南記粉麵 (福苑)

营业中

休息中

一路都有食開藍記但今日突然之間唔想出街上網見到網上外賣平台可以五點前落單就免費送貨。一個小窩春捲米線，一個小鍋豬腩肉米線加大腸， 兩人分 外賣嚟到見到湯底同米線係分開的，幾好幾好唔會將米線浸在湯裏發大林曬，之前食開條春捲好似冇咁短，而家可能啲租有加價，成本縮小春捲又越來越短，但味道就一樣咁好味， 豬腩肉依舊一般份量咁多，非常好吃，但係包辣醬就要加五毫子一包，喜歡食辣的朋友就要加錢去買。喜歡食南記的朋友都係堂食比較好!

尋晚臨瞓前突然好想吃南記。今早送完阿囝返學，search Open Rice，睇到旺角分店最早開，開9:00，即飛奔過來，目的是吃我最愛的春卷。我叫咗春卷魚片酸辣小窩米線($38)，送熱豆漿，另加$21叫咗碟春卷脆粒(9粒)。等咗5分鐘左右就拎得。一如以往，春卷真係好好味！魚片就一般，冇乜鮮味。我叫咗小辣，真係唔太辣，酸味較多。成碗米線整體來說都OK, 唯一美中不足是D酸菜好鬼大舊，冇切咁，食唔落。果碟春卷脆粒好正，炸到脆卜卜，面頭有D椒鹽，好惹味，值得推介！$59食個早餐，跑到上心口，lunch 都可以慳返！後記，好記得以前的南記有冬菜任添，好正！但宜家已經冇呢支歌仔唱了，好懷念！

一點到南記，叫左午市套餐55蚊自選單拼或雙拼揀左必點既招牌春捲～加木耳酸辣米線 南記黎講，招牌春捲係我至愛，食極都唔厭另外餐可配埋西生菜，送豆漿依間環境麻麻地 可能多人 地下有少許垃圾 同埋枱面都唔係太乾淨 只係執咗碗 但冇抹枱如果一兩個人去就好容易搵位 但我地今次七個人去就要比d耐性等大枱 等左15分鐘左右 因為全場只有三張大枱 大部分都係四人枱今次個粉令人大跌眼鏡 唔會再係依間叫酸辣米線啦令人太失望 個湯又唔酸，又唔辣 好似食緊清湯咁但係佢個價錢相比起清湯係貴幾蚊 感覺好唔值 咁淡，…即係逼人要自己落辣醬咁不如下次叫返清湯算另外， 可能唔好彩…今次d酸菜好硬… 全部都係楂… 唯一好處就係木耳有好多 正南記有好多分店，之前喺其他店食酸辣水準都ok今次嘅體驗就真係麻麻

記得從前的「南記粉麵」只會出現在港鐵藍色綫的版圖上，對於居住大西北的筆者來說，想一試南記春卷是多麼艱苦的事。但現在它在旺角開了分店就方便得多了。「南記粉麵」旺角分店是樓上舖來的。餐牌上設有配搭好的超值套餐，但也可以選擇點自選套餐，由自己作出配搭。筆者點了一個自選配搭，麵底是清湯河粉，分別選了招牌春卷和竹笙。也許是太久沒有光顧「南記粉麵」，春卷好像比印象中的那條縮小了，外表也乾巴巴了一點。但還好口感和味道依舊不變，仍是煙韌又帶有微微魚香。另一配搭——竹笙卻有點失望。份量少之餘，味道亦很淡。筆者心想倒不如剛才點餐時只點春卷一項配搭吧。河粉份量是足夠的。而且加了枱面上的辣椒油後，可以在清湯的平淡中增添一份惹味。同場加映筆者母親所點的菜肉雲吞河粉，起初看帳單價錢有疑惑，後來才知道這是屬於特式系列，份量比筆者的自選餐多一倍，難怪價錢也貴一倍了。

