十二味 (如心廣場二期)

营业中

休息中

係荃灣收工周圍搵野食，係如心廣場二期新開左間叫「十二味」出名食酸菜魚，把心一橫就試下新野啦！人見人愛酸菜魚配最佳拍擋粉條巨碗盛裝酸菜魚，魚肉滑身唔鞋口，而且每舊魚肉都大大舊，唔係碎濕濕禁，仲要無骨，每舊基本上係食緊魚腩！配上酸菜麻辣，少少酸多多麻，而且帶點油膩，可能係禁，食到好麻、油，唔覺太酸亦唔覺好辣，呢樣係可以改善！配料種類唔算太多，有杏飽菇、粉條等整體來說，「十二味」坐得頗為舒適，不過環改善下單的問題，會比較方便！

如心廣場逛完 DONKI 就找午餐😃 現在的如心 真是林林總總的美食都有了，見到這間12味的午餐很划算，免加一👍午餐選擇種類很多，一眼掃下，酸菜魚是我的至愛，而且還是地道的川菜，應該不錯吧😆裏面地方很寬敞，桌與桌之間很濶落，裝飾很有中國特色！一上桌，很大一碗，$68這個價錢可算是超值，而且還送酸梅湯和前菜，還有萵筍片、芽菜、云耳等等，大量配菜🥰🥰魚片又嫩又滑，而且沒有骨，挑了小辣，唔可以連湯都飲晒🤣🤣牛肉麻辣香鍋 ～$56 超大份量，惹味好下飯，牛肉嫩嫩麗，有薯仔片，蓮藕片，芽菜，木耳.....也送酸梅湯，超值😆😆真心好吃又划算，一定會再來😎😎

如心廣場終於新開咗啦，有唔少餐廳進駐亦都開咗張，今日同朋友下完Donki，就喺附近搵食啦，見到呢間十二味好吸引我同朋友，係食川菜架，裝修好時尚、座位寬敞亦都好舒服。 我哋晚上六點半鐘就入座，嗰陣時都冇乜人等位，但係食到七點鐘之後就開始多人啦～喺出面排隊!所以大家如果想食就要早啲去啦!呢間川菜餐廳一啲都唔似出面一啲傳統嘅中國菜既餐廳，佢係好追得上潮流，用QR code落單，之後就會有店員過黎同你確認多次落單既野食~超方便呀！川菜最出名既就係酸菜魚同埋口水雞，由於我個朋友唔食魚嘅關係，所以我哋就嗌咗口水雞同埋經典香辣鍋。川式口水雞(辣) $68口水雞既汁好有麻辣既味道，同時有唔同既香料配搭出味道層次豐富。而且雞肉好鮮美，可以保持到雞既肉汁香味、食落去雞皮爽脆彈牙，應該就係因為放左係雪櫃一陣啦！經典香辣鍋$38香辣鍋加上可以選擇唔同既配料真係好吸引架~呢個鍋都係用麻辣汁同埋唔同既香料製成，同口水雞既汁一樣味道層次豐富，不過就比口水雞既汁更辣啦！而$38呢個價錢只係個鍋同香料既價，仲要加埋叫既野食既價錢架!我地就另外再叫左雞翼、豬頸肉、金針菇、紅薯粉、年糕，每份既價錢唔算貴，大約$28至$42

之前食過尖沙咀分店, 留低非常好嘅印象, 今次仲要喺屋企附近開分店, 止癢就更加方便! 😄鋪頭雖然冇尖沙咀分店感覺咁大, 但就比較光猛, 而且枱同枱之間空間好夠, 坐得都幾舒服嚟到當然唔可以唔嗌佢嘅招牌酸菜魚, 大大兜性價比高, 兩個人食都絕對冇問題👍🏻酸辣湯底鮮香濃郁, 無骨薄切嘅魚片浸落湯到吸收晒湯底嘅精華, 食落非常鮮嫩可口, 而且夠哂辣, 食唔停口😋 除咗魚片之外, 酸菜都令人眼前一亮! 食落唔會太酸太鹹, 雖然話酸菜比魚好食, 我就覺得各有千秋, 叫個白飯撈酸菜都夠哂正😋

