千上日本料理 (已結業)

上尖沙咀開飯啦喂，就在酒店內一樓，容易找到。假期前夕，份外得戚，工作過後，慰勞肚仔🤪木石設置的環境，全程音樂柔和，感覺好舒服。璣煮螺有酒香，做法入味惹味兼有咬口。野菜沙律開胃前奏做開端，汁醬醒目分上，脆爽新鮮。三刀魚薄切，好細件，不沾豉油，用酸汁點食，肉地帶少少脆，少少甜。海膽的紫菜夠脆，甜蝦貼心去尾三文魚壽司厚厚的，芥末是鮮磨，有誠意。汁煮大根好好吃，湯入味不得了，炆到淋曬，好👍🏻👍🏻👍🏻

土佐豆腐78是外脆內嫩都不得了，像蒸岀來咁滑，驚喜呀。燒日本青椒仔28加了木魚絲，格外美味。鰻魚炒飯148炒得不夠干身，不過材料種類不少，面頭的魚肉也挺厚😊正呀。茶碗蒸58内有銀杏蟹柳跟魚旦，細細杯但實在蒸得嫩嫩的。燒豬頸肉68辣辣地，切到好薄，像腸粉的甜酸味，加入後勁辣香既味道，惹味到我一不留心，咬親條脷呀。燒安格斯牛肉148用了黑椒做掩味，切到四四方方咁，牛既味道夠濃了，完全無un燒魷魚🦑98燒得好香，彈牙，加賣燒汁都ok椰子🥥雪芭58好感好滑溜，甚有椰香。🍍菠蘿雪芭78較清新，好解渴香甜。食後感：熟食比刺身壽司岀色，舒適環境，心情自然暢快無比。野食夠精緻，會想有下次☺️

今晩又去食日本菜啦，真係未食都已經令人興奮。日本菜係我同朋友既最愛，試左唔少食物，等我介紹下啦。海澡沙律$88價錢唔算平的海澡沙律，原來係用上海葡萄，唔怪得咁貴啦。海葡萄好鮮甜爽脆，加埋芝麻醬，簡單好食！宮崎黑豚腸$58二條既香腸切半成四，黑豚腸豬味好濃，皮薄又脆，脂肪豐富，一咬爆發油脂！燒日本有機豆腐$58有四件既豆腐放上左芝士去燒，燒後好香拉絲，豆腐好滑好嫩，唔錯。燒白鳝$128兩串白鳝燒到好香，外皮好香好脆，魚肉嫩滑既，脂肪都豐盈，啖啖魚好正，有少少可改善既地方，就係食到有少少骨。清酒煮蜆$88冬天必吃的清酒煮蜆，喝完暖笠笠！蜆肉量非常多，都幾肥美，清酒既香令我同朋友搶住飲。Ginger icecream!

位於尖沙咀的千上日本料理，是一間酒店內的日本料理餐廳。是晩親身光顧，才知道很久以前曾光顧過呢，不過餐廳已重新裝修，變成高價的餐廳。光顧日本餐廳，刺身和壽司是必點食物吧。刺身選擇今日時令食材，包括: 油甘魚$60，針魚$140，牡丹蝦$68，辣味吞拿魚$98。油甘魚可算厚切，魚肉實淨，爽甜滑鮮。針魚切成條狀，魚肉更加爽脆。牡丹蝦拆殼肥大，肉質彈黏，好吃呢。辣味吞拿魚，魚肉滑腍，辣度不高，煙靭米飯和芝麻的甘香，正哦。燒牛肋骨$148好大條牛肋骨阿，廚師已預先起肉切成薄片，方便進食。牛肋骨燒得剛剛好，牛肉剛剛熟透，內裡帶粉紅，肉質軟而爽囗煙靭，醬汁調味濃郁，沾一沾醬，是下酒菜呢。鯛魚湯稻庭$128雖然吃到好飽足，但服務員大推介吃稻庭烏冬，我們便嚐嚐吧。鯛魚湯色澤奶白，看得出非常豐厚阿，湯底微微黏囗，清甜白滑，喝每一囗都感覺到好滋潤呢。稻庭質感幼滑，非常滑囗，滑溜溜，要小心卡囗嚨阿。

今日同男朋友食飯，大家都超鐘意食日本菜，特意去左一間酒店內的日本餐廳。千層豆腐海鮮湯。千層豆腐夠哂驚喜，絲絲豆腐刀功好了不起，湯底清甜配上爽甜海鮮。叫左3款刺身試試餐廳水準。金見鯛燒香魚味果然夠濃郁，厚切刺身口感非常豐富，島池魚肥美油香重，好滿足。壽司叫左3款。蟹膏咸香重，飯粒好大件，每口都是滿滿的。超鐘意鰻魚燒香，香口爽嫩，肥肥的鰻魚夠油香。燒飯團好焦香，燒得外層香脆，我食左梅子味好酸甜開胃。叫左吉列炸蠔，炸粉唔厚蠔肉大隻爽甜，油甘魚鮫極是迷人，香脆魚皮最岩我心水，魚肉滑溜油香。燒青椒爽甜，男朋友都鐘意。

