南國小喫

营业中

休息中

疫情關係，想念台灣的食物，剛巧經過此小吃店發現有車輪餅賣，剛巧肚子有點餓，於是叫了一個烏龍吉士味車輪餅，$14一件，看見店員也即場新鮮製造，應該會是熱辣辣的好味吧😋店員預先跟我們說此味要立即製造，因為沒有現貨，要麼退貨，要麼叫另一款，但其他味的車輪餅也較普通（紅豆/香芋/紫薯/原咪）所以我還是等了約10分鐘，熱騰騰的烏龍吉士味車輪餅來了。它有淡淡的烏龍茶味，但真的有點淡，若濃一點就會讓整個車輪餅更吸引。整體來講，車輪餅大小適中，內裏的餅皮也較鬆軟，烏龍味吉士也合格；還是值得一試的

因為就腳，所以一落車見到就搵嘢食，見到米糕咁特別，就停低試下，叫「麻糬肉鬆米榚」。等咗5分鐘，第一個煎壞咗，再等唔夠10分鐘先出爐。咁就無咗三個字。Menu入面嘅相：皮薄脆脆咁。實物係：個底厚過格仔餅，或者蛋糕，淨返邊嘅位脆。中間黐住兩種涵嘅，竟然係沙律醬。食落口時，感覺係獨立食咗四種食材入口咁，四種食物入口後獨立無關連，無任何化學作用。我喺印尼食過一次，嗰次香口加好味十倍。我懷疑，煎嘅姐姐自己都無試過食過一個好味嘅版本，先再煎俾客人食。門口張貼咗嚴禁喺佢哋店舖附近食嘅告示，連租錢都無用佢，咁收我廿五蚊，真係好貴。幾餓都無下次。

今日下午茶突然想食南國小喫嘅冷糕同車輪餅，買左食開嘅經典紅豆、吉士、紫薯味之外，試埋高山烏龍茶吉士口味，帶少少烏龍茶香所以比正常吉士味冇咁甜膩，個人覺得更加好味，但食完吉士同紅豆味再食紫薯就覺得紫薯有D淡。冷糕本身就係類似格仔餅嘅懷舊小食，所以揀返粒粒花生醬口味就非常搭配，醬多料足，仲係大大粒花生碎加原粒花生，口感非常多層次。*因為最近疫情嚴重，買咗拎返屋企食會安全D；車輪餅凍咗可以用焗爐熱一熱，令外皮變返脆再食。

自從知道「南國小喫」係太安樓人氣車輪餅嘅分店，就黎幫襯過兩次，食過高山烏龍茶吉士味和招牌紅豆味，都覺得相當唔錯！所以而家每次去鑽石山搭巴士，都會買個小食！😂車輪餅有6款口味之多，除咗傳統嘅紅豆，仲有吉士、香芋、紫薯、高山烏龍茶吉士口味，而家仲多左雪糕口味～今次就試左紫薯味，皮脆內軟，餡料都幾足料，咬開一口就見到有勁多紫薯蓉係裏面，香濃嘅紫薯味，仲有粒粒紫薯肉係裏面，口感十足！係真自家製！不過唯一唔好就係車輪餅唔係即叫即整，係疫情嘅非常時期，好似都係即叫即整感覺會衛生啲，食得也安心啲！

5點嚟到鑽石山一心試下「南國小喫」嘅車輪餅🤗話哂係西灣河太安樓南國紅豆餅嘅姊妹店🤪年前曾經係南國紅豆餅食過車輪餅，感覺餅皮唔脆，但當時即叫即造，熱辣辣，內餡味道正常。今次抱有期望😀門面靚，高級感嘅外賣小飯店，有半個廚窗係專出冷糕同車輪餅可惜😩去到見到一個個車輪餅整好哂，一啲放係烤盤，一啲放係架上面😞整好哂，色澤、外表都一般照買左兩個最穩陣嘅嚟試紅豆($12)同吉士($12)買完，要讚職員態度好好，主動同客人解釋，會將車輪餅放回烤爐加熱大概5分鐘，就拎到，上手都算夠熱😊一搣開。嘩！個皮又厚又硬過曲奇！其中一個仲黑黑地落差太大啦🤢期待佢係外脆內軟餅皮嘅脆應該係鬆脆。而唔係厚實嘅質感個餅真係放得太耐，變相回烤時愈烤愈乾浪費左個餅，完全食唔到真正嘅口感，亦無蛋味，小編真係難以俾評論🙁紅豆餡就做得唔錯🤭首先唔乾，二嚟有保留到紅豆粒，唔會打到變哂紅豆蓉，有紅豆香，甜度亦適中😋吉士餡就弱啲，無香草味，唔夠蛋香奶油香整體令人失望，「南國小喫」有賣其他港式小食，車輪餅似乎唔係經營重點。