冬至前到旺角最後衝剌，洗錢購買聖誕禮物，緊係要搵啲平靚正野食，幫輕一下個荷包🙇🏻‍♀️一落行人橋行前少少，一眼就見到南記個招牌，頓時🤩醒神哂，可以食春卷！第一次食南記，已經唔記得係中環定灣仔，但一定一定係叫佢嘅春卷！！曾幾何時，佢哋嘅春卷係差左嘅，但近幾次食番，又回復水準！牛腩則屬一般水準。湯底叫酸辣，屬最平的一種，比茄湯平成$4，亦係我未試過茄湯的原因之一，雖然係酸辣，但其實酸味比辣味出，感覺譚仔十小辣還會辣一點，推介給不想再選清湯的食客。最後加$7配豆漿，之後全力shopping😊

一個人係旺角, 天氣又凍凍地, 食辣野岩唒, 所以揀左南記西洋菜街唎間分店要上一習樓梯先到南記既酸辣米線係我食過最鐘意既酸辣米線叫左少辣, 唔算辣, 因為要加南記既辣椒醬, 南記既辣椒醬都係我最鐘意既辣椒醬, 亦都買左罐辣椒醬($38)返屋企食少辣湯底真係好少辣, 亦食到肉既甜味, 同少少酸菜既酸味酸辣湯底配料有腐皮, 酸菜, 韭菜, 肉碎肉碎分量其實幾多下, 不過沉唒底辣腩肉同招牌春卷係我覺得一定要食既餸辣腩肉都唔太辣, 唔食得辣既人都應該食到招牌魚肉春卷冇得頂, 唔使講另外加左半份生菜, 雖然係半份, 但份量都唔少, 1人食其實足夠近排轉天氣, 開始乾燥，喉嚨乾涸見新出左羅漢果茶($15), 就加左黎試試太甜, 可能因為羅漢果應該落得幾足料所以苦苦地, 要落多d糖蓋過d苦味自己屋企都有煲黎飲, 所以就覺得唎到既羅漢果茶麻麻地

以前我一直都唔知南記呢間米線店，淨係識譚仔（大鄉里）有一次同細妹去旺角行街，佢話想食南記，因為好耐冇食過。我就問佢係咩黎咁知道左係食米線既，我就陪佢去食啦，又真係幾好食喎！咁今日約左個朋友去旺角行街，我地都諗唔到食咩，佢又話要食清d，咁就又揀左南記啦今次我叫左個春卷酸辣米線，招牌春卷有4條大大條，超好味！！！春卷入面唔係平時食開既料，比較似長版既魚腐，估佢唔到既口感酸辣湯底唔會話好濃味，唔似我平時食開既酸辣米線咁油同埋咸，好味！米線份量都幾多，食哂成碗係勁飽，滿足！

南記 — 招牌春卷、辣豬肉米線（麻辣）$47 + 春卷脆粒 $20/9粒•旺角金魚街最近成了我男友常去的地方，逛街前當然要吃飽才有力氣逛。•1. 招牌春卷、辣豬肉米線（麻辣）$47 👍米線比三哥、譚仔的較幼，軟硬適中，質感得滑。-🤤 湯底有麻辣、花椒味，與三哥的麻辣有點不一樣，較三哥的麻辣10少辣辣一點。不過我也很喜歡這樣的麻辣味🌶。-👍春卷（有4條）果然是招牌，我猜是以魚肉製🤨，很軟滑。-辣豬肉很薄，不過份量就較少，如果可以加多一點點便更好😃。•2. 春卷脆粒 $20/9粒：💯強烈推介給大家。它的賣相雖不討好，但春卷外脆內軟，加上椒鹽，很美味😍。春卷經油炸後更滑更軟，一吃愛上，欲罷不能。-不過只得9 粒，太少😢。•回頭指數：9/10 （春卷脆粒真的很美味😋)

認識南記都有10年時間當時電腦世界重未有而家咁發達都係同事介紹南記就係香港區人堆中已經好出名。以前係中環中 心返工成日Lunch都幫襯南記原因無他既，因為平靚正佢地既辣腩肉同春卷都係小妹既最愛經過多年後，南記分店越開越多對於今日唔再係香港區返工既小妹黎講係件很好的事黎雖然分店多左，但新界西係仍然冇架😣不而家旺角有都好出開旺角整指甲可以選擇下食親愛的南記😋南記既米線彈牙蕃茄湯超香濃辣腩肉又一點肥肉都冇，非常健康。至於春卷就唔駛講永遠都咁無敵!👍👍

