博多拉麵別天神 (已結業)

拉麵呢樣野真係好講個人口味！剛好別天神 係我個人喜歡的那種超濃豚骨湯底！周六晚上，排隊人龍可以話有增無減！店面大概只有10個座位左右。博多別天神拉麵口味只得兩款！叫了兩個套餐，兩人前來剛好可以試勻全店出品。套餐：煎餃子共4隻，算是正常拉麵店食到的水平。套餐：小龍蝦蟹子沙律適量小龍蝦沙律包住紫菜一啖放入口食，滋味無窮！絕對是開胃前菜！別天神套餐 $105附小龍蝦蟹子沙律/煎餃子豚骨湯麵 是豚骨熬製超濃白湯湯底！幼麵掛湯力強，絕無添加味精，食完完全唔覺口渴。叉燒較平常所見的厚一點，肉質唔乾柴有Q度。蝦味增套餐 $105蝦味增豚骨湯麵 重口味人士必點！櫻花蝦鮮味突出，味增+豚骨無違和感外令整碗拉麵更濃稠，同樣食完都唔會口渴。灑上拉麵胡椒微辛更滋味。

呢排食飯都要望吓地圖，再決定食乜嘢好，喺旺角就可以食拉麵啦！好彩我早到唔使點排隊，睇吓有咩好食先，買咗飛就可以坐低等。別天神套餐豚骨拉麵，呢個拉麵係原味，豚骨濃湯，有兩塊大叉燒，叉燒都幾厚，食落夠腍。糖心蛋係有原整一隻㗎。拉麵夠爽口彈牙，係幼麵，口感唔錯，而且份量足，抵食！套餐可以跟餃子或者沙律，我揀咗餃子，餃子煎得好香，裏面嘅餡料好有肉汁，呢度上餐夠快，餃子夠熱，好味！望返轉頭，我食完走嘅時候條龍已經好長！

食最平75元拉面，湯底真材實料無味精，口感濃厚，惟有點不夠咸。豚肉擁有自己獨家味道，與別店不同，肉量有點小，如果加多幾片就更好了。期待下次光顧，試另一款面。店鋪環境很有日本風味。

今日喺特登去旺角別天神分店食麵面一直都聽聞好多食客嘅好評又知道係一間支持香港人嘅店舖有乜理由唔幫襯吓麵店唔算大 地道拉麵嘅裝潢而我最鍾意蝦味拉麵 朋友就叫咗個原味拉麵試頭啖湯就知龍與鳳好肯定係真豚骨煉製成嘅白湯塊叉燒大大塊又香 加上拉麵必有嘅配料：溏心蛋、木耳絲、紫菜、香蔥、粟米好滿足另外仲有叫到蟹籽沙律同埋餃子首先講吓嗰蟹籽沙律係凍嘅 裡面包裹住好多小龍蝦肉紫菜很脆 味道十分令人難忘而餃子微煎過 點上特製豉油 味道可口 4隻實在覺得唔多總括而言 正！

天氣小小涼吃拉面剛剛好，看見這間層門面很日式的感覺所以試一試。自家製不含味精的濃湯底，先以頭盤開始，叫了一個小龍蝦蟹籽沙律，用紫菜包起來吃，鮮甜味很重，做前菜十分好。之後點了一個別天神套餐和一個蝦味噌套餐，蝦味噌拉面有很多櫻花蝦，第一口嘗了湯，真的比得上日本！而且面質彈牙，掛湯效果不錯，真的回味無窮。豚骨拉麵與櫻花蝦拉面比較口味較淡，但真的感覺無味精以後真材實料！之後點了一款餃子， 味道沒有什麼特別但勝在即點即煎，餃子皮煎得很香口！

🔅🔅🔅拉麵係我噶至愛之一當然對拉麵都有一定噶要求今次又再試試別天神睇睇個水準仲係唔係到先🤔店鋪非常細小大家都係圍著高檯吃約了朋友7點幾到出面已排一條長長的人龍了🔹店鋪只提供兩款拉麵選擇🦐蝦味噌豚骨湯麵🐷豚骨湯麵🔸<蝦味噌套餐> - $115唔知你地又會唔會食之前試左個湯先呢😌個人必定動作😝湯的味道剛好不會太鹹櫻花蝦提升左整個湯的鮮味👍🔹<豚骨湯麵> - $75而豚骨湯味十分濃郁最重要係飲完無口乾-個人就鍾意食爽d彈牙d噶麵哩間剛好符合我噶要求🥰-溏心蛋亦都係個人至愛😍熟度適中👍-而肉偏瘦較適合講究健康噶人🔸<餃子> - $35, 6隻（跟餐4隻）餃子味道普通不太出眾🔹<小龍蝦蟹子沙律> - 單叫$35 （跟餐包括在內）哩個小食值得推薦啖啖小龍蝦肉配上脆脆噶紫菜😋入面有wasabi 食落不會滯但不會搶左個味道👍👍🔸<總結>整體麵食仍維持水準👍餃子有點失望🙍小龍蝦沙律仍有點小驚喜🤗