行過鑽石山見到有懷念冷糕賣，咁未食過就想試下！門口都有寫要等一陣，就想問下員工要等大約幾耐，結果態度好差🙃好似嬲咗全世界人咁！我： 唔該我想....（我都未講哂🙄冷糕師傅：買野去收銀！（係用鬧人嘅語氣等冷糕期間見到無論係大人定細路，一問佢野就會比佢兇一兇！一視同仁啊～如果你要買建議你唔好同冷糕果格有任何交流！但更強烈建議你唔好買！🤗花生醬冷糕 $22而味道方面，真心好普通！咁格仔餅係一樣味，係入面有ok多原粒花生！價錢又唔係特別平！又要等！又要受氣！仲要味道好普通！都唔知為乜 🤷🏻‍♀️

剛在天仁茗茶買了飲品，等待期間發現了這間不起眼的小食店，但仍有不少食客。除了有售賣車輪餅，還售賣魚蛋、燒賣、豬紅等小食。雪糕車輪餅是新產品，雪糕口味更是每天更新。今天剛巧經過發現是豆腐味，所以決定一試。原本以為車輪餅皮會是熱的，但原來是已經冷了，有些失望，但幸好仍是脆口的。而且豆腐雪糕也是頗有豆腐味，但不夠濃郁。除了新款的雪糕車輪餅，也有傳統車輪餅。在品嚐車輪餅的時候，看到不少食客都是買了傳統車輪餅，可能傳統口味更佳，有機會可以再試試傳統的吧！

肚餓仔。。突然又好想食炸野，又想試唔同款式，咁就叫左一次過滿足三個願望既炸物鐵三角！分別有蝦肉三明治🥪酥炸雞軟骨&椒鹽豆腐！即叫即炸所以都等左十分鐘但亦因爲咁拎上手只係剛離開炸鍋，個份熱氣感係強烈到飛起😂一咬即爆開既嫩滑酥炸惹味椒鹽豆腐😌一口一粒剛剛好的酥脆雞軟骨😀兩件炸到咋咋聲等邊三角蝦多士☺️特別點名讚既係豆腐！夠嫩滑軟，咬落去爆漿咁真係哇一聲，我喜歡哦💕😘如果再經過又想醫下肚，下次都會食！

唔講唔知，原來太安樓嘅人氣車輪餅店開左分店係鑽石山—「南國小喫」，主打車輪餅，除左有招牌紅豆味、吉士味，仲有高山烏龍茶吉士味，都幾創新喎！不過小妹最鐘意食紅豆，梗係食左招牌紅豆味（$12）先啦！😏即叫即整，皮脆內軟，餡料都幾足，都幾多紅豆蓉！😍口感軟綿，又唔會太甜膩。地址：南國小喫 (鑽石山)鑽石山龍蟠街3號荷里活廣場地下G102B號舖營業時間：星期一至日：7:30-22:00

下午我在新蒲崗光顧完一間工廈日式料理餐廳，可惜我在那餐廳裡面食到的味道，跟我期望的味道有所出入，還浪費了我七十幾元。之後我徒步返回「鑽石山港鐵站」，準備坐巴士返回西貢。在返回西貢之前，我在「荷里活廣場」樓下近着公共交通交匯處的位置，光顧了另一間有很多食客包圍的港式食店，食店的名稱叫做「南國小喫」，「南國小喫」最有趣的地方在於同時設有甜品部，同時各自售賣鹹甜小食。「南國小喫」其中一邊屬於製作和售賣鹹味小食，例如豬腸粉、咖喱魚蛋、牛丸、撈麵等等食品。至於「南國小喫」在店舖的另外一邊設立了甜品部，主打售賣「格仔餅」、「雞蛋仔」，還有一款叫「冷糕」的甜品。除此之外，「南國小喫」的甜品部價目表裡面，還列明店舖有製作，用麵粉和雞蛋製作小型麵包，中間夾着甜味餡料，在日本被稱呼叫做「大判燒」，香港則稱呼叫做「車輪餅」的小食食品。適逢「南國小喫」在推出「車輪餅」的同時，還推出了一款，夾着甜味雪糕球而成的車輪餅小食「雪糕車輪餅」的售價只比「車輪餅」昂貴幾元，賣港幣十五元而已。「雪糕車輪餅」於是我在「南國小喫」鹹味小食部那一邊，購買鹹味的「牛丸」跟「牛肉球」，還有甜味小食部那一邊的小食「雪糕車輪餅」，合共價

