東加兩蚊。上菜時見到個鍋，感覺份量幾大下，女士可能會飽死🤣食落去雞肉好滑，料好豐富，有粟米雲耳椰菜同埋半隻蛋，鳥東就正正常常啦，都幾彈牙嘅，個人鐘意鳥東多過湯飯食完個肚勁飽，勁抵食😋壽喜燒湯底甜得黎唔會太甜，咸度適中，食完勁飽講下個環境啦，其實同一般快餐店差唔多，都乾淨企理，坐落都幾舒適美中不足係太多人，呀姐有時會傳錯餐，不過佢地好好禮貌同埋會道歉，所以以後都會繼續黎食😊

下午茶精選梗係加藤屋啦舖仔細細，門口都幾多人排隊但大概10分鐘就入到日式牛肉鍋定食 $45配白飯+泡菜+味增湯性價比不錯，一個set有齊湯、主食、配菜牛肉鍋分量很多，配菜都好多配搭好健康，大量蔬菜金菇、木耳、竹輪、半隻蛋、蟹柳、紅蘿蔔、椰菜味道揀左壽喜燒，頗濃郁！比xx家高質很多！以後香港人食下午茶、牛肉飯、打邊爐只選加藤屋♥️

🔎加藤屋 (深水埗)📍深水埗元州街34號地舖-支持黃店😊 平價吉野家xPepper Lunch🔹日式牛肉鍋定食 麻辣湯 $45 （跟泡菜+白飯）呢個價錢食個鍋會唔會太平？質素還可以 份量亦夠多 牛肉同椰菜都好多仲有豆卜 金菇 紅蘿蔔 冬菇片 蟹柳同半隻蛋麻辣湯叫左中辣 好味 辣度剛好 🔹鐵板黑椒牛肉飯 $51 （送汽水/麵豉湯）有汁可以自己加 個人覺得油左d 不過唔差嘅份量亦多 性價比還可以#黃店系列#食在深水埗#90sfoodieshare_深水埗

自從之前罷工事件之後, 加藤屋就開始多了人捧場, 加上有新推出抵食下午茶餐, 所以就去試食. 一到了下午茶時段, 開始出現人龍, 要排隊取票. 雖然食客多, 有人開始鼓譟, 但店內職員態度很好, 抵讚! 店內裝修類近現代日式風格, 但是吉祥物造型有點奇怪, 格格不入.原本想叫2個下午茶餐, 但原來每個餐都包了飲品, 看上去挺飽肚. 所以沒有叫多個.雞扒飯味道不差, 份量較正常下午茶餐多, 米飯口感像日本米, 只是醬汁份量不夠多.另外每個餐可以優惠價叫炸物, 都非常抵食. 除了長洲外, 很少在其他地方吃到薯串. 而且薯味香濃, 非常推薦.吃到飽都只是20元內, 就算再貴點都值得支持! 

今日工作忙得不可開交，連出去午餐既時間都無，在苦惱叫邊間外賣填肚既時候，同事話去加藤屋買外賣。在此之前，同類餐廳，我只係食過橙吉家，出於試新野同跟大隊既心態，就叫左個麻辣牛肉飯，個飯仲可以揀大中少辣，除左飯類款式多之外，真係估唔到連辣度都可以揀。食辣野當然配返杯可樂，無錯，係可樂，唔係百事。無耐同事返黎，遞左袋飯比我。而我望一望貼係膠袋上既單，外賣竟然平$5，減完個價錢都算貼地。望見個盒係鮮黃色，再加上紅紅可樂杯，在黃紅相映下，感受到加藤屋想係牛肉飯市場，展示出自己既與別不同，用顏色令食家係用餐感受留下一個獨特既印象。打開飯蓋倒下牛肉，徐徐用匙更撈下啲飯。但汁不夠多，唔能夠每粒飯都沾到汁。飯唔係粒粒分明之外，仲要有啲爛，扣分。食口牛肉，麻辣同牛肉出奇地夾，辣似麻辣燙果種辣，牛肉連飯一齊食，係非常惹味同好送飯，味蕾有種衝擊，我係食緊飯，唔係食米線既感覺。食完個牛肉飯，有種破舊立新既睇法，唔應該習慣消費特定品牌，應該勇於嘗試，對於食左十幾年同一間牛肉飯既我，有一番新體會，亦希望有更多既體會。的確食飯都可以悟出人生。

最近大家都去支持加藤屋，我都唔例外。我去左深水埗分店 叫左個下午茶餐T1加藤牛肉飯(細)配熱檸水。對比吉野家，佢牛肉既份量極少，而且又冇乜牛肉汁，根本唔夠送哂成碗飯，飯既質地太軟，冇口感，好普通。令我最失望既係，我第一次黎，單又未印到出黎比我就上飲品，一直問係咪6A枱架？我點會知自己幾號枱？唔知身位姐姐竟然嘆一口氣再走左去。當時係下午茶時段，個場8成full，有三、四個staff到，唔會係去到攰得滯發客人脾氣既程度，我唔知點解我要山長水遠過去支持加藤屋又無啦啦要受氣。我以後都唔會再幫襯，良心小店都咁話。

