十二味 (如心廣場二期)

营业中

休息中

十二味呢間餐廳我食過好多次，尤其是西環嗰邊非常之有獨特嘅裝修風格。嚟到荃灣開咗分店，風格依然無變，而且川菜味道都非常好！裏面更加點餐實行電子化，掃QR Code落單。蔥油拌麵材料簡單，只是用炸過嘅洋蔥絲同油麵加老抽製成，但簡單就是美。麵質彈牙。用老抽調色，味道啱啱好，唔會鹹。川式口水雞雞肉又滑又嫩，雞皮唔會太油太肥。有唔同嘅辣度可以揀，我揀左小辣。好多餐廳雖然話小辣但都好辣，好彩佢呢度嘅小辣連唔係好食得辣嘅朋友都食得落。所以唔食得辣嘅朋友黎呢度食都唔使驚。

自從如心廣場開左二期之後，多左好多餐廳進駐。今日去左位於如心廣場二期二樓嘅十二味。電梯一上就係，好易搵。每枱都有一jar檸檬水，重要係暖水黎。要讚一讚。事關食辣野想飲水嘅時候就隨時可以斟，同埋天氣凍，有杯暖水飲好窩心。黎呢度一定要嗌酸菜魚啦！但朋友唔太食得辣，諗住唔嗌嘅時候竟然比我見到原來有得揀辣定唔辣，所以就揀左唔辣。除左有得揀辣度外亦可以揀加唔加粉條。見隔離枱嗌左，見d粉條好吸引，最後就決定加$28食粉條。魚好滑。重有切成薄片嘅鮑魚菇、白蘿蔔同萵筍。鮑魚菇鮮甜。白蘿蔔應該醃過，微酸。萵筍爽口。粉條晶瑩剔透，好煙韌呀！整體來說，酸菜魚算是不錯，但略嫌唔夠酸。

自從如心廣場同海之戀兩個商場開咗，荃灣西鐡站附近多咗好多食肆🤭 經過幾次見到隻熊貓已經想黎食十二味，因為我同朋友都好鍾意食酸菜魚，而朋友又好鍾意麻辣，簡直就係絕配🥰我地下午食飯時段前入座，入座後可以影枱上既二維碼進入餐點，如果有食開可以登入會員儲積分。午飯時段有套餐，價錢仲要好抵🤤🔸酸菜魚 $68套餐份量一個人食剛剛好，除咗有主角酸菜同魚片，仲有芽菜同萵荀，辣度亦可以因應個人喜好選擇，我地就揀咗小辣，酸酸辣辣先夠過癮。魚片好滑同嫩口，啱哂鍾意食魚既我。🔸水煮牛 $58喜歡麻辣既不能錯過水煮牛，牛肉非常嫩滑，麻得口水直流🤣，朋友非常喜歡。🔸雞翼麻辣香鍋 $54辣度都可以自己揀，我地一樣揀咗小辣，但我想講就算唔辣都會好味，因為名副其實香鍋，好香濃惹味，下次要試吓唔辣。雞翼開半邊先炸脆，外脆內嫩，另外仲有蓮藕片薯仔片木耳芽菜等等，炒得好入味勁正👍🏻，配飯一流。🔸蔥油拌麵 $38另外仲叫咗個蔥油拌麵，未入口已聞到好勁香蔥油，配埋炸脆既蔥絲口感味道👍🏻👍🏻👍🏻。🔸慾望酸梅估唔到跟餐既飲品又幾好飲，開頭我以為係平時勁酸既酸梅汁，佢係酸甜適中，解辣仲好有效添。好開心香港而家終於可以食到咁正既酸菜魚，

晚市來食麻辣香鍋，店內幾近滿座，我點了麻辣的大辣，因我比較能食辣，所以期望能再辣一些。點了菜品有 油麥菜、魷魚、木耳，鵪鶉蛋、五花肉，都非常新鮮，炒制入味，在嘴裡回味無窮。辦了一張vip卡，主餐單食品可打9折，有兩張券送，分別是酸菜魚配寬粉和香鍋底料券，已值回票價，推薦。之前午市也經常來食套餐，午市套餐免加一，有酸菜魚、回鍋肉、香鍋、口水雞，水煮牛肉，乾煸四季豆等，都非常美味，是工作餐的不二之選如果在荃灣，一定不能錯過的一家地道川菜館！

