升哥點心 (已結業)

一個星期日嘅午餐4人聚新年內終於約到啦，我地去飲茶🫖食點心分別叫左炸紫薯球，超足料成隻咸蛋黃響入面，勁heavy試一次好lu，但好食嘅之後，就係流沙奶黃包，個印花好應節「新年快樂」幾靚，做到流沙餡，再黎就係墨魚🦑滑煎釀茄子🍆好食喔可能因為鍾意食墨魚🦑滑，好香口友人就叫左個菜苗餃，賣相同味道都係一流嘅而飽汁炆雞腳，個鮑汁比較濃郁，我就覺得還好啦，鍾意食腳指嘅可以試下😂但較甜仲有別有洞天脆皮腸粉，依款好新穎同埋新鮮，配料好特別，賣個關子等你地去試下啦棉花雞就係我飲茶必點嘅，棉花好大塊，雞唔會太肥，幾好嘅燒賣、粉果同醬汁炆鳳爪，都係飲茶🫖例牌點心都可以試下啦成個午餐都大滿足下次可以再去食

升哥d 蘿蔔糕好食，我同老公住附近成日幫襯，上年新年買左一盒印象中都係$60。今年諗住再買，點知貴左一個double $118,心諗係咪大盒左，點知昨晚攞貨發現同上年size 一樣。堅係好唔開心，疫市加價成個double, 決定出年唔再買.

去元朗行山之前，想食個早餐，又唔想成日食茶餐廳咁冇新意，所以去飲茶食下點心。/招牌流沙包🌟流沙包個外表好得意，係表情符號，佢入面嘅餡有少少流心，唔算太甜。/別有洞天脆皮腸🌟呢個一定要試！脆皮入面好多蝦肉，而且仲夠脆，唔係整咗好耐放喺度林晒。/原隻蝦燒賣🌟有四粒，味道正正常常。/金玉滿堂蘿蔔糕🌟蘿蔔糕落咗木魚，唔知以為係章魚小丸子，蘿蔔糕切開一件件，炸完再落咗啲蛋黃醬，香口得來又好食。/沙嗲金錢肚🌟好夠味，有少少辣。/黑糖蜂巢糕🌟係甜品，食落都有黑糖味。

行完大棠出元朗想食點心……升哥點心即霧出……一試！正！靚！底！好好好食！3人叫了9碟，碟碟出色！全單仲八折添其中紫薯流心球、鬼馬蘿蔔餻、別有洞天脆腸粉都很有驚喜！小店經營、食品卓越

晨早流流突然間好想食點心，但又唔想去酒樓，即刻搵間小店去試，因為時間早所以店裡唔多客人，店裡比較細所以座位比較迫，呢段疫情時間比較怕，不過我哋快食也可以的！見到客人和店員都有傾有講都係常客😙我哋當然點佢最出名嘅點心，糯米雞、沙嗲金菇牛肉腸、粉果、原隻蝦燒賣、山竹牛肉！樣樣都好好味！比起酒樓更好，而且仲有折頭，所以好抵👍🏻

屋企附近得升哥一間點心專門店所以間唔中都會黎幫襯兩個人食左四碟點心鬼馬蘿蔔糕，上面係炸左既蝦滑，蝦味唔算重，下面蘿蔔糕好香蘿蔔味，而且唔會好粉依個好食佢地有另一款蘿蔔糕，我地問店員有咩分別，都好清楚解釋到，而且仲私人推介鬼馬依款多d, 係無介紹錯.金菇牛肉腸 金菇好少，同平時食牛肉腸無咩分別。。。但腸粉皮都唔算好厚，夠滑既，沙嗲味亦食唔出。。。。係有少少同個名不符鳳爪夠入味而且唔算好淋，仲有d 口感，基本上黎依度係必食蝦餃皮厚薄岩岩好，入面都有蝦，整體都唔錯食左甘多年，味道都唔會變差，係keep 到，會keep 住食

