加藤屋 (元州街) (已結業)

加藤屋 #深水埗 #黃店❗️❗️糧尾恩物之黃店❗️唔食吉野家其實都有好多選擇，呢間加藤屋就係其中一個，同樣有牛肉飯雞扒飯揀，而且仲有咖喱麻辣等等選擇，價錢一樣咁平。加藤牛肉飯$43 + $5 檸檬七喜-> $40 (after student discount -$8)用上肥牛，塊數以呢個價錢來講都算足，不過就細啲，而且脂肪比例都多，清清地唔算超入味，但可以額外問店員攞牛肉汁，撈埋牛肉汁一齊食還可以。味道:3.5/5性價比:4.3/5和風咖喱雞扒飯 $48 -> $40 (after student discount -$8)雖然牛肉飯係佢哋嘅主打，但個人更鍾意呢個咖喱雞扒飯。有得選擇辣度，日式咖喱通常唔係好辣，所以今次挑戰左中辣，果然係咁先感受到少少辣，都算惹味，而且雞扒夠滑。味道:3.8/5性價比:4.3/5整體來講味道正正常常，但絕對係平價糧尾之選，而且飯都幾多，男人食都會夠飽。另外學生仲可以-$8。

之前素聞加藤屋賣日式牛肉飯出名 , 又平又高質過吉野家趁住放假星期日去深水埗試一試去到望見店面 , 不愧為黃店 , 成間店內內外外都一片黃 , 大約坐到40多人快餐店格局時間正值下午茶時段 , 點左牛肉飯 , 友人點左豬肉飯及雞肉飯 , 下午茶每份送汽水, $22都幾平飯甫一上台 , 並不是用珍珠米 , 明顯睇到飯勁乾, 三碗飯均欠肉汁入口咬落去更為不堪設想 , 肉乾到一個點 ,牛肉,豬肉,雞肉均淡而無味 , 似係隔夜雪櫃雪到乾晒再拎返出黎叮熱佢一樣而飯仲離譜...少量部份米都未熟得晒...搞咩呀大佬, 同江湖傳聞咁大出入既喂唔知係自己呢枱唔好彩定還是個廚當日賭輸馬 , 全部都係一塌糊塗 , 安慰既係杯雪碧無問題間野好彩無銀龍咁既白汁飯,如果有人叫既都幾大檸樂只能講曾經有呢份好難食既牛肉飯係我面前 , 我無好好珍惜咁唔食佢 , 後悔黎左食坦然回頭率不足10%

本身已經經過加藤屋好多次，但係都冇入過去食，今次就叫外賣試吓牛肉飯：好多牛肉，味道同某連鎖店嘅牛肉飯差唔多，而飯量亦夠飽南瓜薯餅：驚喜之作，外皮炸得鬆脆，中間南瓜蓉和薯蓉配合得很好👍🏻炸蝦：不過不失，可能是外賣的關係，外皮已經淋了，但肉質很彈牙原來學生仲有外賣優惠，好抵食

自從決定唔再幫襯吉X家，我先開始留意到加藤屋嘅存在。發覺佢嘅食物真係幾抵食，幾大份，但價錢好親民。-日式雞肉鍋定食(配白飯及泡菜) $43跟餐選擇咗玄米茶，作消滯之用。定食飯量好足，白飯本身已浸於湯內，同一般湯飯無異。鍋物有唔少蔬菜，例如粟米、木耳、金針菇等，所以湯底幾清甜。雞肉味道正常，未至於非常嫩滑。-辣酥雞 $5雞件尺寸以$5而言都算正常，辣度惹味，雞肉入味。可惜炸衣略硬，如果可以酥脆返啲會更正。-粒粒粟米薯餅 $6一碟2件嘅粟米薯餅，原價$16，竟然用$6就食到，感覺有賺。味道雖然唔係話好驚為天人，但以呢個價錢而言，算係頗不錯。吉列炸衣唔算太厚，食到粒粒香甜粟米。

好耐無食牛肉飯，自從凶野家被Black list 之後。江湖間傳來有一間聞名四海的餐廳亦有牛肉飯食。於是決定會一會，價錢唔算特別抵食，但下午茶好似幾抵。飲翻杯雪碧順一順條氣，夠氣，無溝水，果然有良心。牛肉飯加大版，真係好大份，差d食唔晒。但唔可以做大嘥鬼，好味必定食得晒。珍珠米大大粒又飽滿，食落香軟，有口應，無得頂。另外，可以追加一個小食，可以出多一分力肯定不遺餘力，只係10蚊。呢兩隻蝦非常好食，香脆可口，正到痹。最後大合照。快靚正。

