南記粉麵 (福苑)

营业中

休息中

今次去第2間試炸片頭，俾多次機會南記（上次係觀塘食凍嘅），魚蛋春卷河近乎例食呢款，今次跟餐（唔記得$43~45），跟左炸片頭同豆漿。今次炸片頭熱嘅，但原來極快凍（冷氣唔係好勁，正常），碗麵食到一半已經凍左......所以都係冇下次喇，不過飽就真係幾飽下嘅。

好耐無食南記喇以前既飯堂、經常都食但今日食完覺得味道退步左好多我點左個牛魔王餐有肥牛、牛腩同牛丸牛腩都算入味、牛丸普通、肥牛稍為有啲過熟⋯湯底方面可以揀番茄湯底或者係酸辣湯底我今次試吓佢嘅酸辣湯底酸味非常開胃但係就完全唔覺得辣😂唯有自己再加辣醬份量方面、比我想像中大碗米線份量非常多女仔會食唔晒價錢方面連飲品五十幾蚊還可以接受既價錢～朋友點左一碗清湯既河粉湯底超淡、而且唔熱、只是微暖的確有點失望～

開米線既鋪頭愈來愈多，競爭愈來愈大，點係唔同品牌米線突圍而出，咁一定要有自己過人之處，譚x,雲x就食得多，南記就係第一次，先講選擇，望望餐牌都唔少鍋，咁我就選擇左蕃茄春卷牛腩米線，先講湯底，佢個湯蕃茄味相比其他品牌就弱左，湯膏感覺較重，米線就比較短，比較方便食用，份量黎講女士剛好，男士黎講好似少左d,牛腩方面就真係比較失望，因為佢好硬，要用力先咬得開，下次唔會再配牛腩，但值得一讚就係春卷，首先其他地方無，第二佢個春卷本身好夠味，有種魚肉力芋頭蓉感覺，可以再encore!整體都算合格，如果淨叫春卷米線，希望米線會多d~題外話，電子機自己落單八達通付費加快流程，聽number取餐，但位置取餐比較窄

今日夜晚要返學所以放工之後拿拿臨搵嘢食見到南記就去試下叫左個下午茶餐 雙拼豆漿無咩特別河粉都算軟滑魚腐有D腥丸都ok時間匆忙的話都係一個選擇但比起我愛的譚仔始終有一段距離

今日有同學提議食南記，諗諗下，我真系好耐好耐無食了～ 一講起南記，一定吾會忘記佢既招牌春卷😍 為左重拾南記既味道，揀左旺角呢間分店， 貪佢近學校，食完就番學！我order左佢既招牌牛腩小窩米線，酸辣湯底！ 以餸既份量黎講：2條春卷、牛腩就有4件，而且每一件都系中size，都ok既。而麵既份量：我就岩岩好食曬，可能男仔就吾系好夠啦！ 湯底有酸菜、韮菜、芽菜、腐皮，足料👍🏻味道方面：我好中意佢個酸辣湯底，夠清新，吾系味噌果種，淡淡既酸味，又有d辣，互不搶味，岩曬我呢d吾系好食得辣，但又想要辣味既人😝其次，d牛腩系偏瘦肉果種，岩曬d吾食肥肉既人。牛腩都幾入味，咬左啖，再浸下湯底，食索埋湯底d味，仲正！✨到招牌春卷啦！ 煎得岩岩好，夠鍋氣，咬落去，夠彈牙！😄 如果多一條就好了整體黎講，我好滿意呢碗✨招牌春卷牛腩麵✨ 仲系以前既味道👍🏻

今次真係大鄉里出城，人生第一次食南記。之前聽人講過好食，但都未有機會試，今日心血來潮，決定同朋友去一試。湯底都有好多款，麻辣、蕃茄、酸辣、清湯。酸辣米線配魚蛋、魚腐$35，凍豆漿(細)$6--一款粉麵可以配1或2種餸，如果要牛𦟌、腩肉就要加$3轉或再加$8要半份配料都得。叫左酸辣小辣湯底，酸味重啲冇咩辣味我鐘意而且仲有好多酸菜係入面，另外仲有腐皮、芽菜、韮菜，食得辣可以叫辣啲。餸都算多，唔係係咁易得2粒。魚蛋彈牙，魚腐淋淋地，好食。豆腐正正常常唔會話好甜。下次會再嚟試下其他，招牌春卷好似都唔錯。

