勝八鉄板串料理 (已結業)

這天和朋去登龍街𨍭小巴到赤柱，怎知小巴站巳搬到隔離街了,看到整條街都多了很多日本美食店,横豎肚餓，大家便找了這家樓上店吃過飯再去搭車吧！一出𨋢門便看到好多貓先來小食淮山漬 $48醃制過的生淮山, 爽脆可口, 略咸左D。味淋魚干 $78香燒鷄泡魚干, 口感似林林地的豬肉干, 不會太乾身, 熱力滲透持續, 小食必選。特上刺身拼盤 $580没有華麗花巧的裝飾，只是端上全部都非常新鮮的海膽, 三文魚, 呑拿魚, 劍魚腩, 帆立貝...等刺身, 好鮮味!美國牛肉溥燒 $128伴卷着蔥粒及炸蒜片, 鐵板香煎炒得牛肉迫出陣陣香濃的炭燒鑊氣 ,好滋味!清酒煑大蜆 $88非常新鮮的蜆肉煮得剛剛好，又没沙粒，清淡得宜。海胆炒飯 $128粒粒煙勒香軟, 難得少油, 乾濕恰當, 好功夫。賀茂泉生酒 $158優質米種配以清泉釀造，真正的米酒濃郁香味表露無遺，絕非一般廻轉壽司店的清酒單薄水般味道，真是貴得有道理!今天吃到的都是食材非常優質新鮮，火候控制洽到好處的美食。

與朋友在銅鑼灣行街，因為想食日本野，所以來了這間料理餐廳。六點半來到還有位。餐廳環境不錯，還可以看到廚師在煮食物。我們點了目光魚。吃下去很像多春魚，但當然是沒有春呢。炸得很脆，但又保留住魚味，而且很厚肉我們又點了燒味醂河豚魚干。它的質感有點像豬肉乾，燒得黎又保留到肉汁，肉質很結實香口店員介紹了這個秋刀魚魚生。原來是季節限定，當然要試試第一次嘗到秋刀魚魚生的鮮味，肉質很厚身結實，加上秘制醬汁更添滋味再點了一入馬刀貝。馬刀貝其實是聖子，加了炸蒜、東菇、芽菜等等。吃落很爽口，咬下去會有「索索」聲見隔離桌點了這個甲羅揚，所以我們又點了試試。蟹蓋中有蟹肉、蟹膏、鵪鶉蛋撈埋而成。蟹蓋放在火上把入面燒熟，再點青瓜吃。很有蟹肉味，用來點青瓜，令我愛上吃青瓜呢最後我們點了一個海膽炒飯。炒飯炒得很乾身而且很香口海膽很鮮甜，原本很飽的我也忍不住吃了整碟很久也沒吃過這樣高水準的炒飯

銅鑼灣登龍街, 多咗好多樓上食肆, 今日帶個從澳洲返唻又鐘意食日本野既朋友到勝八食LUNCH, SET MENU有好多選擇, 有不同配搭的鐵板及定食飯餐, 而且價錢非常超值, 百多元一個。我選了最便宜的套餐A。先來的沙律和前菜。前菜是日式海哲,好爽口。 刺身兩款為我至愛的三文魚同帆立貝, 勁厚切, 啖啖肉, 好新鮮鮮甜, 另外店員話每日首50 名送可獲贈黑松露牡丹蝦壽司一件，真好運。隻牡丹蝦刺身好彈牙呀，配上黑松露, 好有FUSION感覺,濃濃的黑松露香氣, 令蝦更顯名貴。 主菜係日式鐵板串燒。有海蝦, 黑豚肉不會好乾身有肉汁, 牛肋骨好嫩滑, 仲有燒冬菇, 旁邊啲伴菜五彩繽紛, 極為美觀呀!日本人的確講究美觀擺設。 個餐仲可以選飯或烏冬, 選了牛肉烏冬，湯底清甜, 牛肉嫩滑, 鳥冬彈牙。 另外見到餐牌有我至愛的甲羅揚定食, 即燒蟹盖蟹膏, 仲配埋青瓜條, 好新穎及超值, $88咋, 一路燒, 一路攪勻隻鵪鶉蛋, 見佢出煙，香噴噴的, 再用青瓜來點帶點咸味的特濃蟹膏，好味道。 仲有雪糕甜品包埋, 正呀!

