南亞餐廳1964 (已結業)

Happy Friday , happy hours 尖沙咀想搵地方飲野唔難，但又要飲又要食，仲要唔趕你埋單先至難＂南亞＂雖然在亞士厘道，可能沒咩人會行到咁盡頭，通常都去左I square 搵食。餐廳happy hour 「buy 2 get 1」去到21:30可以邊飲、邊等、邊食住串燒焗田螺海南雞（半隻）肉質嫩滑羊串～～～ 唔so , 但略為燒乾左一點Set dinner :有沙律、主菜、餐茶（可選柚子茶）掛住傾，沒影全部食物相我由下午6點，坐左outside 先飲啤酒，大約8點左右朋友到埗，再轉回inside 用餐，直至凌晨12點..... 講真，食物就一般，係難得有個聚腳點可以坐耐點。

平時約朋友去尖沙咀，都係去諾士佛臺， 但今次想食下野，呻下， 就揀咗呢間餐廳。餐廳由外面望落去， 同普通酒吧冇咩分別， 但在行入少少就會發現其實係一間餐廳。餐廳座位非常寬敞， 加上暗淡的燈光令人十分放鬆。 我哋由餐牌上知道少少關於呢間餐廳嘅歷史， 原來呢間餐廳曾經休業，因為老闆的堅持現在又重新開張，絕對係值得支持嘅小店。餐牌侍應先上帶有熱度的餐包和餐湯，白湯的材料很多。整體濃而不膩。湯上面撒了少少餅乾碎，增加口感。沙嗲串（三雞、三牛）值得一讚，每串沙爹絕無欺場，份量十足。沙嗲串上本來的醬汁和調味已經燒得十分入味，而肉汁也完整保留下來，而沙爹醬汁微微的辣度，挑起了食家的味蕾。越吃越有味。小食拼盤入面， 有咖哩角、腸、春卷、炸蝦餅。每道小食都是剛剛整好再奉上，不會馬虎上場，而我最喜愛咖哩角。外面炸得鬆脆，配上咖哩醬汁，非常惹味。 咖哩汁不會辣，怕辣的朋友也可以一試。朋友見到有個菜叫牙露牙露，貪得意就叫咗一個。 原來係一個沙律， 上面有蝦片。蝦片應該是自己炸的， 帶淡淡的蝦味，但卻不油膩。我將蝦片沾上咖哩汁食，係另一種濃郁的口味 。沙律菜不是西式沙律菜，而係蘿蔔，椰菜等等，已經灼過的蔬菜，加

放工同同事落tst搵食，想搵間坐得舒服d chill d既餐廳，於是行去亞士厘道搵下，見到呢間有幾個外國人坐左係外面，入面又有梳化卡位，個感覺幾舒服，就入左去食啦。 呢間南亞餐廳係食東南亞菜，坐低無耐，侍應姐姐已經好親切地問我地想食咩，可以推介我地。 最後我地點左串燒拼盤、小食拼盤、Gado gado，牛尾煲、燒雞同甜品。首先黎左餐湯，係海鮮周打湯，入面好多料，仲有餅乾，味道好夾好creamy。之後黎左碟串燒拼盤，有牛肉雞肉，燒得好惹味，肉質唔會靭，好滿意。之後到小食拼盤，入面有蝦餅、咖哩角、春卷同德國腸，再配咖哩汁，最鐘意係蝦餅，超彈牙同有鮮味，想再encore !然後到gado gado, 第一次試呢道菜！好得意好特別，有少少似喇沙沙律，最面有我最愛既印度蝦片，仲有蛋同酸酸甜甜既羅白同椰菜！其實都飽飽地，但仲有個重點菜，就係最期待既燒春雞！單係賣相已經好吸引，燒到好香，d皮燒到脆卜卜，但又保留到雞汁，肉質鮮嫩，再配合馬來香料風味，超級好味！最後黎埋雪糕芭菲，揀左士多啤梨同芒果味雪糕，上面有少少cream，普普通通，但最後有個甜品做完結好開心！

We come during lunchtime, and there're not much people here. Getting table immediately when we get in.At beginning, we're wondering the quality of the food but the meal has surprised me in good way. I ordered Clam spaghetti with tomato sauces and it comes out delicious. Tea milk is good with Cantonese taste.It's such a good choice to come to this friendly restaurant with quite reasonable price during lunch hour. Should have a try!