平時都已經少食但自從藍色牛肉飯唔可以再食，就真係超耐無食過。深水埗係多野食，但睇睇下見到有牛肉飯。就好自然咁同朋友行入去了。店內的客人主要係年輕人居多。點餐出餐的時候好快，落單唔夠三分鐘就有野飲有野食。我點了下午茶$22，size 細一點，但夠我食。朋友一個點了正常，一個點了特盛。以為特盛係多d 牛肉，點知拎左個盆咁大的飯出黎，成個盆入面都係飯同牛肉。終於可以有牛肉飯食，如果加多一點汁，味濃多一點點就好了。

終於嚟食呢間連鎖店—加藤屋啦！💛💛坊間對佢嘅食物質素差異極大，今日就等我嚟試吓究竟如何啦😎·加藤牛肉飯個汁整體係淡淡地，要落多啲汁先帶返出過牛味，我哋落咗成碗牛汁，結果好似小泡飯咁🤣牛肉整體份量都足夠，肥瘦分明，飯嘅份量亦都偏多，一個女仔都未必食得晒🤣唔完美但係可接受喎😗·日式牛肉鍋定食真係要推介🥳！！40幾蚊就有得配一大揪嘢食，粟米、獅子狗、豆卜、金菇、肥牛，抵食到爛🤑。我哋揀嘅係壽喜燒湯底，again，味道都係淡淡地，但都見得人。特別係有咁多嘢食就補償番湯底上嘅不足😎·至於成餐飯最有驚喜嘅就係加配嘅脆炸旋風薯棒。呢個靈感應該係來自長洲嘅巨薯棒，嗰啲又乾又硬，呢一個呢就落咗啲炸粉炸後外脆內軟，似食緊薯角嘅長身版！絕對值得叫！🍟🥔·整體來講，兩個人埋單都唔使$100 ！包埋嘢飲！好鬼癲！🤯唯一嘅敗筆可能係佢係湯底同醬汁嘅調味上有待改善，但係絕對對得住個價錢，好彩有佢哋支撐我嘅糧尾💛💛👍🏻👍🏻-加藤牛肉飯｜$41日式牛肉鍋定食｜$43脆炸旋風薯棒｜$8（加配價）-加藤屋 (深水埗)深水埗元州街34號地舖

加藤蒙面俠🕶外傳 - 再戰‼️ 來1️⃣客平靚正既既牛肉飯下午茶🐂 <加藤屋💛>果然黃氣💛十足💯下午茶時段真係超級抵食😳👍🏻💰$20up仲要包埋1️⃣杯玄米茶🍵/🥤座位之間會有點少窄🤏🏻 <加藤牛肉飯🥩🍚(細)>下午茶既份量真係唔算好多🤏🏻第1️⃣啖感覺「係好懷念既牛肉飯呀🥺」牛肉🥩偏薄身🤏🏻 洋蔥🧅甜甜地🤏🏻少少肚餓🤏🏻又想輕食下午茶黎講算幾唔錯有無Buddies都覺得加藤碗既賣相好吸引😳飲返啖熱熱既🔅玄米茶🍵夠曬完滿😌

加藤牛肉飯(細)🐮$22 (下午茶)閒日下午茶時段都好多人😮真係好多人支持😏$22包埋飲品，的確幾抵食😉除咗汽水之外😁仲可以揀麵豉湯或者玄米茶😎可能人太多🙈大概等咗15分鐘先上菜😂牛肉飯有五片牛肉🐮味道尚可👌加藤屋 (深水埗)深水埗元州街34號地舖

1.店員仔細睇清楚有冇人攞左飛等緊位今日晏就過黎食 入到去攞位 攞飛 話兩位 企收銀既姐姐就叫我坐呀兩位 其他姐姐問出面有冇人等緊 收銀既姐姐話冇 咁我就信左佢坐左入去 我坐左陣先問我係未未齊人話我知出面有人等緊 叫我出去等 下一張到我2.叫客人出番黎 但冇補派飛Ok 我出去等 出到去 已經有pair客人等緊 攞住張飛 其實保險啲係未要俾番張飛我？ 要我問先俾我？！ 係未其實唔使俾飛我 因為認得我？如果我唔問佢攞飛 我係未要白等？3.員工冇口齒 等等下 有姐姐出黎問 我地等個啲人 齊唔齊人 最後我未齊人 佢就俾下一張飛既人 入左佢先 我想問咩叫下一張到我？ 仲有我之前試過兩個人食 我入左去坐先都得 點解今次又唔得？一路都食開加藤屋 罷食吉家 但而家依間我都不了