在旺角中心shopping完，一抽二褦，還是找個地方休息及食點東西。這分店在旺角中心對面，雖然要行上一層，幸好我腳力仍好😆都算方便☺店舖分開兩部份，一部份主要是點餐及取餐，也有少量座位。另一部份主要是座位。空間算大，枱與枱有足夠距離，令人舒服。今次點了春卷豬腩肉小鍋米線 - 大量的芽菜及酸菜，惹味而開胃，也有韮菜及腐竹，若你不喜歡吃這樣配菜，下單時可以告知店員不加。米線也頗多，食完會很飽。很久以前第一次食，聽見春卷，以為是炸春卷的那種😂豬腩肉又以為是很多肥膏的那種😂南記的春卷及豬腩肉自覺是最好食，暫時找不到代替品😳總括而言，南記是我經常去的食堂，每一次光顧都是能維持到水準，而且是一分錢十分貨👍大碗兼好食😋

兒時住南區阿媽月頭多數去新光飲茶，月尾多數食南記。最常食就係牛丸春卷米同筷子筒隔離一甖冬菜。到中學時候搬咗去新界住就好少再去，近年見佢開始進駐九龍唔使去到香港島有得食牛丸同春卷依舊無變勁好食，牛丸放入口一咬兒時的感覺返晒黎春卷就唔使講啦不過唯一美中不足嘅就係冇咗任嘅冬菜可能佢近年主打做米線，冬菜同米線始終格格不入，傳統嘅河粉麵米粉有冬菜就真係會好好多食完之後買咗一斤牛丸同春卷外賣返屋企同老媽子分享

來到南記一定要試試這裡的魚腐另外下午茶$26元有兩餸麵套餐今天揀了個魚腐墨魚丸河效率相當快，不用兩分鐘魚腐浸在清湯後入口軟淋，墨魚丸彈牙河粉軟滑可口加杯凍檸茶平平地又一餐

平時食得多米線，想轉下食其他湯麵類，我會推介食南記。味道算唔錯，價錢都可以接受。同朋友兩個各叫左個三牛河同招牌魚蛋河，外加幾條招牌春卷。河粉食落好滑，牛腩唔似某d 茶餐廳，用d又老又韌既低成本牛肉扮牛腩，所以食落有牛肉味而且淋淋地，食落幾好味，牛筋都唔會硬過石頭，食落口感岩岩好，不過牛丸味道就普通左少少，整體呢碗三牛河都唔錯。至於碗魚蛋河，魚蛋食落彈牙，唔錯值得推薦。春卷我個人黎講覺得唔好食，只係一舊面粉團連同肉攪埋一齊，食落味道都唔算特別吸引，同我想像中茶樓食到既春卷係兩樣野。呢間南記味道唔差，一到食飯時間就排晒長龍，想搵個位都比較難，如果唔介意等位，可以值得一試。

香港食米線嘅餐廳都係好多 想食嘅時候 點都有一間係附近今日我就揀左食春卷牛𦟌小窩米線叫左小辣 都感覺比平時食開唔係好夠辣 酸味重d牛𦟌一如以往 整得好淋 又夠味 正春卷都係南記招牌之一 食極都未會厭👍🏻👍🏻

細細個就開始食南記，以前得2、3間分店，最4、5年就越開越多分店，終於不用過港島才可以吃了！放工約了同事到旺角逛街，買到要買的戰利品已經很累，不想用腦袋去思考吃什麼，我就直接說去食南記😍平日8點半南記坐滿客，等了10分鐘才有位置，我要了彈牙的牛丸米另外再點淨春卷！我有時候也會外賣春卷回家煮，不過還是不及在南記直接吃好～可能是因為還要再配上味噌湯才行朋友也是春卷～但要了番茄湯，據說味道不錯，挺濃郁，旁邊切成條狀的豆卜也很入味下次再試南記推廣的蕃茄湯底

對上一次食南記已經係四月那事姐係成五個月冇食啦😱由於工作上啲安排怪怪的 我被遺棄一天特登係尖沙咀搭車去旺角食呢碗麵😂但有啲失望囉☹️肉碎得好少 湯唔夠味 唔夠酸貢丸同春卷都好好食 不過又係啖味左冇唔同就係辣醬同辣椒油都係勁正你見我落咁多就知😍撈埋之後仲紅過對面個女仔既番茄湯😂

是日同frd子想平食於最就揀左南記😋我揀左麻辣春卷牛腩米線再加雲吞食南記一定要叫春卷啦唔知點解真係好好食成日都會諗起就想食😂雲吞同牛腩不過不失 都係好食嘅而個湯就唔算好辣不過大家都知調味料可以自由發揮所以唔是一個問題☝🏻

今晚去南記開餐， 叫左個腩肉春捲酸辣米線和一杯大豆漿。 由於都晚上 9點幾人唔算多， 都容易揾位，另外，由於我食唔到辣，咁我碗粉叫左少辣， 酸菜湯好惹味，有大量芽菜和韭菜， 腩肉和春捲夠多食得好滿足， 加埋一杯夠凍但唔太甜既豆漿，就非常滿足了。