博多拉麵別天神 (已結業)

嚟到北角，心血來潮想食拉麵．諗起別天神!一入門口有部機自助點餐，揀咗櫻花蝦拉麵．白雞湯湯底是我至愛，食拉麵一定要連埋呢個湯底一齊飲。拉麵仲配有流心溫泉蛋．紫菜．叉燒，麵質就是我喜歡的，唔會好淋身，味道同日本吃的差不多。湯底好香濃，因為本身喜歡辣，再跟著枱上指引 加了辣味芽菜同蒜蓉，嘩...味道更香更好食。餃子即煎，包著滿滿的菜肉，好香口多汁👍🏻Lunch時間餐廳內坐滿人，拉麵店牆上佈滿香港人字句，為大家加油💪🏻

筆者唔係「拉麵控」，但第一次食別天神拉麵就愛上了☺️我叫左招牌豬骨湯叉燒拉麵，賣相非常好，個湯底用左好多優質豬骨淆製而成，沒有任何奶製成份，但濃郁得好似飲緊牛奶咁🥰麵質係幼身彈牙既，筆者以往好怕拉麵有陣「鹼水味」，但呢個一d都無，配埋入口即溶既糖心蛋，係寒冬下一個人食，特別有溫暖同滿足感😋自製芝麻醬，鍾意辣既可以落埋七味粉，不過我就鍾意原汁原味😋牆上重有好多食客留低既打氣字句，係好有人情味既小店，香港人加油！

老公阿仔今晚接我放工去食晚飯，因為他們之前已經去工展會大吃一頓，於是我們就在北角找一間日本店吃。見OpenRice 食評有讚冇彈，於是提議去北角別天神試下呢間拉麵店。到達目的地，原來就在新光戲院對面，整店只有約十個位，當時店內只有一個食客，見老公未到便望下自助機有乜食，種類不多，只有5－6款。不消十分鈡，突然有條長龍排隊買野食，幸好老公終於到達，趕得切買食物。阿仔最喜歡自助機order 食物，但由於太高，對小孩來說有D勉強。坐下不久，先來一客龍蝦沙律＋紫菜，我用紫菜包著沙律吃，幾好味。之後就是餃子，煎得ok, 香口，味道一般！义燒溫泉蛋拉麵，他們話🐷骨湯100%自製，好香，义燒質地軟熟，仲有好多木耳配菜👍🏻之後樱花蝦义燒溫泉蛋拉面，D櫻花蝦應該炒過，好香，將整碗湯也加分，香味倍增佢哋既冰烏龍茶亦好好飲，而且我欣賞他們提供的蒜蓉及辣芽菜，非常惹味，食物質素與配套也不錯，連紙巾也提供tempo 職員亦好細心，見我有小孩子，主動給我們細碗分食物。而家仲有推廣活動送毛巾，不妨試試！

同日本拉麵店一樣，門口位置有自助點餐機，揀好嘢食買埋就可以坐低等食了！點了別天神套餐（$105）及蝦味噌套餐（$115），包括一碗豚骨湯麵、一碗蝦味噌豚骨湯麵同埋2款自選小食，我地揀左小龍蝦蟹子沙律和餃子各一，再加點一罐橙汁味波子汽水（ $15 ）最先上枱係小龍蝦蟹子沙律，以為小小一球，但份量多用料足，用紫菜包着吃入口充滿着小龍蝦和蟹子，很鮮甜！加點小創意用餐廳提供的芽菜包着吃，感覺也不錯！然後新鮮煎起的餃子也上枱了，同平時食的差不多不算驚喜，但稱得上皮薄餡靚！而且熱度夠香香脆脆的很好吃！很快今晚的主角拉麵也到了！店家說湯底用100%的豚骨加純水，用壓力鍋長時間熬制，不含味精或乳製品成份！喝下去真的香濃但不油膩，可以放心飲，而且我食的豚骨拉麵加了很多木耳絲，伴著一起吃令口感大大提升！日本半熟流心蛋，又香又滑，絕對值得推薦！另外，餐廳也提供不同的配料如七味粉、芝麻、芽菜、蒜蓉等，大家可以自己調出喜歡的口味！簡單但是精心設計的一餐！滿足！日本半熟流心蛋，又香又滑，絕對值得推薦！另外，餐廳也提供不同的配料如七味粉、芝麻、芽菜、蒜蓉等，大家可以自己調出喜歡的口味！簡單但是精心設計的一餐！滿足！