今日嚟到新裝修完嘅如心廣場1,2期&連接海之戀商場行吓揀咗食香辣野既十二味，之前已經係過海分店食過一次，果間裝修更有特色安排坐落卡位，用scan QR code落單同國內風格相似同朋友揀咗香鍋(小鹽小辣)加材料,加左以下1.美國肥牛(牛肉比較細同碎，份量比較少)2.金針菇3.豆皮(份量好多，正）4.娃娃菜 （比較少）5.寬粉（呢個必叫！好入味，份量好多，好煙un有咬口) 所以材料炒埋一鍋送飯真係食到好飽好滿足，味道夠香夠辣！叫咗小鹽唔會食完好口渴！叫咗杯熱情果蘇打都飽到飲唔哂

荃灣如心廣場開咗間四川味菜最近悶悶不樂，四川嘅辣野的確可以呼喚起我開心嘅感覺，決定要spicy 「人見人愛酸菜魚」名副其實人見人愛嘅酸菜魚(餐牌寫住食神推介），鮮美無骨嘅魚片加埋彈滑薯粉，的確夠風味好好食😋另一個菜「川式口水雞」 川式口水🐥每舊雞都沾上上蒜香🧄味濃加上惹味紅油，雞面有拍碎花生🥜和有少少蔥花，💖嫩滑嘅雞肉加上佐料豐富，麻辣香口水汁超入味，好吃到一口接一口完全停唔到口，十二味川味好得🌺另外一個甜品「紅糖糍粑」係即叫即製，外脆內軟，好有特色

十二味 呢度環境幾好，坐得舒服，嘢食精緻，適合少少人一齊放鬆食。呢度用QR code落單嘅，掃完自己上網落單。一張枱一個Code，唔怕落錯。甜品可以揀後上涼拌土豆絲 小辣 $ 38.00 佢可以揀唔辣嘅，不過完全唔辣太清。原來除左少少麻辣，佢有醋味。薯仔絲嘅澱粉洗走曬，所以做到應該有嘅爽。川式ロ水雞 小辣 $ 68.00 朋友喺其他分店試過，覺得幾好。今次再叫，真係唔錯。呢間嘅口水雞係凍嘅，好夠凍。花椒油同辣味夾，抵度好似有少少花生味，每件雞都沾到辣油，入到味。  蔥油拌麵 $ 38.00 見到呢碗嘢，已經知道唔會太差。因為上面炸乾嘅蔥，同下面嘅豉油撈好，拉麵算爽，加埋就係完美而簡單嘅味道。 大盆花菜 小辣 $ 88.00 因為呢度嘅餸比較精緻，所以出到來，係一碟正常Size嘅餸。呢啲應該係福建椰菜花，配埋腩肉炒埋，不過不失。 么妹兒冰粉 $ 26.00 後上 即係桂花糖水浸住冰粉，加埋提子乾。係傳統嘅口味，不過一般地方多數得，撈辣油嘅白涼粉。呢種比較少見，感覺滑嘅啫哩。紅糖糍粑$ 48.00 後上 都係朋

今日約完班靚女去完街街, 大家都係食辣既愛好者就去左如心廣場既十二味度試試門口既大熊貓公仔好鬼搞笑而家好多餐廳都陸續電子化, 十二味都係scan QR code用電話落單可以申請做佢地既會員, 咁就可以用優惠價去叫野食首先我地叫左個口水雞, 醬汁做得幾好, 辣度可以選擇我地叫左小辣, 醬汁辣中帶少少麻, 雞肉都幾滑, 如果去埋骨就更加好跟住就到我地既主菜, 麻辣香鍋先揀一個鍋底然後再點5款配料, 我地揀左萵荀, 金菇, 寬粉, 肥腸, 腐皮等等配料吸收哂醬汁, 好入味呢個鍋份量都幾多最後就係甜品, 食川菜又點少得紅糖糍粑十二味既紅糖糍粑係我食過最好食既, 糍粑好軟熟外邊炸到少少脆, 再舖一層紅糖碎係面, 再淋上紅糖槳新鮮整出黎, 真係不可不點呀!!

