千樂燒味餐室 (已結業)

路過灣仔，個肚好餓，食返個下午茶先店舖唔算好大，但係就乾淨舒適，地下唔會有油，這個好重要，最怕嗰D燒臘鋪黐笠笠咁，真係隨時跣倒見到好多燒味都想食，不過一陣夜晚要過九龍打邊爐，咁就食少少，淺嚐一下，留肚今晚食海鮮下午茶有多款選擇，價錢仲非常相宜，大約$25-$40，更包括熱飲，港島區租金偏高，呢個價格係良心商戶點了叉燒瀨粉，叉燒份量很多，不會過肥。瀨粉都唔錯，唔會碎晒，可以一條條夾起，口感帶質感，沒有煮過淋熱奶茶香滑，唔鞋口，最緊要夠熱

最近的灣仔，幾乎所有餐廳都生意大減，唯獨眼前這家千樂燒味仍客似雲來，最後和朋友選擇入左去醫醫肚。主餐牌上面，有四個餐分別都是較常見的燒味，有雞有鴨有鵝有叉燒有燒肉等。小編點了中店長推介的，就是燒鵝叉燒飯啦～除飯外，還有小食及明火靚湯，而小食是手拍青瓜配千樂專賣的醬料，酸酸甜甜。整個餐70多元，在價錢來講算是中上，但份量來講絕對是上上品～而且千樂的燒味都保留一份懷舊的味道，只是開業半年，相信絕對可以繼續對抗香港這個扼殺小商戶的社會，嘻嘻～

今日同朋友在灣仔附近買東西，想吃燒味飯，見這家是新開的餐廳，便試了～職員都好有禮貌地介紹餐牌，加分加分。有個人套餐，一個餐有湯、小食、白飯、飲料和燒味主食，其實一個餐都好夠飽！小編好辣，點了口水雞套餐。首先雞的肉質好嫩，有高質雞先有的啫哩呀；其次夠香夠辣，配白飯食一流～另外好喜歡是套餐的小食，是青瓜配自製的千樂醬，千樂醬的味道真是好特別，吃得出由多種材料製成，好惹味，好香口，不會太辣，好易入口。朋友點了燒鵝，燒鵝皮是脆的！再點千樂醬一齊吃，好夾好好吃，推薦！最欣賞的是客人每買一枝醬，餐廳都會捐一個飯盒比有需要的老人家，好有愛心～

唔知有無人同瘦編一樣都好鐘意食燒味？平時係大學飯堂，一諗唔到揀咩嘅時候，瘦編就會揀燒味飯食！今次黎到灣仔消防局附近嘅千樂燒味餐室，非常有驚喜，成為左瘦編最鍾意食嘅燒味餐廳。💕-重點推介一人套餐，會有雙拼燒味飯、中式例湯、餐飲同秘製蒜香青瓜。燒味總共試左四款，燒腩仔個皮勁脆，脂肪同肉嘅分佈好平均，燒鴨燒雞唔會燒得太熟，啲肉好嫩，乳豬個皮都好脆，但肉就少啲，不過都好食！😍-特別一提個小食秘製蒜香青瓜都好正，好入口，同埋個醬送飯一流！依家仲做緊慈善義賣，買一樽醬汁($88)就會捐出一個關愛長者飯盒，大家一齊支持下啦！仲有依度嘅職員好Nice，黎食飯真係好開心。🥰-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️千樂燒味餐室 (灣仔)📍灣仔軒尼詩道352-354號昌業大廈地舖

非常時期食燒味， 今晚是政府首場公開對話， 一心唸住放工後要極速回家， 擔心會提早封路等原因。最終OT到六點幾， 反正都係不如食埋晚飯先回家。 行到去天樂里一心唸住去是但一間茶餐廳， 當經過 見佢好光猛、又新淨， 加上從餐廳外面看到廚內掛起的燒雞的確吸睛，就二話不說入去試試 。 我一向愛吃叉燒，單叉燒飯 $48 ，$53 已經有燒味雙拼飯，多$5 已經可以食多一款燒味，冇理由吾揀雙併吧！先上枱是送的例湯，例湯種類由星期一至五已經訂好。今天喝的是  湯熱度十足， 清甜潤喉。 遜間 「叉燒貴妃雞飯」亦送到面前唔知係我好彩或是廚師心情好， 貴妃雞是一隻全雞脾，超開心!貴妃雞浸至超滑嫩，揭開鮮黃色鷄皮下，夾著厚厚的啫喱層， 雞肉漲卜卜吸收了香料的香味並帶小許酒香，絕對是又香又滑又可口。超推薦。 叉燒點了瘦叉， 果然是全瘦， 全瘦口感當然會較有咬口，但尚可接受， 如果蜜汁再豐富一點就更好。白飯加色，加埋薑蔥油撈起， 味道變得好有層次， 口感軟硬適中，份量岩岩好，我三爬二撥已將它KO ! 臨走時和很和藹的老闆娘傾幾句，她介紹我下次一定要再來吃燒鵝， 我說一定支持用心小店! 

