匠一麵屋 (已結業)

前排跟朋友去了長沙灣「匠一麵屋」食日式拉麵，朋友話呢間拉麵店在係本區人氣極高，拉麵好食，湯底又冇味精，值得前來幫襯。今次就同朋友嚟食拉麵，湯底方面有醬油雞骨湯及豚骨濃湯，種類有7種，算多選擇。我就點了醬油雞骨湯的麻醬辛辣免治肉担担麵，湯底是紅紅的，帶麻辣香雞湯骨味濃，真係有種担担麵的風味，麵質彈牙，十分惹味。而朋友就點了豚骨湯的豚骨炙燒叉燒拉麵，叉燒十分肥美，燒得香口，豚骨湯濃郁，很重豚肉香，味道很不錯。另外再追加半熟蛋，雞蛋很香滑，蛋黃流口，好正！至於一品料理都不弱，列脆口餃了，一口一粒，煎的金黃可口。特製他他醬唐揚炸雞，他他醬酸酸甜甜，配上炸雞肉質嫩滑，味道不錯。

最近知道長沙灣開咗間戲院，假日同老婆去睇戲啦...長沙灣其實平時都好少去，所以又唔係太熟長沙灣有咩好嘢食呢？但我搜尋一下原來有間拉麵開張無奈當然去試吓啦....點知去到門口都要排隊心諗咁一定唔會差得去邊啦🙊裝修其實同以往啲拉麵鋪頭都差不多都算整潔👍🏻拉麵我選擇咗豚肉叉燒拉麵湯底好濃烈叉燒好軟熟拉麵軟硬適中非常之有水準之後我仲叫咗個餃子同炸雞....餃子肉質好鮮甜好有日本正宗風味😋😋炸雞就比左我有啲驚喜因為可以炸到雞皮好薄雞肉滑見到好多客人都有叫值得一試🙊👍🏻飲品方面有基本汽水同烏龍茶

匠一喺順寧道嘅內街，就係條街唔旺佢都響度落腳，令我深信佢係有真功夫。事實單邊舖仔好有日本麵店影子，簡約坐位又幾舒服咁，一於坐低食碗麵先。店內沒有圖文並茂的美食相，平實簡單的餐紙主打是醬油雞骨湯和豚肉湯底，兩款湯底我穩陣地選了🐷豚骨湯配炙燒义燒🍜腦海中的日式义燒應該是圓圓的幾片豬肉🐷吧🤪匠一的义燒確令我意想不到，厚切的腩肉，一層肥一層瘦像極五花腩，長長的形狀足有四大片 ，炙燒當然是上枱時用火槍🔥輕輕帶過，增加一點BBQ嘅味道🤩🤩🤩。大片义燒醬油入味，調味恰當兼肥瘦平衡，咬落時有𡁻頭，忽然一囗油花十分鬆化，做得非常出色。哈哈，我必須要吃掉一大塊叉燒，才有位可以食到湯麵🤪，麵質偏向挺身，習慣一啖麵一啖湯，豚骨湯夠豐濃，拌著麵食味道剛好，不會過咸，like 溫泉蛋必須要半流心，輭糯蛋黃配滑嘟嘟鮮嫩蛋白，又係心機之作呢碗匠一拉麵，絕非流水作業嘅製作， 事關半開放式的廚房，看見幾位師傅埋頭専注 ，目標一致，絕對相信係專心做拉麵🍜