茶錢每人$5, 飲左水仙個人吾識飲茶，覺得冇特別一共叫左五種食品1. 紫薯流心丸第一樣就到, 好食, 紫薯足料，亦係奶皇流心奶皇流心有蛋黃熱辣辣，外層脆米好正不過食完佢就有D漏，吾洗食其他2.蝦餃每粒蝦餃入面都有2粒蝦，大大粒絕不欺場3.鬼馬蘿白糕究竟有幾鬼馬呢?上面有一層墨魚滑下面就有普通蘿白糕咬落去，蘿白糕都吾粉亦冇散開不過建議大家叫埋豆辮醬點黎食雖然鹹D，不過好食D4.流沙奶皇包(3個)黃色 emoji 樣，好cute cute不過包皮太多亦吾算好流沙5. 傳統糯米雞大大隻，吾會太濕糯米吾會爛，仲有少少煙韌有雞件、冬菇，吾算好多送

啱啱先食完台灣野，唔夠喉，轉個頭走左去附近的升哥點心飲湯🤣🤣🤣升哥點心的美人湯＄48真係好抵飲㗎。湯料有花膠、響螺、沙參、龍眼肉同雞腳都好足料，所以好甜。點左幾個點心。本來覺得炸蟹鉗有啲貴，要成$19.一隻，仲要兩隻起。雖然係咁，都慶幸自己最後都係有點，因為真係好大隻，好好食，佢的size比一般酒樓嘅蟹鉗大多一倍，啖啖蝦肉，好鮮甜,真係好滿足。鳳爪都ok都入味，不過如果可以再淋啲就更好啦！反而有啲失望😞係蝦餃，個餃皮太厚，口感好一般。

因為晚市6點後禁堂食，所以4點半左右去食個晚餐。入去果時得一檯兩個人食緊，估唔到5-5；30陸續有人入黎坐滿座。座位唔多，容納到二三十人左右。星期一至五下午茶2-5：30做緊8折，一直見openrice 咁多好評，今日難得同老公一齊放假就試下。食物方面：紫薯流心球：唯一扣分嘅食物，應該係冰櫃拎出嚟，所以痴住哂，見個姐姐勉強分開佢就知出事（因為炸爐係出餐位所以望到佢炸野），3舊入面有兩舊無哂餡，因為應該炸果時流走左。相入面唯一爆餡嘅係超正！不過怕膩嘅人就可能嫌太多餡。新鮮炸起超熱，唔好一口咬落去，攤涼左個心仲係好熱。小籠包：滿分！皮薄多湯，應該係即叫即蒸，超好食，都算係食過最好食嘅小籠包之一別有洞天脆皮腸：其實同稻香個脆皮腸一樣，好食，布拉腸粉好滑，厚度剛好懷舊灌湯餃：真係好懷舊，同細個食嘅味道一樣，放係碗到一篤開流成碗湯，咸度剛好XO醬菜苗餃：好食，不過XO醬無咩味，唔夠香流沙包：同個紫薯流心球一樣爆流漿，正鬼馬蘿蔔糕：本身諗緊試呢款定金玉滿堂蘿蔔糕，點知剛好佢放左一大盤超厚炸粉嘅野係我地隔離張檯，話果款就係金玉滿堂果隻，即刻無興趣，好在無揀錯，鬼馬蘿蔔糕煎得香脆，面有墨魚膠，正總括而

依排d 外賣apps 多番d 優惠，所以就叫多左外賣升哥之前老公食過話都幾好食，甘就試下兩個人叫左四碟點心，大約$180~價錢對比隔離酒樓係貴d但質素亦都較好鳳爪味道岩岩好，口感唔會偏硬或者淋～蝦餃粒蝦都爽口～係塊皮厚左dd 同痴口左dd牛柏業個汁正，多少少辣會更惹味～～但d 豆卜吸哂汁都好正～～糯米雞好大隻，見到成個飯盒滿甘滯入面仲有雞翼同埋鵪鶉蛋～～入面d 料夠入味， 而且唔算太多肥肉～～好足料一個食完都好飽～～我地用apps 揀外賣自取，本身寫要半個鐘後先有得拎，結婚我地落單後十分鐘後已經有得拎，所以自取應該d 單都係照做，煮完就擺係度，可以早d 拎就早d 拎啦～