如心廣場2期開咗好多餐廳朋友好喜歡食川菜 一於又試下話明川菜，熊貓🐼梗係代表啦掃QR code 下單由於見到份量大，我地叫咗兩樣野試下咋燒椒皮蛋係黃金皮蛋黎嫁加入麻辣汁、紅綠麻辣及芝麻黃金皮蛋晶瑩通透，完全可看到內裏的蛋黃！蛋白外層的質感似軟身啫喱，滑嘟嘟，非常黏手；而蛋黃部分同樣是黃色，仲有流心效果，賣相一流帶微麻香辣，唔太食得辣既我都接受到呀飄香毛血旺見到咁多辣椒都睇到呆咗不過可以揀大中小辣當然呢個係小辣，唔好俾啲麻辣嚇親咁究竟入面有咩呢？大大碟紅油入面有豬紅、豬皮、、豬大腸、午餐肉、魷魚及芽菜等等辣味好香，唔會完全辣到食唔到豬大腸脂肪唔係好肥但夠大條辣辣地又想繼續食

有冇人同我一樣都係好鍾意食辣嘢？就算普通食飯都會落辣椒，所以川菜當然係我嘅選擇。🔸麻辣香鍋 ($53) 呢個係午市價，配一碗白飯同飲品。 好足夠，有蓮藕片、雲耳、薯仔片、芽菜、單骨雞翼。雞翼好食， 每一樣餸都沾滿麻辣香油， 辣得惹味又開胃，就算成碗飯食曬都唔會覺得好飽🤔 .🔸紅糖糍粑 ($48) 推薦！下次一定會再叫😋喺我食過咁多次糍粑之中，呢個係暫時最好食。 外脆內軟，外面的炸粉極薄，一咬就脆開， 入面係類似糯米煙煙靭靭的口感，入面仲係熱既，有啲似食緊炸咗嘅湯圓。 表面鋪住黃糖， 沾上黑糖醬，甜甜地好好食！ .🔸蒜泥青瓜 ($38) 好多蒜，少少酸酸地開胃，但係一啲都唔辣。鍾意食辣嘅朋友可能覺得呢個唔夠喉。😤 ..🔸幺妹兒冰粉 ($26)桂花糖水配白色愛玉，透心涼。食完辣野食甜嘢最好！

必吃：紅糖糍粑😍😍😍😍我記得第一次吃是在探魚店，當時已經覺得很好吃！可惜疫情期間不能回大陸吃東西，估不到這間店的水準及得上探魚！糍粑鋪滿紅糖粉，另外加一小碟的黑糖漿，糍粑炸得外脆內軟，帶有嚼勁，外皮炸得不厚不薄，剛好，再加黑糖，簡直讓我欲罷不能，當時還想再吃一碟。水煮牛肉（小辣）😋😋😋😋這是一個lunch set，包飲品、前菜。前菜是土豆絲，有醋和麻油味，酸酸的，很開胃。湯底超香，辣味剛好，而且還聞到一陣陣炒調味料的香氣，牛肉肉質嫩滑，配小白飯一碗，使人吃上癮！幺妹兒冰粉😋😋😋😋外面普通冰粉都是糖水加涼粉，甜度剛好，但他加了桂花，添加了香味，是解辣的甜品！

老公知我不嬲都好鍾意食辣野，尤其係之前喺深圳食過嘅麻辣乾鍋，比佢發現荃灣新開左間 - 十二味，都係一樣食麻辣乾鍋，於是就帶左我去食啦！用二維碼落單，非常方便！我地嗌左5個餸: 田雞 / 鮮蝦 / 肥腸 / 嫩牛肉同埋五花腩，咁多餸當然唔少得要白飯啦！我地淨係嗌左小辣加麻，味道已經非常夠，完全係我心目中嘅味道！👍第一次食麻辣田雞，原來好夾㗎！仲有蝦，肥腸同五花腩都係必揀嘅餸，牛肉亦非常嫩滑，讚！👍食辣野當然唔少得加多寶，清下熱氣！

