博多拉麵別天神 (已結業)

天氣轉涼，即刻想食番碗熱騰騰的拉麵，朋友介紹了別天神，佢話呢度個湯底正喎。餐牌上只有兩款拉麵，豬骨湯同蝦味，是晚蝦味已沽清，同朋友都點左拉麵set，比一碗拉麵貴30蚊，但有一個小食，同碗麵有溏心蛋！蛋，勁鍾意食溏心蛋！櫃台上有水同茶自己斟，仲有好多不同調味料，有蒜容，七味粉，芝麻，醬油，拉麵胡椒，另外辣芽菜同酸薑。牆上有掛勾，方便冬天掛外套。枱下亦有掛勾掛袋，不用拎住個袋食。小食亦只有兩款，同朋友一人一樣share食，先黎小龍蝦沙律，入面有啖啖蝦肉，有點像薯仔泥的沙律，小小香草，意外地好味喎。另一樣係餃子，見店員從冰箱中拎出綠色包裝袋的餃子成品，放進煎爐中set timer，個鐘一響就代表煎好了，入面係白菜豬肉，煎得香脆，加小小餃子醋就好好味了。主角豚骨拉麵到了，奶白色的湯底，看下去沒有油膩，不像一般拉麵湯喎。至愛溏心蛋，晶瑩剔透相當吸引，蛋黃綿滑好正呀。叉燒薄切肥膏不多，沒有入口即化的口感，肉味亦不強。麵係白色直身的那種，軟硬適中，挻掛湯，味道口感都不錯。奶白色的湯頭，店家說是用上100%的豬骨熬制的，喝下跟一般拉麵舖的豬骨湯味道不一樣，這裏的較清，一點都不油膩，亦不咸，感覺較合港人

今晚在尖沙咀睇戲，打算先去食飯，醫一醫肚。四周圍走走，見到這間拉麵有5-8人排隊，應該味道不錯。等了15分鐘左右就有位。店內以木做裝修，開放式廚房，可以望著廚師煮麵。牆上衣架，供客人掛外套。這裏可供選擇的菜色不多，拉麵和小食分別有2款。員工會將煮好的食物放在面前的矮木櫃上，食客需自行搬落枱面享用。小龍蝦蟹子沙律外形是一個球體，十分小巧，有紫菜伴碟。沙律的口感滑，蝦味和蟹味濃郁。有原粒龍蝦肉，肉質彈牙，咬起來有鮮味。煎餃子味道正正常常，勝在即叫即煎，所以夠脆，煎到金黃色的。這裏的湯底主打100%用豚骨新鮮餚製，少少一匙湯已嘗到濃厚的豬骨味，不會很肥膩，只有非常少的油脂浮面，咸味適中，加上香蔥，有助提鮮，味道多層次。拉麵煮得剛好，煙煙韌韌，份量多。日式叉燒的肉質嫩滑，肥瘦適中，一碗有2塊。玉子一分為二，流心蛋黃很滑，蛋白有醫油香。

遲收工經過別天神，食個麵飽飽地再上路啦。之前食過，記得係幾好味的。先來了個小龍蝦蟹子沙律，小小一球成個雪糕咁幾得意，食落超鮮甜，又多龍蝦肉，真係想不到一個小小的沙律球都做得咁有心機！ 豬骨濃湯真係冇講錯，濃嘅程度係可以媲美牛奶，而且佢又註明到係冇味精同埋冇奶類製品，可以煮到咁濃滑，真係差啲食完個麵成碗飲晒！豚肉煮得好淋好入味，肥瘦分明，入口之後脂肪同瘦肉被咀嚼後撈埋一齊，嗰種脂肪香同豚肉的肉香交融着，感覺很好。麵方面我也十分滿意，咬下去覺得幾有趙口，而且呢種拉麵係幾掛湯嘅，又有好多海帶絲，混着麵一齊食又爽又軟同時感受。期間仲可以加辣芽菜、七味粉、蒜蓉、芝麻等等入去自己碗麵度，可以按照自己的喜好加入唔同的份量，而我就加左好多芽菜，芽菜少少辣十分之開胃，另外亦都加左少少蒜蓉試吓個味道，而蒜蓉係磨得好細果種，落少少已經充滿蒜香。個蛋十分之吸引！未食時見到那金黃又未熟的蛋黃在蛋白之中盪漾，食落去又好有蛋味，可以用拉麵混着蛋黃一齊食，加點蒜蓉吊吊味，超正！食完仲有靚靚Tempo紙巾以供抺嘴，店舖好細小，牆上掛了一個個的衣架好得意，這些都反映經營的誠意。