聖誕前的忙碌延伸到23號，買完野諗住快手回家執拾，見到呢間拉麵店就諗住簡簡單單食完回家。與日本的連鎖拉麵店一樣，門口有一部自助售票機，不過就只接受電子方式支付，如要用現金，可以按鈴要求店員協助。店內只有一張Bar枱，數個座位，牆上貼滿支持香港的字條。枱面上有胡椒、蒜蓉、七味粉、紅薑、辣芽菜及芝麻，可隨意調較自己喜歡的口味。其中我只嘗了辣芽菜，比坊間的辣一點。店內只有兩款拉麵選擇，豚骨湯或蝦味噌。我們兩人每人揀一款湯麵餐，小食有餃子或小龍蝦蟹子沙律，基本上店內所有食物也點了~XD  沙律打到像球雪糕般，入口非常鮮味。另附上幾塊紫菜，卷著吃又是另一種感覺。餃子煎得剛好，脆口亦有肉汁~來到主菜的拉麵，兩個湯底都很濃，飲出真材實材，我覺得可以用淳厚來形容，同時亦不會咸。食完成餐都完全唔覺得口渴。麵底是幼身拉麵，掛湯力不過不失。叉燒既厚身又腍；流心蛋整個蛋黃也呈膏狀，時間掌握得非常出色。

話說遲吓會去博多旅行，去之前試返個香港版博多拉麵比較下先😂 而且係黃店，要多多支持。同朋友叫咗兩個套餐：蝦味噌豚骨湯麵配小龍蝦蟹子沙律 $115別天神豚骨湯麵配餃子 $105蝦味噌豚骨湯麵有好香嘅蝦味，上面仲有一堆櫻花蝦，配料有粒粒粟米同好多蔥，仲有溏心蛋同叉燒三塊，肉質唔肥。豚骨湯麵奶白色嘅湯底好香濃，麵軟硬適中，夾埋木耳一齊食好有口感。小龍蝦蟹子沙律嘅沙律醬有少少wasabi味又甜甜地唔辣，仲食到好多粒小龍蝦，食落去好清新。包住紫菜食更具風味。餃子皮薄，內餡好juicy，如果再煎香脆啲更佳。店內裝潢有日式拉麵風格，一邊食一邊有日文歌聽。仲有自助售賣機，可以用八達通/信用卡比錢，好方便！

2019年12月6日。北角。晴。呢日放工想食拉麵，於是就嚟拜訪下出名嘅別天神拉麵餐廳喺新光戲院對面，好易搵～落單方法跟足日本有圖有價錢，買咗飛仔再搵位坐低，將啲飛遞畀老闆呢間別天神似乎係由一對母女經營（當係喇～呵呵～），女女負責淥麵，媽媽負責其他嘢兩個都好友善，態度親切～和樂融融～～～等食嘅時候當然要周圍望見到呢個調味教學～調味料一覽～另一邊仲有其他調味料同辣芽菜～～辣芽菜超級無敵好味！食咗成半咁滯！蝦味噌套餐配餃子，$115味噌湯底濃而不膩，再加咗啲蝦乾（唔記得問下咩蝦添），令個湯又加多咗啲鮮味～拉麵亦煮得恰到好處，軟硬適中側邊仲有溏心蛋，下低有叉燒～跟餐餃子有4隻餃子皮煎得香脆，外脆內軟～別天神套餐配小龍蝦蟹子沙律，$105拉麵就係豚骨湯麵，湯底係香濃嘅豬骨湯～奶白色嘅湯，一邊食拉麵一邊勁飲湯～呢款麵嘅叉燒數量會多過蝦味噌拉麵～鍾意食叉燒嘅一定要揀呢款！跟餐小龍蝦蟹子沙律都係好出色嘅小食！！沙律質地滑溜得嚟又會食到龍蝦肉同蟹子嘅嗦嗦口感～夾埋紫菜食就更加食得方便又企理～一場嚟到，當然仲要好好欣賞下幅牆喇～