前排匠一麵屋做放題，加錢可以仼食某啲餸同拉麵，對於我一個超鍾意食拉麵嘅人嚟講係超正！但可惜胃口細咗就無去試呢個，就咁試佢嘅拉麵同小食～呢到嚟地鐵站有段距離，但條街有好多錶位，好啱揸車嘅朋友仔入面嘅座位都好闊落，有四人座位亦有面壁座位，裝修以木為主，充滿住日本風味豚骨灸燒叉燒拉麵呢到有兩款湯底選擇，醬油同豬骨湯底。我地兩個都揀咗豬骨湯底。個湯底texture好厚實，唔會好油膩，本身比較黏身所以非常掛麵。個麵條係幼身嘅，比較似豚王個種麵質叉燒望落好靚好吸引，總共有三塊大大塊，外表少少燒焦嘅樣，咬落去個肥膏反而唔會好多油加咗溏心蛋，所以你見到佢變咗三份半隻蛋，應該係本身個麵都有半隻，大家可以唔洗加蛋。個溏心蛋煮得啱啱好，入面未熟透仲有少少流心朋友個碗個內容同我一樣，只係份量少啲餃子另外加咗四隻餃子，size比較的骰，但個外皮超級脆！咬落去chop chop聲，仲漏咗汁出嚟！叉燒炒飯特別想讚嘅炒飯！炒得啲飯粒粒分明，唔係靜係得香味，食落都好有味，叉燒粒粒粒帶油脂，同炒飯一齊食一流！呢到嘅拉麵價錢由六十幾至九十幾不等，同朋友嚟有個好處，就係可以照顧不同價錢嘅人👍🏿

今日嚟到匠一麵屋, 試勻佢嘅兩大湯底 - 醬油雞骨湯 & 豚骨濃湯。豚骨濃湯 豚骨灸燒叉燒拉麵$98 (追加: 半熟蛋$10 , 烤肥叉燒$20)豚骨湯底濃稠, 配直身麵仍非常掛麵,入口油香充沛。醬油雞骨湯 叉燒拉麵$93 醬油雞骨湯湯色清澈, 感覺較為輕怡, 但醬油味很重。我個人就鐘意豚骨濃湯多啲。叉燒用上大大片腩肉, 肉質扎實, 每塊都經過炙燒, 留有焦香。日本屋台行列脆口餃子$22/4隻 餃子皮薄一薄, 煎得焦脆可口, 咬落仲有肉汁滲出 , 呢個煎餃有水準！特製他他醬唐揚炸雞$28雞塊以醬油醃製, 即叫即炸食落仲係熱到辣口。

每次去長沙灣探公公，都被經過一條路，發現這條路開了很多新餐廳，大部份都係小店，這個舊區開始發展起來了！等我都去支持一下小店先今日去呢間係食拉麵的，上網見到食評都好好放心一試，下午茶時間過嚟冇乜人唔使等剛剛好！他們款式簡單就係幾款拉麵小食同飲品給你選擇，夠專一！我就叫咗碗豚骨炙燒拉麵，豚肉有少少燒過的，令肉甘香，燒過的也令油脂增加，分內好食比起平時冇燒過嘅真係特別好食！拉麵軟硬度適中給大眾口味，不過個人就鍾意食軟少少！湯底香濃豬骨湯味，每條面都掛上湯汁，而且食拉麵最重要嘅就係熱辣辣，他們都一一做到！小店來講已經不錯值得支持

係長沙彎行左好耐就入左呢間日式餐廳，本來我唔好拉麵，但朋友想食我就決定試下呢度又係可以自選好多配搭，例如湯底、小食等等。我同朋友其實都一樣叫左叉燒拉麵，不過一款係豬骨湯，一款係雞湯。。。。。。。。。。。。。。。。。。。。其實兩個湯底各有特色，個人覺得豬骨湯底比較濃味，雞湯就比較清香。至於叉燒呢，真係大大舊咁上重點係叉燒烤煎過，有香味俾個讚由於我唔知道本身拉麵有糖心蛋同埋紫菜嘅關係，我自己仲另外加咗蛋同紫菜所以賠了好多另外， 我仲揀咗一個唐揚雞，表面竟然有啲蛋黃醬，係我第一次見到呢個配搭，味道估唔到好得