我以前中學個best friend前排終於過咗英國開學啦，好唔捨得佢呀！自從考完公開試之後佢就去咗外國讀書，每年暑假先番香港，但係佢好記得我係11月生日，所以佢臨飛之前就同我食咗生日飯！佢同我食飯個日好神祕呀，又唔話我知係邊度食，淨係叫我係銅鑼灣地鐵站等佢帶我去。佢帶我由F出口出，之後穿過渣甸坊，向時代廣場方向行，之後轉入去登龍街，原來佢帶咗我去永光中心，呢幢大廈有好多餐廳，我地入𨋢之後，佢撳十樓，一出就見到一間日本餐廳，叫勝八鉄板串料理。我個friend預先book咗枱，一坐低餐廳經理就講咗d是日精選，之後我朋友叫我自己睇menu叫d鐘意食嘅野。我今次就主打叫熟食，因為居酒屋會比較多唔同同特別嘅菜式，我就跟咗經理嘅提議叫咗磯煮鮑魚，一個刺身拼盤，胡麻雞翼，牛舌串燒，牛肉稻庭烏冬同巨峰梳打。首先黎ge係磯煮鮑魚，一見到第一個感覺係d鮑魚煮到好深色，一食入口係好稔，好入味，好鮮甜，大家一定要試試！第二個就係刺身拼盤，有三文魚、牡丹蝦、海膽、帶子、油甘魚同劍魚。其中最正嘅就係海膽同油甘魚，海膽極新鮮同鮮甜，配埋青瓜片一流！油甘魚食落甘香，充滿魚香味，又冇渣！其他都唔錯唔錯！第三個就係胡麻雞

等到月頭出咗糧，就同朋友約埋去銅鑼灣食好野再行街～前菜叫咗個拖羅筋沙律，拖羅筋平時太少試到～燒過既拖羅筋入口煙韌～口感有啲似煙肉～但食落去會有魚油香味～磯煮鮑魚呢個菜式設計得好貼心，預先幫食客將鮑魚切開幾片再放返落個殻到～鮑魚好入味甜甜地～有少少分唔出甜味係黎自醬汁定係鮑魚本身～咬落去唔硬好稔～牛肉稻庭烏冬，本身勁鍾意食牛既我當然會叫呢碗麵啦～烏冬上面舖滿牛肉～牛肉嫩滑，食落無牛既羶味，但脂肪香味就充滿住成個口～令人好滿足～不過麵就偏淋～巨蜂梳打無想像中咁甜～呢間餐廳食物同服務都唔錯～下次有機會再同朋友黎食～～

午市鐵板定食.鐵板定食有刺身兩點/鵝肝多士/帶子/牛肉薄燒/溫室野菜/炒飯或烏冬 非常豐富☺️ 鵝肝油脂豐腴 帶子鮮味厚肉 牛肉薄燒包著香蔥 頗惹味 略嫌烏冬不夠彈牙 這個價錢能吃到鐵板燒 已算不錯😌 另外還點了吉列炸蠔定食 蠔肉鮮味不腥 但炸漿薄點會更好! 右下的黑松露牡丹蝦壽司是送的呢 限量的😈 午市定食還有85折 抵食!