南亞餐廳嘅加多加多 (即地道嘅印尼沙律) 份量不少， 足夠四人享用， 價錢非常 大眾化， 是本店必吃 小食 之一，在享用了串燒和乳豬 等油膩食物後， 令味蕾有種清新嘅 洗滌 舒緩飽滯的感覺 材料方面!除了 烚蛋 和耶菜 亦少有地加入沙葛 令這種印尼傳統嘅沙律增加不少爽口 清甜味道， 建議 選擇 這道菜 為 頭盤 作為開胃菜!拼盤內有4款小食: 春卷兩款、蝦餅、香腸；一般餐廳配搭的多是甜酸醬，南亞餐廳卻用上其當家強項: 黃咖哩汁，想不到與幾款小食有如此的味覺沖擊! 當中尤以蝦餅獨佔鰲頭，新鮮的蝦膠，加上外層薄薄的一層炸粉，予人彈牙的口感，一人一件，確感到”唔夠喉”! 真想不到吃頭盤小食, 也有想encore 的感覺!馬拉盞炒通菜固然係泰國菜必食之選。本來以為只係普通菜式, 不抱特別期望。今次南亞餐廳卻畀到驚喜我! 不像其他泰菜餐廳, 這碟馬拉盞炒通菜並沒有其他餐廳的通病: 油膩感。蒜頭、蝦醬等材料的比例是恰到好處的，味道並不過濃，仍然保持通菜的清新口感。加上份量之大，以$65而言，更是超值!

文明能壓碎, 情懷不衰, 無論枯乾山水.... 大概南亞1964餐廳沒有七百年的久遠歷史, 但在時代急劇前進的今天, 永恆和經典兩詞, 已經相當罕有; 誇過半世紀, 經歷興衰, 捲土重來那一份情, 在同一地點再度落地生根, 只因一份信念和堅持. 當這個世代都以成本效益衡量成敗, 南亞餐廳着眼的肯定不是這一點.昔日中產熱愛的食街, 早已今非昔比; 沒有耀眼熱店座陣, 人流零落; 格局仍是老一輩的模樣, 沒有華麗雕琢的佈局, 沿用舊式西餐廳設計, 要吸引的不是愛新鮮潮流打卡的年青人, 而是懂細味情懷的知音人.​我們顯然不是潮人, 沒朝聖心態; 亦不是老顧客, 沒帶懷緬的心情. 一場到來, 為的只是一份傳統的味道. ​看見這一本餐牌, 也有着歷史的痕跡, 如小時侯的寫字本,有着破舊的痕跡, 人到中年原來真的會愛懷舊起來.​味道是一種很特別的東西, 沒有實在的形態, 卻能勾起記憶中沉澱的片段. 周打魚湯跟一客微暖的餐飽, 就是開啟記憶的鑰匙. 奶白的忌廉湯, 浮着揉碎的梳打餅碎, 年輕一代應該沒有見識過這吃法, 那餅乾碎浸在熱湯變了發脹的餅團, 增加了湯的嚼感. ​湯中沒有矜貴食材, 只有甘筍

今日妹妹生日，夜晚放工相約在尖沙咀吃大餐，和家人一行四人，選擇了南亞餐廳1964，位置於亞士厘道，地方有點難找，最好的方法是在地鐵站出後沿海傍道一直走在萬寧旁邊會發現一個樓梯口，一上去就見到了。60後焗豬扒飯名字很搞笑，問過店員後才知道這個特別之處在於他的豬扒是吉列豬扒，上面沾滿麵包糠再去炸的那一種，應該是先把豬扒炸過才拿去跟飯一起焗，配上茄汁跟蛋炒飯底真不錯，豬扒很大的一片，而且他上面的炸粉很薄很薄，但又不失香脆。海南雞油飯他有半隻/一隻選擇，我們點了半隻，好讓我們可以嘗試更多款的美食，總結雞很嫩，皮很薄，油飯頗香不會太油膩。馬拉盞炒椰菜這個是出奇的好吃，原本只打算隨便點蔬菜，竟然出乎意料，我們都爭着吃，連平常不太喜歡吃菜的我又吃了很多，馬拉盞的味道有點像蝦醬，很香，我們都叫媽媽以後買馬拉盞來炒菜。紅豆冰雪糕甜品點了紅豆冰配上椰子雪糕，另一個配芒果雪糕，特別推薦椰子雪糕，跟紅豆的甜味很配合。飲品飲品很多選擇，我原本想選擇原個椰青，他們賣得不貴，比長洲的士多還要便宜，可是不知道是否天氣冷沒有進貨，只好點了椰青水，有可能是新鮮椰青水，沒有在便利店買的死甜味。

