北海道爐端燒 (已結業)

同朋友喺尖沙咀行街，行完想食日本野，就上網揾下邊間餐廳好，見到依間咁高RATING，就決定試一試。上到去諗住平日唔會太多人啦，點知差唔多FULL 哂，得返好少位。餐廳都幾有日本居酒屋既感覺。見到好多人都會叫燒物食，好香。明太子雞蛋卷 $78，好香好味!海鮮北海道麵沙律 $68，估唔到咁大份，有咁多魚生同麵，仲要有幾款魚生。小茄子燒 $28日本蕃薯 $28三文魚及三文魚仔丼 $128，又係好大份量，好味，好抵食!

鐘情於日本嘅肥妹 得閒就要食下日本野今日同左朋友仔黎食返下日本野 補充能量呢度係以日本居酒屋類似嘅裝修坐低感覺舒服 都算係寧靜我地叫左個明太子蛋卷啲明太子多到要流出黎 微微辣味刺激味覺嫩滑嘅雞蛋同明太子互相輝映炸蠔一啲都唔腥 炸完辣辣食 唔會有油膩感食落好鮮甜 而且仲有點爽口毛豆輕輕烚過嘅毛豆依然翠綠 送啤酒一流明太子魷魚將魷魚加入明太子 再輕輕咁樣烤過魷魚爽口彈牙配上明太子微微嘅辣味 香口又野味三文魚親子飯新鮮嘅三文魚子食落爽口 鹹味適中三文魚肥美鮮甜 配上飽滿嘅珍珠米令人有種去咗日本嘅感覺蟹肉味增燒甲羅黎到嘅時候熱辣辣 散發陣陣蟹香味將鵪鶉蛋同蟹膏蟹肉攪勻晒之後用嚟撈飯每一啖都有蟹肉嘅鮮甜 同濃郁嘅蟹膏香味

近排朋友生日食左間爐端燒，價錢唔算平，但食物質素有保證，推介下先主打燒海鮮，叫個鮑魚同蠔試下手勢先店員仲話因為果日既鮑魚Size 細，所以比多隻我地，好開心鮑魚好彈牙蠔好肥美，燒完都冇縮水，啲汁不停流出黎牛油燒帶子，一上已經聞到好香牛油味，味道非常鮮甜日式酒蒸大蜆，有蜆同有啲迷你扇貝，貝類味道清甜，尤其係蜆仲食左燒帆立貝同大蔥雞肉串，師傅燒野手勢唔錯，燒得岩岩好，肉唔會乾，好juicy燒多春魚亦好推介，好香脆壽司好出色，一定要試！我叫左牡丹蝦，油甘魚，海膽，左口魚，鰻魚同帶子鵝肝所有魚生好好新鮮肥美，推介左口魚同牡丹蝦鰻魚份量都好多，好幸福鵝肝帶子必叫，超邪惡，但好香濃，帶子中和左鵝肝既膩最後食個don 飯作結，三文魚三文魚籽飯三文魚籽新鮮，唔腥，略嫌當日三文魚唔夠肥美，不過整體都滿意好滿足既一餐生日飯，雖然話係爐端燒，但壽司確實比左大大驚喜我

一小群人食飯，六個人或以上要諗食咩，要傾到計，要好食都有啲難度。呢間日本料理係個唔錯嘅選擇。雖然佢有好多多人食，但因為book枱，佢會留房俾你，房間都舒服可以傾計。不過你要唔介意除鞋，好似日本人嘅和室咁盤膝用饍。講返食物，全部野份量都偏少。大食嘅男生可能就唔prefer了，不過，肯定嘅係，啲野食係好精緻同好食的！！特別要講明太子玉子燒，真係好濃郁嘅明太子，唔同平時出街食嗰啲無呢味道嘅明太子㗎！蛋又滑，我地仲encore左一次添！就連好普通嘅炸雞軟骨都係好好食，好新鮮又唔太油。串燒牛舌都好食，又嫩口，又juicy!推介！

