南翔饅頭店 (已結業)

復活節最後一天假期~約男友,男友阿娘及妹妹一家去食個晏仔~ 男友阿娘提議到此館著落, 下午1點幾~黎到無人等位~正~ 坐底嗌~ 一客小籠包(6隻) 一客蒸饅頭(6隻) 一碟椒鹽腰果酥(4隻) 一碟鎮江肴肉及排骨拉麵頭4樣我地都覺得水準ok~ 小籠包肉汁夠~唔太油~饅頭夠軟熟~ 腰果酥夠香~係可以"翻食"之作~ 唯獨排骨拉麵...最差~ d麵黎到淋晒~係超淋個隻~入口即溶無咬口~ 湯底無味~ d麵隱約有陣過完冷河既清水味...不過學auntie話齋~ 食物唔夠服務搭夠~ 但此間餐館全無服務可言~ 首先~aunite既匙羹有隻蚊飛落去~當然要換過啦~點知個侍應反一反眼就拎走~一句抱歉既說話都無~仲要係好快咁拎返黎~..從佢既反應..好難令我地相信佢會過隻新架囉...之後係小籠包~當然要點醋啦~籠包放低~叫兩次~等片刻...碟醋先由侍應手中"飛"落張到, 真係打個凸...唔通佢地會認為小籠包要凍先好食既?? 綜觀全場無一個服務員係識笑~如果食物一流~但服務九流~ 我諗我唔會貼錢買難受~

3/3/2008上次和女朋友來，等位等了一小時十五分鐘，今次學精了。今次是和家人來吃，八時來到，三個人拿19號，怎料只叫到9號。上次在沙田的經驗，實在不敢試不用等位的。=.= 半個小時候，竟然已經有位入座。看來到長龍店，一係六點半前，一係八點半後。>.<上次點了二人餐，吃不完。今次點了三人餐，已有心理準備吃不完！1) 小籠包有六隻的，媽媽先吃了一隻。很多肉汁，正！2) 唔知乜名(xx酥)幾香，咸咸地，幾得意。3) 鎮江肴肉凍凍地，甜甜地，又幾香，又幾好食。4) 翠玉瓜炒牛肉肉林瓜爽，好味！5) 海鮮炒飯炒得幾香，不太油。有幾隻蝦，幾好味。6) 糖醋魚片爸媽覺得魚有泥腥味，我就不太覺。還有橙汁、酸辣湯和桂花拉糕。當然少不得的自選的茶啦！^^ 吃得很飽很飽。今次吃得完了！值得一讚的是，侍應服務很好，勤加水，留意到客人需要。不錯！

上一次去這間餐廳食過小籠包和椒鹽魚等等。小籠包食一咬，見到内邊未熟。即吓叫換。小籠包是這個名店的招牌，是不是！？我真係好失望。第二個是熟了好，但是覺得不夠熱。味道麻麻哋。和其它酒樓差不多。其它菜都麻麻，沒有印象。隔籬兩位女士都話，甜品(好似是酒釀小丸子)不夠熱。可能因爲太忙，煮了好後，一段時間先serve到．．．

全部細細碟，可以試多幾款。1) 茶錢$8/位- 款式較特別，可留意餐牌2) 酸辣湯(例)$50 - 用料多,但好咸3) 雞絲粉皮$40 - 清清地幾好味4) 南翔糟雞$50 - 唔夠酒味唔夠凍5) 鮮肉小籠包(六粒)$30x2 - 肉冇鮮味,汁不算多6) 蟹黃灌湯包$28x3 - 皮厚7) 蟹黃灌湯蝦球$48 - 油膩8) 回鍋肉$50 - 醬汁濃,幾好9) 風味香辣雞$50 - 唔好食10)糖醋魚塊$50 - 唔似糖醋魚11)薺菜松茸炒年糕$50 - 最正!年糕煙煙韌韌12)排骨湯麵$40 - 普通13)桂花拉糕$20 - 非常失望,冇諗過會係年糕咁煙韌14)高力豆沙$25 - 普通TOTAL:$731.5

