勝發餅家

营业中

休息中

《勝發餅家》 仲有冇人記得佢😹有冇人同我一樣 細個都好鍾意食忌廉筒🥲而家已經越來越少舖頭有...幾乎冇😭元朗嘅呢一間59年老店仲有得賣 😭👏值得大家支持下🙏回憶下當年細個嘅味道😹 🍞-忌廉筒 ($7)外皮好香牛油香 酥脆，入地系buttercream🤣就系童年呢味道，食得多會漏喔 ---勝發餅家地址: 元朗錦田公路215A號電話: 24764740

今日路過錦田市中心，想起以前的美食⋯忌廉筒😋勝發餅店是一家老字號店舖。今日不用排隊便可以買到啦，可能是平日星期三吧了。今日買咗忌廉筒和蛋撻。兩樣都係酥皮的美食。二話不說就吃了傳統忌廉筒先。那口味不會太甜及太油，而那酥皮香脆又帶牛油味，加埋自己的咖啡真是大滿足及完滿

除pizza以外，差唔多位置又有一間我想試好耐，但一直礙於長期要排隊而放棄的老店。經過數間雜誌的廣泛報道，失傳。懷舊。忌廉筒 就更加熱門。 某日李daddy經過見唔到人龍，終於試到回憶中的兒時味道！ 雖然十分熱門，但各人的評價就好壞參半，究竟好唔好食呢？忌廉筒 傳統的忌廉筒製作工序繁複，所以有出售的餅店買少見少。一口咬落去食到淡淡的酥皮油香，質感偏實在，其實無論香脆度或牛油香味都比不上現時坊間的大熱甜品;再到忌廉部份，入口不即溶，質感實在亦偏向油膩;嗯！！是兒時的回道，物質無咁豐富的年代的美味，回憶都返晒嚟!《隱藏食法》 :網傳有個 #隱藏食法，就係成個忌廉筒食之前叮一分鐘。雖然溶化了的忌廉食落去更甜，但酥皮有翻生的感覺！牛油香味出晒嚟，比就咁食好多好多。 巨型蝴蝶酥 因為巨型，就吸引咗李daddy購買。味道上亦有驚喜，有濃濃的牛油香味，又夠脆，只係比較黏手，感覺差咗啲。小朋友都搶住食 (呢round蝴蝶酥胜) 結論 : 如果刻意入去排隊買嚟食就覺得無必要，但如果經過又唔使排隊，可以回味一下兒時味道。

朋友遠水路特登買左呢間老字號忌廉筒聽得多 但從未食過就算用盒裝住 都會聞到陣陣酥餅香🥰買左兩三個鐘 食落都仲好脆而且唔會太重牛油味 鍾意食忌廉既朋友簡直大叫一百分🤭因為脆筒入面吱滿哂忌廉架🤩食一件做下午茶都夠哂飽肚呢啲舊式餅店真係買少見少食既唔止味道 仲係回憶同人情味!支持小店!💕

難得入嚟錦田，當然要試吓好多人介紹的忌廉筒🤩佢係一間傳統餅舖每日新鮮製造👍🏻✨平日去吾算太多人，撞岩時間仲吾洗等🤭買左半打試下 拎番屋企下午茶一流呢個size岩岩好 忌廉食落去一啲都唔膩，同出面食開既好吾同 鹹鹹地幾好食外層個筒放左兩三個鐘都仲脆🤤夾埋一齊食好夾經過去開錦田推介值得一試🌟

人大到某個年紀，總會想搵番兒時味道。有趣嘅係，往往唔單止只係想搵味道，而係搵個種情懷。其中一個我好鍾意去嘅地方係舊式餅舖。當然有時遇到一啲唔係幾好脾氣嘅老闆，但更多情況係充滿街坊街里之間人情味。喺錦上路就有呢一間勝發餅家，往往令人回味兒時味道！唔單止裏面嘅裝修，用嘅餅盤，麵包擺嘅餅櫃，都係充滿兒時回憶！當然不可不講嘅係當中最出名嘅忌廉筒！而家真係買少見少。一口氣買咗6個，就可以同人分！外表睇嚟冇乜特別，但即使隔咗一陣先食，一開合，好香！食落外皮依然好脆。裏面嘅忌廉都唔會太甜，而且由底吱到面，一啲都唔孤寒！絕對值得一試！

聽人介紹話元朗有間傳統麵包舖有忌廉筒，仲要係香港傳統手藝，冇乜邊度有，所以就特登入去錦田買來試試😋😋入到去餅舖聞到好香嘅麵包味，仲有一個大玻璃見到入面廚房整麵包。一口氣買咗半打忌廉筒，仲要係新鮮啱啱整好，買嗰陣仲熱辣辣😍 好彩嗰日去得快，我買完嘅時候就有好多人喺後面排隊🫢🫢食落去鹹鹹甜甜，啲忌廉應該係人手打，同普通食開嗰種唔同，不過食落都幾膩，食半個已經好飽🥲 $8一個唔算好貴，經過買嚟試下都唔錯~😆

呢間餅家最出名既係快要失傳既忌廉筒 我都未見過🤪🤪 本身抱住還掂經過買黎試下既心態買左6個返屋企品嚐(6個先有盒😝)點知返到屋企食～真係好好味呀🤩🤩🤩d忌廉好香好滑 又好結實 仲要填滿晒成個筒 個筒好鬆化好脆 食完一個又一個 好想再去買呀😎連屋企人都話好好食 佢地搵返童年既味道😍😍😍後記：第2日食都仲係咁鬆脆香濃 確實係名不虛傳🤤餅店既蛋撻都好好食 係酥皮款 皮超鬆唔溜 蛋好滑 多d蛋香味就仲好👍🏻👍🏻

同場加映呢個忌廉筒!!勝發餅家係59年老字號麵包店~其實我第一次食到傳統嘅忌廉筒外面係酥皮，入面係好濃厚嘅忌廉整個帶鹹甜味~我個人口味就覺得食落有啲膩~但$7 一個值得一試♥️買少見少!!

