十二味 (如心廣場二期)

营业中

休息中

同朋友行完街，經過見到呢間新開川菜，就決定入去食🤪位置尚算闊落，落單係自己用手機scan QR code 落order，夠晒環保♻️「燒椒皮蛋 」 特別的黃金皮蛋，一定要夾埋中間嘅醬食，小小麻辣，如果齋食個皮蛋就略為清淡啦～「經典香辣鍋」 $38就係個鍋底，有得選辣度，但係估唔到係伴菜，之後可以加餸，咁大碗野就加左滷水肥腸、萵筍、金針菇、豆皮、寬粉。肥腸比較肥厚軟身，萵筍都好清甜，剩下嘅餸索晒啲麻辣汁好惹味，鍾意食辣嘅人應該會幾開心「紅糖糍粑」 ，糍粑做到硬皮內軟，最上面佈滿黃糖，淋上紅糖汁就甜上加甜，最適合中和返啱啱食咗辣嘅嘢

疫情下人人擔心，少不免外出，不少餐廳已開始暫時營業，實在可惜，能站得住的相信要有一定實力和下功夫，而要工作的人也被不開要外出吃飯，因此這時期衛生這部份也是重要的一環。空間感也算寬敞，店員也醒目地安排客人盡可能相隔一張枱。所有店員加油配上口罩，樓面的姐姐更戴上手套處理食物及碗碟。蔥油拌麵，香蔥味不錯，雖然有油但卻不算太肥你，不會令嘴唇感到不適，反而有點甜甜的感覺，配上酸梅湯就最適合了應是第二次在這家店叫酸菜魚了，其實每家的魚都有不同的特點，因此不能作客觀的計法，這裏的魚也合我胃口，肉質嫩而且沒有骨，辣度也可以自己跟店員說，湯底不算太油膩，但是作為操情只如果可以加酸就更好！坐下會先有小菜，今日是涼拌土豆絲，清新爽口，適合喜歡淡味的人皮蛋是金黃色那種，香辣的醬汁是重點，記得多沾一點，皮較彈牙，入面蛋黃也香。建議如下的醬汁可以點其他食物或用來拌麵飯。田雞香鍋香辣味更強，配菜都入味，可能不合時節較為瘦，但味道取勝。午市套餐抵食，只是我們多叫了2個小食。看來接著的晚餐可以減半了

荃灣西鐵站附近多咗好多新商場其中一間就係如心廣場一出西鐵站行10分鐘就到👍🏻天氣咁凍，揀咗四川菜😆辣辣地，夠暖胃十二味都好多分店依家荃灣開咗，咁就最近我了😆估唔到星期六仲有午餐食😆價錢大概$50至$60包前菜、飲品、飯、主菜真係好抵😆👍🏻✨因為裝修都非常雅緻座位非常寬闊係疫情期間，係較理想嘅環境！😆水煮牛肉勁大碗，麻辣味都夠香👍🏻✨牛肉份量都多，抵食😆亁抄四季豆這個真係好滿意，夠晒鑊氣！同埋份量都多😆酸辣木耳尖椒皮蛋兩款小食，賣相都好靚味道不錯如果皮蛋可以做到流心就更加正😆

今日晏晝去咗荃城滙探朋友，打完機吹左陣水問朋友附近有冇酸菜魚食，朋友話咁啱就有一間喺如心廣場，咁喺樓下咁近就試下啦估唔到星期日都仲有午市套餐，價錢好抵食，呢個區域嚟講好大眾化星跟餐送咗個開胃小菜，一碟酸酸哋嘅酸辣木耳，食落又幾開胃又唔太辣。酸菜魚套餐 估唔到68蚊嘅套餐有驚喜，首先講分量， 酸菜魚湯入邊嘅魚片分量足夠你係餸晒成個飯嘅，（太約十多片） 而片魚片亦都經過處理，保持嫩滑新鮮，湯嘅味道好濃沃同酸菜亦都好爽口川香回鍋肉紅糖糍粑外脆內軟，咬落好煙韌，甜度亦都剛剛好，點埋紅糖漿食仲正，飯後甜品絕對唔錯可以用微信掃描q r code落單號，落單之後大約數十秒侍應便會過來提供服務總結：曾經喺屯門和元朗都試過唔同嘅酸菜魚,但係都唔畀呢一間嘅酸菜魚咁好食,而佢嘅午餐價錢十分便宜,相對呢個質素同埋區域，對佢嚟講性價比十分之高，值得推介