情人節與爸媽三人行，心知過時過節一定爆滿，他們已預先去搵位，話說未夠6點已有人龍排隊準備入場。不知是否新年時節，好多菜式暫停供應，想食蘿蔔絲酥餅及薺菜肉絲炒年糕也沒有。開了一壺杭菊花茶，入口清香、甘喉，可清清近日的燥熱乾火，每位計$8亦不算貴。燻蛋-蛋黃做到非常溏心，但唔夠甜，茶燻味不夠濃。鎮江排骨-味道是不錯，醋味芬香，但排骨的肉質有點乾及實。砂鍋津白-湯底鮮濃、材料極富豐，雞肉、豬肉丸、蛋餃、草菇，就其是豬肉丸又腍又鮮味，比小籠包的豬肉好得多；津白又多又爽甜，不過好明顯是後加的。小籠包-名過於實，湯汁雖多，但料的豬肉不夠鮮，皮亦過厚，包頂的摺位有點兒硬。上海粗炒-麵身煮得剛好，不算太油膩，加了辣椒油更美味。蔥油開洋拌麵-麵身彈牙幼細，有大蔥及蝦米吃起來算香口，只差在那些深紅的蔥油頗鹹，尤其是吃到最底的時候。總體一般沒有驚喜，當然與上海總店自然會比下去，但上海總店亦不及同樣在城隍廟內的綠波廊，如有機會去上海的朋友，可以去試試。

第一次寫食評：星期二晚，和家人一行五人，取票４號排隊。估不到要等一小時十五分鐘才入座，而四人枱就叫至二十四號。唔明白管理怎樣處理？環境黑暗,枱位很迫，鄰坐說話也聽到。小籠包，皮厚且硬，肉有雪味,唔明白。上海粗炒，麵身好硬，唔得。酸辣湯麵，很少湯，唔夠熱，唔明白又是吃硬身幼麵。醉鴿，好淡好淡的花雕酒味。煎黃花魚，做到水準。肉絲炒年糕，亦可以。高力豆沙，等咗好耐，厨房一次出五，六碟，唔明白？五杯焗茶,埋單四百元，唔抵唔抵浪費時間等位！！唔會再來！

11/1/2008星期五，七時多來到綠楊坊。人很多很多。拿了二人的票，要等三十多張票。結果去逛千色。四十五分鐘回來後，還有五張票。結果多等了三十分鐘。果真是長龍店......八時四十五分入座。實在很餓。想也沒想就點了二人餐。可以兩個人點不同的茶，還是第一次見。我點了龍井，女朋友點了桂花烏龍。龍井很清很香，這8元茶錢，值啊！^^二人套餐包括︰1) 酸辣湯2) 鮮肉小籠包3) 糟溜魚片4) 鎮江小排骨5) 雞火炒飯6) 桂花拉糕7) 豆漿上菜實在太快了。十五分鐘d野食就放晒o係台面。整體上很不錯。酸辣湯細細碗，但係用料足，酸酸辣辣，很醒胃。小籠包皮較厚，但係肉料很鮮，好好味。糟溜魚片酒味很濃，魚片很滑正。鎮江骨都幾香，但係上菜實在太快啦，凍左，無咁好食。仲有十舊鎮江骨，太多了，實在不像二人份量。雞火炒飯，原來係雞肉火腿炒飯。好大碟啊！火腿令到個炒飯好香好香。桂花拉糕，太甜，還有不夠桂花味。豆漿，很香豆味。不錯。但是又有茶，又有豆漿，都唔知飲邊樣好。但係等位等左一個鐘頭有多，餓壞了。所以沒太大胃口，結果食剩了。不錯不錯。有機會要再來試下其他款ge小籠包。