今日同朋友去食飯，特登去左粵海酒店的日本餐廳。早早聽朋友講過想試下依間日本料理餐廳，今晚就黎食個晚餐。蕃茄清甜多汁，配上酸酸甜甜醋汁和海葡萄，入口好開胃好清新。千層豆腐海鮮湯。豆腐切成絲絲刀功好厲害，海鮮爽甜好鐘意入面有蝦有帶子，因為我好怕食蜆肉。刺身厚切好新鮮，金目鯛燒香魚味好濃郁。其餘兩款刺身油脂比較重，島池魚好爽口好肥美。七味魚翅。燒到好香的魚乾最岩送酒朋友話想食菜，我地叫左個炒野菜！好大碟好爽甜。吉列炸蠔。蠔肉好大隻，炸粉唔厚好鬆脆，入口唔會好油膩。鐵板牛油帶子。牛油味好濃好香，帶子厚肉好大隻，唔會燒到好乾。最後叫左兩個燒飯團。三文魚和梅子，好香好飽肚。

心情大好 , 晚餐吃日本菜也不錯 ~用餐地點 , 就在 尖沙咀-寶勒巷 香港粵海酒店 的 千上日本料理 ~餐廳的裝修富有日式風情 , 座位舒適 ~Menu ~海膽杯 : 海膽來貨夠靚 , 海膽味道濃郁 , 跟其他食材配搭得宜 , 就是好吃 ~日本溫室水菜茄沙律 : 蔬菜新鮮爽嫩 , 日本蕃茄異常清甜 , 再加上沖繩島的海葡萄 , 使到已經很出色的沙律 , 變得更加不平凡 , 味道非常清新 , 而且感到很健康 ~刺身 : 魚生都十分新鮮 , 鮮口又味美 , 吃下去就知道食材是優質貨 , 刀工也很工整 ~ 壽司 : 師傅把壽司拿捏得很好 , 吃入口中感覺很有活力似的 , 高水準 ~泡菜豚肉鍋 : 湯頭煮的不錯 , 味道甜中帶微辛 , 豬肉嫩滑夠肉味 , 不錯吃的 ~本篇完 ~

踏入12月份真係特別忙吖！生日、聖誕、除夕特別多假期，要約朋友出來敍會，有時搵個好地方也不容易🙄昨天晚上試左一間日本料理，嘩⋯嘩⋯嘩⋯呢度地方寬敞舒適，坐得自在之如亦同隔離枱保持一定的距離，咁様傾密偈絶對冇問題啦😌如果再想多d私人空間，仲可以book個房添講完環境，緊係要講下食物啦！呢度嘅送酒小食好特別又好味！特別推薦：煙鮭魚乾三文魚皮呢兩個小食送酒尤其一流（啱唒我呢d酒客吖）另外我叫左個「千上魚生沙律」魚生新鮮甜美就是必然的,但意想不到的是沙律上面加咗好多卜卜脆的天婦羅粒粒，好有囗感😌味道好夾！本人很愛吃玉子，試咗千上的「蟹羔玉子」確是與別不同，好香的蟹羔（必食之選）今晚其實真係食左好多，飽到頂住，朋友叫左個鰻魚飯（超大盒），我自己本身對鰻魚麻麻的，因為怕腥，但朋友話咁大盒叫我試小小，點知一試⋯試左半條鰻魚☺️真係太好味，完全冇腥，仲非常甜味！大家如果有機會來一定要試，真係好好味😊地方寛敞煙鮭魚乾三文魚皮千上魚生沙律蟹羔玉子刺身五品壽司三款天婦羅即炸熱辣辣特別好味蒜片牛柳粒朴葉鰻魚飯

一家四口食大佢，上網搵尖咀有什麼好吃😋見到一間有和牛，即入去試下酒柜很搶眼，全木設計的裝潢，一進來配上柔和音樂，和邊邊酒樓有很大分別我坐在巴台位置，也很闊，椅子下可放包包