我非常愛吃拉麵，遇到好吃的拉麵更會愛不釋手到連湯都喝掉，這家便是其中一家令我把湯乾掉的拉麵店。這家店的座位不多，只容納到十人左右。店家提供的拉麵款式亦只有兩款，實而不華。豚骨湯麵和蝦味噌豚骨湯麵兩款都是採用豚骨湯底，以100%豚骨加清水以壓力煲長時間熬製而成，不添加味精。除了基本的兩款口味外，店家還提供自行添加口味的配方給客人。愛濃味湯底的人士，可加入拉麵汁、蒜蓉和辣芽菜。拉麵汁味道像日本豉油，不宜一次加入太多，慎防過鹹。嗜辣人士，可加入辣芽菜、蒜蓉和七味粉。如湯底選了蝦味噌豚骨湯，則不必加蒜蓉。$105 的別天神套餐包括一碗拉麵和一份餃子或小龍蝦蟹子沙律。豚骨湯麵以純天然豚骨熬製的奶白色豚骨湯底，非常鮮甜。平日最怕吃加了重味精的湯底，吃完整天口渴。這兒的湯底，不加味精，不會令人有口渴感。麵底煮得軟硬適中，切合大眾口味。配料包括有叉燒、半熟蛋、木耳絲、紫菜和蔥。叉燒很軟腍，肉香味甚佳。半熟蛋煮得剛好，蛋黃呈溏心狀態，軟糯度十足。建議可加入少許白芝麻粉進湯底，提昇湯底味道的層次。芝麻盛器內盛著原粒白芝麻，通過攪動上蓋，把原粒白芝麻磨成幼細。加入白芝麻的湯底，味道更香。套餐小食日式餃子以菜

想食有日本風味既拉麵？其實係尖沙咀就有喇… 呢間别天神拉麵店都幾有日本拉麵檔既感覺，都係坐吧枱，可以直接同店員面對面交流。 拉麵既款式唔多，只有豚骨原味同期間限定拉麵，期間限定既好快就冇，所以要食趁早 拉麵既款式唔多，只有豚骨原味同期間限定拉麵，期間限定既好快就冇，所以要食趁早 係等食拉麵既同時亦有留意四處地方，發現店內亦有多處細心服務既加分位，例如 介紹拉麵同有關食法既圖示。 枱下面有勾可以用黎放袋 坐位後方亦有衫架可以掛衣，非常貼心 終於有野食喇！首先係小龍蝦蟹子沙律，沙律都係用蟹肉碎同蝦肉混合而成。沙律冇一般海鮮味咁重，清清地幾開胃。 之後炸餃子幾脆口，配埋餃子汁會有d 酸，就咁食味道都唔錯 係等拉麵出場之前當然要睇睇調味架有d 咩配料同餐廳推介食法喇。有拉麵汁, 芝麻碎, 仲有芽菜, 酸薑同蒜蓉等等。 小弟建議加芝蔴碎同埋上面呢支拉麵胡椒，會令個麵更香味道更有層次 終於到拉麵出場喇! 拉麵本身配料都幾豐富，有拉麵一定要有既糖心蛋，真係好多蛋汁好正！仲有爽口木耳同埋肥瘦分佈均匀既叉燒，叉燒唔太厚身，食起黎淋淋地幾好味。最後麵條幾幼身，幾有咬口，加埋濃湯食感覺還

今日突然好想食拉麵, 好耐無食過啦, 哈哈.... 於是放工就去左紅磡一間拉麵店試下先, 順便食完可以去TST 行街街..Yeah !!一落火車橋右手邊就係啦, 勁方便, 雖然店子少少, 望入去好有日本feel, 哈哈...好似去左日本咁, 只得10個位, 坐bar 枱的, 枱下仲有個鈎比你鈎住個袋, 唔使拎住黎食野勁方便.等左一陣有位啦, 呢到只得2款拉麵, 咁啱仲要其中一款賣哂, 我地只好叫同一款啦, 可以跟餐同散叫, 哈哈...我地緊係跟餐啦, 跟餐其實即係有多個小食, 小食都係得2款, 我地就每款叫一個. 呢到仲教左你點樣可以自製醬料, 同埋仲介紹左佢地既豬骨濃湯係點整TIM. 另外冰水係自助的, 好方便. 而且筷子仲用無漂過的Yeah!! 有得食啦...我唔客氣啦, 首先黎個小龍蝦蟹子沙律, 一開頭望落去無咩特別, 之後我就將佢放落紫菜卷埋一齊食, wao.......估唔到味道原來係咁好食架, 啖啖龍蝦味, 再加埋蟹子既口感, 正.之後再黎個餃子, 餃子皮煎得好香口, 入面仲有好香既肉汁, 不用點醬汁已經好好食.主菜黎啦, 別天神既豚骨湯拉麵 (套餐價$105), 唔好講笑

