十字冰室 (恆陞大樓)

营业中

休息中

Food panda 與外賣自取經常偷工減料。成日都有野唔見左，要我特登行上山去餐廳攞漏咗既食物，去到佢地就hehe haha 唔好意思就扮無事。今次仲誇張，佢地直情“唔記得”整個80蚊嘅豬扒飯下次再唔見野可能要直接報警，曬時間都要揭發呢d黑商。簡直係高街餐廳嘅恥辱。相片入面睇到佢哋無送到嘅食物，顧名思義無送到所以張相入面乜都無。一次半次都算啦，身為人類都知道犯錯係天性，我唔介意自己上高街去攞番，當做下運動。但dllm，嗌咗幾廿次都間中會漏下野，係咪特登架？？？本文章takeaway：唔係叫你唔好幫襯，但係攞外賣一定要check清楚。哩個廚房會成日“唔記得”整野食。Edit (20mins later):個豬扒飯攞到翻屋企又乾又薄又膿，係咪特登玩9我？以前都無咁劣質，如果唔係我都唔會幫襯過咁多次。。。其實是否我已經老了，為什麼回憶總是比現在美好？脾氣變得暴躁，再難以體諒別人，也可能是這個原因吧。

適逢下午茶時間同客人見完面喺西營盤經過見到有間懷舊冰室仲要好似主打十字牌牛奶咁就入咗去食下午茶～ 下午茶Menu 都幾多選擇 有6個系列 仲有牆上掛住嘅皇牌餐、香口嘢咁…仲要好多都幾邪惡吓🤭不過依排要養生嘅我就叫咗佢哋嘅熱賣湯麵系列嘅濃蕃茄湯雞扒煎蛋意粉而嘢飲就用咗半價 升級 飲 養生熱飲系列嘅杏霜桃膠鮮奶🥰🥰 杯杏霜桃膠鮮奶係令我意外嘅，因為真係好足料而且唔會太甜有鮮奶味亦有杏霜果陣味岩岩好❤️❤️❤️❤️有水準 好好飲 碗意粉嘅份量都唔細，太陽旦煎到唔會太熟而雞扒都算大塊幾厚身 湯底有唔少雜菜同鮮蕃茄蓉幾夠味 而意粉亦唔會太淋 我湯都飲咗唔少😋😋 係相對感覺健康啲嘅選擇，整體幾唔錯。 我見依間冰室仲有2間分店 如果有機會遇到我都會再想幫襯試埋佢其他邪惡嘅嘢食🤭😋😋

最受香港人歡迎🎊 熟客常去的💖懷舊冰室💖✨️✨️✨️✨️十字冰室✨️✨️✨️✨️ @hkcorsscafe.奶茶✨️：好香醇口，茶味濃，茶葉入口非常絲滑，奶同茶比例剛剛好，屬於係每日都要飲個種🤣唔飲唔安樂😂.蔥油雞翼面✨️：超級好味‼️暖暖既公仔面加上用熱油［讚］過既蔥油，非常好味🤩簡直係將公仔面提升到另一層次（會再叫）👍雞翼：好滑嘟嘟，老滷水雞翼但不是太濃味個種 ，呢到每樣食身口味都拿捏得剛剛好🥰雞肉很嫩滑 .芝士肉鬆蛋3文冶 ： 面包非常脆口‼️原來咸咸既肉鬆+蛋+芝士係咁好食😳😳喜出望外！一口大滿足💖💖配上香滑奶茶食出懷舊感覺！可能有肉鬆，食食下覺得好似去左澳門咁🤣🤣 .F餐 NEW 芝士肉鬆厚蛋烘底三文冶 $45K餐👍 瑞士雞翼蔥油撈公仔面 $52凍飲+$3 半價升級特飲 （好多熟客仔叫紅豆冰）🙊

天氣超炎熱被安排坐門口位，每次開關門我哋個位都係超級熱，附近位都冇客坐。禮貌問職員可唔可以調位，如果有人走啊，可唔可以坐入去，短頭髮女職員冷笑話好啊。之後到有餐廳裏面嘅位置，佢就叫後面嘅客人入先。然後我哋有禮貌地問唔係話有位俾我哋入去先咩？佢回應話入面嘅位置同我哋坐嘅門口位置一樣咁熱。。。然後先安排叫我哋坐過去，但係係一張仲有顧客食緊飯嘅枱。十分冇安排，冇用心工作，有冇將顧客嘅需要放喺心上？？？今次用餐體驗非常之差，以後唔會再嚟。

