千家客 (已結業)

尋日去考試, 因為試場喺嗰頭, 所以特意搵呢間嘢 - 一直宣傳係傳統口味嘛...入去即叫招牌食物雲吞麵啦. 嚟到, 份量算係差唔多, 雲吞SIZE叫做正常, 第一時間即刻試個湯頭, 第一啖真係食到兒時味道, 佢好似真係用豬油, 份香味真係令我好開心, 但係味道真係淡囉...跟住食個麵, 似乎真係有用油撈過, 夠滑又真係幾彈牙, 蛋味可能因為小弟條脷冇咁叻, 唔多覺有蛋香...再講返食雲吞麵梗係要用浙醋同辣醬或辣油, 但傳統雲吞麵我就喜歡辣醬多D, 但佢唔係用余均益, 而且都因為唔想破壞湯頭, 特意落得少D浙醋, 少辣油同辣醬, 但係結果破壞咗個湯頭, 而且食到鹼水味了...跟住食完俾錢, $32 大元嚟講可能佢出咗名D租貴咗, 但係如果用返余均益同個湯頭濃返D先覺得值囉...可能都係一次起兩次止了...

今日是星期日，一行六人到佐敦行街，發覺佐敦鋪頭變化都好大，可能因為自由行太多，再一次改變晒成個生態，到處都是金鋪化妝品店。行耐左爸爸肚餓，於是找東西吃，就在此時，眼前出現了一間外牆全是宣傳海報的鋪頭，門口仲見到什麼全店自家製、又識功夫、又全店得一個師傅、豪無副手一腳踢小店，還以「一試難忘，唯我獨尊」作結，唔知以為係神龍教定係什麼邪教口號以招門生。睇真啲，竟然係食雲吞麵的! (暈)由於太累了，見此家鋪早上客人唔多，於是志在嘆下冷氣下進入了。我們望了餐牌良久，終於下了決定:1.) 雲吞麵雲吞不是傳統一口一粒，而係大一點點，粒粒有明顯手指印，沒有"初"圓，賣相麻麻。先試啖湯，很清很甜，但真係無大地魚味，感覺似龍記湯底，不過人地先16蚊先，你就......雲吞其實好怕有指印，睇佢MOVIE講自己5分鐘包120粒？嘩，咁咪2.5秒一粒？會否因為咁快而包得唔靚。一咬，皮散，唔鬆化，似預先煮定，味道中規中舉，但呢個價錢.... 似乎可以再好D既。麵就都有輕微梘水味但可接受，但唔夠幼，唔似真正竹昇麵。(講看最下面小插曲)2.) 筋腩撈麵嘩，貴絕港九新界，仲貴過麥字頭，又試下你。一咬舊腩，好漿口，果種感

最近睇到一篇報導, 介紹佐敦一間傳統雲吞麵。 細細個爸媽就常帶我去麥X記食細蓉, 清甜既大地魚湯底配上新鮮既鮮蝦雲吞, 直到今日都無一間可以取代到呢種味道。  今日專誠同老公去試呢間3毫子雲吞麵, 可惜失望而回。入到鋪內, 除咗雲吞麵價錢比較正常外, 其他既粥麵都比一般有名氣既粥麵店貴。不過價錢都唔係最重要, 最重要係個味道。 我同老公分別試咗佢既招牌3毫子雲吞麵, 牛筋腩麵同埋炸兩。 先試湯底, 學阿蘇話齋唔覺有大地魚味既存在, 感覺上同飲緊味精湯無分別。 雲吞只係一般, 沒有蝦味, 唔似用新鮮海蝦。 而且雲吞好像預早煮定, 皮煮到白晒晒, 林到無口感。 個麵仲好重梘水味, 落咗好多醋依然蓋唔過呢種味道。試咗老公一件牛腩, 味道過重, 應該用咸黎形容, 而且太過瘦, 一咬已經痴牙。炸兩中的油條好明顯翻炸, 食落有種油"益"味, 包住外層既粉漿好厚, 食完一件已經唔想再食。總括黎講, 物無所值, 不值一試。

本來是被「三毫子雲吞麵」吸了入來的 xD  因對懷舊偏愛，但是坐下來又見到牛 筋 飯才 ＄38？！！ 太抵了吧！（雖然初一至初三加了一.... 但合理的～ )又係推介.....xD  所以放棄了雲吞麵這家的 牛 筋 飯 深得我歡心（本人特愛牛筋）牛筋：很入味 | 很軟 | 很”膠口“ | 很多下面近鏡會較清楚地看到有幾抵食！！（數過有近8舊！！）不過D 如果轉一轉另一個質素較好的牌子的米會更好～口感有點霉（不夠實）   ＜＜＜  這個價位我的要求我認我是太過份可能配撈麵效果會好好  ，  因這家的 汁 很 足 料 ！！很濃很香＊＊ 超怕膩的可不用試了， 他家的牛 筋 煮得好好， 好腍好入味輕微怕膩的不用擔心， 有茶免費提供的～店子：很友善 | 很親切 | 很有禮價錢 + 這份量 = 很 抵 食 ！！不是頂尖但質素也不錯的！！