今日終於有時間去荃灣行新開嘅日本超市，點知隔離嘅如心廣場二期居然開咗咁多新餐廳，其中呢一間十二味望落好吸引，我哋一點左右去到已經需要排隊，可見都幾受歡迎！落order經由電話下單，減少左人手同埋時間，星期六日都有lunch set，價錢都非常吸引，跟餐有酸梅湯下下火，仲有一個小小既前菜開下胃，午餐唻講份量都好多，cp值高！餐廳可能新開張關係比較混亂但侍應態度都保持住禮貌，講返碟菜，酸菜魚都幾滑，湯頭都好入味！讚！

食過尖沙咀十二味的酸菜魚，今次唔食酸菜魚，試下其他野🤡燒椒皮蛋，小巧玲瓏的皮蛋，透明的蛋白包裹着糖心蛋黃，配上點辣油和椒粒，份外開胃再加一客蒜泥青瓜，兩個都是很開胃的前菜呢！主菜點了霸王辣子雞，一上台見到滿盤紅紅的辣椒粒，立即食指大動，不過雞粒細骨比較多，吃的時候要小心！雞粒外皮香脆之餘帶點辣味，很過癮🌶️ 除了雞粒之外還有炒得香脆的腰果~干扁四季豆，上次在尖沙咀分店也點過這道菜，可是份量比較少而且上次點了不辣，可能味道也差一點點。這次再點這道菜感覺份量比較多而且有辣味真的差得遠呢~ 四季豆炒得香脆可口，一條接一條很快便吃完了🤣紅糖糍粑，其實一直很想點這個甜品，可是每次有點得太多吃不下，這次特別留肚吃這個甜品😍咬開香脆的外皮，甜甜的煙韌口感，好像吃年糕，也有點像糯米糍的外皮😍一口氣吃了五條🙈很滿足的一餐~

很愛食川菜，而荃灣如心這間十二味是我心儀的選擇，今日就與同事一齊到來食午餐。門口精緻的擺設已顯示出餐廳主人的細膩心思，特色的四川小熊貓在門口很是引人注目。餐廳先送上餐前小食薯仔絲及雲耳，2樣都很爽口。川式口水雞川式口水雞，面上有蔥花及白芝麻，及透亮的辣椒紅油非常誘人，真是名正言順，流曬口水。口水雞肉質非常嫩滑，配上秘製麻辣醬汁，可口惹味。水煮牛肉水煮牛肉，裡面有油麥菜及青瓜，湯底川味濃厚，麻辣惹味正宗，牛肉腍中帶嫩及麻辣，好味哦。酸菜魚酸菜魚的湯帶少少酸酸的非常香濃惹味，我忍不住飲了少少，魚片切得很薄，肉質軟嫩味帶鮮香麻，必試之選。食完感覺材料不錯，味道正宗，下次還會再來。