之前在奧海城分店吃過lunch set, 覺得很不錯，剛剛發現在荃灣也有分店，就決定來吃晚餐，試試招牌菜——酸菜魚。門外作為裝飾的酒也很吸引呢。人見人愛酸菜魚$198很大一條，兩個人吃的話份量算多的。選了中辣，個人覺得辣度不算高，嗜辣的朋友可以勇敢嘗試大辣。但辣度不高的好處就是不會掩蓋魚本身的鮮味，魚很鮮甜而且口感很滑溜。魚的品種屬於大骨，不太懂吐骨的朋友也可以吃。酸辣土豆絲$68吃中菜時很常選擇的小食，因為我很喜歡土豆絲的爽脆口感，微辣吃起來很開胃。最後點了甜品冰粉作結，冰涼又清甜～

剛開張嘅時候已經想食，奈何超旺場要等成十幾張枱，所以被迫放棄。今次專登早啲攞位，但都難逃等待嘅命運，等咗足足半粒鐘終於可以入座。食物種類簡單，主要以酸菜魚同香辣炒鍋做主打，配上些少川味小菜，大部份以香辣為主，最貼心嘅地方係有兒童餐提供，即使成家大細嚟食，都唔怕冇嘢啱小朋友食。酸菜魚只有辣同唔辣可以選擇，嗜辣嘅我當然揀辣，份量算多，一盆已經差唔多霸佔晒成張二人枱。魚切得夠薄，但又唔會一夾就散，配上又酸又香又辣嘅湯底，更顯得魚片又鮮又滑。任何香辣嘅湯底都離唔開薯粉，佢嘅粉條質感似薯粉，呈透明狀，入口比薯粉軟滑些少，配搭鮮香濃郁嘅湯底，絕對係絕配！除咗酸菜魚之外，當然要品嚐一下佢嘅香辣鍋，我哋揀咗非常邪惡嘅乾煸肥腸，豬大腸皮炸得非常酥脆，內裡依然保持口感，咬落去油香四溢，雖然配上大量紅青辣椒，但香口得嚟唔會太辣，加上白芝麻非常香口。本來想嗌慾望酸梅，可惜已經售罄，所以揀咗荔枝玉露，冰凍解辣，亦比我一個藉口下次再嚟。

今日又黎到如心廣場 無他 因為又揾到間新開既川菜餐廳 十二味 之前一直已經想試黎到門口 睇睇有咩食之制 有隻人形熊貓 好高wo生招牌？不過佢又真係好養眼 其實我係比麻辣吸引左既 至於落單呢 佢係用QR 入單 夠哂方便紅糖糍粑(8條)上次係火鍋店一試愛上 今次都要點熱辣辣 新鮮炸 ？黃豆粉/花生粉 沾上紅糖麻薯質地 好好咬 又好食主菜黎喇經典香辣鍋+台灣魚腐+五花腩+萵筍+鮮腐竹+寬粉上菜時先發覺 嘩好大盤呀 好多辣椒呀初時以為係湯上 乾盤上真係第一次 又一種新既嘗試我地叫左中辣 辣度剛剛好 野味 唔會辣到無哂味覺食物質地又唔會淋哂登登登登 啤酒 辣野必叫 雖然有小小麻甩但啲個先最高境界最後成為唔駛300蚊 啲餐算係簡單團年飯走時 餐廳已經滿哂人 原來咁出名