燒鵝叉燒飯套餐🕊 $78.見到呢個套餐佔左menu 嘅一大半，梗係叫呢個餐try try 佢😋 個set有齊佢地嘅招牌叉燒同燒鵝，有湯有小食有野飲，好抵食！小編欣賞佢地d叉燒夠厚🥓 肉質細嫩，d邊又唔會燒得太燶😛食落去有香脆嘅口感🥳 燒鵝皮脆肉嫩，d肉仲keep 住好juicy💦配上酸甜嘅冰梅漿，最啱送飯！涼拌青瓜🥒好refreshing，小辣得黎小編又接受到，幾開胃🤤 老闆仲好好人咁問我地要唔要多d湯，不過小編實在太飽食唔落，下次先啦🤣p.s 同老闆傾傾下先知佢地逢星期六都會派100盒燒味飯比公公婆婆，係良心小店黎㗎😍

長期糧尾時候，燒味飯或許是每人恩物！ 經過灣仔軒尼斯道廚窗看見剛出爐的時刻！ 🤩 燈光通明，可容納多人。地方乾淨企理。餐具用可循環使用，但不會感到痴立立。 燒鵝加叉燒雙併，有飯、自家製老火湯、絲苗白飯、手拍青瓜配自家製醬料 只是 HKD 78 叉燒亮澤十足，全都是肉質沒半點肥膏卻又不鞋口。邊位也不會被燒焦，男女老少咸宜！ 有自家燒烤場以確保食物質素😍無飯小妹最愛湯水，青紅蘿蔔煲豬肺、骨，味道清甜，不會談如水，最緊要沒味精！ 另外，推介手拍青瓜，經過不斷試驗最後配製出微辣可口醬料。老闆更以樽裝發售，可加入任何食物，果然有諗頭。 不得不提，最有意義的是客戶購買一樽，老闆更送贈關愛飯盒給長者，為社會貢獻，值得嘉許

通常出灣仔工作都會選擇到這店吃午餐。一如以往叫雙拼飯。叉燒拼燒鵝。叉燒口感十足，甜甜的。燒鵝仍然保持水準，皮脆肉嫩。連例湯都只是$58，以這個地區來講算是10分便宜。

出開去灣仔，見呢間好多人食，應該有保證，一於入去試下啦。午市時間去超多人呀，好彩好快有位。嗌咗個燒鵝叉燒飯。配菜青瓜有驚喜，酸酸甜甜好開胃。例湯入面有瓜有肉。唔會淨係得湯水。原來隻千味醬可以買返屋企嫁，仲可以做埋善事添。叉燒厚切，肉質肥瘦適中，咬落去好有肉汁。燒鵝皮脆肉嫩，咬落去仲好重油香味添。點埋燒鵝醬，更加可以帶出肉味。咁岩同老闆娘傾開，原來佢地有做開慈善家每個星期六日都會派飯，一間有人情味又好味嘅餐廳。

一個人食晏晝最好嘅就係行到邊食到邊經過見到依間燒味舖生意唔錯睇嚟應該幾好味叫咗個套餐乳豬拼叉燒乳豬同叉燒都超級好味🔥🔥🔥尤其是叉燒！肉質好嫩！又彈牙，好好咬口！係每舊都肉汁爆棚🤤🤤食完一舊，好自然就想繼續食，繼續食⋯同平時d叉燒好唔同，一啲好實/好鹹嘅感覺都冇！乳豬都唔輸蝕，啲皮超級脆。係我咬緊嘅時候，相信隔離枱都聽到［確確］聲！原來佢哋嘅燒味係喺鋪頭即日自家製。唔怪得知咁好味啦，太有誠意喇！青瓜都好好味主要係因為啲汁🤤🤤係佢哋自家秘製，有少少似肉燥，但又有少少酸酸地，小小甜甜地，好過癮。期待不久嘅將來可以就咁買返去撈麵🔥🔥另外，不得不提嘅係佢哋仲有不加味精嘅老火湯。啱晒OL同埋完全冇時間煲湯嘅我❤️❤️咁既價錢，食咗個一百分嘅午餐，好幸福啊😌😌😌😌

