北京樓 (太古城中心)

营业中

休息中

呢度的填鴨係我每次長期離開香港後, 回來都一定要吃一次的.佢片出唻雖然係多肉左, 不過皮脆, 帶有少少肥, 食落好豐富! 另外d青瓜特別爽脆, 成日都忍唔住就咁食, 咁就唔夠包啦 可惜我只得一家3口, 每次食填鴨都食唔到其他野, 只係可以叫多一個菜, 我覺得水準都唔錯! 又唔係太貴.

呢日和好多朋友一起來吃飯﹐我們選了呢個地方。朋友介紹了糖醋小排骨﹐呢因為朋友係京人﹐所以一定要吃呢個京式冷盤﹐金沙骨有小小油﹐不過唔肥膩﹐排骨甜甜酸酸好易入口。茄汁蝦仁窩巴都係我好喜歡吃的菜﹐窩巴本身就係我的最愛﹐配上蝦仁﹐蝦仁好鮮嫩﹐香脆的窩巴配蝦仁﹐兩種口感不過好夾﹐加上茄汁帶出的小小酸味﹐好美味﹐不過呢度菜一凍吃就唔好吃了。

去到這個年紀,身邊的朋友亦陸續成家立室,今次到相交差不多廿年的舊同學R兄.在太古城北京樓連開幾十席.作為多年朋友,見到也替其高興.大家咁熟,如果我先來一碗蟹肉伊麵,相信也不會反對嘛?說笑而已,這夜主人家安排的菜單有:金豬大紅袍翡翠明蝦球蒜子金元貝鮮蟹肉魚翅福祿鮮鮑片清蒸大海班當紅北京鴨北菇鴛鴦蔬錦繡炒飯雙喜拉麵百年好合美點雙輝一輪音樂響起,自然是乳豬出場,喜宴場合吃乳豬,也是有一定水準,用翠玉瓜,荵段同炒的蝦球,三者皆爽,在蒜子金元貝這一道菜,用的元貝夠肥大,浸過醬汁的蒜子,非常惹味.魚翅近乎掛羊頭賣狗肉,只得兩三條翅針,質感杰撻撻,好像下得豆粉重手.鮑片同海班這兩味,最可取是個汁,用來伴白飯吃為佳.在北京樓飲宴一定會有填鴨,可是這夜的填鴨,色水暗啞,又奀又瘦,食之無味.同鹿鳴春相差太遠了.一輪乾杯,歡呼聲不絕,再一次祝福R同M永遠恩愛,白頭到老.我呢?繼續做其浪人吧.

因為我老婆睇阿SO個節目之後話好想食片皮鴨....終是我地去左北京樓到食 我地叫左一隻片皮鴨....(想叫半隻但係冇得叫....)個片皮鴨幾好味...但食左幾片之後已經好泄叫左個粟米羹 好啖....唔好味重有鴨崧我覺得唔錯最後係小龍包最好味就係呢個小龍包...多汁...個底唔穿 VERY GOOD!2個人食係冇可能食得哂....我地同留下個朋友一樣...2個人食泄左@@但係總括黎講都唔錯(但係我地2公婆短期之內都唔會再食片皮鴨...好努力先食到一半...重有一半打包左-.-)

中秋節同家人來吃晚飯。我們已於兩星期前訂位，仍要到八時第二輪才有位。點知入座，落完很普通的四人餐order後，一個多小時才有得吃前菜！我們都等到發呆，幸好餸菜的味道還可以，又知道做節當日一定很多人，否則肯定投訴！四人餐有我愛吃的片皮鴨，有兩大碟，皮夠脆，其實很油，吃不完；又有翅，好大條，不會偏咸；小籠包有好多汁；松子魚，只有幾片，不夠我吃，但好好味！其他的餸普普通通。下次應不會再在節日來了！

星期一放咗工，肥比突然心血來潮...想食北京填鴨，所以兩個女仔去咗北京樓...一坐低，二話不說就點咗一隻片皮鴨兩食(鴨崧)，再加一個例牌魚肚粟米羹。大概十分鐘，個魚肚粟米羹就到，冇驚喜...而且比較淡..麻麻!大概再過多三十五分鐘隻片皮鴨終於到啦，等到頸都長，不過可能即叫即烤啩...份量有兩碟，望落去好似唔係好多，我初時仲諗住會食得晒。味道一如以往都係咁上下，冇話特別好同差，但係北京樓一向都片得比較多肉，我個人鍾意少肉大塊片多啲。最後個鴨崧都嚟埋，反而係最好味，唐芹、冬菇粒加上鴨伕碎，好香好野味，而且加上生菜好靚好新鮮，唔錯..(不過個生菜洗到濕滴滴)結果我哋梗係食唔晒啦，食淨差唔多成碟，唯有打包啦!埋單因為有Amex帛金咭，所以半價，好抵!!