中意食辣野去邊好，今次終於都俾搵到間唔錯嘅食辣餐廳，入面以手機落單，選項亦好細心，辣嘅情度同先上後上等操作都有，食到滿戴而歸，下個系我今次食飯嘅評價👉🏻川式ロ水雞口水雞夠涼，唔試系出面食過半熱唔凍嘅口水雞，味道上辣味啱啱好亦有配搭到花生粒，的確幾開口👉🏻涼拌土豆絲口水雞嘅味道有少少似，不過土豆絲清涼爽口嘅口感系口水雞代替唔到嘅🤭我自己比較鐘意嘅一樣小食👉🏻大盆花菜除咗椰菜花🥦加咸豬似蒜茸粒，非常大份，加埋辣椒🌶️炒嘅味道更唔錯，如果配白飯應該系更加好嘅選擇嚟👉🏻蔥油拌麵濃度適中嘅蔥油拌麵，唔會太油，而且麵嘅粗幼啱啱好，麵條有咬口得嚟入味，仲有少許木魚絲系上面，一齊食嘅口感同味道出奇地配合適👉🏻么妹兒冰粉呢家出街食都好少見有地方可以叫冰粉，呢家系街比較多人叫嘅系桃膠多，見到呢到有好耐冇食嘅冰粉，點都要試一試嘅，桂花味白濃帶住甜度適中嘅糖水，好味好味👉🏻紅糖糍粑紅糖糍粑系我至愛，酥脆嘅外皮軟軟嘅內餡令人有想一啖一啖食落去嘅引力，當然唔系就咁食，要沾夠花生粉同糖漿先可以令佢發揮到最好食😋✍🏻環境舒服，坐位又唔會太逼，氣氛唔錯播嘅都系流行曲為主，又多打卡嘅場景，所以印象都幾深刻🙋🏻‍♀️俾多啲機會

疫情期間過來同朋友食香鍋。店內是scan QR code落單，其實幾方便，奈何店內網絡唔好，信號差。完全無餐牌，好似唔係幾work啵，難道是因為我年紀大😂？無辦法，朋友都係叫waiter拎落單紙。好味！作為一個非資深吃貨覺得味道很正宗。五樣鎹，份量足夠，兩個女生吃得很飽，要打包，waiter好快手，外賣餐盒冇另外收錢，好評。特殊時期，客人唔算多，都尚可，卡位留座，我們只好坐其他位，都幾舒服嘅。裝修同音樂都唔錯，衛生各方面環境都幾好。

呢排如心開咗好多新食店，其中一間有隻大貓熊在門口作招徠，吸引咗我個仔幫襯，門面既華麗又是復古，場內夠寬闊，坐得舒服自在~呢間係一間川菜館，叫十二味，但菜式不止十二味，有自選干鍋，有特色川菜，涼拌小食⋯我地叫咗川式口水雞丶蔥油拌麵同水煮牛肉，先嚟蔥油拌麵，麵質像上海粗炒，但夠爽滑，有濃郁醬油香味，但喊度適中，入口順喉。跟住上口水雞，係冷盤，雞肉夠爽實又滑溜，大大件，帶濃濃麻辣味，麻得正宗，用來下飯吃再適合不過。最後上的水煮牛肉，好大盤，配料好多，有青豆，油麥菜丶芹菜丶香料和大量乾紅椒，外加涼皮墊底。牛肉既腍軟也嫩滑，牛肉厚身也大片，吃下好滿足，而涼皮也好爽滑，口感煙煙韌韌，辣度適中。這家川菜用QR Code下單，更方便快捷，味道也好正宗，而且也有午市提供，比較低食，路過去朝聖不妨一食

荃灣開多左個新商場之後，野食既選擇都多左，今日同男朋友行左陣見到呢一間十二味，又小小口痕，就想入黎食下辣野。佢落單係用電子既形式掃QR code，不過你問佢既話都會有個四川乾鍋既menu比你睇。最後我地因為都唔係好肚餓，所以都係叫左一個蔥油拌面同埋一個水煮牛肉。蔥油拌面估唔到個賣相咁精美，食落蔥油好夠，不過如果面既質感再彈牙小小就會perfect了。睇落唔大份，不過佢都係38蚊，當係一個小小飽肚既carbs都唔錯。主菜水煮牛肉黎啦！只係$158，初初我地都以為唔會好大碟，點知佢都係一般會係出面見到既size。牛肉煮得入味，我地揀左中辣，不過食落感覺都唔係太辣。比起麻辣，佢係更偏向香辣既口味。材料都好夠，除左牛肉之外，仲有薯粉，菜，青瓜，萵荀等等既蔬菜。原本我地兩個只係打算吃小小頂下肚，點知之後都係食飽左，哈哈！埋單只係200蚊，咁平既價錢，裝修又靚既川菜去邊度搵呢。