今日中午行過軒尼詩道這邊，門口看到的賣相不錯在門口猶豫了好久買來試下，有驚喜，的叉燒肥潤，瘦度適中！不黑不乾，沒有染色的紅，最主要系沒有豬的臭味，自然的叉燒香！分量也足秤！吃完才想起拍照，已經被我吃了10塊8塊！值得一提夥計也是笑口迎人，非常有禮貌

今日同朋友嚟呢間燒味店係佢極力推薦嘅，緣由就係上次佢嚟叫咗一個叉燒飯，老闆娘就比咗叉腩佢，佢一試難忘，所以決定帶我嚟再食一次。佢聽老闆娘講，叉腩係極限量供應，呢個部位真係可遇不可求，唔係成日都有得食。於是我地唸住早啲去食個中午飯，大約一點嚟到。我就叫咗叉燒瀨粉，佢就叫咗燒鵝脾叉燒飯。我地都賭究竟邊個會食到叉腩，我就賭兩個都無。點知上到嚟兩個都有叉腩，我一開始見到有啲驚，因為好多肥肉啊！但老闆娘見到我面有難色，同我講：啲肥油燒晒出嚟噶啦，食落唔會覺得肥架。於是我就放心擺一個落口，真係有種入口即溶嘅感覺，完全唔覺得肥膩，而係有綿滑鬆軟嘅口感。加上微微燶邊，食落又香口。真係怪唔之得朋友想一試再試。

天氣熱辣辣Lunch實在唔想食同樣熱辣辣既飯,但同事又想食燒味...行左去公司附近既千樂燒味坐低,正當頭痛之際發現原來除左白飯之外係可以轉粉麵仲要有我好耐無食過既瀨粉!!咁當然要叫瀨粉啦~依家好少餐廳有瀨粉食架嘛咁我就叫左乳豬油雞雙拼配湯瀨粉乳豬同油雞一如以往我食開既一樣咁好食~佢地既乳豬真係皮脆肉嫩份量又唔算少架油雞今次我覺得特別好食, 因為今次d油雞既雞皮特別薄,咬落無反胃既感覺,仲帶有明顯既香甜味道添雞肉肉質嫩滑, 點薑蓉一齊食真係好好好好正架湯瀨粉其實都幾大碗, 仲配埋兩條靚菜心瀨粉配燒味查實又真係幾夾, 爽口好食!

剛剛到新公司返工，同事話有間新嘅燒味餐廳開咗無幾耐，就一齊行遠少少食燒臘飯！食飯時間通常都好多人，所以諗住都係買外賣返公司食，不過今日去到啱啱有位，小店都算坐得幾舒服架啦。選擇困難症發作都諗唔到食乜，咁見到有食神嘅「黯然銷魂飯」，就試下佢啦。$50幾蚊喺呢區又唔算太貴嘅，但係對比起以前公司就貴DD，不過舊公司喺工業區，都好難比較啦。 落咗order都唔使等太耐就有得食，份量都足夠，最尾食唔晒咁滯。粒粒分明嘅飯粒配上蛋黃及燒味汁，送飯就一流，食下食下就會食咗好多飯。菜心不算嫩但也不老，叉燒7分瘦3分肥，肉質算係偏瘦，不過食落係腍身，唔會好乾好柴。可再改善嘅係太陽蛋，蛋白熟、蛋黃生的效果係做了，不過如果太陽蛋可以煎到更加燶邊就最好味，焦焦脆脆，簡直係煎蛋的最高境界。

日忙夜忙，忙到9點先收得工...個肚餓到打哂鼓...決定食個燒味飯慰勞下自己先行下行下就俾我搵到千樂，仲要收10點半，可以坐係度慢慢食原來佢哋嘅叉燒同燒鵝係招牌菜，諗都唔洗諗，就叫咗個叉燒燒鵝飯套餐。套餐有前菜有湯有飲品，價錢係$78，有骨落地有湯飲呢個價錢我又認為幾抵喎今日個例湯係冬瓜湯，啱哂依家炎炎夏日可以消暑下。飲落無味精，仲有大大舊冬瓜食。前菜涼伴蒜香青瓜。蒜蓉味好足，啱哂重口味嘅我叉燒燒鵝飯份量都足夠，仲可以免費添飯叉燒肥瘦適中，仲燒得相當靚仔，肉質軟綿多汁，唔會乾柴柴，極好送飯！燒鵝皮脆肉嫩，油而不膩，配合冰梅醬真係最佳拍檔！難怪叉燒同燒鵝會成為餐廳招牌！食下食下好快清哂碟，食完就更加肯定$78呢個價錢真係好抵食！下次ot黎試埋佢嘅乳豬先！