勁回味

营业中

休息中

在友人介紹之下到了尖沙咀的「勁回味」，下午四點去到都勁多人，店鋪係勁細小，人龍大約有十幾人，員工只有一名，所以食友要慢慢等候，由於Menu都有幾十款不同既手卷，其實排到我既時候都未好清楚想嗌咩食。聽說呢度既海膽手卷用料好豐富，但原來海膽手卷都有勁多款，有普通海膽、馬糞海膽、半板、一板⋯⋯最後Order左個半板海膽手卷同一個三文魚腩手卷（三文魚腩又分為加州或者普通）海膽手卷呢個價錢其實唔係話真係好抵食，但一分錢一分貨，海膽既色澤係幾靚，望落幾新鮮，面頭係幾點Wasabi，又幾搞笑而三文魚腩手卷就簡左普通版，平＄5，食落普普通通，都算肥美既如果唔追求高質素又為求飽肚既，呢度有好多十幾二十蚊既手卷可以選擇，例如普通三文魚、帶子、油甘魚等等，價錢較貴既海膽就唔係咁抵食啦～

好多人都係FACEBOOK SHARE呢間尖東小店的勁澎湃海膽手卷，搞到我心思思終於搵左日去尖東嚐鮮。一去到都幾多人，而且舖位細，客人都要慢慢等落ORDER。呢間野店面細細，但款式非常之多，價錢由$10至$6、70都有。我黎到當然要食必食既馬糞海膽手卷(大)$45，傳聞有成半板海膽架~~原本佢仲有加拿大海膽的選擇，不過唔知有咩分別。現場好多人都係叫左馬糞海膽手卷，店員會問埋要唔要WASABI加埋落手卷。壽司鼓油就有個樽仔自己落。馬糞海膽手卷到手一刻，真係見到滿滿的海膽，但覺得無傳聞中成半板海膽咁多，但都有三分一。而且海膽好鮮甜唔會有臭味，而且口感唔會淋晒身。以性價比黎講都算正。

勁回味這陣子的課堂愈來愈悶，最令人發狂的，當然是在一天內對著同一個tutor，連上四小時堂....真的「人都癲」。這天放學後，我感到非常肚餓，便與同學們一起到尖沙咀吃近期非常出名的手卷店---勁回味。海膽手卷 $45聽講$45海膽手卷係落左半板海膽，海膽味道都幾新鮮，不過略嫌可以再鮮甜少少，但以$45黎講，質素已相當ok！這間小鋪開始多人食，要排隊了......-----------------------------------------勁回味 (尖沙咀)尖沙咀科學館道14號新文華中心商場地下21B號舖

呢排勁回味既海膽手卷咁出名，當然要去試下！3,4點去到，都仲見到有條人龍，足見佢受歡迎既程度！望入舖入面，只見一男一女係得幾十呎既空間包手卷，睇見都辛苦。因為得2個人整，所以速度比較慢，差唔多等左成十五分鐘先有得食。落單果陣先發覺，最出名既加拿大海膽既時令季節已經過左，真心SAD。。。俗語話:不時不吃，唯有轉叫馬糞海膽！馬糞海膽手卷（大）＄45 （小）＄25大既手卷既海膽份量，足足有半板海膽咁多！以呢個價錢黎講，真係超值！海膽食落去好有質感，而且落左少少WASABI，果種鮮味同“攻”鼻既感覺層層遞進，而又互相交替，兩者既配搭實在冇違和感，反而相輔相成，值得一試！ 

之前見過在instagram人氣的用戶力推，說是「吃到底還有的豪華海膽手卷」便拉著男友試一試。甫落天橋，遠遠已經見到一條人龍排隊（那時是3點），原來造成人龍的岀現是因為店家採用即叫即做的製法。雖是品質新鮮有質素，但亦趕走了不少沒耐性廝磨的客人，有改善空間。等了差不多半小時至九個字，終於到我們點餐了。我叫了個$18的細海膽手卷，男友點了個$45的大海膽手卷，我們親眼看著店家大方豪爽的將一整坂海膽倒至米飯上，非常足料。而我的比較少一點，大約只有半坂海膽左右，但份量亦是其他店品嚐不到的多。米飯尚有餘溫（即叫即做），而海膽則非常鮮甜美味，即使價錢便宜，質素卻沒有下降，有良心的好店！惟紫菜不夠脆，是失色了點。注意，加拿大海膽（更鮮甜的海膽品種）是季節性供應，恰巧我們到訪時是沒有的，想品嚐的朋友要多加留意。

呢排勁回味既海膽手卷咁出名，當然要去試下！3,4點去到，都仲見到有條人龍，足見佢受歡迎既程度！望入舖入面，只見一男一女係得幾十呎既空間包手卷，睇見都辛苦。因為得2個人整，所以速度比較慢，差唔多等左成十五分鐘先有得食。落單果陣先發覺，最出名既加拿大海膽既時令季節已經過左，真心SAD。。。俗語話:不時不吃，唯有轉叫馬糞海膽！馬糞海膽手卷（大）＄45 （小）＄25大既手卷既海膽份量，足足有半板海膽咁多！以呢個價錢黎講，真係超值！海膽食落去好有質感，而且落左少少WASABI，果種鮮味同“攻”鼻既感覺層層遞進，而又互相交替，兩者既配搭實在冇違和感，反而相輔相成，值得一試！