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗嗜辣人佳音！午市套餐勁抵食唔使加一！包蒜泥青瓜做前菜，跟飯同慾望酸梅（酸梅湯），加$5-8有罐裝飲品，小食就係正常價另要加一！😋好味推界😋🍴全素麻辣香鍋（$48）中辣，加麻用料好足，有薯仔、蓮藕、芽菜、雲耳、蔥、芝麻，好惹味，中辣都唔錯，辣度剛剛好，”加麻”會有一種後勁，勁好味！🍴川式口水雞（$48）中辣幾好味，雞肉好嫩滑，份量足，唔係好夠辣🍴水煮牛肉（$58）呢個冇辣度選擇，好大碟，不過入面牛肉份量唔多，牛肉好淋，有好多青瓜，連汁食好好味！大家都諗下次應該帶個盒嚟裝走D辣汁夜晚打邊爐！🍴紅糖糍粑（$48）正常價煙煙韌韌，外脆內軟，上面有花生粉，紅糖唔係好甜，好味！😶尚可選擇😶🍴燒椒皮蛋（$48）中辣，正常價正常，唔算特別出色，皮蛋唔會有怪味！🤢中伏之作🤢🍴慾望酸梅（酸梅湯）跟餐首先杯嘢得半杯多D，好奇怪，跟餐送嘅都明，不過可能搵個細杯裝觀感上會好D，另外味道屬難飲，又唔甜又冇咩酸梅味，唔知想點，下次都係加錢要罐裝飲品！另外順帶一提，佢要用QR code 點菜，唔知點解同行有人部手機係用唔到佢個code，跟住個系統係點完一樣就即時傳送，睇

係呢段人人都戴口罩出街嘅日子，個個都盡量避免出街食，難得今日有機會出去聚下，真係要感恩。於是近近地，係荃灣揀左間未去過嘅餐廳。由於大半年前喺深圳食過酸菜魚，真係一試難忘。一直對於酸菜魚嘅味道念念不忘，今日終於比我搵到機會喺香港回味下酸菜魚嘅味道。酸菜魚真係要有少少辣先至好味，由於唔係食得咁辣，就揀咗最小既小辣去吊下味。湯底辣得來有種麻麻地又酸酸地嘅感覺真係好過癮。主角魚肉切得厚度適中，起晒啲魚骨食落去方便之餘仲啖啖肉，肉質嫩滑唔鞋口。除左酸菜好開胃之外，仲有萵荀做配菜，爽口得黎又有多種既口感。配埋闊身嘅薯粉粉條真係兩個人都夠晒飽肚，粉條晶瑩通透，煙煙韌韌嘅口感真係我既至愛。另外仲叫咗個川式口水雞，賣相非常得體，將啲雞件排成一個半球體，都幾花心機。雞件少辣地，肉質嫩滑，都唔錯。抗疫期間既閒日晚市都座無虛席，可想而之呢間酸菜魚嘅魅力所在。價錢合理，終於唔使北上都隨時可以食到酸菜魚嘅味道。

今日口淡淡諗唔到食乜畀我亂打亂撞搵到e間酸菜魚畀我開開個胃先一開頭諗都唔諗 ， 就點個炒土豆絲先好爽口酸酸辣辣仲叫咗個蔥油麵至於唔怕肥嘅我就叫咗個炸肥腸不得了呀，十分之邪惡又好味咬落口脆卜卜， 不過就唔算太辣，我覺得接受到好好味衣兜肥腸都係三至四個人嘅食用份量輪到主角出場啦酸菜魚真係香噴噴，啲魚肉真係好滑師傅幫我哋起魚骨係得好乾淨食落去真係好安心呀，又唔怕哽骨酸辣到都好啱我胃口內面仲配搭咗一啲嘅白蘿蔔同埋萵筍好味到連湯都飲