升哥點心 (已結業)

元朗好野食愈黎愈多，傳統中菜想突圍而出都要搞搞新意思，今次去既升哥點心就做到新派傳統既融合🧡唔少點心都好有創意，做工亦精緻，食得出廚師既誠意😇.招牌流沙包！必食！飲茶我最鍾意食奶黃包，仲要係流心嗰隻！叫得招牌，我本身對佢期望都好高，好彩冇令我失望，因為賣相味道都好加分😘外表係得意既emoji，第二度搵唔到🤩一咬開，奶黃餡就即刻飛噴出嚟！食落仲好香好滑，超正！.紫薯流心球作為流心控，見到流心兩個字就忍唔住叫黎食，仲要紫薯餡，好似幾特別外表睇落似煎堆，而且成舊都紫色，睇得出用左唔少心機咬開餡料飽滿，紫薯夾雜奶黃，唔會超甜，但味道幾香，食落亦唔油膩，可以一試🥳.奇趣沙律盞～喜出望外見到個名有啲好奇，就叫左黎試😂點知原來咁精緻係炸春卷mix炸雲吞既進化版😋個底炸得超鬆脆，沙律亦唔hea，唔係一大pat沙律醬撈出黎，上面仲放左少量蟹籽🙂幾有心機.另外都叫咗一啲傳統既點心燒賣、腸粉（係沙嗲牛肉餡，食落又幾夾）、小籠包、粉果整體都十分唔錯，賣相味道抵讚，元朗小店點心黎講算高質，元朗人又多左個飯堂🤩

今晚元朗收工同同事去到升哥點心食點心紫薯流心球其實係糯米紫薯卷 流心奶皇 好好味流心一流 平時喺出邊酒樓比較難做到呢個效果❣️原隻蝦燒賣好大粒 大蝦好似平時酒樓食既甘大粒價錢亦好抵招牌流沙包上菜見到好得意 上面有五同既表情符號 入面係滿滿既奶黃，好香，要趁熱食 好滿足😆另外第一排店員的服務態度不錯亦都有提供唔少類型嘅茶飲供選擇 下次就可以同朋友又或者屋企人嚟到屋企留下食下新派菜 價錢亦都算幾抵食會同朋友再嚟元朗試吓其他特色菜

早一星期左去元朗食好西，個化心較鐘意食中式點心，途經升哥點心就去左，實在係驚喜之選好味過茶樓價錢平民但超高水準 我都問一問廚師就係升哥點左好多樣野食 又試下個養生湯 花膠螺頭燉雞 係勁足料 湯面頭已經大大件花膠見佢餐牌一個係燉湯 一個係養生湯 但兩個都好好味 足料 唔會好似其他餐廳咁 樣樣湯都一樣味🙈呢個鳳爪排骨飯超入味食到lumlum利 排骨都好香口蝦餃一籠四隻大大粒皮薄餡靚 全部都係蝦 全部都係蝦平時唔食燒賣既我 都叫左個試試 有蟹料鮮蝦仲有粒蝦 成本好高勁足料蟹粉小籠包 好大個 入面爆汁湯又鮮超高水準 叫左好多野都食晒🙈希望呢間元朗小店繼續努力 我下次入元朗一定再幫襯

至愛吃點心的我，經常上茶樓，我覺得點心店較好，保持到質素和味道。最喜歡原隻鮮蝦腸粉，啖啖蝦肉伴滑滑腸粉，真美味。蝦餃皮薄通透，蝦肉爽yummy 。燒賣上面有原隻蝦，很吸引又美觀。山竹牛肉球都正。吃到飽飽滿意回家。

