博多拉麵別天神 (已結業)

We were wanted to try Sukiya but the queue was too long for me. Then we went to Betsutenjin for ramen. They had a similar setting as what we could find in Japan with the ordering machine at the front of the shop, you order and you pay then you get seated and pass the ticket to the chef. It’s a small place but yet it’s warm and welcoming. I ordered the pork broth ramen and it’s full of umami flavour. The broth was rich and creamy. The charsiew (slices of pork) was what i wanted, not too fatty and

正宗日式拉麵！今日同朋友黎到旺角既別天神，聽講間野黎自日本，果然勁有日本feel，門口擺左部自助售賣機，好似日本咁，買完比飛廚師，全自助點餐，仲可以比八達通信用卡。我地一人叫左一碗拉麵，我叫左最basic既豚骨拉麵，份量勁多，如果食量唔大既人建議可以叫少麵。豬骨湯底勁濃，熱辣辣，一啖麵一啖湯，超正。兩舊叉燒炆得勁淋，好入味，麵都幾彈牙，幾爽口。我仲落左少少胡椒粉，七味粉，令成碗麵更出色。另外仲落左兩滴拉麵汁，鹹左少少，我覺得唔洗落都okay。難得搵到一間非港式拉麵，非公仔面底拉麵，大讚！

見網上食評都幾參差，驚有人話好好食但有啲人話好難食，但唔知係分店問題定師傅問題，小編喺旺角分店食就覺得味道唔錯而且仲好多人幫襯😤勁黃嘅拉麵店💛💛黃店：店內有連儂牆、派防RFID卡套，有參與罷市！之前為香港人打氣，學生半價食拉麵！.餐牌內只有兩款拉麵。👓豚骨湯麵 $75 日本半熟蛋一隻+$10有紫菜、蔥花、木耳絲、兩片叉燒。湯底全由豚骨熬成，註明沒加味精和奶類製品，飲落都出鮮甜豚骨味唔油膩。叉燒厚身似塊厚切午餐肉，但肉質唔粗糙韌係淋，叉燒好食幾出色！半熟蛋做到溏心效果但醬油味重啲會更佳。拉麵偏幼身和煙韌，麵質算特別，掛湯度正常。評分：8/10👓蝦味噌豚骨湯麵 $85灑滿樱花蝦拉麵紅粉菲菲，有紫菜、蔥花、粟米、兩片叉燒。湯底好濃蝦味，因為加左味噌所以好易入口會不自覺想飲哂成碗湯底，但同時因為味噌所以飲完會超頸渴😂好矛盾。同豚骨湯相比它比較濃味，多份蝦香味同鮮甜，鍾意食濃味嘅朋友會比較岩😛評分：8.5/10

為咗幫襯黃色經濟圈而試排咗唔洗2分鐘就有位 入到去超迫過程好似快餐店 唔洗1分鐘就上齊食物本人未食晒 可能出面有人排隊 煮麵男人同鄉音阿姐對話話我地食晒啦 🤬完全受氣同畀人趕走無分別可能老闆係深黃 但我食的過程感覺餐廳係搵錢搵重 員工跑數咁。。。絕對無下次

咁岩行過又肚餓，又咁岩唔駛等位，一入門口有部自助售賣機，賺了票入座比單師傅做麵「蝦味噌套餐配餃子」蝦湯夠濃，不錯，但用了幼拉麵，沒有爽口彈牙感覺叉燒和溫泉蛋好味「豚骨湯麵」湯味夠，另加錢加溫泉蛋

話說小妹今日屋企無煮飯，娘親又早放工，咁我地兩個就決定出街食好西。嚟到旺角見到呢間博多拉麵別天神，門外人頭湧湧，通常食肆多人排就實好食，所以就決定入去試下先。餐牌小妹點咗呢個別天神套餐，套餐已包豚骨拉麵、餃子4隻、仲有小龍蝦蟹子沙律，價錢都幾實惠。講講食物質素先，拉麵湯底濃郁，麵底煙韌，叉燒就肥美，未算係入口即融，糖心蛋嘅蛋黃係流心嘅，總括黎講，拉麵係出色嘅。呢隻餃子應該係啱啱煎起就上碟，皮又薄又脆，𥚃面啲肉汁好多，食完會覺得好滿足。個人建議，4隻餃子其實真係唔夠喉，下次帶埋條仔去食一定要嗌多幾隻。總括嚟講，呢間餐廳嘅拉麵同餃子都頗為出色，小妹決定下次一定要帶條仔黎試。