有人話，orange is the new black，加藤屋卻不是新吉野家。近排加藤屋比網民吹奏得好緊要，成為潮流，因為加藤屋唔在各方面都比告別家優勝——價錢種類味道，同埋對香港嘅支持。21蚊一個tea，我係大學canteen都未必食到啦，加藤屋卻可以抗通漲做呢個價。點解加藤屋有餐牌？原來呢間係唔似長沙灣個間order完自己拎，係送餐的！咁我叫咗個野菜豚肉飯小辣配玄米茶，但太肚餓食完先記得影相大家張就下我下次唔敢了。野菜唔似告野家咁小家白烚，食得出係有少少汁煮，豚肉正常，而辣其實都係加日本辣味粉，但可能我地呢十幾年太習慣食個間x野家，所以估唔到加少少辣可以帶來驚喜碗飯係細咗少少但21蚊唔計較啦。玄米茶就hea d，當濕下口算。Ps, 入面嘅食客相由心生個個靚仔靚女，我今日食食下，對面迎來一個後生版結衣，之後我

呢排依間餐廳好多人討論，你懂的🌕，咁啱經過又差唔多兩點就一於試下，因為兩點已經做下午茶👍🏻。下午茶餐最平由$20起，有好多款揀，有豬牛雞又可揀配粉麵飯等，混出唔同組合。我就要咗🐮T1加藤牛肉飯(細)($20)，麻辣+$1，外賣又再加$1，個餐包麵豉湯/玄米茶/汽水。另外佢仲有好多小食俾你加配，例如薯餅蝦角薯棒等等，都幾抵食，我就加$6叫咗兩嚿K6爆脆蝦角，但外賣盒🥡又要另加$1。所以如無需要都係堂食好過，又可以嗌鍋物/鐵板，而且呢到係茶餐廳style，有人送餐，食完先出去比錢，而唔係快餐店嗰種。一夠兩點都多人入去食，所以外賣都等咗成十分鐘到。🐮牛肉同🍚飯嘅量其實偏小，但始終係下午茶嘛，其實個感覺同吉野X都幾似，但最唔同係加藤屋個牛汁有得揀辣度，我要咗小辣🌶。呢個汁真係勁正，撈飯一流，因為只係少少辣所以我完全食到，加上佢個辣汁好香，令到我愛上咗，即刻食哂成個飯。至於個爆脆蝦角🍤，就唔係好大嚿，亦都唔夠熱(應該唔關外賣事)，但中間嘅蝦膠就勁足料，食到蝦肉，個醬又幾好食😋。整體嚟講都算幾唔錯，又抵，堂食可能仲好啲。總括嚟講，加藤屋嘅牛肉飯比我想像中好食，好食在嗰個辣汁🌶，非常惹味，小食亦都唔

好多人都話呢間加藤屋抵食又唔差性價比好高 所以今日就黎試下佢一去到深水埗呢間分店 已經見到滿哂座 門口都有人等位不過我去呢日人唔算好多~ 好快已經有位唔記得影低餐牌，但普遍都係$40左右 包野飲晚餐黎講 都幾平！佢各式野都有牛肉飯 鍋物 鐵板牛 可滿足唔同人需要我就叫左呢個黑椒鐵板肥牛加芝士佢份量都唔算少 芝士都好多~味道 其實同食開果間都差唔多 但就平一截！另外仲試左佢呢個肥牛鍋個湯 唔會好咸 而且料都好多好足麵係40幾蚊左右食到飽！其實有d似平時放題食到既鍋如果係邊爐咁就更好喇~如果唔夠味 仲有個自助加醬吧 俾人加~整體黎講 佢既性價比真係幾高！而且聽講 lunch 20蚊內有找數 抵過食快餐店~糧尾首選！

其實之前在西九龍和我男友曾試過1次，那次經歷不堪回首😑😑😑但今次跟朋友再食，所以❤想: 不如又給多次機會它因此伏已中了2次所以我不會再給第3次機會它其實它是想做 山寨版-吉野家 但可惜不成功牛肉沒有味道 都不知道我在吃什麼是牛還是豬😅😅😅然而飯奇硬食完又令我特別胃痛😖真想不明白為何會有人會讚好說好食?難道我的肚子是跟其他人不一樣的嗎?真摸不著頭腦🤨真❤好味的又無人讚，不好味的居然去讚?難道是世界的標準改變了嗎？如果要我寫評語我只能說 垃圾 這2字👎抱歉 因為我接受不到食垃圾落肚其實小妹比較少會寫劣評但奈可2次機會真的不能容忍🤬🤬🤬

點了A3泡菜牛肉飯。泡菜不是韓式那種，而是咸的椰菜。咸得離譜，又不辣。牛肉是沒有味道的。凍檸檬茶是我飲過最難飲的。下次食牛肉飯，還是去吉*家。起碼人家是真。泡菜。

原本好開心屋企附近開左加籐屋 行路唔使3分鐘就去到 諗左好耐最終買左麻辣牛肉飯加麵豉湯 間舖得5個人都無 但都要等成10分鐘先有得攞 至於食物 麵豉湯味道正常 麻辣牛肉味道都幾好 雖然分量相對地少 同無乜汁 我都覺得okay嘅 但真係估到 食到一半居然見到有一條好長嘅頭髮埋左喺啲牛肉入面！！！！即係條頭髮都唔知喺佢煲嘢度煮左幾耐！！🤢🤢衛生程度簡直係負分！！！！！🤬🤬🤬🤬完全唔可以接受！！！諗返都好想嘔🤮🤮🤮 估唔到開左無幾耐嘅地方 啲管理都可以做得咁差！！！ 只此一次 以後都唔會再去！！！😤😤

價格相宜 份量合理, 就算男子組都話夠飽,  除了日式的牛肉飯, 咖喱飯, 亦有豬/雞選擇, 某些套餐可免費轉乌冬或拉面伙計招呼態度良好, 值得再光顧唯獨冰水須另加錢, 食辣野留意啦