入元朗探朋友，佢推薦升哥，佢話點心有創意又美味。沙參玉竹花膠燉螺片湯，有大片花膠，湯清甜又香超正。姬松茸茶樹菇紅棗湯，姬松茸味香濃，極不錯。奇趣沙律盞，造型美觀，入口香脆軟滑，很滿意。升哥蝦餃皇，蝦餃皮晶瑩通透，蝦肉爽口，簡直無得輸。原隻蝦燒賣也很好食👍大大蝦🍤原隻鮮蝦腸粉很滑，足料又大碟真抵食。山竹牛肉球有馬蹄粒，馬蹄爽爽地、牛肉好好味。鮑汁鳳爪，可惜鮑汁太杰太濃，鹹左。這餐我們很滿意，餐後朋友外賣左一些點心帶回家，話要比家人分享美食。

作為香港人由細到大都習慣左飲早茶同家人每個星期日一齊飲杯茶.食件點心係一件好幸福既事❤️.但人大了工作難就時間.放假都早起唔到難得而家愈來愈多點心專門店..可以晚上都可以食到點心.位於元朗近西鐵站的升哥點心...點心款式都算多..雖然價錢唔平..但都可以接受.茶位每位$4.小鮮肉小籠包 $24即叫即蒸的小籠包.皮唔算薄.但十分飽滿.湯汁亦十分鮮豬肉味好出.攞膽春卷 $52海膽加鮮蝦春卷新鮮的配搭先講春卷新鮮炸起.十分香脆而家餡料的蝦十分爽口彈牙.而且分量絕對同價錢成正比愛芝士之人可加上碟上的芝士醬..帶出鹹香味更出色但我總覺得海膽凍食會較好..雖然這海膽食得出係算新鮮...薑蔥牛柏葉 $24覺得這牛柏葉口感太淋了但份量十足.金玉滿堂蘿蔔糕 $28又一fushion代表作.香脆的外皮..加上千島醬像大阪燒..加上粗粗的蘿蔔條..口感一流..但有點搶過了原始的蘿蔔味.相識胞皮腸 $382種唔同餡料...但相同的係餡料十分澎湃滿滿的蟹籽..入口爆開的感覺太好了.綠色這款蝦仁十分彈牙..配上粟米粒..食極都唔膩..令人驚訝的發現了鰻魚係腸粉入面..而且唔係只有少少..長達整條腸粉！意外地搭唔點醬

元朗有很多間這類點心小店，我試過幾間，但這間比較一般！餐廳檯與檯距離擠逼，另廚房亦可能比較細，某些用具或碗碟要放置店舖外，廚工多次出入搬運用具，感覺較髒亂！基本點心如蝦餃、小龍包、馬拉糕或灼菜等夠熱，味道還可以；相識脆皮腸的腸粉外層又黏又厚身，不是一般腸粉應有的薄及滑身，但內層餡料還是脆的；燉湯雖然尚算足料，但味道偏鹹。食物質素普通，不過不失，但價錢親民大眾化，希望餐廳對食物質素不斷改進，期待下次幫襯時會有驚喜！

🔎升哥點心 (元朗)📍元朗鳳琴街19號鴻運中心地下52-59號舖-每次想食點心都會搵d點心店 呢間都係我嘅收藏之一🔹相識脆皮腸 $38好待別 腸粉皮包住炸過的脆脆 仲有蝦膠粟米等材料 面頭仲有蟹籽 另一款則有鰻魚 同樣係脆脆的 口感幾特別 味道亦唔錯🔹籠仔鳳爪排骨飯 $39份量夠多 兩至三個人share再加幾件點心都夠排骨半肥瘦都唔錯 飯粒夠乾咬口唔錯🔹金玉滿堂蘿蔔糕 $28好味！ 炸過的蘿蔔糕再加上木魚碎及千島醬 好夾 蘿蔔糕亦都有一絲絲嘅蘿蔔 並唔係得d蘿蔔蓉🔹原隻蝦燒賣 $28原隻大蝦 仲有菇同豬肉 相當大粒 抵食🔹小鮮肉小籠包 $24小籠包都幾大隻 肉汁非常之多 價錢亦都唔貴🔹沙嗲金錢肚 $24金錢肚好入味 醬汁唔會太濃 底部仲有d豆卜吸哂d汁茶位$4/位呢間生意相當好 下午茶時間去到都坐滿 仲有好多外賣