如果有時間就會過來買麵包， 忌廉筒及卷蛋。 總是覺得外面的麵包店沒有這種味道。 卷蛋啡色的外皮好有好炭香味， 回味無窮。 店內最出名的是忌廉筒， 忌廉香滑濃厚，麵包筒香脆可口

忌廉筒😚 兒時最愛😚 10幾年前係荔枝角嘅傳統餅店買係$8，現加呢間都係$8，不過份量就得1/3左右，但佢細咗份量反而啱啱好😙😙 現加嗰個都要健康ma😌😌 我覺得好抵食，因為呢啲係功夫錢同埋酥皮好貴😂今日好好彩唔係好洗排隊，我一次買咗13個忌廉筒($8x13)、8塊蝴蝶酥($8x8)、$52角仔忌廉筒好鬆脆，嗰忌廉滑到🤤🤤 真係好值得食🤤🤤 我哋特登揸車嚟買都覺得好值🤤🤤蝴蝶酥唔知點解食落就淋淋地，角仔入面啲花生又有啲淋，有啲失望🙍都係食返忌廉筒好啲🫣

勝發餅家星期日冇乜野做，諗住去錦田嘆杯咖啡，過個悠閑假期。點知今日咁鬼多人，間間野食都大排長龍，可能要等成個幾鐘，唯有放棄啦。但山長水遠黎到錦田，冇理由兩手空空咁走，又醒起好多人介紹既一間古色古香既麵包舖，一於買返啲走。行咗冇幾耐就見到前面又有另一條龍，都心知不妙。。。勝發餅家主打懷舊西式甜點，最出名當然係佢既忌廉筒同埋蛋撻，好多人慕名而來，都係為咗佢地。而其他糕點例如合桃蛋糕等都整得幾靚仔架。由於當日太多人既關係，雖然係要等耐少少，但可以試到新鮮出爐既忌廉筒，味道相當唔錯。忌廉筒既質地有啲似牛角酥，但佢會偏向硬身少少。味道方面，調味唔會過甜，而且牛油味好香，加上入面幼滑既忌廉，係而家好難食到既懷舊風味。外脆內滑，甜中帶少少咸，作為下午茶，啱晒！

位於錦田有成60年歷史嘅舊式老字號餅家，依然售賣住60﹑70後童年回憶嘅手工糕餅，好似係雞仔餅﹑鹹鹹甜甜嘅忌廉筒、中式蝴蝶酥、椰絲奶油包、新鮮出爐嘅蛋撻等等，好多野都想試，只可惜眼闊肚窄！回 購：🥰🥰🥰🥰 / 5️⃣

難得平日入錦田走走經到一間老字號麵包舖「勝發餅家」陣陣出爐麵包香氣，好吸引店內有賣蛋撻、蛋糕及麵包仲有懷舊忌廉筒忌廉筒牛角包般嘅外層捲成雪糕筒好香嘅牛油酥皮，但比較硬身入面包著師傳自製嘅港式忌廉質地幼滑，味道唔會好甜，有少少鹹甜甜鹹鹹，好似食緊椰絲忌廉包只賣$8嘅懷舊甜品，好佩服老師傅嘅堅持

勝發餅家以老字號聞名每逢星期六日，都見到有一條長長嘅人龍排喺舖頭門口。上網嘅時候，曾經見過有個留言係 店內不准拍照，見到你拍照，會喝止你。記得新年嘅時候，諗住買啲笑口棗、角仔等等嘅過年食品，去到門口已經見到大排長龍，再去多次已經話要訂貨，唔接受排隊購買。今次再次去到餅家門口，可能係因為平日嘅關係門口未見長長嘅人龍不過因為疫情，所以貼咗張紙係門口每次只限兩個人進出但係冇講明可以係邊度排隊.. 對出就係馬路，而左右兩邊更加有其他舖頭..究竟想啲人喺邊度排隊呢？如果可以貼張紙仔，相信會更加方便同埋要注意返，唔好諗住店內有兩個人手就可以分開落單，店內嘅人員係會喝止你，叫你排好隊，一個跟一個。入到去買咗個忌廉筒($8)同蝴蝶酥($8)返屋企千祈千祈唔好就咁食最好食嘅方法就係搵焗爐或者微波爐叮翻熱佢到時候忌廉筒入邊嘅忌廉就會流晒出嚟，有少少似鳥結糖，而外皮會更鬆脆！蝴蝶酥都係同一個原理，外皮脆卜卜，同冇翻熱過係唔同感覺！！不過之前買佢個蛋撻，個味道就差得遠，可以唔使試