冬至夜都OT啦，收工都晏啦。同同事去食確拉麵過節！叫套餐過冬至，每人都配一份小食。餃子菜肉餃子皮薄肉靚，唔會煎得過火。別天神套餐 $105湯底非常奶白，但話無落奶嫁。店裏面講明係用豚骨同埋水加壓力煲長時間熬製熬出嚟。完全無味精又唔咸，唔會不停飲水。木耳絲爽口配拉麵彈呀！蝦味噌套餐 $115蝦味噌拉麵湯底有蝦鮮濃味道，比原味濃味道。今次醒啦，我叫依個！配菜有粟米、櫻花蝦、蔥同流心日本蛋。流心蛋橙黃色軟線線，流入口同流入湯。櫻花蝦多多，配蝦油，nice喔！小龍蝦蟹子沙律 配紫菜食似食海膽，有小龍蝦件肉有咬感嫁。而加紫菜就脆。有d芥末味道但唔辣，反而好鮮。

放工去下旺角搵食，搵到間細細間嘅拉麵店。一入去就有自助售賣機去揀野食，仲可以用八達通/信用卡比錢，好方便，我同朋友揀左2個set。先黎朋友個跟餐小龍蝦蟹籽沙律，大家share食，一食就食到大大隻小龍蝦肉，肉質彈牙，再試埋包住紫菜食，有兩種食法。朋友本身鍾意食蝦，所以叫左蝦味噌豚骨湯麵，佢話個湯好濃蝦味，勁正，我都試飲左，真係唔錯，佢話好鍾意有咁多櫻花蝦，另外見到配料仲有粒粒粟米，勁多蔥，溏心蛋同埋叉燒三塊，肉質唔肥，但食落唔鞋。朋友覺得拉麵份量偏多，細食真係會食唔晒。之後到我個豚骨湯麵，見到奶白色嘅湯底，好香濃，湯掛晒上麵，但又唔會太重口味，推薦呀！配上半熟蛋好入味，蛋黃半流，非常不錯。而佢嘅麵軟硬適中，夾埋木耳一齊食好有口感。豚骨湯麵set有配日式餃子，餃子皮薄，內餡好juicy，如果再煎香脆d就good 啦。一邊食一邊有日文歌聽，冬天凍凍地食真係好幸福呀。

天氣越嚟越凍凍冰冰就最想就係食碗熱辣辣嘅麵今日就相約朋友去博多拉麵別天神呢間拉麵已經有好多唔同嘅分店不過我都係第一次食同朋友一人嗌咗一個套餐套餐係會多一個小食同埋半熟蛋別天神套餐 $105別天神套餐係豚骨湯麵豚骨湯底真係好香濃但係係好清嘅豬骨味 完全冇味精味真係好健康你碗麵仲會有木耳 紫菜同埋豚肉豚肉肥瘦適中呢度嘅麵係幼麵 食落幾彈牙小食揀咗餃子餃子有四隻 唔會乾爭爭蝦味噌套餐 $115呢個湯底都係豚骨但係就加咗啲櫻花蝦所以食落比豚骨湯底更加濃啲同咸啲呢款湯麵就配咗櫻花蝦 豚肉 紫菜 粟米同埋半熟蛋試埋另一款小食小龍蝦蟹子沙律呢款沙律真係第一次食用紫菜包住啲沙律紫菜又夠脆入面嘅沙律整得好好食 龍蝦味蟹子味好香另外仲落咗少少Wasabi粒令到成個口感好豐富

有日同同事講起🍜係香港唔知有咩拉麵店可以食到日本啲細面佢推薦左我呢間別天神🇯🇵所以收工飛過黎，黎到都差唔多係七點半左右👍🏻已經排曬長龍，大概等個15～20分鐘左右就到喇排隊個陣可以睇定要食咩先 👇🏼可惜見唔到有荀片目測大概有十二個位不過大家都好好食完即閃所以都唔係話要等好耐👌🔥🔥🔥別天神套餐$1️⃣0️⃣5️⃣🔥🔥🔥👇🏼小龍蝦蟹子沙律師傅話要包住紫菜食，蟹籽又脆卜卜成個沙律加埋紫菜係好融洽❤️餃子🥟🥟🥟🥟煎餃子菜同肉加起黎比例岩岩好 好香因為跟餐所以得四粒個人認為都好夠食🥟❤️豚骨湯面🐷附溏心蛋🥚首先想講下佢個湯底🐷飲落好creamy好香滑有淡淡既奶香味最後我雖然食唔曬啲面但我飲曬湯，實在太美味啦！🔥我飲曬個湯🍜另外想講一講嗰個細麵我個人真係好唔鍾意食啲軟身嘅麵呢個麵佢係比較細同埋口感比較結實少少個麵會比較容易吸收湯嘅精華🤤一飲個湯一路諗，點解可以咁奶香味會唔會落左牛奶，點知比我睇到佢地有解釋相信呢個問題飲過個湯既人都有既疑問🤔❤️蝦味噌豚骨湯麵🍜🦐🦐🦐🦐🦐好多櫻花蝦🦐🦐🦐🦐P.S. 實在係太正🔥鐘意拉麵既你都一定要食下呢個豚骨拉麵