呢排好鍾意周圍發掘居酒屋今日俾我地發掘咗呢間環境好舒服😌環境幾好氣氛都好好♥️牆上面整咗架全部放曬日整酒樽好靚（抱歉 避開唔到人頭冇影）我地叫咗個三文魚刺身雖然唔算肥美，但好新鮮之後揀咗個雞蛋卷好香好滑好好味♥️仲叫咗呢個日本酒煮大蜆帶子好可愛啊！啲扇貝細細隻好鮮甜啲蜆索曬啲酒味好香好甜跟住我地揀咗呢個三文魚子丼份量都唔少佢啲飯已經混合咗醬油配埋啲三文魚子同雞蛋絲拌埋好好味最後呢個拉麵🍜湯底好濃郁，一間唔係專食拉麵嘅小店都有咁嘅質素真係幾好雞蛋好好味，可惜得半隻如果有全蛋就好了♥️拉麵碗仔唔算大，但份量都好夠呢度成個環境氣氛都好好清酒嘅價錢亦唔貴，好合理服務都幾好另外有啲房仔好有私人空間值得一試嘅👍🏻

餐廳係樓上嘅鋪頭，但係夜晚嚟到已經勁多人，而且上網都幾多好評嘢食應該都唔錯。見到尖沙咀都開咗好多間佢想鋪頭但係其實價錢都幾貴，個人來講覺得一班人開開心心已經OK唔需要食咁貴，呢度啲質素算中上而且價錢真係幾平。黎到梗係點距嘅水產，中意食甲羅燒同堆蠔，真係幾好味，而且店員得閒嘅時候會幫我地燒下，雖然唔似一啲好高級嘅餐廳會時時刻刻係旁邊，但其實呢種價錢食到水產自己都唔會要求咁多。我哋都叫咗啲串燒同埋日本料理、質素都好唔錯而且種類好多。其實間樓上舖嘅好處就係餐廳可以將佢嘅鋪租用落食物成本上面食嘅嘢都會更加好。

尋晚肥雞約咗老友去尖沙咀食北海道爐端燒呢間嘢肥雞食過幾次覺得唔錯所以會同朋友返嚟再encore 今次肥雞嗌咗個串燒拼盤由師傅發板 好好彩今次食到燒三文魚魚油 飽滿外皮燒香 仲有露筍卷牛肉 牛肉多汁包住清新嘅露筍至於雞肉雞軟骨串 咬落去脆卜卜，口感好正今次誤打誤撞嗌咗個原條燒明太子 雖然有少少喊，但系夾住清甜嘅蘿蔔片， 又係有另一番風味 今次試咗個三文魚茶漬飯淡淡地 啲茶解咗三文魚嗰陣油膩再嗌咗個炸雞塊,大大件香口野，正！

今晚同朋友來到尖沙咀食晚餐，朋友話好耐無食日本菜，便提議揀呢間在亞士厘道的樓上日式居酒屋。餐廳地點方便易搵，客人多到满座，建議都先打電話訂位先。串燒雞翼，肉質嫩滑 多汁香甜，皮脆肉滑，鹹度適中。串燒牛舌，牛舌燒得剛好熟，肉質煙韌彈牙 牛肉味濃。精選刺身拼盤，5點，$278,有三文魚，甜蝦，油甘魚，帶子，鯛魚等，肉質油脂豐富，嫩滑厚身，鮮甜美味。天婦羅拼盤，有大蝦，茄子，冬菇，南瓜等，炸粉夠薄，咬落卜卜脆，即炸熱辣辣。浜燒帆立貝，有多種菇同青椒仔一齊燒，醬汁清甜，帆立貝大粒厚身，咬落有口感。