我好鍾意食豚肉生薑燒，點解呢?  因為啲醬汁好juicy啦，送飯簡直一流! 嘅突然間心血來潮好想食，咁係openrice搵搵搵，終於搵到間日式定食嘅，個價錢都幾唔貴，咁就揀呢間啦!豚肉生薑燒有香噴噴既洋蔥味，同埋薑味豉油味，簡直令我流曬口水，佢啲豬肉非常之嫩滑，好有口感， d汁送飯一流呀! 搭配本身前菜沙律菜嘅酸酸甜甜，既可以解油，又夠開胃。而杯巨峰乳酸，味道甜甜酸酸的，幾好飲，一啲藥水味都無，巨峰味道幾香幾討好。朋友就食鯖魚定食，外皮薄又酥脆，又juicy，肥美!配搭特別的醬汁、檸檬、蘿蔔蓉，感覺唔膩又惹味，佢話好食到唔停得口！黑松露杜丹蝦壽司，黑松露好香，牡丹蝦非常鮮甜，好大隻，幾Q彈！

近年人們開始注重環保，雖然我不算是一個環保人士，但能用的舊物都想替它找個好主人，更何況結婚很多東西用一次就掉實在可惜，難得婚期將至的朋友不嫌棄，我就把她需耍的物資轉送給她，順便飯聚吹吹水。＊＊＊＊＊＊＊＊＊＊＊＊＊＊＊＊＊＊＊＊＊勝八位於銅鑼灣一座銀座商廈內，雖然佔了整層樓面，但空間不算特別寬敞，桌與桌的距離都比較近，猶幸座位都尚算舒適。巨蜂梳打($38)吃飯習慣有飲料，點了一杯巨蜂梳打，整杯呈淡紫色，冰量不算多，入口都能嚐到巨峰提子味。芝士翠玉瓜($68)芝士翠玉瓜用鐵板奉上，一客有六件，上面鋪上半融芝士，再在上面澆上醬油。翠玉瓜入口軟腍，半融芝士略帶鹹香香味突出，做得非常出色。黑豚泡菜($128)黑豚泡菜上有鏗魚乾，奉上時因為熱力而舞動著。黑豚肉薄薄一片，份量都不算少，入口微辣中帶點酸香，泡菜也只屬微辣水平，即使不吃辣的人都應可輕鬆應付。黑豚炒麵($78)炒麵份量不少，足夠二人分吃。除了黑豚肉，炒麵中還夾離了耶菜、茄子和芽菜。炒麵較為幼身，入口微彈，口感不算，油量適中，令炒麵不會黏成一團但又不會滿口都是油，調味也足夠，炒得不錯。食物雖然說不上非常出色，但整體都算不錯，而且八五折後人

係銅鑼灣跟網評試左幾間日本菜都有點失望，但都繼續跟openrice點評再努力搵搵，發現呢間勝八竟然無劣評，決定再上去試試～今次果然厄like，真係好好味～因為價錢合理，比起大街的日本料理合理好多，而且新鮮程度差不多，廚師手工好好～環境都清潔舒適，特別係餐廳的同事非常細心及有禮，又介紹得吾錯！好滿意！

今日同朋友黎到銅鑼灣食鐵板燒，選左刺身拼盤，黑豚肉炒麵，黑豚肉炒泡菜，芝士脆肉瓜，甲羅揚，巨峰梳打。 非常豐盛刺身拼盤係第1道菜，呢到刺身好厚，有甜蝦4隻，新鮮甜呀，帶子2件，夠厚有質感，劍魚腩2件，好喜歡有魚味，三文魚2件, 油甘魚腩2件，海膽大大件，應該係加拿大海膽，配青瓜食，好fresh! 最特別佢用冰，整隻船禁，令到成盤刺身好靚，冰又夠凍，肯定唔可以再用先，刺身又大又厚，$320都值甲羅揚我第1次食，見到個爐仔燒住隻蟹蓋，蟹蓋滿溢的蟹膏同一隻蛋黃，真的很期待!當佢開始出煙，我們就攪拌整穿隻蛋黃，就開始點青瓜，青瓜同蟹膏食落好分明，蟹膏好濃，無搶主角味道，朋友話如果點麵包會更好，但我就覺得青瓜好，因為唔想禁heavy,而且呢款食物，好高膽固醇，配青瓜健康d.我真的好喜歡，$88扺食黑豚肉泡菜， 食落就普通無特別，泡菜唔辣。黑豚肉炒麵，麵像油麵，質感咬落軟綿，2個人食剛剛好。芝士脆肉瓜， 出奇地夾，鐵板上，有半溶芝士和沙律醬，瓜肉多汁，咬落爽脆同芝士好夾好好味巨峰梳打，甜甜地有d益力多味，顏色粉紅幾靚，唔錯。當日店員通知我，like fb有8折添，服務真係唔錯。