餐廳地方寬敞，環境寧靜，店員安排了我們坐六人卡位。由於沒有什麼頭緒，我們請店員推薦餐廳的招牌菜，特別一讚店員Kelly，十分分細心有禮貌，我們點了：半打牛雞沙嗲肉串是必點，上枱時還很熱的，配上沙嗲汁，味道一流，牛肉的肉質很唸藍青口配法包妹妹很喜歡吃青口，這裏吃的青口跟在西餐廳吃的有點不一樣，特別之處在於他的湯底，是喇沙汁，出奇地配合，我們吃光了青口吃光了青口再用法包點着喇沙汁來吃，十分惹味。咖喱牛尾煲原本沒有打算點這個咖喱牛尾煲，看起來很像碟頭飯，但Kelly 推介這個咖喱是用新鮮的椰漿來煮的並非一般餐廳所用的罐頭椰漿。果然味道真的很香，牛尾煮得很唸，我就最喜歡煲內的薯仔哈哈。薄餅有點像手抓餅，這個是我們後來為了不要浪費咖喱牛尾煲的汁而加點的，建議大家如果點咖喱必定要配上這個薄餅，沾着吃味道很好。

依一間餐廳，扎根香港多年，為街坊帶來許多美食。最近行返去睇，裝修又靚左。而家已經變咗一間，有懷舊情懷，氣氛優雅的南洋餐館。出邊仲有吧枱，提供一系列手工啤酒，我諗夜晚應該都吸引唔少本地人，坐低嘆下啤酒。根據老闆說，啤酒仲好似有唔少優惠。不過明天上班，下次先再飲。沙嗲汁牛尾煲、配蒜蓉包 （$148）牛尾慢火炆煮出咗好淋、好豐富膠質的口感。配上人人愛的馬來沙嗲汁，既惹味又香，真係半滳汁都唔放過，下飯一流。女仔唔鍾意白飯，附送嘅蒜蓉包一樣咁好食。順帶一提，牛尾脂肪少卻肉嫩，牛尾補氣血、強筋骨，女朋友都好鍾意煮。但如此費工夫的佳餚，這個價錢在1964已經可以吃到了，因此日後還是留給廚師製作。沙嗲雞肉、牛肉串燒 半打（$80）個人比較喜歡雞肉，嫩滑且肉汁依然能夠保留。烤肉表面，有黃姜、香茅、孜然粉等等香味。當然，唔少得淡淡來自椰奶的味道。沙嗲醬都唔會辣，一道適合所有人的下酒小菜。馬拉盞通菜（$65）家常菜，翠綠的通菜，爽脆的口感，最適合口味較重的南洋菜。馬拉盞的鹹味適中，不會與其他菜式衝突。秘製炒貴勺（$75）河粉、韭菜、芽菜、大蝦，夠料而且鑊氣夠。唔經唔覺已經好多年了Menu

沙嗲牛肉和雞串簡直係我嘅飛佛～去到d 泰國和越南餐廳都必定會選嘅菜式～有時d餐廳嘅牛肉串會好韌、份量有少，但呢度啲牛肉串份量有多又好咬口，配埋啲沙嗲醬簡直正～沙嗲醬又可以按自己口味加多或加少，啱晒我哋呢啲嘅女仔，怕太多醬好肥😋😍😘其實任何有蒜蓉包嘅餐廳我都會試吓，嚟到咁有東南亞特色嘅餐廳怎能不點呢? 😘😋 蒜蓉包嘅good friend必定係curry 🤩 今次就試吓咖喱牛尾煲，啲牛尾炆得好淋，咖喱又唔會太辣，成啖充滿咖喱汁嘅牛尾連同toasted 蒜蓉包，可以話係perfect match! 😋😍😋這個海南雞喇沙米粉上菜時是滿滿的一大碗，雞的分量很多，覆蓋了整個碗。雞的部位選用了雞腿肉，件件都滑溜無比，食完一件又一件，好味😋一口雞肉配一口米粉，米粉吸收了濃郁的喇沙湯汁，每一口都充滿了香葉和咖哩的味道！這個喇沙湯以咖哩味為主，椰漿味不重，推薦給喜歡咖哩味喇沙的朋友!