公司同事介紹了一間北海道爐端燒說食物品質都不錯，於是同好友放工去鬆一鬆大吃一餐，我們都比較喜愛吃日式燒物所以適合我們。餐廳裝潢以日式居酒屋設計，牆上放滿了不同的酒瓶作裝飾都很有特色。露荀豚肉，把豚肉卷住露荀一起燒，一口咬落去吃到露荀的鮮口感豚肉也不油膩。冬菇串燒，灑了小許鹽在冬菇上燒得不太乾都保持到水份及食物原味。喜歡吃辣的我挺喜歡這兩款燒物辛辣蓮藕，蓮藕上的辛辣醬汁令人開胃，蓮藕爽口。芥末山芋燒， 芥末沾在淮山上，口感微微的芥末味道加上淮山爽滑，不錯。醬油味炸年糕 ， 外層的年糕炸到金黃色，內裡的年糕軟綿綿加上濃濃芝士流出來，很滋味。明石燒風雞蛋卷，玉子厚身燒得嫩滑，帶有甜甜蛋味。浜燒帆立貝，用濃濃牛油和什菇一起燒，帆立貝滲透了牛油香味也保留到鮮味十足。薑汁豬肉野菜，豚肉和大量蔬菜都幾大份。甜品不小得雪糕，柚子味雪糕酸酸甜甜也有粒粒柚子在內好清新。

朋友最近轉了尖沙咀工作, 於是食飯地點又回到以前出沒的舊地區; 她的同事介紹這間北海道爐端燒, 兩人對燒物一向喜好, 當然要一試位處亞士厘道, 餐廳沒有像其他餐廳的大大霓虹燈招牌, 比較低調; 餐廳內有一面牆放滿酒瓶子作裝飾除了是日推介, 餐廳的餐牌選擇實在多, 兩個人都立不定主意不過今天肚子不太好, 唯有只叫熟食, 先來一連串的串物; 辛辣蓮藕 - 這個辛辣味頗突出, 帶點辣椒的火辣口感芥末山芋燒 - 芥末味隱隱約約滲出, 山芋即淮山, 咬下去爽口又不失淮山獨特的口感露荀豚肉 - 小小的一件, 反更易吃出露荀的香, 更愛豚肉也是小小的一片, 不會被肉的油脂口感蓋過露荀味道冬菇串與露荀串都保持植物的水份, 咬下去不會有干巴巴的口感醬油味炸年糕 - 外層的年糕雖說是炸, 可是一點不帶油膩; 內裡的年糕更如軟 cheese流出, 非常一流醬油燒鱈場蟹 - 燒過的鱈場蟹腳非常香, 一上枱已經被吸引; 跟串燒一樣, 蟹肉的水份仍然保持; 只略為收干水份, 令蟹肉味道更濃郁, 真正的齒頰留香雞蛋卷 - 吃到這裡, 覺得餐廳的燒烤技術真到家, 每樣燒製的食物, 都能保留濕潤, 同時令食物的香味更濃

放左工同男朋友黎尖沙咀食日本野，於是就揀左呢間黎食。我地兩個人都算大食，叫左個炸雞軟骨、明太子玉子燒、海鮮丼飯、煙肉芝士奶油意大利粉同燒魚。個炸雞軟骨都幾香脆，熱辣辣，都算不錯既小食。明太子玉子燒係我最喜愛既一道菜，玉子燒得非常厚，而且唔易散，配埋明太子食，又甜甜地鹹鹹地，好好食！個海鮮丼飯就無咩特別，嫌d刺身好似唔夠新鮮，而且個飯好似本身落左豉油，雖然唔鹹但都係鐘意自己落多d，同埋個飯比較乾身，覺得麻麻地。個意大利粉比較水少少，無咁creamy，食落唔漏，就覺得好似差少少。個燒魚魚肉都幾多，但成條魚味道偏淡，可能要自己diy 落鹽先夠味。

話說想試呢間既燒物好耐終於終於約到我個朋友食呢間餐廳啦呢間餐廳唔算難搵 係樓下一眼都望到個招牌既一入到去餐廳 都見到好多位FULL左嫁啦好彩我有訂到位炸 講一講過環境先 呢間餐廳會有D房仔比客人既有時想要小小私人空間咁可以book房 嘈小小都冇問題啦位同位之間都唔算太逼 都會有D空間感比番我地既我地上去果日見到D待應其實都好忙 但都係好好笑容又係值得一讚既位黎呀 有時忙起上黎 自己黑左面都唔知呀呢個明太子蛋卷 好juicy 好滑 好香蛋味加上明太子就小小咸既 夾埋一齊食真係岩岩好炸蠔簡直係我至愛 我有攤佢一陣先食但都係一咬開就爆汁呀 WOHO好正呀我有時都好怕蠔會好腥 但呢到完全冇呢D問題呢個一定要佩飯食呀 咸香咸香咁 一流整體呢餐飯都好滿意呀 又舒服坐得同埋唔會太嘈 有時都想同朋友吹下水呢到就冇呢D問題發生啦同埋地方唔難搵嫁 