豚骨湯麵 💰75 8⃣分 豚骨湯底係乳白色，但係味道唔會話好鹹但係又feel到佢既濃郁，所以會飲到上癮。而拉麵軟硬個中和度拿捏得好好，爽口彈牙。拉麵當然唔少得雞蛋同埋叉燒啦！留心雞蛋又軟又滑，叉燒肥瘦適中吸取曬湯既味道 。-蝦味噌豚骨湯麵 💰85 8⃣蝦味濃郁遍佈係拉麵上面，而且湯汁畀起齋豚肉湯更入味！仲可以自己加埋d蒜蓉同辣芽菜調製屬於自己既味道呀！真係好似置身係日本食拉麵咁，聽住日文歌食埋依碗麵，心入面默默地講左句：美味しい！哦伊SHE！-小龍蝦蟹籽沙律💰35 7⃣小龍蝦沙律十級推薦都，包住紫菜一齊食，口感爆晒棚好特別-餃子 💰35 7⃣餃子底超級香脆但內層餃子皮好有咬口，餡料調味味認認真真四舊真係唔夠喉！

真係好好好耐冇食拉麵喇，次次都係食沾麵🤣 呢到嘅選擇唔多，得兩款麵揀，分別係豬骨同蝦湯底，亦可以嗌套餐加啲小食咁😊 除咗湯底之外，兩款麵嘅配料都有少少分別，最重要嘅係蝦湯麵冇溏心蛋食！湯底味道唔錯，佢話佢地嘅豬骨湯淨係用豬骨加水熬製而成😋 兩款湯飲落香濃，容易入口，而且唔會太鹹👍🏽 不過略嫌蝦湯嘅味道唔夠濃，只係有微微嘅蝦香，再濃啲就好啦😛 想個湯好味啲亦難免會落少少味精嘅，所以食完個麵有少少口渴😌 配菜就唔多講啦，冇咩特別，隻蛋如果再流心啲，會更好食😆 豚肉偏瘦，亦偏甜，表面燒過，但唔係好食到燒香味😂麵質唔錯，煮得啱啱好，不過我中意有多啲咬口，下次會叫硬麵😚店內嘅座位唔多，可能要排一陣隊，仲有提提你佢係電子收費架😉▫️豚骨湯麵 $75▪️蝦味噌豚骨湯麵 $85

今晚唔想食得太heavy~所以就諗住簡單食個拉麵。北角呢間分店都幾多人，店鋪細細大約有十個八個位，不過都好快有位。買野食就可以起門口果部機度，用八達通比錢都幾方便。✨拉麵套餐有兩款，分別係豚骨湯同蝦味噌豚骨湯，比就咁散叫多左隻溏心蛋。另外仲配餃子4隻or 小龍蝦蟹籽沙律。✨先黎個跟餐小龍蝦蟹籽沙律，食落啖啖小龍蝦肉，肉質好爽彈～仲有少少 wasabi 味，包埋紫菜食好正✨豚骨湯麵：奶白色既湯底，豚骨味香而不膩，飲落有d 奶味既感覺。拉麵麵質啱啱好，軟硬適中，幾鍾意佢加左勁多蔥，加埋蒜蓉落個湯度食就更加香，溏心蛋都好軟滑。✨叉燒有三大塊，雖然肉質偏瘦，但食落爽口無平時既拉麵咁漏。✨蝦味噌豚骨湯麵：雖然豚骨湯都好正，但個人食開濃味野，更加鍾意蝦湯底。呢個拉麵勁多櫻花蝦🤩個湯蝦味幾濃，呢款配料仲有香甜粟米。✨餃子:皮薄饀靚，外皮有少少脆唔會太熱氣，啱我✨加分位係有tempo 紙巾😆好dum 本啊