別天神係日本都有食過，味道幾好，近排返工都幾忙冇機會去日本食，食住香港版頂住檔，個湯底唔錯，味道好濃又唔太張口，流心旦好流心，比另一日本品牌好， 叉燒算滑 好鞋口整體都好正

一個人如果無左夢想，無左魄力，咁同咸魚有咩分別呢？今時今日既香港，真係好多有良心既小店需要去支持，而博多拉麵別天神（旺角店）絕對係其中一間！無論食物，定係店主既用心，都無一個唔支持既理由！絕對岩哂拉麵控去食別天神主打！其實食物種類唔多，唔花巧，但絕對係貴精不貴多！門外仲有電子下單機！因為店面確實唔算大，望落只係得3個員工，但係人流都唔少，果然係實力小店！座位好似日本拉麵店咁樣，人多既時候主張快食，如果唔係外面會好多人等啊！我同我老公試哂小店2款既鎮店之寶，2款拉麵各叫左一款！重點之一:小龍蝦蟹子沙律店主細心提醒，將小龍蝦蟹子沙律包住紫菜黎食紫菜脆卜卜，小龍蝦蟹子沙律好足料，前菜黎講好開胃！之後一定要推介以下呢款蝦味噌套餐如果必定要二揀一既話，我毫不猶豫會揀呢一款！超超超多，係超多櫻花蝦！超級足料啊！所以個湯真係名副其實好重蝦味，好香濃，但又唔會好咸！拉麵份量好夠，而且超彈牙我老公話仲好食過之前去沖繩食既出名拉麵店wor，早知o個時唔需要晨早去排隊另一款別天神拉麵，其實都唔執輸豚肉湯底好香，仲有我最愛既溫泉蛋我相信係用左日本蛋，因為真係特別香好想加蛋呀豚肉好厚，肉質好軟身，但又有肉味，好

好多朋友都向我推薦呢間拉麵店，今次經開旺角附近，終於有機會試一次，果然係聞名不如見面，相當值得推介！Menu有兩款拉麵，拉麵套餐，同埋小食，選擇就貴精不貴多，最緊要整得好食。我選擇咗蝦味噌豚骨拉麵套餐，小食就配餃子。睇住師傅好用心咁整每一碗拉麵，對食物嘅質素同製作過程有絕對嘅信心。蝦味噌豚骨拉麵湯底濃郁鮮甜，面頭再加好多脆脆嘅蝦乾，仲有豚肉、糖心蛋、蔥、紫菜同粟米，好足料，食材都好新鮮好入味。蝦味噌湯底非常入味，拉麵掛湯能力非常好，完全充滿着蝦嘅鮮味。日式餃子煎得好脆，仲配有醬汁，餃子入面都非常足料，真係大滿足呀！呢個就係蝦味增拉麵套餐，真係好滿足呀！到我食完飯之後，門口嘅人龍都係好長，好多人排隊等位。以呢間餐廳嘅質素同價錢，性價比非常之高，真係好值得推薦！以後我再次經過，都一定一定會再幫襯。

別天神拉麵簡直同喺日本拉麵店嘅裝修一模一樣，門口設置自助販賣機，有位之後係販賣機俾錢，之後張飛交俾店員。餐牌只有2款拉麵及同2款小食，我哋兩個人叫咗一個別天神套餐同蝦味噌套餐，小食就share，咁就可以點晒全部食物。別天神套餐($105)套餐包一碗豚骨拉麵，以及1款小食。主角豚骨拉麵湯底保留好香濃嘅豬骨味，但又唔似正宗日本拉麵咁鹹，我覺得有機會調較過合適香港人嘅口味，滿意！而麵條亦都仍然保留煙韌口感，唔會過熟。配料就有流心蛋1隻同日式叉燒。流心蛋熟度啱啱好，正！日式叉燒唔會太肥，亦冇豬肉腥臊味！小龍蝦蟹子沙律（單點$35）份量唔算大，但非常足料。第一啖已經好驚訝，真係食到龍蝦肉，配埋一粒粒蟹子，好有口感！另外附送數塊紫菜可以捲住食。蝦味噌套餐（$115）蝦味增豚骨湯麵加咗味噌同大量櫻花蝦，所以令豚骨湯底更加香濃。我個人比較鍾意呢款湯底。配料同豚骨湯麵非常相似，但會多咗粟米，好味。餃子餃子熱辣辣煎得好香口，入面係白菜豬肉，好日式。最後，大家可以按個人口味或者師傅建議加添配料調制自己鍾意嘅湯底味道。