荃灣西落車之後，阿女肚餓，就在附近看看有什麼食，看見十二味，阿女竟然肯陪我食川菜，太好了！店外有一隻大貓熊，新裝修是新派帶一點中國風味！午市套餐很超值👍🏻👍🏻👍🏻室內環境簡單但舒適。點餐是用app, 既簡單又方便！酸菜魚（不辣）$68雖然不辣，但仍然很野味，酸酸的很開胃！還有很香芝麻味！魚片沒有骨，又滑流，有入口即溶的感覺！川式口水雞（中辣）$48阿女竟然吃到這裏的中辣，所以不算很辣，但很正宗四川的味道，而雞肉十分嫩滑！雞翼麻辣香鍋（不辣）$54雖然不辣，仍然野味，除了雞翼，還有很多配菜！每份午餐加$5可轉汽水，另有白飯一碗，前菜一碟！

今日黎到荃灣西行donki 本身想去潮勝佢既大拖羅壽司但天氣太凍 好想食暖笠笠坐起度舒舒服服咁食餐飯 所以去左附近既十二味 食熱辣辣既川菜一入去即刻掃佢個code點野食 午餐真係好抵 次次去都會叫個酸菜魚 同土豆絲 今日都唔例外 今次叫埋燒椒皮蛋 乾煸四季豆 食下正唔正今次酸菜魚試下要唔辣 不過上次小辣再正啲 下次叫返辣 酸菜甜酸惹味 一樣咁好送飯 掃曬碗飯😛涼拌土豆絲 入口夠凍得黎無冰感 超級開胃 依加諗返起流曬口水 最快清曬碟既一味餸 再食一定會翻兜 🤤😋燒椒皮蛋晶瑩剔透 有微微既椒香 叫左中辣 滲滿辣汁 不過食落唔辣有鹹香 入口彈滑〰️乾煸四季豆 有好多肉碎同辣椒 好惹味 非常香口 又再送多好多飯今次起度又再變左飯筒一名😌

今天和太太到荃灣驚安購物，之後在附近的如心商場吃午飯，最近天氣凍，最好吃一點火辣辣的川菜，就來試試這家十二味。餐廳裝潢十分型格醒目，座位亦寬敞舒適，更有不少卡位，坐得十分舒服。餐廳主打麻辣香鍋、酸菜魚，午市有十分抵食的套餐，小菜跟白飯及酸梅湯，另外餐廳另有多種川式小食可供選擇。先來一份餐前小吃，青瓜清香脆嫩，加上酸爽的醬汁，十分開胃。口水雞口水雞是四川名菜之一，有說法是口水雞的花椒會讓人嘴巴麻到不由自主流口水，醬料香辣濃郁，色澤紅亮，麻中帶辣，雞肉厚實多肉，味道令人上癮。田雞麻辣香鍋因為是午市套餐，所以沒有熱辣辣的鐵鍋，但不減麻辣香氣，一嚐田雞件，舌尖立馬發麻，夠香夠辣，特別惹味，滲透骨肉，田雞件份量多，肉質嫩滑飽滿。酸菜魚魚肉用上鱸魚片，無骨肉嫩，非一般雪藏魚可相提並論。舉勺淺嚐湯底，酸辣的風味，輕輕的刺激著舌頭，吃一口魚肉，麻，辣，鮮，香，嫩，層次分明，不腥不燥，回味悠長。跟餐送的酸梅湯味道芳香微甜，純粹天然果香，蜜味比一般的人工糖醋美妙得多。

十二味 荃灣如心廣場店荃灣西開始越嚟越旺，好多新商場，好多新食肆。見到十二又開分店，櫃台上仲有好多小熊貓，好有四川特色。餐廳用QR code落單好方便無落單既情況酸菜魚極足料，泡椒、酸菜、新鮮魚肉，花椒和乾辣椒等佐料滿滿的。一大碗上，十分足料魚片多，而且新鮮沒有冰鮮的味，夠入味每片都有酸酸辣辣的味，酸菜湯入口酸香鮮美，愈飲愈開胃！幺妹兒冰粉最後叫了一個四川地道甜品，冰冰涼涼似啫喱好好味。以一個68蚊午市套餐來講份量都唔少，整體食物、服務也滿意