長沙灣這間匠一麵屋由日本師傅主理，是新晉的排隊熱店，是日早收工就過來這邊吃拉麵～入面一貫和風的木系裝潢，椅子底下可以放袋，位與位之間不會太擠迫高知縣的餃子其實也很有名，所以除了拉麵之外，也點了這裡餃子嚐嚐。這道日本屋台行列脆口餃子不是很大顆，一口一隻的大小，外皮酥脆好吃，咬開肉汁在口中爆開，好好吃！有日本吃到的feel，有點後悔只叫了四隻另一款小食點了特製他他醬唐揚炸雞，雞塊炸得微脆軟嫩同時鎖住了肉汁，加了他他醬和一點檸檬汁來吃很惹味呢這裡的拉麵有兩種湯底，我們就點了各一來嚐嚐。先來了醬油雞骨湯的叉燒拉麵，湯底清甜又帶淡淡的鹹香本以為沒有溏心蛋所以加了一隻，原來每碗拉麵都有半隻的呢，溏心蛋呈半熟流心狀，很捧半肥瘦的叉燒微微炙過將香氣迫岀，面層閃著亮麗的油花另一碗是豚骨濃湯的豚骨炙燒叉燒拉麵，味道比醬油雞骨湯更為濃厚味醇，是兩種不同的風味這裡的麵條煮得Q彈帶勁，口感適中，水準不錯哦

呢一間麵店如果唔係住係附近相信都好難發現佢既存在位置真係好隱世食物質素又如何呢?唔知會唔會係正宗日式拉麵呢?餐廳裝修都相當日本好多方面既設計都用木黎制作小食方面叫左列脆口餃子同炸雞炸雞同係日本食開既炸雞有分別味道好特別餃子相比炸雞 煮得出色餡料唔算十分少可以一試我地點左兩款拉麵1）豚骨叉燒拉麵湯底味道幾重2）雞湯叉燒拉麵呢款湯底比較油膩腸胃敏感既朋友就避免叫啦叉燒屬於薄切肥膏唔多拉麵黎講唔算十份正宗而且價錢不算親民但抱住支持小店既心感還可以一試

長沙灣一向都多隱世小店，好食的拉麵鋪都有不少，今次就試下依間匠人如何，店內是用木為主的裝修，都幾有日本氣氛，麵的種類唔多，介紹都無，反而咁我對佢仲有信心，因為好味的就唔洗咁多花式。豚骨炙燒叉燒拉麵+半熟蛋拉麵主要有雞湯醬油和豚骨，近幾年興番雞湯拉麵，所以很多都會雞湯和豚骨直接混合，不過這家仍然不受潮流影響，兩款湯底獨立推出豚骨的濃度都幾高，少少有骨膠的感覺，味道濃而不膩，叉燒是切開做條形，加上口感偏爽口，有點飲食豬頸肉，而且炙燒過，有烤過的焦香氣，令叉燒更香，另外，我不知已經有蛋，我加多隻蛋，所以呈現左有1.5隻蛋特製他他醬唐揚炸雞炸雞即叫即炸，剛烤起就立刻上碟，所以仲見到熱騰騰既熱氣，和剛炸起的油酥，炸落炸皮脆口，肉還是夠嫩，他他醬幫炸雞增強不少，除了味道，更減少油膩。

這裏的拉麵還不錯，價錢正常，份量正常，可是湯底也是比較油膩，吃到一半就感覺有點太油膩了。點了的叉燒豚骨拉麵，叉燒還可以，覺得不夠軟熟，湯底的味道配有生薑，配起來的味道有點奇怪。另外的雞湯魚介拉麵，覺得雞味和原味也沒有太多，覺得湯底不夠濃烈，半熟蛋也不夠流心。唐揚炸雞炸得很脆，配上沙拉醬很搭調，美味。兩人吃晚飯，$100一位還不錯。待應招呼不錯，不過上菜稍為有點兒慢。週末來吃，要早一點點，否則要排一會兒隊。