星期四,能得利果汁象皮糖與聰明豆去了荃灣的南翔饅頭店吃晚飯,是聰明豆提議的。我在Open Rice找尋過,知道要等很久,都無辦法啦,她想去。八點四十五分到,門口等的人比我預其中少,但也很慢,二人台一等便等了四十分鐘,聰明豆一遲亦遲到了四十分鐘。都無辦法啦!聰明豆又名遲到大女王。入去了,我鍾意這裏幽暗的環境,裝修都很有格調,但太迫啦!私人空間不足。我們坐了下來,右邊台的情侶都靜了下來,他們也覺太接近了吧。樓下別府好很多。我想這裏的六人台會好一點。飲茶的杯子也很特別,玩了一陣子才明白怎樣用。哈哈!我們叫了小籠包,湯年糕,雞絲粉皮,酸辣湯,蘿蔔絲酥餅。聰明豆說:「小籠包d皮有d硬,年糕一d味都無,其他都OK!」我覺得酸辣湯太少了,小籠包的湯溫OK,不會燙俐,小籠包確實有點硬。我也認為炒年糕可能會好一點。然後叫了薑汁芝麻湯丸和桂花拉糕。薑汁芝麻湯丸太甜啦,聰明豆形容甜到好像用了成塊片糖煲這碗湯一樣......我們寫下了意見「食物不好吃」,雖然是這樣,但這裏的部長看見我們的意見便立即替我們跟進,又叫了櫥房做多籠給我們。我覺得這才是我們香港人的優質服務嘛。好野部長!下次非必要也不會來了。不是因為不

今晚想去綠楊坊試下新野...選了這間比較幽雅既!六點準時進入...叫了兩個龍井, $8, 用個特別有茶隔既杯...又放兩個普通杯...真係要問先知點飲!蟹粉灌湯小籠包- 老公叫既...飲管插係包內...我唔鍾意食呢類既食品, 所以都無食...不過, 我就奇怪點解湯咁熱...點飲? 最後, 老公都係要用隻碗返轉個蒸籠...倒係個碗裡食, 佢\話個皮太硬, 唔好食!酸辣湯, 細細碗, 夠辣夠酸夠熱, 料足, 唔錯!松茸肉絲炒年糕, 松茸味太濃, 太鹹, 年糕好煙韌, 好好食!清炒白菜仔, 合格!碟頭唔大...同霸王山莊一樣, 好似唔貴, 但最後唔夠叫多少少...價錢一樣! 於是臨尾叫兩個甜品, 薑汁芝麻湯丸, 四粒細細粒, 湯夠薑, 湯丸唔多餡! 豌蓉千葉包, 四個, 英文係green bean, 但食落個餡既顏色太綠, 好假, 亦食唔到豆香味, 個皮薄, 但實正, 唔得!其實菜式有待嘗試, 服務環境都唔錯, 不過, 我試既菜式唔太突出!

昨天同同事一起去此餐廳吃!!一共了9個菜色5個甜點1.小籠包-一般,不過不失2.酸辣湯-不錯,好足料3.雞絲粉皮-好味4.辣雞(忘了全名)-不是好辣,酸甜好香口5.炒年糕-OK!爽口~6.火腿津白-好好味~7.上海粗炒-OK!8.蘿蔔絲酥餅-不錯!好香口9.炸饅頭-GOOD甜品:桂花拉糕及寧波薑汁湯丸,酒"讓"丸子及豆沙餡餅都是不錯~都可以一試~服務同埋上菜都好快~我們吃了500元多些內~每人都是100多D...好抵吃~

two girls had dinner on weekday. arrived at 7 oclock. need to wait for about 20 minutes. don't understand why so many people. siu long bun, fish in wine sauce, pork chop noodles, chinese cabbage and deep fried eggwhite. all are ok but not very outstanding. can go again if there are not so many people.

荃灣開了南翔饅頭店，真好，可以近近地去回味上海名店的小籠包了!　來此店長龍是一定的，第一次都等不到位，第二次學精了，六點半就到達，雖然只得半數人到達，就照樣可以入場。先去享受一下寧靜氣氛吧，環境不錯，龍的大機拍下了不錯的照片呢!　每位客人可以從桂花烏龍、西湖龍井、貢品杭菊、南翔茗茶、雲南舊普洱及玫瑰果味茶六款中揀，沖茶器皿夠特別，收茗茶每位$8也算合理呀!食物方面就試了：　鎮江肴肉-這第一道前菜味道很好，店方安排雪凍的碟令肴肉更添滋味，細心值得一讚!　蘿蔔絲酥餅-很香口的一味，不太油膩是它的好處，然而可以做得更鬆化一點。　酸辣湯-細妹嫌太辣，可我覺得不夠刺激呀!　主角-我們要了鮮肉小籠及蝦仁小籠兩款。我很怪，喜歡不太薄皮的小籠包，總覺得要有一定厚度有咬口才好，所以這裡的出品對我口味了。其實吃小籠包至緊要是湯汁多又鮮，南翔做到了，所以大家都讚。又，其實蝦仁味與鮮肉味比，簡單的鮮肉味道單純點，反而更好!　翠玉瓜爆牛肉-翠玉瓜煮得入味，牛肉又炒得嫩口，不是甚麼風味菜式，卻是道稱職小菜。　甜酸魚塊-這味是最弱的，魚肉糊口，甜酸醬杰口難吃，令人失望。　薺菜肉絲炒年糕-年糕又軟又香又糯，加上薺菜增