今次到我帶返老公黎呢到開餐仲記得老公上一次帶我黎呢到試新嘢，令我十分滿意的一餐論價錢同食物都好正，地點又夠哂就腳，最重要係唔會太嘈，傾計都舒舒服服今次都係坐吧台..試下唔同既嘢先.....呢個薄切魚上一次令我最回味因為佢仲配埋酸汁，寧舍夾！三文魚腩，簡簡單單，勝在夠哂新鮮！今次突登食中拖羅，因為我中意呢個口感、無咁滯，對我來說簡直就係剛剛好原隻新鮮大蝦即整即炸，上台時仲熱辣辣呢個日本豆腐，必試佢真係燒得岩岩好！好香、脆口！係外面未食過呢一味，如果黎既話，一定要試試佢蟹肉海膽拌素麵冷麵汁唔濃、清清地，出奇地配上新鮮蟹肉及日本海膽，成個層次出哂黎呢個配搭我鐘意呀！原隻鮑魚，用秘製汁煮過～再冷藏，切片，咬口十足，而且味道濃郁日本雞亦～呢一味上一次同老公都有食過，今次再encore!皆因佢一啲雪味都唔會有，唔肥，但肉質嫩滑，雞皮燒得香脆可口燒牛肋骨呢個食到我同老哇哇聲！牛肉味濃，佢用汁燒，個汁好好味，旁邊有個醬比你點黎食，但我地原汁原味食，食食食....呢個係搶食之選！十分好味，讚蟹膏豆腐上一次係叫蟹膏玉子，我地都認為上次個玉子好食啲，呢個豆腐食落口感不及上次食的蟹膏玉子呀呀呀！仲有今次食左個

之上次去過千上之後, 就念念不忘了....難得等到今日, 我有朋友生日, 所以我就帶佢黎哩度食野同埋慶祝啦~我打去訂枱果陣, 先知原來可以免切餅費, 真開心~我一早去到放低個CAKE比佢地雪住先, 等陣比個surprise比我朋友 食主菜之前, 我就叫定枝酒同小食先~ 哩兩款小食我真係未食過, 第一次食魚鱗同燒魚翅, 原來係好好食架~ 經理好介紹跟住叫左個刺身, 好肥美, 好新鮮, 個目仁奈薄切魚同金目鯛真係好食到震, 好少食哩兩種魚, 又係經理好介紹 跟住經理又介紹左個煙燻豚肉比我地食, 又係好好食佢特登叫我叫個魚生沙律, 原來係想中和返個帶濃味既豚肉, 真係好夾, 好好食!跟住叫左兩隻燒蠔, 又係好正~天婦羅又係無得輸!最後佢建議我食個鰻魚飯, waitress一捧出黎, 我都覺得好正, 係個蒸籠, 仲要出哂煙, 個上碟方式好特別, 一打開賣相仲靚, 急不及待食左一碗, 真係好好味, 即刻食多碗先因為朋友唔知有cake, 所以佢點左個桃味雪巴share, 心想應該細細杯唔驚....點知原來係新鮮原個桃咁整出黎, 開心到我朋友呢最後當然係送上我預備既生日旦糕啦~(waitress好好

雞扒脆~行行下見同一個舖新轉名，同樣係日本料理，但裝修，食物質素都好唔同，就連裝野食既食具都有進步，較之前精緻同好味。睇得出有心機去變。我本身小食魚生，就叫左個雞扒set.一咬脆到有聲雞肉滑。

有朋友响尖沙咀返工, 佢話哩間野新開, 啲lunch幾好食, 叫我地去試吓, 咁我地幾個响唔知食乜好既情況下就去哩間野試吓dinner啦~咁我一早book左位, 上到去, 咦, 可能真係幾新同埋開响酒店內, 真係唔多人喎, 但啲waiter好好禮貌, 環境都ok, 我地一行6 人好開心, 因為可以傾計, 唔會有人嘈到我地啦~咁我地幾個亂咁叫, 叫到啲waiter都驚左我地食唔哂, 叫到成枱都係野不過我大胃王一定清哂佢既不過而家睇返啲相先知道真係叫左好鬼多野, 幾個女仔大食到呢.....首先叫左幾個前菜, 都唔錯跟住先開始叫生野~跟住食熟野~最後點個甜點作為完美既句號 哩餐飽到哩我地幾個女人傾傾傾, 傾到成11點先捨得走 食物服務質素都好好, 我會再去! 等我呀海膽哥哥!!

活動做完左，跟住左係尖沙咀周圍行，本來諗住走，跟住突然見到呢間餐廳，見到個招牌好似幾吸引，所以就走左入去食下。 一入去可能我地都已經相對早左小小，都唔洗點等都有位坐。 根據餐廳職員講今日嘅刺身好評如潮，因為係日日都番貨，我地好好彩咁岩咁早黎仲有得食，我地今晚就有口福食喇秋刀魚入口夠晒順滑，一啲都唔會苦，而且仲好鮮嫩。拖羅最重要嘅一點就係唔好有根，師傅呢度嘅拖羅就做得好好，入口唔會有根，而且夠晒嫩，份量亦都好足夠晒大片，岩晒我地呢啲拖羅粉嘅胃口。刺身丼飯刺身丼飯最緊要係刺身要夠新鮮，餐廳即使刺身丼飯用嘅刺身都夠晒新鮮，份量夠多，仲整靚靚仔仔俾食客影相呃like。 二個人食三樣野食到飽晒，真係好滿足，絕對值得再黎

食材新鲜，我们点了lunch set（烧鸡饭和银鳕鱼套餐），还有手卷和牛肉串。服务也不错，店员很有有耐心。我误点了鱼生饭给宝宝，即使饭上桌之后，店员得知也很随和的就帮忙取消了order。大赞！