十二味 荃灣店真係無介紹錯喎一黎到個環境己經覺得好特色酸菜魚 酸菜魚啖啖肉完全冇骨，肉質都幾滑，味道似國內的，覺得佢嘅魚湯味比較濃，個湯越飲越好飲味道好豐富，吾係淨係得酸同辣，魚都幾滑，寛粉有咬口。牛肉香鍋鍋底有香辣同秘製醬香味，我揀左香辣鍋要小辣。香鍋份量好大盆，基本嘅配料有齊木耳、馬鈴薯片、蓮藕吸晒麻辣嘅精華煮得入曬味，配埋白飯食勁正好惹味。麻味十足，食到個嘴都好麻。啲餸抄得好入味正呀，推介之選

如心廣場二期正式啟用整座商場食肆雲集部份食肆人流比較多未夠七點鐘已經要排隊這間十二味一看便知道是吃川菜的門外裝修認真像內地的食肆還有一隻熊貓巨型公仔站在門外門外宣傳牌推介的是酸菜魚和麻辣香鍋營業時間為12pm – 10:30pm另一張是餐牌店內裝修極具中式風格店員也穿著四川熊貓圖案的制服環境非常之大座位之間的空間很大，用餐時也較舒服香港人對川菜的熱情真的很大，完全滿座座位旁邊有QR CODE可以打開微訊等軟件掃瞄下單餐具很新很乾淨人見人愛酸菜魚(配粉條) - $226人見人愛酸菜魚本身是$198再加$28可配最佳拍檔粉條魚質嫩滑，完全沒有骨，份量多叫了不辣，湯底很清甜，有很濃的豬骨、鰂魚和鱸魚味不吃辣的也建議點小辣，因為旁邊枱加辣更香混搭三種不同品種的酸菜，口感爽口而味酸甜非常之正宗的四川酸菜魚第一次吃粉條粉條透明的晶瑩剔透，麵身很軟、很彈口感很好，超彈牙最後可到這裡結帳旁邊有飲品櫃，有汽水、酒精等。

今日同女朋友去荃灣行街，見到如心廣場越來越多嘢食，撞正中午時間，咁就即管去試下，見到間裝修得好古典，個名都幾特別，叫做十二味，正常嘅午飯價錢，咁就入去試吓，當時大約3:30左右，全店坐大約四五台客左右，首先俾啲餐單大家睇吓先咁我就叫咗個川式口水雞，我女朋友就叫咗個水煮牛肉，免費送杯酸梅湯，好快就到啦，順帶一提佢係用QR code落單，感到環保，除咗酸梅湯之外仲有碟前菜，酸酸地幾開胃，但係杯酸梅湯真係只有一半，之前都有睇過食評都係咁寫，免費嘅嘢我就唔諗咁多啦，賣相就唔錯啦，咁食落都唔錯嘅，首先講口水雞先，雞就係凍嘅，雞味都唔算好有，咁我覺得4，50蚊既貨仔差唔多啦！但係啲辣椒油好正，都好配合雞味，至於水煮牛肉整體來講就好味過雞，牛肉份量都幾多，辣椒油比口水雞更麻，整體來講用嚟撈飯一流，睇返啲食評講，酸菜魚好正，下次一定要試吓，兩個人食咗$100左右價錢都好合理，所以都值得推介鍾意食辣嘅人。

今晚約咗朋友去如心廣場食酸菜魚，去到門口有個大型熊貓公仔迎賓，即時唔放嗰齊齊打卡📸店舖設計時尚，地方舒適，坐得舒服👍我哋只係叫咗酸菜魚跟粉條，飯後甜品，因為啱啱見到隔離都好大碟，兩個人食，應該會啱啱好🤭人見人愛酸菜魚+ 最佳拍檔粉條好大嘅一碗盤👍兩個人👭絕對夠食😚 酸酸地、麻麻地，唔算太重手👍 大量鹹酸菜、萵荀好爽口惹味😋 魚片份量也不少， 魚肉非常滑溜，冇乜魚刺，冇魚腥味、好鮮👍粉條闊身透光，食落煙煙靭靭，連埋湯汁一齊吸入口食🤤🤤紅糖糍粑呢個有驚喜， 外皮非常鬆脆，內裏軟軟糯糯，食落仲有淡淡米既香甜味，唔油膩，非常啱我哋條脷👅😍😍👩‍⚖ 初嚐酸菜魚，幾對味， 飯後甜品仲啱我👭條👅