其實食物味道係幾好食， 但以後唔會再幫襯!其實食物難食， 服務態度差，環境污糟，我都唔出post, 但今次真係好嬲! 要等得耐唔緊要， 因為佢即叫即做， 但幾次叫外賣,都真係等到一肚氣 ，如果接唔到咁多外賣單， 或者佢哋嘅工作流程係support 唔到， 就唔好做外賣!今日我11點13 分打電話去叫外賣， 個姐姐話今日好多單， 要等耐啲， 唔緊要， 好明白， 我問佢要幾耐， 佢話5 個字左右。 好無問題， 咁我就大概30 mins 後落去拎， 點知俾錢個時， 心知不妙， 佢搵極都搵唔到我張單， 做執外賣嗰個話無我張單， 收錢個呀姐係咁話有， 搵左好耐， 係佢部機搵到張單， 我問佢， 其實你係唔係漏咗單, 我同佢講， 我唔想等完半個鐘， 再等多半個鐘!佢係咁同我講， 廚房有單嘅， 無 漏單， 好， 我信你! 點知我一路等， 我後面啲單都出哂， 都未到我， 都已經燥燥地， 個呀姐仲要每拎一件外賣出嚟咁問我幾多號單， 未同你講左lor, 2號呀!你叫到 9號都仲未到我! 我知你廚房冇漏單，不過執單個到漏咗單喇嘛, 未張單啲嘢食畀曬後面啲單囉， 咁唔叫漏單咩?我真係忍唔住衝入去問佢仲要等幾耐，

其實一直都想試呢間，但網上評分真係麻麻地，又撞正端午節假期周圍都要排隊等位飲茶，行過見到呢間唔駛等就即刻入左去！首先，座位好小，坐得唔舒服，成地都係飯都唔會清潔一下，開左冷氣等於無開一樣，咁熱天氣真係會中暑🤢🤢🤢都算啦⋯⋯開始點野食金玉滿堂蘿蔔糕😋😋😋😋😋哇呢個真係超級有驚喜！好好味！！！個感覺好似食緊章魚小丸子但入面係蘿蔔糕，外面好脆口，即使凍晒都仲係好食！籠仔鳳爪排骨飯😋😋😋佢用荷葉包住啲鳳爪同排骨再用個籠蒸，入晒味，不過唔知係咪太油既關係，馬比食左幾啖之後即刻肚痛唔舒服⋯⋯⋯食到呢到之後，薯比同馬比越坐越唔舒服，最後要打包再call車返屋企休息⋯⋯⋯返屋企休息完無事繼續食懷舊馬拉糕😋😋😋😋😋出色！好耐無食過，有返以前細個食馬拉糕個味道！潮洲蒸炒果+XO醬菜苗餃+升哥蝦餃皇😋😋😋😋呢三樣野但都係好食既，有水準，但唔知點解有啲銀色好似金箔既物體痴住個餃皮⋯⋯⋯⋯唔知係咪佢啲用具甩色🤷🏼‍♂️🤷🏼‍♂️🤷🏼‍♂️最後，呢間野係好食，不過衞生環境真係要改善下，都未試過未食完一餐飯要即刻打包走⋯⋯⋯⋯⋯下次再食只會叫外賣🤷🏼‍♂️🤷🏼‍♂️🤷🏼‍♂️

最近想吃小籠包，找開飯喇找一找，，，升哥點心有人好評小籠包很好吃。本人想試吃。。結果小籠包真好吃。。。紫薯流心球這內面流心奶黃浓重味都不錯，但紫薯味道一般。。。

傳統茶樓愈來愈少 食既野質素愈來愈差時代變 飲茶方式都跟住變 近年開左好多食點心既小店加入好多新式創意點心 但有時都想食返啲傳統味今次係升哥點心試試一啲傳統點心首先叉燒腸粉 分量較少得兩條叉燒餡比較鹹 但係個粉皮幾煙韌蝦餃有四粒 餡份量好足 一隻蝦餃都有三隻蝦 味道也不錯叉燒包個餡味道一般 鹹水角都係 明顯唔係食開既味 呢個重菇味個皮少少硬同痴牙整體味道不及傳統茶樓 但係全部野都係新鮮滾熱辣送上兩個人食 埋單$11x 價錢適中

本人今日取飛後在炎熱天氣下等候1小時 然後探熱進入店員表示其中一位家人體溫過高 不能用餐 試問在33度天氣下 在外等一小時如何能體溫正常 事後向餐廳反映應在取飛時為客人量度體溫 而非在炎熱天氣下等一小時情況下而量度店員態度惡劣表示 “哦” 並無歉意 一間好餐廳不是只靠食物質素 店員質素都非常重要 一行4人有小朋友有老人 第一次慕名而來 經歴非常差勁 以後不會再幫襯 如果一間餐廳覺得呢d意見無關 或者只係覺得佢地只係提供食物 禁只能一直係沒有水準小店