睇左好多日飲食男女講勁回味既海膽手卷，住尖沙咀既我咁近冇理由唔試，睇到openrice 資料營業時間中左伏，1點幾去仲未開，同小朋友去食burger king等到2點，等到2點依然未開😒第一次就食唔到都唔會咁易放棄既😡今日我決定3點幾先去😂仲食你唔到💪🏻鋪頭食好細間，唔留意好易錯過，離遠已經見到排隊😰不過好彩，呢間店主打手卷，唔會整好耐，眼見大家都係買海膽手卷外賣（好似買雪糕咁，整好即食😂）海膽分2個價錢，細既$18，半板海膽既$45，以我呢種人點會慳錢食細😂對自己好d,緊係食大既👏一路等落單果時，見到其他都好平好似好好食咁，雜錦刺身飯$30仲送小食/飲品😱泰國生蝦$50/12隻，平呀👍最後點左4樣（好彩冇再叫，一個人食4個手卷飽到呢😂）睇人地d相好似好勁咁，但真身又唔係，都總算比一般大份既😂$45黎講算好好，海膽冇臭味，但手卷們有共同問題，就係紫菜唔夠脆，食果時都冧晒三文魚腩手卷，正呀喂，唔計紫菜既話老闆娘話冇吞拿魚腩，得呢種，都幾好食呢個就唔太好食，沙律醬太酸😐唔知係本身都多人定大家都睇左飲食男女之後去幫襯，老闆娘做唔停手，平時我唔食小店壽司（因為中伏太多次）不過呢間真係好食，去睇

勁回味係好多飲食網站成日見到佢個名，次次都有一幅幅勁多料既手卷。所以今次就黎呢到試下。鋪頭五臟俱全，入面只有老闆娘一腳踢。整體黎講，手卷size比意料中細。但料就幾足的。唯一失望就係去到個陣無海膽。試唔到個海膽手卷。呢個係三文魚子手卷。有好多三文魚子。另外呢個係吞拿魚腩泥手卷。超中意多吞拿魚腩泥！不過d洋蔥可能太新鮮，有少少搶味。

店如其名，真係食到(勁回味)。原本想試加拿大海膽手卷的，但今日只有馬糞海膽，所以就試左1份，佢有平同貴既款，我就買左貴款45蚊，因為姨姨話45蚊個個有半板海膽。海膽多到嚇親我！新鮮，無腥味，食到底都仲有。三文魚手卷，好抵食，都好新鮮，都係食到底都仲有！鮮帶子手卷，好鮮甜，又係個句食到底都有。海膽真係直得推介。真係要試45蚊個款，無得頂。由於手卷即叫即整，所以要等等，但係都好快。

上網、朋友都介紹過佢嘅手卷，但平時經過多數都係轉車返屋企食飯。咁啱今日一個人晚餐，行完街食埋嘢先返屋企。我係一個海膽、蔥花吞拿魚腩怪，超鍾意食，所以叫咗個海膽三文魚手卷。即叫即整，老闆娘一遞比我，我即刻放入口，好好味。食完唔夠喉，叫多個蔥花吞拿魚腩手卷，正!! 不過略嫌份量有啲少，我一個細細粒、瘦猛猛嘅女仔食兩個手卷都唔夠飽。由於太肚餓同埋太心急擺入口，抱歉唔記得影相。仲有值得留意嘅係，老闆娘超好人，非常好笑容，呢啲只有小店先至有，應該多啲支持小店，食都食得開心啲。我應該會再幫襯的，唔好執呀!!! 🙏🙏🙏

這間壽司店主打手卷，每次經過均見有不少人幫襯。手卷價錢相宜，款式選擇多。海膽手卷看來頗吸引，有兩種選擇，普通海膽手卷售$18, 加拿大手卷售$40。可以最近吃了不少海膽，於是決定轉軚。最後決定 - 炸蠔手卷 ($10) 和 辣味三文魚手卷 ($13)。炸蠔手卷-炸蠔比較細小，不過味道尚算可以。壽司飯是暖的，味道比較家庭式。辣味三文魚手卷-三文魚算新鮮，可以wasabi 濃了點，吃後腦部有點發麻。

偶爾午飯就會選擇此處。因為有幾款$25飯盒。(可以選擇小食/飲品)雖然魚生只有一款三文魚，但配料也很充足，壽司飯也很多，醋味也適中。但已經可以滿足自己食壽司既意慾。

尖東科學館道一直是遊人和看演唱會前市民必到的地方, 當中吸引之處, 是整條街都充滿香港街頭美食. 以往糖水店, 日式, 酒家, 車仔面; 現在一間一間變成藥房, 錶行....不再是以前的美食區了.最近發現了一間只做外賣的日本料理店, 因為店子小得可憐容不下堂食. 員工只有兩個, 一男一女. 男的負責煮, 女負責點菜和入袋. 看看餐牌, 居然有$25一個套餐, 於是買了個試試. 燒牛肉定食單是賣相, 就覺得不止$25. 飯盒夠晒份量, 米飯約一碗半, 用上珍珠米, 黏黏的.燒牛肉用洋蔥及燒汁烹調, 容易送飯~ 牛肉份量好多, 偏瘦軟身.洋蔥沒有焦, 燒汁之多令整道菜味道提升. 在洋蔥上灑了日本獨有的七味粉, 不辣, 可調味.珍珠米上有灼野菜, 讓人覺得均衡飲食的重要.最特別是附送的炸餃子, 做得絕不馬虎.餃子皮雖然有點硬, 但內裡肉汁多, 有肉碎和野菜做的餡料.套餐可配冰紅茶或小吃一款, 最後我選了中華沙律.以份量計算, 小吃是$15一兜, 而套餐的份量約$5, 都好划算!中華沙律跟吃開的無異, 少了點麻油少了點芝麻, 不錯.店子正正貼近另一大車仔面店的旁邊, 雖然店子掛了兩個紅燈籠但極