位於尖沙咀的，是一間純水和100%豚骨造成的拉麵店我和媽媽都是拉麵控，今天星期六回學校polyu shtm影畢業相，拉麵店非常近我學校，所以一試 蝦味噌豚骨湯麵 $85由從吃過一次櫻花蝦後，對櫻花蝦獨有的蝦乾香氣念念不忘。蝦味噌豚骨湯麵以大量櫻花蝦乾，粟米，蔥和一隻糖心蛋而成蝦乾香脆濃烈，糖心蛋滑嫩且蛋味甚濃，做得不錯湯底以豚骨湯為基本，然後加上蝦味噌調製湯底不太重稠豚骨濃厚，稀稠適中。蝦味噌調起豚骨湯的咸鮮，味道不錯。豚骨湯麵$75媽媽點選原味的豚骨拉麵，味道美味得值得推介以100%豚骨以及純水造成的湯底，微稠微黏拍照拍了幾分鐘後，便岀現一層薄膜的骨膠原湯底濃厚剛好，不會太重囗味，也不會太輕，個人超喜歡。拉麵為直身幼麵，吃下的飽足感會較粗麵底由於此湯底較稠濃，直身麵條也可掛上湯汁，非常不錯哦。小龍蝦蟹子沙律　$35小吃不多，只有兩種選擇，那就各來一個吧以 小龍蝦和蟹子製成的小球狀沙律，賣相特別，有點難聚焦呢。紫菜囗味清新微脆，包著軟滑的沙律，嚼下又有蟹子，小龍蝦的爽囗，味道不俗。餃子六隻$35一客六隻的餃子，外皮煙靭，煎到焦脆。豬肉餡料軟腍足味，只是不太飽滿。服務員哥哥只有二位，朋友

喺紅館睇演唱會當然係去尖東搵嘢食先去啦，唔知點解撞啱今日周圍都要排隊⋯當我講周圍嘅意思係連翠華都要排，我哋見到別天神條隊比較短所以就排咗呢間排咗10分鐘左右就有得入去坐啦，但係得一個人整緊廚房嘅嘢，一路冇人來招呼我哋原來係因為另外位同事出咗去攞嘢，我諗我係去倉羅野MENU冇乜太大嘅選擇，我哋兩個嗌咗別天神套餐同埋一碗普通嘅豚骨湯面～～嘢食好快就上到啦（唔怪得佢哋嘅返枱率咁高啦）⋯⋯餃子就係平平無奇食落個面，湯比較淡，冇係街食嘅濃郁感，可能係因為佢話佢係無用任何味精做調味料⋯但原來別天神嘅純粹係佢嘅麵質，真係好過其他坊間嘅拉麵店面又唔lum又唔硬，最犀利嘅地方係有湯嘅味道真係估佢唔到啊，條隊又唔係排得耐，嘢食又好快上到，大家不妨一試

去尖沙咀玩Pokemon Go，係尖東未起步先醫飽個肚，食過附近嘅「勁回味」同「渣哥」兩間舖，所以今次試新野，呢間都係選擇之一。一向覺得拉麵店貴精不貴多，呢間開咁多分店，拉麵能否保持水準呢？當時排緊隊正正有咁憂慮，加上拉麵湯底得豚骨同蝦味噌兩款，睇相覺得唔多吸引。我同男友各自叫了不同嘅湯底，到左店員端上拉麵來，聞一聞兩個湯底，又真係好有豚骨同蝦嘅香味。食拉麵習慣先飲湯再食麵，睇店舖塊牌話，豚骨湯底係利用高壓煲將豚骨和水煲成乳白色，絕無添加奶類品同味精。 飲左我碗蝦味噌湯底，係有濃厚蝦膏精華香味，配上原粒粟米，中和左濃味，碗裏仲有少許蔥碎，食落更香口。至於麵條係超幼身，比一蘭拉麵更幼，似車仔麵厚度，這跟我喜歡的有所出入，不過咬落口又幾爽。(P.S. 落單有request要硬麵質地)好食嘅永遠留待最後先享受。碗裡嘅半熟蛋剛好吸收湯味，食落好和味，至於兩塊叉燒肉唔造作，純粹小鮮肉香味。除左拉麵外，檯上有唔同調味料, 蒜蓉，拉麵汁，七味粉，辣粉， 辣芽菜，芝麻碎，仲教埋點配搭成新湯底，男友跟住整，不斷話好吃！好吃！外表平平無奇，雖不至說內有乾坤，但仍有值得一試嘅感覺。