當天又陪老爸覆診，與上次覆診的日子至少相距六個月的時間了，證明老爸的身體狀況穩定。但正因如此，跟老爸獨處的機會相對變得少了，不過身體健康才是重要的關鍵，作為子女的我們總算萬幸與感恩！一如既往，覆診後正是兩父女品嚐美食的時光。老爸對食物的選擇沒甚要求，每次都跟著我走到各大小不同的食肆。這次在沒有準備之下，在橫過馬路之際，腦海中突然閃出千家客來。老爸喜愛廣東粥麵，不介意走遠，於是我倆便向著上海街的方向慢慢地走著。雖然過了午飯的繁忙時段，千家客的客人也不少，心裡也感到一絲雀躍！牆上還貼有新產品，回想夏季的時候，千家客不過才新開業，現在已增添上新的口味，似乎不斷在努力中！  對千家客以傳統烹調方法煮理的美食，上次到訪的餘韻，依然緊緊繫在心裡，所以不消一會，便能口若懸河地念出心水食品。看到淨豬手與牛筋的色澤，繼而再用鼻子一嗅，南乳的芳香即湧而至，令原本饑餓的我，即時露出狼相，即往豬手狂啃。這隻饑餓的狼嚐到芳香醇和的南乳，還有軟腍適中、富有嚼勁與膠質的豬手後，也不忘告知在嚐牛筋的老爸，老爸一試後，也非常滿意！牛筋當然也是絕佳之作。集軟糯與彈性於一身，牙齒觸碰牛筋時有著回彈的口感，同樣也十分入味，豬

當日叫咗兩個嘢食，一個係芥菜魚腩湯飯 ($38)，一個係雲吞河 ($28)個芥菜魚腩湯飯湯底係用柴魚煲嘅清湯，個湯雖然清，但係個湯味都濃架如果我估錯，個湯飯仲要係即時用柴魚湯由生米煮成湯飯，份量都好夠，食完一個湯飯已經夠晒對我嚟講唯一缺點係太少芥菜 (本人習慣每餐都要多菜)個雲吞河湯底係正宗大地魚煲出嚟 (乜 上不下大 記水準)不過缺點係，佢唔係用中蝦，而係用細蝦，如果換做中蝦會更有咬口河粉量係一般麵檔份量 (唔係乜 上不下大咁...得一啖仔)值得一試。

三大高手品評, 結果兩位好評, 一位滿意, 今天有幸路過, 點都要試一試. 前陣子, 常去街頭的另一間:石仔記, 水準不俗, 價錢宜人, 一條街, 而且這麼近, 賣的食品如此類似, 競爭激烈, 生意不容易做.先來一碟名為”壹品京都炸醬撈麵”, 如高手所言, 士頭婆喜歡自誇一翻, 改個名都勁過人, 收費不算最貴, 但以此份量, 也不便宜, $40, 上檯時感覺, 只有一小碗裝的大少, 感覺比麥文記的更細(但未能很確定, 有待證實), 伴碟的兩條菜心, 灼得剛好, 軟硬適中. 炸醬味道鹹中少甜, 沒有辣味, 但肉絲質感略為硬和實, 收如此價錢, 應可以做得更好一些. 麵身未算十分爽口, 但仍帶點韌度, 入口真的沒有鹼水味, 其實一點小小的鹼水味也是好的, 這樣配搭上紅醋來吃, 更添風味.眼看牆上的腸粉照片, 也看得出宣傳的誇張手法, 三隻蝦露出了腸粉外, 又聽了士頭婆的自誇, 於是也來一客傳聞出色的”义燒腸”, $25, 但期望相差甚遠矣, 奶白色的腸粉皮, 以為未薄至可以看見內裡义燒, 夾開後, 才知, 原來义燒甚少, 而且切得粒粒細少, 一兩丁小粒而已, 還好, 都是即製, 腸粉雖厚,

