南翔饅頭店 (已結業)

早幾日先知道原來綠楊坊上面咁多餐廳...晚飯時間, 間間都爆晒要等位, 偏偏緣楊坊既走廊位又窄. 同對面果間餐廳既候座人仕迫到條路水泄不通.等左一個鐘頭之後, 終於有位喇!1. 小籠包百吃不厭. 我地兩個人叫左3籠.2. 薰蛋, 咁大個女第一次食. 蛋黃係半生熟狀, 蛋白有煙薰既味道, 好特別, 好好味.3. 炸小黃魚: 我怕腥, 所以覺得麻麻地. 同埋好多骨.4. 雪菜毛豆百葉: 成碟野都無乜味. 千祈唔好試.5. 菊花茶, 清香好味. 雖然$8位係貴左小小.6. 蟹粉灌湯小籠包: 我一啖都無食, 所以唔知.服務一般咁啦. 有幾個侍應不停咁執枱, 同其中一個佢講話加野, 佢話轉頭, 但隨後不了了之, 當無左件事. 另一個唔係係扮聽唔到定係乜無應我地, 但講真做得侍應就要一眼關七, 話頭醒尾小小, 多d留意周圍d客有咩要求先得. 最終搵左個經理加單. 佢就真係好快手入左機. 雖然係咁, 但為左佢個小籠包, 我都一定會再去!

四月同媽,哥四人去上海旅行時食過,但當時都唔知什麼味道,因為當時太凍了,只知有很多人排隊排長龍.既然今云喺荃灣開舖,一於再去嚐嚐真味道.一坐低先知茶錢每位要8元,好彩今次得2人,要了2人套餐$198.埋單$236.鮮肉小籠包6粒,雲耳魚片1碟,酸辣湯2碗,三鮮炒年糕1碟,桂花拉糕4件.小籠包真係好多肉汁魚片好滑,但唔知乜魚,因冇乜魚味酸辣湯唔覺酸,只覺辣,唔似我飲開嗰啲,飲一啖冇飲炒年糕,有好多料,蝦,筍,火腿,肉絲,菜絲桂林拉糕好香甜,好煙韌可能之前食過野仲未肚餓,所以覺得好飽,食唔哂!!!