係高街的十字冰室，淨係開到下午六點，所以平時夜晚黑都試唔到，今日特登星期六日嚟試吓，座位就唔係好多，至於嘢食方面，太多選擇啦，我哋揀咗好耐先揀到。平時冰室通常都係食茶餐，原來佢嘅飯都一樣出色。太陽蛋雞扒蔥花飯，雞扒醃到好好味，太陽蛋煎到燶邊，加埋啲蔥油撈飯，味道一流。茶餐蕃茄牛腩通粉，蕃茄係濃湯湯底，好多牛腩，誠意之作。黑松露炒蛋，黑松露加入炒蛋一齊炒，將普通嘅炒嘅雞蛋變得特別滋味。最鍾意佢嘅玻璃樽裝鮮奶，童年回憶返晒嚟。

之前有朋友嗌外賣嘅時候叫十字冰室🍽🍽🍽本身諗緊普通一間茶餐廳到底有咩特別，但食完佢嘅滑蛋雞扒飯之後就發現原來十字冰室都幾令人驚喜😋本身屋企附近比較少茶餐廳，所以今次專程過嚟西環食十字冰室，就試左茶餐廳比較常見嘅鮮茄通粉！今次叫咗鮮茄雞扒通粉😋嚟到之後發現原來早餐會跟火腿炒蛋同埋烘底多士！佢嘅炒蛋係用十字牌牛奶炒🥹🥹🥹就算本身對炒蛋冇咩要求嘅我都覺得呢個炒蛋值得一試🍽總括嚟講如果想試吓乾淨又唔介意貴少少嘅冰室，十字冰室會係一個好嘅選擇！

呢間位於西營盤既十字冰室，lunch時段都頗多人，價錢相對少貴，一個set都差唔多70蚊。嗌咗個皇牌常餐蕃茄湯牛肉粒通粉，配有黑松露炒蛋，個炒蛋有驚喜，個蛋好滑同有牛奶味😁👍🏻不過不失

黎到西營盤附近覆診 打算食d 有湯汁既野 搵咗呢間十字冰室 上黎都唔算辛苦 西營盤地鐵站b2 出口行大約5-10 分鐘就到 中間斜路樓梯部份 仲有好多扶手電梯香蔥五香肉丁炒飯 $64睇落好好食 但食到口 味道較淡 鑊氣不足十字皇牌餐 $68入面有 鮮茄牛肋條湯通粉， 黑松露炒蛋，牛油多士番茄湯濃郁 牛肋條炆得好淋 有啲西芹紅蘿蔔粒整體而言 黑松露足料 蛋可以再滑d 就perfect! 牛油多士 略嫌唔夠脆蒜蓉牛油雞中翼 $38一上台 好香蒜蓉味 👍🏻 食落夠哂熱 又脆口 不過就有啲油香滑奶茶 茶味夠濃郁 幾滑

滿足🤤咖喱🐮腩焗意粉！！！番工lunch，飽到差啲做唔到嘢。🤪份糧十足，🤩半肥瘦腩，薯仔 🥔，芝士🧀，香濃咖喱🍛 ，牛腩熟到啱啱好，仲有少少紅，份量超級夠👍🏾，西營盤嚟講價錢都唔算貴，平時都多幫襯。牛腩係有啲根既，唔會太瘦，太乾，而且都好多舊，另外薯仔都好多，全部切粒，大細啱啱好一啖一粒👍🏾，加分！🤩凍奶茶（走甜），正常發揮，大大杯，兵份量適中，小編仲鍾意多奶！環境舒適，平時仲有$5優惠券送，附近返工食都唔錯！回頭 : 🤤🤤🤤🤤/🖐

簡單食個冰室常餐其實個豬骨湯就唔係好食得出有牛奶味，但係係比一般嘅奶白啲嘅呢度嘅米粉係戈啲透透哋明嘅米粉，特別滑身，吸咗湯同五香日丁啲油，正啊但係啲可惡嘅三色豆好阻街，一見到就即刻踢走咗佢哋😂滑蛋好香好滑的好立克奶奶的，好濃！見唔見到杯好立克入面飄緊啲一舊舊嘅好立克粉，係睇得出嘅濃郁！十字冰室十字牛奶豬骨湯五香肉丁米粉 配 火腿炒滑蛋及多士 熱好立克 $42📍西營盤