廣州朋友每次來香港玩都會找我約會，要我帶她去吃好野，今次她在銅鑼灣血拼完，我就帶她到永光中心吃晚飯！朋友最愛日本菜，所以我們決定去勝八食，我之前都去勝八食過lunch，不錯的！拖羅根沙律望下黑板看看有什麼推介，反正我都會點沙律，拖羅根沙律，好像挺特別！以前試過拖羅刺身，拖羅根還真的第一次嚐！拖羅根是熟的，用醬汁燒過，味道有點像蒲汁鰻魚，拖羅根口感煙煙韌韌，配搭爽口的沙律菜吃很清新！燒雞泡魚干燒完很香，甜甜的，一流的佐酒小食！所以點了梅酒梳打，大大杯，抵！磯煮鮑魚鮑魚的size不小，原隻連殻切小片上，汁煮得很入味，醬汁是偏甜的，鮑魚煮得很稔身，但還保持到彈牙的口感！刺身拼盤我們點了三文魚、劍魚腩、牡丹蝦、海膽、帶子等等，全部都非常新鮮，帶子很鮮！牡丹蝦彈牙完全沒有腥，尾巴還去了殻，很貼心！最愛還是這裡海膽，不但極之鮮甜，配合青瓜片吃，吃完口腔裡海膽味還會停留一陣子！銀鱈魚西京燒銀鱈魚用甜味噌醃過，再燒，魚肉很滑很肥美，啖啖魚肉，我相信不吃魚的人也會喜歡！我和朋友這晚都吃得很盡興呢！下次還會再來幫襯，招呼服務又好！

朋友一齊食飯，首選多數都會是日本菜。今次去位於永光中心10樓的勝八，去到的時候只是六點半所以座位仲有好多啦，過了一會兒人流開始多，不想等位的話最好都是訂位啦環境舒服，座位比較闊好岩一班朋友仔食飯傾計磯燒鮑魚，鮑魚大大隻有淡淡的甜味和鮮味，鮑魚彈牙蒲燒鰻魚，鰻魚肥美，肉質鮮嫩可口，配上甜味適中的鰻魚汁一齊食好惹味鐵板馬刀貝，一開始想了好久馬刀貝是什麼，待應話其實是蟶子蟶子鮮美爽脆加上韭菜、香菇、芽菜一起炒令聖子更加惹味燒明太子飯團，最愛明太子的我點可以錯過佢呢飯團是用慢火燒所以等的時間會比較耐。飯團外層燒得香脆，中間加入大量的明太子，食落口有少許的鹹味巨峰梳打，巨峰提子的味道唔算好重