南記招牌河真係抵食，不過每次都總係冇位(尤其係中環店)，呢度最麻煩就係要自己揾咗位，然後先至去買嘢食，呢度嘅招牌河真係好抵食㗎，我當時食係下午茶時段，$24元包汽水，招牌河裡面有炸春卷(魚卷)2條、魚蛋2粒、牛丸2粒，河粉非常滑溜，口感真係好似大碌竹沙河粉或者係撻粉，勁正！炸魚卷有好香嘅魚味，白魚蛋Q彈，但好細粒，牛丸算爽脆，但牛味並唔算濃，不過而家南記D麵食加哂價，我諗後期要再喺度補多一篇文先得喇

返工餐餐出去食 成日多肉少菜 仲要貴 有時想食平少少 清淡少少 就一定會黎南記 而黎親南記 招牌春卷就必食既 今次叫左個有營套餐 40蚊有兩餸麵 生菜同豆漿 碟菜都幾大碟 岩晒平時無乜機會食菜既打工仔

跟同事幾個去了南記，但一入到門口就見到有很多人客，怕沒有位置可以坐，所以我們決定買外賣回去吃。我們每人叫一個粉麵，加餸。我覺得南記的粉面份量都算正常，食完都會夠飽。同事叫了清湯，試飲了一口，清清的，味道不會好濃，如果崇尚健康的人，我猜他應該喜歡吃的，因為感覺幾健康，幾清淡。我就有加小小辣油，夠辣又醒胃。南記的魚旦，魚卷，我都幾滿意，有彈性，又夠味，夠香。不用30分鐘我們就已經吃完，整體滿意，價錢合理正常，都算經濟。

好耐無食南記啦😎春卷腩肉米線🍜當然必吃😂亦有為我而設既牛魔王小鍋米線😋牛丸丶牛腩再配肥牛，無敵👍另外，中小學生於任何一間分店，以正價購買粉麵即可免費獲贈大豆漿 或 汽水一杯。🤓

-珍寶米線🍜（酸辣湯底）（$53）招牌春卷，牛丸，魚蛋，魚皮餃，墨魚丸酸辣湯底幾好食，酸酸辣辣岩岩好🤤，仲有酸菜，好開胃，而丸類同招牌春卷都索曬d汁😍十分惹味😘丸類都好好食，彈牙爽口😆-大什錦米線🍜（$47）招牌春卷，牛丸，魚蛋，魚皮餃，墨魚丸😋清湯湯底都不錯啊！招牌春卷真係食極都唔會厭！無得輸😍😍😚-春卷脆粒❤️（$20）最愛春卷☺️，卜卜脆，好好食🤗-大豆漿🥛（$11）-

今日唔知做乜，大家都好鬼肚餓，一於食你啦牛魔王🤤❤️.🥩牛魔王酸辣套餐跟豆漿$56🥩裡面有四粒牛丸、三舊牛腩同幾片肥牛😍牛控🙌🏻🙌🏻🙌🏻好邪惡但又好吸引~米線底幾多下，配料仲多，食完飽到上心口🙈佢既湯底好濃味同夠酸，酸菜好食，不過如果再辣啲就仲正啦❤️.🔥春卷脆粒$20🔥新出既小食！春卷脆脆地，裡面就煙煙韌韌咁，口感幾好😌.🐷辣爽爽大腸$22🐷熱愛個浸唔知點講、少少羶羶地既大腸味🙌🏻話說我係近呢幾年先開始敢食大腸，然後係一試愛上🤣呢款小食唔會好油膩，辣度夠，好香好好食❤️咬下咬下就好快K.O成碟🤘🏻😎🤘🏻.🐟炸魚片頭(8件)$20🐟又係濃味野😂偏鹹，但魚肉幾爽口，唔錯喔😌.食物質素: 🌕🌕🌕🌕🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌕🌕🌑