#wings美食分享#wings黃店遊．🍁日式雞肉雜炊（配烏冬及熱飲）＄42那天午餐時間去到，已經有不少人在排隊，下單後大概等了半小時才拿到！🙈配菜非常豐富，有蟹柳獅子狗栗米木耳蘿蔔娃娃菜，仲有半隻蛋微微半生熟，雞肉是一塊塊的，不奢求會很滑但也不會鞋口，烏冬應該是讃岐烏冬，煙煙韌靱的😚，湯底方面我叫了清湯，淡口味人士還是覺得咸了些，重口味人士可考慮看看點壽喜燒湯！👻下單時想要求少烏冬但居然不能（？我最後也吃不完但好像可以要求多飯的你說這價錢這質素這麼良心，快點去懲罰佢！💕．#香港手作#烘焙#手作#手作甜點#甜品#手作甜品#香港網店#網店手作#網店#hkig#hkfood#hkigfood #igfoodies #foodie #foodblogger #handmade #loveeating #2eat2gether #hkfoodstagram #hkfoodies #eating #eatingwell #eatingshow #eatingislife

下午茶，不二之選！加藤屋！下午茶價錢超平，$20一碗飯, 仲跟埋餐飲。再配小食，脆炸旋風薯棒、爆脆蝦角，兩個人先至55蚊！爆脆炸蝦角，外型就係好似一般嘅咖哩角咁樣，食落去裏面就係一啲蝦肉咁樣，新鮮，炸得好脆口。脆炸旋風薯棒，外型好似龍捲風咁樣好得意，薯仔炸得又香口又脆身又惹味，重點就係，唔會好油膩。加藤牛肉飯-原味 (細) + 加藤牛肉飯-中辣 (細)， 我冇食到辣嘅所以唔知乜嘢味，我食嗰碗係原味，飯粒好煙韌好飽滿，好香 ; 牛肉好嫩滑好夠味道，好夠牛肉味，好有日式風味，洋蔥好甜好香。 食後感，就係very good

我同女朋友夜晚9:30左右去咗食嘢，咁我女朋友有少少唔舒服冇乜胃口，我哋就叫咗一個鍋物定加一個小食，總共就$51。個服務員落咗單之後先同我哋講原來要最低消費每人$30，成間舖頭完全係冇任何告示話有最低消費，咁我哋就諗住個鍋物加多份肉就夠$60。點知佢又話落咗單唔可以改，我哋就想取消個小食之後叫多個飯，佢又話唔取消得，之後我哋就直接加多咗個鐵板飯。咁因為我哋唔想食到咁晏就喺個鍋物嚟到嗰陣食住等個鐵板。大概9:55分嘅時候一路個鐵板都未到，同一時間重有幾個人個鐵板都係未到，重要keep住有單都送錯。之後佢先問重有冇人嘅鐵板未到，結果10:00左右個鐵板先到，然後10:05分左右就開始催話10:15分閂門。10:10分左右嘅時候我哋個鐵板未食完，我面前就放咗我一路用緊嘅空碗，個服務員一過到嚟就收咗我隻碗，我同佢講我哋重有嘢未食完，佢淨係同我講10:15閂門，之後重要一路行一路講「咁我哋10:15閂門呀嘛」。我即刻嬲到當面由一開始嘅嘢開始鬧佢，之後係女朋友唔係好舒服話不如走先唔鬧。真心以後唔會再去呢間加藤屋食嘢

✏️日式雞肉雜炊($40) (另+$2轉烏冬)終於嚟到呢間黃嘅始祖🤓見到餐牌就知真係超級抵食 選擇都算幾多 係絕對唔錯嘅平食之選🙃當日太凍 就揀左雜炊 因為好似個小鍋仔咁好暖笠笠嘅感覺☃️內裏嘅餡料好豐富 包括有獅子狗 雞肉 蟹柳 木耳絲 豆卜 同大量雜菜🥦我仲加咗錢要烏冬 呢個價嚟講仲要包埋嘢飲 真係好抵食🤓〰️烏冬係浸到超入味 索晒個鍋嘅湯汁🍜湯底揀咗壽喜燒 甜甜地幾好食佢嘅雞肉其實幾驚喜 每件都幾滑身 而且份量幾多整體質素同價錢性價比嚟講真心冇得挑剔 唯一係食到最後嘅時候就有啲太鹹 變咗超級口渴😂

今日嚟到呢間最近好多人食嘅加藤屋捧場，原來質素真係唔錯喎😼。獨自食午餐，叫咗一個牛肉鍋定食🥘。呢個牛肉鍋竟然有得揀豬骨湯底，呈現奶白色，冇咩油浮喺面，第一印象唔錯。牛肉冇想像中咁肥，配上粟米、蘿蔔、以及木耳等等嘅蔬菜，令呢個牛肉鍋稱得上係午餐健康之選。唯獨比較失色嘅係味玉，因為明顯熟咗少少，不過以一間唔係以拉麵做主打嘅餐廳質素係可以接受嘅。以呢個價錢食到高質又健康嘅午餐算唔錯。份量方面都算多，足料嘅鍋物加大大碗白飯，成年男性食都好夠飽！