早排來過呢度食晏，當時都幾多人，爆晒場，要等位~食物就正正常常，但佢杯🍌香蕉奶昔幾好飲😚今日咁o岩又係附近，就來試下佢個tea了~去到餐廳係五點三左右，餐廳六點關門~成個場都好空，坐得好舒服😂三點三下午茶時段有專屬餐牌，唔o岩食都可以叫返大餐牌個D~但自己感覺下午茶餐牌D野比較一般，唔係好吸引🤦‍♀️最後諗左一輪，叫左🐟吉列魚柳配黑松露薯條、🍌營養香蕉奶昔~🐟吉列魚柳配黑松露薯條、🍌營養香蕉奶昔 ($56 + $19)個吉列魚柳薯條真係即叫即炸，因為都等左一陣先上枱😂同埋食落真係好脆好熱😂🐟吉列魚柳幾大塊，上枱見到真係有D意外😆炸得好脆，炸粉幾薄👍不過如果魚柳可以厚身少少就好啦~🍟薯條係曲薯條，同樣熱辣辣，又夠脆👍🍄黑松露醬，微微黑松露味，唔會好濃~不過醬比得唔係好夠，唔可以點完魚柳再點薯條😢🍌營養香蕉奶昔，正價 $38，但跟餐半價，加 $19杯奶昔好滿，斟滿成個杯😍好香嘅香蕉味😝不過話明🍹奶昔，應該係好幼滑~但今次staff打得唔夠耐，所以好多碎冰🤷‍♀️食飽埋單 $75，但因為上次食過有coupon減5蚊，最後實收 $70~🍔食物整體係幾高質~💁‍♀️服務就正正常常咁~但 $75食一個下

今日喺附近做嘢，由於西營盤附近都冇乜嘢茶餐廳可以揀☹️，呢間算係食過質素唔錯～😌------------------------------今次點咗咖喱🐔扒飯+凍奶茶走甜（$70）------即叫即焗，上枱仲熱辣辣，啲咖喱仲卜卜聲🤩，加曬分⭐️⭐️⭐️！炒飯底，薯仔🥔，芝士，🐔扒都夠大塊（炸過），有啲炸過火，少少硬😞，整體偏向重口味，配埋凍奶茶走甜中和下，偶爾一次幾滿意😋。

再嚟三文治🤤🤤•好友介紹呢間, 隱世到好似speakeasy咁, 會發現呢片世外桃源🌸🌸驟眼睇都有幾款名物, 沙爹牛肉/雞柳麵, 牌子寫全用新鮮牛肉雞肉豬膶, 保持住家味道, 咖央西多都好似出色, 對面個女仔食咗一塊半😂😂見menu無寫素食就問遮遮有無菜麵, 遮遮竟然話有🥰馬上嚟個菜公仔麵加葱花蛋治, 同事們吃沙嗲牛麵同葱花鹹牛治, 然後天氣太熱, 忍唔住叫咗個奶茶紅豆冰, 好多紅豆仲要唔太甜😋😋估唔到鬧市中間都有咁出色嘅茶檔, 一定要回頭食佢個菜脯葱花蛋飯同咖央多☺️

呢間店啲職員十分無禮貌，行入去問外賣有未完全當你透明，結果門口再等多十分鐘原來一早整好，但佢地只係一味接生意，原本買左果啲客佢唔會理你，今時今日仲有咁早生意既連鎖店，以後black list!

一曰之中早餐最重要，一頓豐富的早餐可增加整日的能量。閒時放假我最鐘意去茶餐室，食物有傳統香港特色，餐蛋公仔麵呀！蛋牛治呀！茶走呀！去邊可揾到呢！咪就係茶餐室囉！蕃茄濃湯牛肉通粉湯底濃郁，有粒粒蕃茄，用足材料。牛肉嫩滑。通粉亦不會煮得過腍，剛剛好。厚切牛乳炒蛋三文治勁厚！麵包厚，炒蛋厚！炒蛋混入牛奶份外嫩滑，帶有少少蛋漿，蛋味香濃。多士即叫即烘，香脆！