/南國小喫🇭🇰/#sa鑽石山篇 #sa小食篇 #sa花生篇➖➖➖🥜控必試嘅小食😛😛🤟🏼去開荷里活廣場見到天仁隔離有間南國之前筲箕灣試過佢地嘅車輪餅覺得一般 俾多次機會試埋冷糕😁有三隻口味 詳情睇睇後面menu 👀➖➖➖粒粒花生醬懷舊冷糕 $22入面有skippy粗粒花生醬+ 淮鹽花生粒🥜🥜花生控一定會滿足 有咬口👍🏻而且夠曬足料 啖啖都花生即叫即製 熱辣辣 幾新鮮🥰而冷糕嘅口感係薄脆嘅 有啲似格仔餅嘅食法～➖➖➖分數: 8/10➖➖➖⭐️呢個比車輪餅好食好多➖➖➖📍南國小喫

[📍香港篇🇭🇰] 傳統口味冷糕[📍Hong Kong🇭🇰] Traditional Chaozhou Dessert “Nan Kao”呢個係乜東東？🤔🤔 其實係潮洲既傳統小食冷糕🙊冷字讀音係打冷個「冷」字🔊🔊佢同夾餅餡料好相似，有花生碎🥜、砂糖、芝麻，而外層就似雞蛋仔脆脆地入面仲有蛋糕😉 所以味道真心唔錯，微甜而且充滿蛋香🤗全部都新鮮即叫即整，保證脆卜卜❤️❤️.

🥜粒粒花生醬冷糕($22)🔻推薦指數:🌕🌕🌕🌕🌑甜度:適中🌕🌕🌗🌑🌑質地:薄脆外皮 內煙韌 綿密鬆軟🔺一直糾結要傳統1️⃣花生芝麻椰絲砂糖餡 定係2️⃣花生醬+淮鹽花生粒粒😫真心好想問有無得兩個料mix，貴d都好😂我份人勁愛 多重味道 咬口嘅餡~最後都係揀左粒粒花生醬！我太愛花生🥜🥜加上大大原粒嘅花生粒好吸引！一路見佢整，好想叫佢多「花生粒呀，唔該✋🏻」不過個呀姨睬你都傻😂密密手整 又多單，冷糕係即叫即整👍真係推薦食佢多過車輪餅，食d一早整好嘅冷凍貨🥺無誠意🤛我一直以為冷糕係好似格仔餅咁，其實味道質感相似，但就再擁有一層外薄脆餅皮！精粹所在😚平時食雞蛋仔都最愛邊邊壓到脆一脆嘅皮，冷糕塊皮就更薄脆👍熱辣辣搽上花生醬，半溶狀態更creamy更濃花生香，然後大大粒淮鹽花生粒，Crunchy😆脆卜卜，微鹹中和膩感，好好咬添~餅皮外薄脆內煙韌綿密 帶鬆軟，比格仔餅無咁厚身 內餡軟綿程度更比班戟~無咁飽滯，推薦！

8月11日星期日下午4時56分在鑽石山南國小喫買了一份餐疍三文治，吃了半份之後在另外的半份的炒疍部份發現圖中的污物，這店的衛生水平低劣，危害消費者健康! 十分嘔心, 切勿幫襯!!! 

太安樓必食車輪餅店南國紅豆餅，在鑽石山荷里活廣場開咗姐妹店南國小喫，除咗招牌車輪餅之外，仲獨有懷舊小食冷糕。傳統冷糕你又食過未呢🥠一邊賣懷舊小食一邊賣普通街頭小食。👓懷舊冷糕-傳統口味 $18冷糕係潮州傳統甜點，有啲似夾餅，內含白芝麻、花生碎和砂糖，但而家香港已十分少見依款懷舊小食！都勉強有少少蛋香，冷糕個皮邊好似紙咁薄脆，但無論個皮定糕身都好鞋質感唔多討好，麵粉搓得太鬆泡，內裏唔夠鬆軟。似就咁審咗啲花生砂糖落舊蛋糕到。整體唔算特別好食，完全比不上夾餅，純粹係試一次何謂傳統嘅味道。評分：5/10👓紅豆餅-高山烏龍茶吉士 $14同樣個皮好鞋食落質感唔討好，又冇蛋香味。烏龍茶吉士味道反而有啲似港式奶茶，雖然唔太甜，但甜味蓋過咗所謂嘅烏龍茶味。餅底有杏仁片，增加咗脆感咬口。紅豆餅好普通唔係特別好食，重點係完全唔夠熱！對依個凍冰冰嘅餅大失所望！評分：5.5/10👓酥香炸燒賣 $12真係純粹炸燒賣，燒賣普通唔彈牙，炸得唔係特別酥脆，冇乜特別調味。評分：5/10