星期六,咁岩早上朋友打黎叫幫手搬屋,咁就去左幫手搬完又肚餓,行返出去我地2個咁岩見到呢間升哥點心,就坐低試下近幾年都愈黎愈多呢類型點心店,其實唔錯,唔一定下下要去茶樓先食到點心講返升哥先,入面台數都唔少,坐落都好舒服食物方面種類都好多,有D個名都好特別,所以都叫黎試下當然食點心一定要飲茶啦,不過今日搬屋太攰,所以都有叫汽水飲我地2個人total叫左5款點心有蝦餃皇啦,呢個一定要提下,真係做到皮薄餡靚,隻蝦又大隻,個皮又好好味另外有我最中意食既燒賣,雖然又係蝦,但係食點心係一定要叫燒賣,同樣隻蝦都係超大隻,同埋十分十分好味,比好多茶樓都做得好味另外叫左個籠仔飯,唔知點解元朗既點心店好多都有籠仔飯,但升哥呢間既籠仔飯除左好味,份量都好足夠然後仲有個相識脆皮腸,呢一個點心好特別係有2款唔同既腸粉組成最後就係一定要提既紫薯流心球,呢個做法我第一次見,外面有口感,入面流沙多到爆!! 絕對推介食食飽埋單走人,價錢$181, 呢個價錢食到美食,絕對可以話係平啦!

係元朗睇完戲，順道係附近覓食，見到有間點心舖，心諗有一段時間無飲茶，就索性入去嘆一盎兩件啦！先點了一壺香片，再打開張點心紙慢慢睇😄點心款式都幾多，價格亦好親民！過了不久，點心陸續上枱，蝦餃皇幾大粒，晶瑩剔透，蝦肉爽口👍🏻鬼馬蘿蔔糕是蘿蔔糕和墨魚滑配搭，煎得幾香口👍🏻相識脆皮腸是腸粉分別包著2種顏色的油炸鬼，油炸鬼很香脆，配上蟹子更有咬口👍🏻是日養生湯是沙參玉竹花膠燉螺片，原盎燉湯夠滋補，不需要加任何調味已經夠香甜，岩晒平時無乜湯水既我👍🏻其他點心味道亦不錯，好岩我地口味😋食物份量大件，我地飽到捧住個肚走，而且2人埋單都唔洗$200，真係幾抵食喎！

今晚元朗收工同同事去到升哥點心食晚飯。好彩好快店員就安排好座位入座。睇完餐牌就點左幾樣食品。香滑布拉腸粉-拉得幾滑身，同埋幾有米糊香味 是日靚燉湯-蟲草花淮山杞子湯，有雞腳，蟲草花，淮山杞子，豬肉煲。料都好足，湯夠清夠甜。籠仔鹹魚肉餅飯-肉餅個肉質都唔錯，肉味夠，鹹魚唔太鹹夠香口。鐵板叉燒包-熱辣辣咁上枱仲有洋蔥在鐵餅。肉質良好，味道不俗。小鮮肉小籠包-肉質鮮味，汁又夠多加上熱辣辣既湯簡直溶入口中。蟲草花棉花雞-有冬菇，蟲草花，魚肚同雞。雞味幾好食冇雪味，魚肚都幾滑。春蛋燒賣-肉質唔錯。