看到網上對這新開不久的粥粉麵店有不少的好評。向愛好吃粥麵的我當然要馬上要用紙筆將資料記下來。儘管這天下着滂沱大雨，仍是阻不了小弟的滿腔熱情，專程擔著雨傘走了過來嚐麵....一個人試不了太多嘢，盡了最大的努力要了碟牛腩水餃撈，再加一份眾食友交口稱譽的即做的布拉腸粉...這已是小弟肚皮的最大極限了....看見落單的阿姐應是老闆娘來的，不斷的食客sell自家的出品有多好用料有多嚴謹....有時自己真的有些抗拒這樣過份的款待及推銷的。若然是名符其實的話還由至可，不然的話就真是落於貽笑大方的境地....先端來一碗水餃連湯。將之分開不與麵同上，令人先留下一個頗佳的印象。習慣上先飲一啖湯，色水頗清澈而夠甜鮮，喝得出是由大地魚及羅漢果等熬製出來的效果 (如小弟在此有誤煩前各方指正)；水餃內的饀料如蝦肉、木耳碎及筍絲全皆齊全，後兩者很是爽脆而蝦本身也少見霉味帶點甜味。唯一衰收尾的便是在包裹的時候稍覺功夫未夠紥實，其中一隻只輕用筷子一夾咬都還未咬所有的饀便已掉在湯內，給人留了一個挺壞的感受....至於我最緊張的麵的水準又如何呢 ? 麵身算是爽夾彈牙亦沒因未清鹼帶來的苦味，不俗；牛腩炆得蠻入味，鹹度適中而柱

首先，多謝前2位的食評！如不是，真的會錯過了這一間超超級有心機小店真心說，真的很正！正在以為找不回這種味道！更重要的是，好抵食！我食$32雲吞水餃粗！一飲湯就知找對了。湯有我從小到大都唔鍾意的味道，哈！真的很久很久都未試過了！不要誤會不好，只是本人口味問題，哈：）夾粒雲吞&水餃，相當扎實！cool~~咬下去，相當足料&食味新鮮！想起行多5分鐘的名牌字號，這間的質素有過之而無不及，加上合適的價錢，又有'飯'堂了！yeah!

首先多謝食友 Kan Lee, 不是她的食評推介, 「檸茶」也不會專程來到這裡。這裡的路不易走, 從佐敦港鐵站或彌敦道的巴士站步行過來, 需時約十分鐘。為的就是這碗「三毫子雲吞麵」, 售價當然不是三毫子, 但聽說其味道就像以前雲吞麵還是賣三毫子那時候。二話不說便點選了一碗三毫子雲吞麵 ($26), 以呈碟型的碗子盛載, 跟平日所見到的有所不同, 而賣相看來則甚為對辦, 至少看到不少散尾。這裡的雲吞用上新鮮海蝦來製作, 味道非常鮮美, 質感爽口, 而豬肉和蝦肉的比例恰當, 味道能夠互相平衡。從食評中得知這裡的麵條有稍為過腍的問題, 不過, 本著忠於原著的精神, 隨緣便好。想不到麵條沒有預期中的問題, 反而是「檸茶」所偏好那種帶微硬的質感, 且帶些煙韌, 完全沒有鹼水味, 卻有微微蛋香, 整體感覺甚佳。上湯亦沒有隨波逐流, 沒有為濃而濃的毛病, 味道就是剛剛好。又是看過食評後心癢癢, 點選了一客叉燒腸粉, 以自家製的純米漿製作, 質感是滑溜的, 不過又不是極度滑溜那種, 反而「檸茶」更喜歡其溢出的獨特米香; 叉燒質素同樣不俗, 只略嫌連碟一起上的醬油份量不夠多, 如果有一瓶放在檯上或額外奉

週日準備出城一趟，中午前吃過早餐，計劃到佐敦一家新開的車仔麵嚐下午茶。到步後，發現該車仔麵店的拉閘緊緊地關上，毫無營業的跡象，大概在星期日休息吧！老公和我的肚子在隆隆作響，本以為快將得到解脫，怎料要在炎熱的街上，繼續四處遊走覓食。突然想起在上海街附近那家味道不錯的麵店，可讓老公一試。不久，在途中竟看到開業僅一個月的千家客，於是我們決定入內一試。千家客面積小巧，大約可容納15人用餐。向著上海街的大門與一列玻璃，貼滿了千家客出品的食物照片，包括主打的粥品、麵食和小吃等，照片拍得蠻不錯，令人垂涎！裝修簇新，配上了芥末黃的牆身，光猛整潔。快速地向店員查問幾款千家客的推介後，我們便急急落單，因肚子快要餓爆了！千家客冷氣充足，入內後已覺身上的熱氣給凝住了，再加上一杯清怡的凍檸茶，我們立即被降溫，店內與外面酷熱街道的環境相比，實在相差太遠了！老公本來選了牛筋水餃撈麵，不知是那裡出錯，發現大部份為牛腩，牛筋只有兩件。由於牛腩量較多，所以將它改作牛腩水餃撈麵更為適合。老公嚐了幾口，即讚腩汁非常滋味，並讓我立即一試。腩汁帶有一份甜香，但最令我深刻的是其糯糯的質感，圓滑又順和，可發揮腩汁本身的味兒，令人嚐到