今日一行三人，一心想一試這間南翔。因為試過多次因等得太久而放棄。七時未夠三十分開始，一等便是一小時。都不要緊，最重要的是「差」！我們叫了一客蟹肉小籠包，風味辣雞，咸肉津白，上海粗炒和蘿蔔絲餅。小籠包出奇怪異地有腥味，風味辣雞一點都不辣，只有死咸，咸得舌頭發痳，加上咸肉津白中的咸肉完全沒有處理過，一般常識都應知道要過水。咸肉咸得要命，吃罷這餐差點要洗腎。上海粗炒全無獲氣，上桌不夠5分鐘已冷，疑用微波爐丁熱。加上聽到鄰桌因干蔥面有臭味要求更換。為了生命安全，還是慎選食店為妙！

見今日早收工，所以黎搵定位，因為平時太太太多人。派飛派到三十幾號，但叫位叫到八號，好癲！我就十六號，都等左好耐。叫了2人套餐$198鮮肉小籠包6粒,第一次食咁薄皮既小籠包咋，好開心呀！湯汁又好味喎，名副其實皮薄餡靚！真係好想去上海試下。雲耳魚片,魚滑但無魚味，黑雲耳係一貫既好味。酸辣湯2碗,唔酸但好辣，所以我無飲晒，食晒d就算。鎮江肴肉，勁好味呀！又係第一次食咁好味既鎮江肴肉，平時食果d比較硬，這裡的則較新鮮軟滑！一定要試！雞火炒飯，好普通既一碟炒飯，不提也罷。可以揀炒年糕架，但男友話最近食得太多炒年糕，所以我被逼吃炒飯..........桂花拉糕4件，這個都係無得頂！英文叫rice cake，睇個名都知煙"un"，煙"un"到黏碟！好味到不得了。我初初仲以為係cheap甜品來的。仲有我唔鍾意既豆漿兩杯，初初個侍應話可以轉橙汁，點知落完單有另一個侍應話唔可以轉，減分。埋單$236.下次一定要試燻蛋！！

曾去過上海豫園的南翔饅頭店多次,3 層也試過. 地下排長龍外賣因好平超抵食,熱辣辣的好似RMB12有一籠十六隻! 第二層貴少少有得坐下來有好似最低消費RMB25位,第三層最低消費RMB50位. 我好肯定的是一分錢一分貨. 因第一層的厚皮好多包豬肉. 第二層差不多皮但有包蟹粉的,嘩!第三層的真係好好味架,皮薄包蟹粉!本人很喜歡食小籠包,金滿庭, 鼎泰豐, 霸王山莊等也食過. 於是得知荃灣綠楊開了南翔饅頭店,見佢排晒長龍,當然要一嚐啦! 可是希望越大失望越大. 因餐牌不多選擇,套餐比較局限,於是我們4人like小籠包叫了二人套餐$198 : 一籠6隻小籠包,兩杯豆漿,兩碗酸辣湯, 一碟鎮江肴肉, 一碟槽酒魚塊,一碟雞火炒飯,一客桂花糕.及散叫: 一籠6隻小籠包$30, 砂鍋津白(沒有砂鍋雲吞雞叫)$50, 一份炸饅頭六隻$15~我叫的是最BASIC的包豬肉小籠包, 噢!皮好厚呀! 可能是本人的要求太高(是皮薄多汁味道好啦!)真係好失望!~食酸辣湯,不夠熱又唔亳無酸辣味!~桂花糕是全糯米沒有桂花味,同平時食的完全唔同,(可能這碟才是上海正宗?),我覺得食緊一舊未沾上芝麻花生的無味的糖不