係香港想食好食嘅拉麵緊係要試下別天神啦😽😽唔單止呢間係有良心小店 而且味道仲好好食😍雖然位置就細左啲 都好多人排隊 不過為左食好野 點都要去排下🤪🤪餐廳係用機嚟落單 最好就準備用子貨幣啦 如果無 要用現金 就要同老細講一講啦🤪小龍蝦蟹子沙律作為前菜 食落好香蟹子同龍蝦味一開始都無咩期望 但估唔到都好出色食落好開胃 仲可以用紫菜包住餃子通常一般日式拉麵店麵會有餃子食😽呢個就不過不失 可以試下 不過如果二揀一緊係要試下蟹子沙律啦🤪豚骨湯麵配料好夠🙈 而且好香濃嘅豬骨湯味 唔會咸到好乾口 而且味道我覺得係岩岩好 而博多拉麵都無令人失望 都做到應有水準 唔會太硬 而且麵條麵夠幼身

『別天神』的品牌名稱，『別』在日文中是『另一個』的意思，而『天神』則是為了紀念我們遠赴日本拜師學麵的『天神拉麵』之前試過尖沙咀嗰間，今日同朋友經過旺角，見到旺角呢間別天神拉麵大排長龍，拉麵癮又忍唔住發作旺角呢間更有日本拉麵鋪特色一路食一路望住師傅煮拉麵真係越等越肚餓櫻花蝦豚骨湯拉麵🍜豚骨湯拉麵旺角同尖沙咀嘅別天神拉麵相比其實兩間嘅質素都差唔多拉麵一樣咁好食當然唔少得個豬骨湯底啦之後我睇返Facebook專頁拉麵既靈魂就是香濃的豚骨湯原來湯底採用歐洲直送的優質豚骨每日係中央工場新鮮淆製湯底再送到各分店豚骨湯的材料亦只有大量的『豬骨』同埋『水』兩種絕不含任何味精、防腐劑或奶類製品唔怪得知咁好食啦

這晚到旺角吃飯，朋友鍾情日式拉麵，於是帶她來這裡吃拉麵。雖然店舖僅供應十餘個座位，但轉檯速度挺快的。客人們吃過麵後都迅速地讓出座位讓等候的食客到內就座。這次點了別天神套餐—豚骨湯麵（配餃子4隻及小龍蝦蟹籽沙律一份）及蝦味噌豚骨湯麵一碗。小龍蝦蟹籽沙律，一如既往的餡料豐富，可以伴旁邊的紫菜夾著吃。日式餃子的皮較薄，小小的一隻很不錯。蝦味噌豚骨湯麵湯底加入了蝦米，當中的蝦油使湯頭變得更濃味，不錯。豚骨湯麵而朋友點的豚骨湯麵，湯頭相對地清淡，朋友跟隨了餐牌上的辣味建議，調製成一碗惹味香辣拉麵，小嚐一口，是挺不錯的！值得一讚的是這裡的麵條煮得剛好，軟硬度適中，保持到其水準！

今日經過旺角，想食拉麵，行過見到呢間鋪頭有條任務，覺得應該唔錯，於是決定一試。呢度主要係買拉麵，呢度有兩款，一款係完美，一般係蝦，我同朋友兩個人就決定一人叫一款，兩種味都是晒，另外仲加咗個龍蝦沙律同餃子，整體來講都好夠飽。鋪頭係自助形式，喺門口撳機買飛，再交單比店員。好有日本風味！拉麵湯底濃郁，但又唔會太鹹，而且仲有好多醬料，俾你加落去，調劑自家嘅個人風味。而且面底適中，我最欣賞嘅係佢嘅糖心蛋，真係做到半熟嘅效果！

早排去完日本 對當地嘅拉麵念念不忘今晚一於食拉麵啦！呢間拉麵店面積唔大門口有部拉麵機 係全自助買完同店員講聲就得 好方便除咗八達通仲可以用信用卡俾錢👍🏻-🦐蝦味噌豚骨湯麵（$85）櫻花蝦新鮮 半熟糖心蛋整得啱啱好 唔會過熟 橙紅色嘅蛋黃勁吸引🤡湯底惹味得黎唔會太油膩 而且比較特別 第二啲地方好少有拉麵係屬於比較幼嗰種 軟硬度啱啱好-🍜別天神套餐（$105）：🐷豚骨湯面豬骨湯底夠晒濃郁 每一啖都係豬骨嘅精華 重點係唔會成層油👍🏻配料有日式叉燒 木耳 蔥 每樣嘅份量都好夠 🥗小龍蝦蟹子沙律呢個有驚喜！細細份嘅沙律小龍蝦肉味道新鮮 配上香脆嘅紫菜建議用紫菜包住嚟食 會好食啲㗎👍🏻🥟餃子拉麵同餃子係老友 梗係要叫埋😆因為開放式廚房 見到廚師即叫即製上枱熱辣辣 外層香脆 裏面肉汁豐富 唔會成口油-最後要讚一讚 佢哋寫到明冇用味精的確 好多時食完拉麵之後都超級口渴 應該係落得太多味精呢度就唔會有呢個問題仲有呢度老闆好窩心 送咗卡套！