其實呢間野真係好一般... 試左以下幾樣野1. 牛舌串: 唔錯既, 肉厚, 味道唔錯, 亦唔會話好硬咁2. 雞皮串: 份量好少, 不過燒到好脆, 都叫好味3. 海觧炒飯: 有D喜出望外, 因為料好多, 飯都叫炒得乾身, 粒粒分明, 叫做幾抵食4. 日本炒野菜: 好多好多油, 份量好少, 鑊氣夠, 但係真係太油5. 日式炸雞: 叫做第二樣好食又抵食既野. 有5大舊. 個皮好脆, 入面D肉好滑, 無雪味, 個調味亦都好唔錯6. 燒多春魚: 呢個都還可以7. 盬燒油甘魚鮫: 第一個伏, 煮到過哂火位, 平日食呢D魚鮫, 會好有油香, 佢係可以無哂. 魚肉偏乾身, 唔滑. 直頭SIDE料. 亦都係因為呢一味扣哂大部份分數. 8. 黑豚肉炒烏冬: 第二個伏, 烏冬煮到一PAT咁, 你話佢係上海麵都得, 一D都唔彈牙. 好耐未食過咁難食既烏冬. 亦都有偏油既問題. D豚肉少到好似得碎咁. 份量少得驚人.

係銅鑼灣食飯，想食日本菜，見到呢一間勝八鉄板串料理有兩層大大間，位於登龍街，我估食物都應該ok吧，最後食完除了好味之外，還很賞心悅目，好少係酒店以外的餐廳見到對配菜擺投咁講究的餐廳。餐廳環境: 好舒服嘅梳化座位: 連吧枱嘅座位都是用梳化座位， 每一個客都可以坐得好舒服: 黑豚露筍 黑豚肉煎得很香口，非常新鮮爽甜的蘆筍，而且份量很多，仲有新鮮沙律車厘茄伴碟，雖然碟菜我覺得配蘆筍已很清新，但那些沙律的確可以更進一步中和豚肉的油脂 馬刀貝 : 今天的其中一項廚師推介是馬刀貝, 其實聽個名都唔知係乜，後來聽餐廳解釋原來係類似大聖子, 重要不是天天都有, 有新鮮貨才有這道菜,咁當然要叫啦。出場大大隻蟶子, 仲粗過我隻手指公，聞到好香 ，咬一啖覺得爽口到不得了。聽店員講海鮮這東西一食就知道新不新鮮，冇得呃，真材實料。 個檸檬好美，整到成個心型咁再細細品嚐馬刀貝，有多種配菜，蔥,韭菜,香菇,黑椒,芽菜等，小小的一道菜，落足心機呢，而配菜吸收了聖子的精華，味道更提升了 飲品:巨峰梳打和乳酸梳打， 表現正正常常啦， 兩杯拼埋一齊我覺得好靚 目光魚: 目光魚個名聽都未聽過，又是因為廚師推介

今日約佐一個好久不見的朋友，來到銅鑼灣吃晚飯，經朋友介紹，來到了登龍街，試一下這間日式料理。大約晚上7點到達食店，已經大約有7成滿座了，真的慢一步，也可能會沒有位，要等上一段時間。餐廳也算是頗大，裝潢十分簡潔，以正方枱為主，客人之間也有舒適的空間感。在牆上有一些廚師特別推介，是餐牌上沒有的，大多是以海鮮料理為主，應該是根據每天比較新鮮的食材來決定吧。磯煮鮑魚 （$58一隻） 7/10鮑魚十分新鮮，而且很大隻，價錢不算貴，自己去街市買可能也要差不多的價錢，而這裡有專人為你煮好，好味。刺身拼盤 ($320) 9/10所有刺身也十分新鮮，有少少冰凍的感覺，特別喜歡拼盤的海膽，用了青瓜襯托，使濃味的海膽不會太過濃，而甜蝦有4隻，食落勁有鮮味，正。芝士翠肉瓜 ($68) 7/10重口味之選，芝士超級多，厚厚的放在翠肉瓜上，吃落十分邪惡，但又萬分滿足，可說是芝士控必點之選！泡菜黑豚肉 ($128) 7/10本來在日本餐廳點選韓式料理是十分危險的舉動，但朋友又很想吃泡菜，所以最後便點了這個菜，十分簡單之作，配上了一上雜菜一起去炒，一次過滿足多個願望。泡菜炒蜆 ($88) 8/10韓國粉絲朋友吃完黑豚