呢間拉麵店位於超唔起眼而且滿佈車房嘅順寧道, 未到 7:30pm 就已經坐滿晒｡拉麵湯底分醬油雞骨湯 & 豚骨濃湯兩款｡餃子外皮超級脆口, 咬開仲有肉汁流出, 係必點嘅小食｡唐揚炸雞非常惹味, 雞肉炸到唔會好乾身, 肉質仍 Keep 到嫩滑, 另配有他他醬｡豚骨炙燒叉燒拉麵個湯底豚骨味夠濃郁, 拉麵質感唔會過淋, 食落仲係有咬口, 叉燒肥瘦適中, 而且經炙燒後油脂味超香, 口感軟腍｡ 麻醬辛辣免治肉担担麵拉麵可以完全沾上湯汁, 但只屬微辣, 好啱唔食得辣嘅朋友, 撈埋肉碎一齊食更加惹味｡

位於深水埗順寧街的匠一拉麵，由長沙灣站出發會比較好走，門面和店內採用了全木的設計，感覺溫馨。就是拉麵、小食、和飲品！是標準拉麵店所提供的食物選擇。冷水、水杯、筷子、湯匙、胡椒粉和蒜蓉都放在枱面，自助不求人。汽水 $10 each豚骨鹽味拉麵 $83＋半熟蛋 $10滿滿的一碗，湯面有光澤，證明湯底油分充足！入口味道咸淡適中，不算濃郁，但非常順滑！半熟蛋香濃美味，是拉麵的良伴！叉燒輕過火炙處理後，格外香口惹味！麵底是幼身的拉麵，酸酸的紅薑絲起了提味的作用，與湯底出奇地夾，有驚喜！豚骨炙燒叉燒拉麵 $98＋半熟蛋 $10比普通版多了很多叉燒和大大片紫菜，感覺更抵吃！湯底比普通版較為深色，但味道和質地上分別不大！餃子8隻 $38新鮮即煎的餃子，香口多汁美味，不錯！

幾經辛苦約到一間深水埗好出名成日好多人排隊既拉麵鋪 唔講咁多！開餐醬油雞骨叉燒拉麵 $93最初睇名以為係雞骨，但黎到喜出望外有醬油既甘香味唔咸唔淡，正！味道都算濃郁睇得出師傅好俾心機去咬制湯底！豚骨灸燒叉燒魚介拉麵 $98 叉燒係拉麵中常見既主打呢個特別就在於佢既炙燒肥瘦分配均勻加上啖啖既炙燒香味叉燒咬落唔乾身又唔硬口感岩岩好！麻醬辛辣免治肉担担麵 $83聽職員講好似撈左日式麻醬既味道同埋重慶四川咁既口味麻中帶小小辣 岩晒驚辣朋友 再撈埋粗身既麵條食 一流啊口感！每條麵條痴埋濃郁既醬汁相當惹味～我地仲以優惠價order佐幾款小食職員推介我地試:日本屋台行列脆口餃子 $22內脆外軟既效果加埋特配既醬油十分好食！除佐叉燒拉麵之外佢地既叉燒炒飯 $38 絕對值得一試！呢個炒飯同平時食既唔同唔乾身，食落仲啖啖叉燒香成個炒飯好足料！炒飯配料簡單～只有叉燒同香蔥但意想不到既出色同好食另加既小食真心抵食！同朋友一齊仲可以試多幾款而味道同份量都唔錯強烈推薦三五知己一齊去試！

今日我哋又去咗深水埗黃金商場買嘢買完野又係時候搵嘢食啦男朋友又話想食拉麵之後我哋就發掘左呢間匠一拉麵門口好吸引♥️♥️但不過位置比較僻人流亦唔多加上新開未有人識而且好搞笑佢個牌寫住休息中😂但一場嚟到我哋就問下係咪閂左門喇竟然店員話原來唔係係個牌唔小心掉轉左我揀咗呢份豚肉灸燒叉燒拉麵佢係好叉燒而且燒到好香湯底亦都好好味麵質一流♥️而我男朋友叫咗呢個魚介拉麵佢個湯真係好好飲啊佢食完個拉麵我就搶咗個湯嚟飲😂因為佢個糖心蛋好食所以我哋就叫多咗一份另外揀咗個炸雞同埋呢個煎餃子都好好食呀好脆呢間小店新開無耐質素好好👍🏻真心值得推介下次經過開再嚟