今日同肥舅父一家人去左飲下午茶, 雖然偏向叫d飯,麪,包果d飽肚野但每樣都好好味! 始終北方人都係食包餃麪多, 北京樓嘅水準都幾好*飯麪方面, 我地叫左什錦炒飯 (x1, 細佬落呵打*), 炸醬麪 (x1) 同嫩雞燴麪 (x3)~最值得推介嘅係嫩雞燴麪, 佢嘅湯底好清, 冇味精, 好正* 麪線都好夠焾身, 仲有好多雞肉粒同菜粒, 感覺好rich!~炸醬麪係周大少點嘅~ 係撈麪黎嘅d麪同嫩雞燴麪果種有d唔同, 比較粗同扁, 暖暖地, 仲有青瓜絲~ 都幾特別架不過就咸左d!~ 炒飯就冇咩特別啦不過都唔錯架*點心方面, 我地叫左奶湯鮮竹卷, 菜肉雲吞, 北平餃子,叉燒包, 狗不理包同蝦多士~奶湯鮮竹卷嘅湯係奶白色嘅~ 鮮竹卷嘅餡有蝦, 一d蔬菜同唔太多肉, 比起一般平嘅成舊豬肉好好多~菜肉雲吞嘅皮薄餡多, 肉汁好鮮甜, 但本人就覺得一葉家嘅宋家雲吞更值得推介喇*至於北平餃子我個人就覺得冇咩特別, 同一般嘅北方餃子不相伯仲~ 呢度嘅蝦多士同平時食開一件件果d幾大分別架, 佢有一塊薄薄嘅方包墊底, 上面就有足足成吋厚嘅蝦膠!!! 出奇地佢塊麪包食落去又唔會太油膩, 完全冇食油渣嘅感覺, 所以值得

前晚我家去了那兒食母親節飯, 並未如之前網友所說:上菜太快, 本人覺得可以接受.我們叫了套餐:前菜k北京填鴨:好正, 如餅再乾爽一點會更好!小籠包:好多汁呀, yummy!娃娃菜?:口感清新!炒麵:幾好, 不過幾油服務好好, 幾細心, 周不時換骨碟.埋單$2xxx, 唔平.

上星期日與家人第一次黎呢間北京樓試食, 由於星期日, 六點幾已很多人(原來香港經濟真係好好!), 要分時段入座的, 我們訂了6:30pm, 侍應說最遲要響8pm左右埋單!我們坐下叫了一個$768的四人餐, 感覺好似打仗咁, d台同位set得好迫, 好唔舒服! 上菜好急好趕, 好似想我地快快食完就埋單咁! 份量非常"的式"! 最好笑係, order左食物十分鐘唔使, 放到成台都係食物了, 張台又細, 仲不停出菜! 終於, 連個侍應自己都覺得有問題, 張台根本無位再放野了..惟有將碟野比左另一張台先, 我地果份轉頭再出...好難想像一間收得唔平的北京樓會攪成咁的..以前, 銅鑼灣的好好多...4人食, 加埋一, 埋單要$900.-, 相信比$900出去其他地方食, 感覺會更好囉..

上星期六做冬, 適逢叔叔從澳洲回港, 我們便同他們一家在那兒吃飯.本人剛剛記得該天的菜式:四小碟K蔥油餅:本人最喜歡, 內裡有很多蔥, 餅身又香(推介)北京填鴨:上次同姑姐一家食, 幾好! 現在再次食, 嘩! 鴨皮香, 伴以京蔥和海鮮醬吃, 一流!蝦球:辣味直達官感, 因本人不能吃辣, 故吃後有點不適小籠包:本人至愛, 湯汁覆蓋半個湯匙, 好味過對面間酒家翅:好多好大條的翅呀!魚, 時蔬K!還有, 我叫了兩杯"妃子笑", 荔枝清甜, 仲有很濃烈的桂花味, 正!服務很細心, 換碟頻密.結賬唔知幾錢, 但一定唔會平.總結:除了貴外, 其他都冇得彈!