話說有日趕時間經過依度，既然又唔想去連鎖快餐店，咁不如食碗拉麵啦。環境方面店舖面積比較少，大概可容納12~13人，餐枱全部都是bar 枱形式，面對著開放式廚房，雖然地方細細，但有日本拉麵屋的風味。服務方面一坐下店員便會來點餐，態度十分親切，而餐廳基本上是自助形式，餐具和水都是自助的。食物方面這裡的食物選擇十分簡單，就是豚骨湯麵及期間限定的蝦味噌豚骨拉麵。兩款拉麵都可跟餐，套餐可選餃子或龍蝦沙律。餐牌一版紙搞掂。最後點了別天神套餐跟餃子（$105），不用十分鐘食物便到了，套餐的拉麵即是豚骨湯麵，另外有一隻溏心蛋。拉麵的味道不錯，豚骨味道甚濃，而這裡的麵是幼身的，至於叉燒味道一般。餃子做得不錯，皮薄得來煎得有少少脆價錢方面這裡的價錢和外面的拉麵店差不多，份量不算多，如果比較大食既人未必夠飽，但趕時間的話，這裡絕對是一個好選擇!

蝦味噌湯拉麵有特色湯底喺加左蝦之後非常有鮮味拉麵就普普通通大眾化的叉燒比較薄身，味道不太突出半熟蛋也有一點點過熟，但仍然係好食的蝦沙律亦係呢間拉麵店的特色之一粒粒蝦的沙律一試喜歡，不過份量好少環境整潔，不過就同好多拉麵店一樣，坐得唔太舒服，慣了，拉麵店就是如此。喜歡拉麵的朋友可以一試。

上桌喇！湯頭濃郁香純，不會有偏鹹的問題，也不會有其他地方豚骨拉麵吃久了有騷味或膩的問題，也不會有一層恐怖的浮油，很容易就把湯喝光光。真係要講缺點的話，這裡叉燒很普通。很薄，都是瘦肉。我印象中未食過這麼瘦的叉燒。幸好這次吃到的叉燒未至於又乾又沒水分…..但係我決定，還是把胃多留給其他的拉麵店吧！

去新文華中心附近搵到呢間店，晚飯時間度度都要等位，見到咁岩有人走，就即刻行左過去試左個櫻花蝦豬骨拉麵，幾好味，d湯幾鮮甜，而且有說明教你用d調味料自製唔同口味，個人認為落蒜蓉最好食！友人叫左個豬骨湯麵套餐，多左1隻溏心蛋同4隻餃子，餃子就略嫌淋左少少，普普通通咁。呢間野既style係自坐低，落order再比錢，之後等野食，食完就可以直接走，頭頂有紙巾，水係檯頭自己斟，所有野都係自助咁濟。

已經是第四次來，只是第一次寫食評。會回來因為它們的湯底，實在太鮮甜。今次點了蝦味噌豚骨湯麵。一如既往，一開始先飲湯，也是依舊的鮮甜，喝後完全沒有囗乾的感覺。這碗麵只有兩片叉燒，正常好食，不過比較細片。如果想要蛋可加錢或者轉套餐。而今次我沒有叫套餐。因為佢地d辣芽菜好好食，我食左佢地半樽。辣度比較高一點。（是我最喜歡的辣度）不過d麵比較硬，和之前好似唔同左，質地似竹昇麵，令我對碗麵分數大減。

係工作地點附近新開左呢間細細拉麵店，行過都唔係太覺眼，係同事提起先知。餐廳只設BAR 檯，所以午飯時行過都見到有人龍.....通常有人龍都總有原因，於是，搵左個夜晚去試一入到店，日本籍老闆好有禮貌招呼，一看餐牌，只供應兩款拉麵(豚骨湯或蝦湯(蝦湯時間限定))，可配套餐 (加餃子4隻式龍蝦沙律)。我和友人各自點了不同款拉麵，見到廚師們即叫即煮，上麵時間快；桌上配料亦多，有蒜、芝麻、辣醬。如遇非繁忙時間，老闆好細心用日文(雖然聽唔明，但誠意可加)慢慢解釋各種醬料。上麵後，當然第一啖係試過湯!!!!豚骨湯底 - 好鮮味同濃郁! 比較欣賞係佢唔太肥膩，入口易。蝦湯底 - 好鮮蝦味! 勁鍾意!所以我忍唔住飲曬餃子正常，總體來說都好滿意。唯一係餐廳內標示話湯無味精，但食完(試過兩次)返到屋企都覺得有點口渴...不過都真係幾好食。仲有，餐廳麥茶都好好飲! 自助形式，係BAR檯上自取。各位去食又唔記帶紙巾，記住向上望，因為紙巾係係各位既頭頂，可以拉下會繼續幫襯，以75蚊~90蚊呢個range, 價錢同品質都合理。