余媽媽好鍾意食一盅兩件,  於是呢日同家人到左屋企附近的 元朗<升哥點心>飲茶!  午市時份比較旺場, 幸好12點到不用等位, 可以馬上坐低~ 呢度大約大二十幾個坐位, 午市茶位每人$4,  點心都有多款供應, 而且部份還很有特色~ 好似<相識脆皮腸>個名好特別,  原來賣相也很突出, 真係又脆又滑~ <籠仔鳳爪排骨飯>份量十足, 排骨是半肥瘦,  入口香滑~ 必食<升哥蝦餃皇>, 蝦餃是正常size,  皮薄餡靚, 吃得出鮮蝦的味道~ <法式芝士鮮竹卷>同平時食開嘅 鮮竹卷最大分別係有芝士係面,  即刻全個look變得好西化!  芝士味亦唔會太濃太膩~ <招牌流沙包>沒有改錯名, 裏面真的很流心, 表層很香軟, 好好味! <紫薯流心球>外面甜甜地脆脆地,  裏面是蛋黃流心, 很驚喜呢！ 兩人合共食左近200元, 食物質素不錯, 以後飲茶又多了一個選擇了！

今晚冇煮飯，去左飲茶吃点心。呢間舖頭細細，坐位不多，所以比較逼，當然你唔會好似平時係酒樓飲茶咁坐個幾鐘，食完就走，主要做街坊生意。蒸雞飯$43，D雞好滑，蒸飯好淋，啱哂我，D雞油滲左落D飯度，配埋甜豉油食，熱辣辣，幾好味個生菜清清地，夠大碟，$18沙嗲牛肚$24，辣辣地，夠入味山竹牛肉嘅size比想像中大，冇彭沙味，好味過D名牌酒樓唔食西餐，飲茶食点心都係一個好選擇

是日入元朗搵朋友食嘢，朋友帶咗我食呢間新式嘅點心。睇睇餐牌的確有啲好特別嘅嘢食，創新類點心。一坐低侍應就問我哋揀飲咩茶，一般酒樓可以飲到嘅茶佢都有，我哋就飲鐵觀音。啲茶係用一個個獨立嘅茶包沖嘅，另外有一大壺暖水可以自己加。由於小妹生飛滋，嗌咗個是日養生湯補下，當日係沙參玉竹花膠燉螺片湯。個湯真係好足料，飲落好甜，花膠湯就啱晒我呢啲咁貪靚嘅女仔飲啦。攞膽春卷：呢個創意點心其實就係喺個春卷上面放咗海膽，但好味在佢嘅春卷炸得好香脆，入邊全部都係蝦，連埋海膽同埋下面果啲自製沙律醬一齊食，估唔到有幾夾喎。蒜香脆脆蝦餃王：呢個10分推薦，因為從來冇食過外皮係脆嘅蝦餃，外脆內熱，蒜香味都幾重，連埋面頭嘅千島醬一齊食，完全唔覺得自己食緊蝦餃，好特別。提提大家食嘅時候要小心啲，因為入面啲蝦真係好熱㗎。籠仔醬爆黑椒牛仔骨飯：朋友好鍾意食籠仔蒸飯，牛仔骨好入味，送飯一流。小鮮肉小籠包：食親點心我都必食小籠包，呢度嘅小籠包好大隻，外皮又唔會穿，仲有好多湯係入邊添呀，啖啖肉，正！另外嗌左個白灼靚菜心，不過不失。總括嚟講，呢間點心幾有特色，經過嘅朋友仔可以一試。

霎時間想夜晚搵間點心食下, 好彩咁啱附近有呢一間升哥點心, 應該係新開嘅以前都冇為意到. 一日佢地方算大但係都幾企理, 感覺樓面同埋廚房都起碼有六個人, 但其實店面只能容納廿人多啲. 所以一舉起手點菜已經有人及時回應你. 我同我朋友兩個人嗌咗鮮蝦腸, 牛肉球, 牛柏葉, 流沙包, 紫薯球, 燒賣 , 龍仔滑雞飯. 基本上每一種食物都好有質素. 同大型酒樓一樣咁好味, 這裏勝在價錢公道 又唔使加一, 食咗咁多嘢埋單都係200蚊, 而且茶價也只是四蚊一位. 絕對係物超所值.