我和朋友都是麻辣控，最近知道荃灣新商場開了一間正宗四川菜所以即刻去試試。餐廳用上最先進的手機下單服務，只需在枱面面前scan code就可以進入選單版面， 有圖有價錢 ,非常清晰， 非常欣賞這環保先進概念。川菜之霸非霸王辣子雞莫屬 ,辣椒控 看到一定很 興奮， 辣子雞混在紅噹噹的辣椒海中， 一邊尋找辣子雞丁 及腰果，一邊麻辣 味進入口腔內 ,雞丁炸得香脆，透身，香口， 腰果經油炸後也非常爽口蔥油拌麵看似簡約的蔥油拌麵其實一點也不簡單， 蔥油醬是整碟面的精髓， 麵條滑溜溜非常有彈性。 伴入辣子雞粒吃也很匹配。蒜泥青瓜很新鮮的青瓜，蒜蓉份量光也恰到好處，不會太多而變得苦味而影響青瓜的清新。

之前有內地同事說十二味食川菜不錯到荃灣新的如心廣場，呀開到荃灣啦！.最開心見到假日、週末都有抵食到爆的lunch set，大約$50左右就有一個餐，又不用加一，環境似高檔的中餐館，平過茶餐廳！.雞翼麻辣香鍋超大份的香鍋，天呀那是一人份量嗎？炒得香，很夠熱，入味帶麻辣材料多，有蓮藕、土豆片、芽菜等雞翼也挺多的，基本上一個食不完.川式口水雞非常正宗的川式口水雞，雞件夠滑，煮得很冧身，把辣汁都牢牢鎖住.蒜泥青瓜爽口，食完辣的真要找點清新的爽一下.飲品選擇多，有酸梅湯。還有100%純椰青水、加多寶、荔枝玉露.如果有間十二味開在我家門口，那多好呀！

身邊好多朋友都鍾意上深圳食酸菜魚，其實香港都有得食，唔使一定要去深圳。今次我同朋友嚟到如心廣場第二期嘅十二味，就係要食呢度出名嘅酸菜魚，我哋點咗小辣；另外再點了一碟乾煸四季豆。人見人愛酸菜魚(配粉條): 大大盤的酸菜魚，份量絕對足夠2人吃，最愛酸酸辣辣嘅酸菜同魚片，加上粉條連湯一起食，酸辣開胃，真係滋味無窮，好食到難以形容。乾煸四季豆：也是大大碟的，重口味嘅碎肉同四季豆好絕配，十分惹味，餸飯一流。這裡空間夠大，有好多卡座位，坐得舒服，用手機掃二維碼落單，非常方便；因為顧客多，所以規定每檯用膳時間是1小時30分鐘，算是合理。

第二次食十二味了！之前係尖沙咀分店食過lunch 感覺唔錯今次荃灣店一開就即刻去 食晚餐~.店內有唔少卡位地方寬敞 坐得都幾舒服😌呢度係手機點餐架 好環保👍🏻又方便.點左口水雞 酸菜魚同乾煸四季豆酸菜魚好大盤！我地加左粉條非常煙韌 浸左湯酸酸地特別開胃口魚片好鮮味 而且份量都唔少～唔食得辣既朋友可以揀唔辣的叫左2碗白飯 非常好餸飯呀！口水雞凍食的 砌到勁靚 好似藝術品咁少少重口味 點左小辣 雞肉挺滑.乾煸四季豆同樣係凍食 呢個專登揀左唔辣四季豆好入味 咸咸地咁 唔會炒到太淋 剛好屋企人對呢餐都好滿意😋