昨天是我的生日! 原本放假, 但早一晚老闆急call有urgent野要我返工, 真係好唔開心!!! 全日無晒mood, 但老公同我去左北京樓! ^_^第一次去太古呢間, 食至愛的片皮鴨啊, 剛好另一台要半隻, 我地又半隻, 分量o岩o岩好, 另外叫左小籠包, 春卷, 乾燒明蝦2大隻! 同鍾意既人一齊食鍾意既野, 唔開心既全部忘記了! 乾燒明蝦有2大隻, 黑開有條路, 老公個隻爽口, 我個隻梅左! 同部長講, 佢幫我地重新order過2隻, 變相送左1隻free既!留意到呢個男waiter好勤力, 佢做野好快手, d態度又好, 真係feel到佢用心服務d客人架! 幫我地落單又幫我地倒茶, 多謝前多謝後, 問佢菜式, 佢好用心解說, 真係好認真! 雖然食物水準不太完美, 但佢拉返唔少分!!

話說上個禮拜, 一家人去提前慶祝父親節, 為咗就腳去咗太古個間.叫咗,1.黃土地...載帽(唔記得咗) 跟4牌餅2.义子燒餅3.紅燒桂魚4...其他野都一般, 冇問題, 但2同3就...2. 好似酥餅咁又乾又硬...隻餅好似擺咗好耐咁冇哂彈性.由於我地差唔多八點九先order, 都唔係唔明, 不過好心佢當冇得賣算...整d咁野出黎就...3. 呢個重犀利...係我地面前的居然唔係桂魚, 而係一條黃魚, 我對魚唔熟, 但兩啖後就唔想食, 好唔新鮮...對魚熟悉的家人跟住叫咗人黎換...半個鐘後魚係黎啱咗, 不過亦都好唔新鮮...咬兩口後全家人都停筷.呢間野一家人都幫襯過唔少次, 但咁離譜都係第一次, 唉...

我同意以上幾位所講...間野實再係好金...哈哈~~不過我又唔係太介意.十幾個人食餐貴lunch~~ 叫o左一個八人餐, 一個六人餐. 另加幾碟o野.d o野唔係我叫, 所以好多都唔知乜. 見o野就食...So far 冇野唔好食. 樣樣都有美心水準wor...個填鴨就真係勁正~~ d醬冇得頂~~ 皮又夠脆~~ 不過塊皮o甘厚, 兩快就飽晒~~ 想食都食唔落. 如果有人覺得北京樓d填鴨唔正, 請去所謂出名o既全x德食一次佢個d....你就知差幾遠...服務方面, d阿姐好搞笑亦好nice. 太多野食唔晒, 打包伶走, 第日再食過...

上星期,公司在這裡春茗,包了房間.那種裝修風格,與電影\"黃金鴨\"同出一轍,堆砌出來的耀眼.同事們都說:駛唔駛咁金呀~~?既然是美心集團,以為水準雖無驚喜,也應不過不失.但原來,這間北京樓是異數.除了第一道乳豬拼盆還可以接受之外,其他的...唉...石斑居然蒸不熟,有血呀...,蝦球完全沒味道...,炸子雞十分乾身...以為拿手的京菜小點小籠包會好少少...卻皮厚兼凍冰冰;連高力豆沙,都是油膩又冇味道的.連枝紅酒都唔掂~~乜差成咁呀~~同事個個一邊食一邊彈~~全場最好食的,居然是那碟炒豆苗!!幸好是公司出錢.非常同意之前的那位網友的評語.要食似樣的北京菜,大把其他選擇.

上個星期同屋企人去咗呢間嘢食晚飯，見係北京樓，估都應該唔錯。入到去，裝修同服務都不過不失啦！懶得睇有乜食，叫咗過套餐。前菜同頭兩個小菜都ok啦！食到中間先上片皮鴨(先後次序唔講)，隻鴨好似參加過瘦身療程，無脂肪，好乾好鞋；個塊叫做薄餅嘅野，又凍又厚，整大些再加蕃茄醬、芝士、肉腸可以做Pizza。之後食小籠包，好似食濕水生煎包，塊皮比一般小籠包厚一倍，好特色，好飽肚，哈！我一定唔會再去呢間北京樓，連這些基本的地方菜式都做得噤有特色。如果下次要食片皮鴨同小籠包，大把地方可以選擇，唔好嘥錢！