作為一個拉麵愛好者，經過到北角這間無論是裝修或是落單的方式也跟日本一樣的拉麵店，當然要支持一下啦！，在晚上大概七點，裏面已經坐滿客人，但是等了兩三分鐘便有位。事不宜遲馬上食評！小龍蝦蟹子沙律這味前菜在日式拉麵店很少見到這類型的沙律，滿滿的龍蝦肉加上秘製的沙律，在用紫菜包住食，出奇地好味！必吃之一！ 95分。餃子每一隻餃子都皮簿肉多，而且煎得非常香脆，不是街邊上隨處可見的餃子可比。80分。豚骨湯面本身想這美團骨拉麵應該沒什麼特別，但奶白色的湯底入口非常香甜，拉麵軟硬適中，又是我最喜歡的幻身拉麵，而且這間店舖的湯底出名不含味精，所以一邊吃一邊飲，口感一流！ 90分。蝦味增豚骨湯麵個人比較喜歡這味拉麵，極多蝦米，令到湯底非常香濃，吃到停不下來！ 95分。

約左個好耐冇見既中同食飯,我話想食日本菜問佢北角嗰頭有咩好食,佢話有間拉麵都幾好味。間舖喺都唔太難搵, 坐低左冇耐就份餃子就黎左,皮薄乾身食落冇乜油膩嘅感覺 ,餃子邊仲要煎到脆脆地,但跟著既蝦味噌拉麵先係重點!麵中間放左少少櫻花蝦乾,唔會令碗麵望落太單調,賣相已經好吸引加上湯底唔油膩,就算飲曬大半碗湯亦唔會覺得口渴或者好滯, 而亦都食得出為咗配合湯底專登揀少d脂肪嘅叉燒，絕對值得一試。

又去搵餐廳懲罰啦！ 銅鑼灣個間次次都排唔到(之前都係)，今日就黎呢間之後又行下一田先~ 蝦味噌套餐配餃子 $115個麵都好好食，蝦味好濃，再配埋辣芽菜同七味分，成件事又唔同左好好食!餃子都煎得好香，不過不失啦～別天神套餐配小龍蝦蟹子沙律 $105呢個呢... 我男人就跟佢建意加左蒜咁，都好香好好味，而個沙律都好好味!可能最近無咩胃口既關係，其實我主力係食芽菜，餃子同沙律，男人就幫我清埋我個大半碗 真係辛苦哂佢啦～

同友人食lunch. 隨便行下就黎左呢度拉面黎講選擇唔算多 不過可以叫套餐部機無得選擇面既硬度，但可以直接同佢講揀左個原味豚肉食下叫完俾完張單好快就有得食！ 不過本身個面係無溏心蛋 要另外加不過呢度最好既係， 加10蚊 面係可以無限添加！ 岩哂大食人士另外叫左個龍蝦沙律 35蚊但份量好少 最後！ ！ 跟佢指示調製隱藏味道真係好好食

聽人講呢間突然好多分店鍾意嚐鮮嘅我當然要試一試不過食過日本嘅拉麵，喺香港食拉麵其實有少少唔公平因為香港點整都無可能好似日本咁好食以香港為標準會公道少少嘅豚骨拉麵+味付玉子x2 $75+$10加咗2隻日本半熟蛋隻蛋好味，我自己好鍾意食半熟蛋蛋汁未凝固嗰陣最好味既有少少流心蛋汁，又有蛋味，質感滑溜隻蛋一定要趁早食，擺得耐會變熟蛋架啦蝦味噌套餐 $115除咗拉麵，仲有小龍蝦蟹籽沙律+餃子蝦味噌拉麵基本上豚骨拉都同蝦味噌拉麵差唔多只係多咗櫻花蝦喺上面呢碗就多咗樓花蝦香味，鍾意蝦嘅不妨試試豚肉都算厚切，唔算好薄咬落肉質都幾軟腍，唔韌唔難咬拉麵都算OK，不過爽口少少彈牙少少會更好湯底好濃郁豚肉湯底味小龍蝦蟹籽沙律都有6塊紫菜，夠包架啦食之前食幾醒胃好香蟹籽味，沙律唔膩每一塊紫菜包少少蟹籽已經好滋味餃子4隻入面豬肉唔多唔少表皮亦唔厚，餃子外形包得唔錯煎一煎幾香口咬落口都有少少肉汁溢出煎完食落唔算油膩牆上仲有好多香港人嘅留言呢間良心食店嚟點都要支持吓嘅！