餐廳已在港經營數十載，品牌及經驗得來不易。位於尖沙咀亞士厘道，一直都吸引不少上班族黎午膳。1664 Blanc ($78/pint): 買二送一又幾抵飲，1664本身味道比較清爽帶果香，麥味又唔會太濃，都幾好飲。沙嗲串燒 (雞&牛): 半打都只系七八十蚊，燒得幾惹味，又有肉汁，最重要系加埋秘製滲嗲醬，香甜得黎又有椰香，好夾。店員極為推介燒乳豬，仲話系招牌菜式。首先，豬皮並唔系脆皮，內裡既肉就當然好幼嫩啦，仲連住啲脂肪，滑上加滑，肉味適中但就唔會太濃，整體okay仲有咖喱牛尾煲，牛尾炆到非常軟腍，帶一絲絲既質感，好易切開，仲有啲似牛腩，連肉味都似似地，幾好。另外仲有蒜蓉包可沾惹味既咖喱汁一齊食。

個人推介指數分７.5(10分為滿分)－ 服務相當細心, 員工非常殷勤有禮, 對其內的食物很了解, 能作出適當的推介. 環境是前半部是酒吧的型式, 最岩朋友吃些脆炸小食嘆嘆啤酒. 後半部是餐廳格局, 坐為以舒服的四人卡坐為主, 空間充足. 食物方面, 基本的南亞菜式也齊全, 最特別是味道方面, 除了較其他南亞餐廳清淡些外, 還有一種我小時候的在相類餐館品嚐過的味道, 回憶不其然在腦海回轉.今天又是月會的時間, 可惜只有三人出席, 其中友人作主, 來了這所位置便利(在其公司附近)的南亞餐廳一聚.看看其MENU, 確有種懷舊的情懷.大家也在新年吃了不少飽膩的東西, 今天我們決定輕食一點, 貴精不貴多. 剛到步時候, 店員已和我們先聊聊天, 聽聽我們的要求,再介紹了不少食物, 我們就根據其推介選取了以下食物先來的是周打魚湯, 就是看到其湯面上的梳打餅, 就勾起我些童年回憶, 現在沒幾次見到這樣的食法.味道方面, 比較清淡, 沒有被忌廉蓋過其他味道, 其魚味還能吃得出來, 餐湯來說頗有誠意. 為了開開過年吃到有點膩的胃, 我們點了個泰式牛油果蝦沙律. 最讓我印象深刻沙律汁, 真的相當刺激, 差點

尖沙咀一向都係搵到食嘅地方，今晚又到尖沙咀搵食，與朋友到亞士厘道搵到這間食東南亞美食嘅餐廳一入門口見到呢張圖，嗯～就係當年餐廳門外嘅街景呢點餐後，好快就上菜泰式炸魚餅彈牙，混入豆角更加爽口，味道不錯小食併盤包括蝦餅、咖喱角、德國腸及春卷。特別喜歡脆脆嘅蝦餅混入香料很香口，咖喱角本身已有咖喱香味，食落鬆脆可口沙爹串東南亞美食又點少得沙爹，有雞串與牛串，燒得剛剛好，沙爹汁味道豐富，好惹味廣島蠔喇沙大大粒廣島蠔香甜鮮味，與香濃嘅喇沙湯落出奇地夾，濃濃嘅湯底掛係清爽嘅麵條上， 食落啖啖椰香

先嚟一紅一白湯我係飲紅湯：羅宋湯～有少少少少辣，好足料！係細個飲到嘅經典味道！食星馬菜，串燒就走唔甩㗎喇 😂無記錯食咗牛肉同雞肉串燒，兩隻都好味個沙爹好惹味！咖哩汁薄餅嘅咖哩汁好香濃薄餅好酥，又有啲煙韌食到無停手 馬拉盞炒椰菜點都係馬拉盞咁嘅味㗎喇 😂分別就係啲菜啦～椰菜都幾新鮮，食落好爽甜北海道生蠔喇沙連平時對喇沙無乜興趣嘅我都覺得好食生蠔勁大隻，非常 creamy 👍🏻燒春雞嘅雞肉分好哂～雞肉好滑無諗過呢度嘅酒精飲品都幾多連呢種 upside down 嘅 cocktail 都有 😄我見餐紙寫 VIP 閒日晚市有九折問番店員，佢話做 VIP 嘅方法就係食多一兩次感覺呢度懷舊又創新～

Happy Friday 外出吃午餐，因為到處都滿座。所以來到久違的南亞餐廳。今次點了海南汁燒雞飯和凍檸水。我們都等了很久才上菜。來到時以經餓翻了。其實我個人是很喜歡雞胸，能夠接受乾身和煮過龍的雞肉。但今次食呢個飯啲燒雞係超級過晒龍，極其柴皮。 沾了汁好了一點， 但整體來說如果不是有凍檸水和汁應該都吃不到這個飯。 連飯都很乾每吃一口好像要抽乾口中的口水一樣。 其實良久前都很欣賞他們的海南雞喇沙。但自從前上一次吃到只有兩口分量的米粉。和大量肥膏沒有肉的雞後就沒再來。想不到再來一次會更失望。我應該..不會再來！但我欣賞他們的待應。服務是不錯的。