好想好想食日本野, 特別係燒物, 搵到間係TST既日式餐廳, 見佢超多燒物食, 好似好吸引咁就GOGOGO啦~~餐廳係鬧市中, 地點非常方便!6點幾去到早早地唔算多人....到7點幾就差唔多full house咯!餐牌好多選擇!!剌身, 魚生飯, 爐端燒, 炸物, 甜品樣樣有...而且仲有好多日本酒添先來一杯生啤爽爽先 $56好夠凍香味醬油燒鱈場蟹 $198超好味!!! 必食之選!!燒鱈場蟹熱辣辣香噴噴~啖啖肉而且肉質鮮甜, 好味到冇朋友丫 海膽刺身 $108整板海膽, 細細粒好cute cute的!海膽新鮮, 鮮甜, 一D都唔腥豚肉串 $28好香口, 外脆內軟!帆立貝串 $363大粒帆立貝, 燒得剛剛好, 好軟腍明太子牛油燒烏賊 $62每條烏賊都唔會好大條, 好方便食~唔會好靭, 幾有口感!甜瓜冰淇淋小丸子 $52好吸睛好colorful既甜品~分別有2粒哈蜜瓜味雪米糍同2粒蜜桃味雪米糍, 有埋夾心餡好好味!!仲有2大顆蜜瓜味雪糕cream夠稀薄, 食完都冇邪惡感

係我出世以黎食過最鹹最差既地獄拉麵，同時亦都係我體驗過最差既服務既一間舖頭。因為碗麵已經夠鹹，所以一個正常人既口味，係需要通過大量飲水解渴既。同服務員講完，佢回應話：轉頭。Fine，我相信一杯水既要求係完全唔過份既，亦都完完全全合理既。五分鐘過咗去喇，我再一次提醒同埋Order，佢今次既處理方式就係：拎咗一壺水俾我，叫我自己慢慢斟，慢慢飲。我覺得唔合理既位，唔係我要自己斟呢件事，而係你地舖頭同事回應客人既態度：一啲都唔友善，我去食嘢，唔係受氣。希望清楚翻，仲要利申：個陣一啲都唔忙，得三台客。That’s all.

以前朋友介紹過呢一間餐廳，對佢嘅食物一直念念不忘。今次再嚟一試，食物水準仍舊高質，但如其他食評所言，員工服務態度的確有改善嘅地方☹️ 先講waitress態度，我哋體諒員工可能攰冇乜招呼，但係個waitress係冇乜禮貌，同佢講嘢冇應答，亦都冇表情。就算食物質素再好，一入餐廳嘅感受已經唔太好。 Anyway，侍應安排咗我地坐喺Bar枱，可以一睹食物製作過程。餐廳氣氛幾好，可以邊傾計邊飲吓食吓唔太嘈。還枱時間1.5小時。 Menu 製作蠻精美的，好colorful～ 先嚟人氣菜式明太子雞蛋卷。外層雞蛋軟滑，內裏明太子多到一夾起就漏岀嚟🤤 芝士意大利面（1-2人份量）。以前上菜時會有廚師攞住大舊芝士（好似menu咁）即場炒意大利面，可惜宜家冇咗。質素仍然好似上次咁好，芝士份量多足以沾滿每一條面，而且芝士味道濃郁掛絲😋 一叫再叫嘅河豚乾，份量一如日式料理般精緻。雖然名叫河豚乾，但係一啲都唔乾，有如肉脯般嘅口感。食落甜甜地，會上癮。 帶子鳥賊燒，唯一不足喺呢道菜太多紅薑，如果有得自己控制份量就好。味道尚可 蘋果同芒果秋海，秋海亦即燒酒加梳打。嚟到居酒屋無理由唔飲酒掛😎 加咗梳打之