放工喺旺角買完野之後當然要醫埋肚，經過依間鋪見到平日都竟然要排咁長龍，好奇望一望原來係食拉麵！望入去全部都係吧枱，地方唔大，開放式廚房咁，好有日本嘅味道，都幾吸引，所以都排隊試下不過其實都唔需要排好耐嘅，差唔多排到嘅時候仲可以係門口自助點餐，一坐低就好快有得食，方便快捷！嘢食嘅選擇唔多，同朋友分別叫咗別天神套餐同蝦味噌套餐。朋友叫左別天神套餐包左呢個豚骨拉麵，一放低見到奶白色嘅豬骨湯就覺得好吸引既刻偷黎飲啖先，味道好濃，唔錯！至於我依個蝦味噲豚骨拉麵我覺得係更吸引！湯底一飲已經飲到蝦味，而且有勁多櫻花蝦，另外有成隻蛋都好爽！煮得岩岩好流心，醬油味都好出。拉麵方面依間好幼身，麵底偏軟，幾岩我口味。小食方面都有驚喜！個小龍蝦沙律食落有淡淡嘅Wasabi味，而且好足料好多龍蝦肉係入面，夾紫菜食好好味。餃子方面味道冇乜特別但煎得啱啱好所以外皮香脆得黎又唔太窿，不錯！總括嚟講呢間真係冇令我失望，難怪有咁多人排隊

正所謂好野唔怕人讚，一如既往地人龍頗長，排左１５—２０分鍾先入到而坐位都似日式拉麵店咁，會比較逼，呢點係到講左先我地分別嗌左豚骨湯麵同蝦味噌豚骨湯麵豚骨湯麵係濃濃既豬骨白湯，入口就知質感夠厚，用麵掛湯食會一流但由於只係純豬骨同水，冇加其他味精，所以老實講唔算有層次到後期飲得太多會有Ｄ悶，建議可以自已再加調味我最後都加左七味粉同白胡椒，層次出返黎，正蝦味噌豚骨湯麵就更似係完整版既豬骨白湯豚骨湯做湯頭，再有蝦味噌調味，兩隻字：出色而蝦味噌豚骨湯麵只係貴＄１０，建議直接試呢個拉麵麵質彈牙可以沾到湯，叉燒都夠惹味，整體出色不過配料例如半熟蛋就要額外自己加結果第一次食冇留意，試唔到蛋，呢點比較可惜或者下次試套餐會有更好體驗味道好食，而抵唔抵食就見仁見至對於黃色經濟圈既店鋪，個人而言價錢上我會手鬆Ｄ，比較樂意去嘗試

I Don't Believe It十點都未食飯只為了一個沒有開完的會議以為這次我可以承受著肚餓而去不必讓妳知道卻餓著自己一個人走在傍晚十點的旺角City找著食店就像黑夜一樣的來臨I ate Myself又整夜追逐未關的店而終於找到博多拉麵怎麼才能讓我告訴妳我食咩麵，用電腦自助加八達通就攪掂味噌豚骨湯拉麵 加四餃子是我自己正確的決定蝦味噌套餐  百一五蚊老闆做接待兼廚房真係用心我又真心告訴妳 麵好好食是我自己推介的拉麵

今天與友人在旺角買相機配件，購買完戰利品後，就在以前的行人專用區走走，然後走到一條小巷旁，發現人龍長長的一家小店，於是好奇過去看看。場內長長一排坐位，以自助方式購票，先付費然後等候位置就可以入座。自小娘親就教導，一間餐廳門口大排長龍，必定好食，所以就決定和友人試試。餐牌內其實只有2款拉麵，1款是豚骨湯麵，而另1款則是蝦味噌豚骨湯麵，所以我和友人分別叫了這2款。套餐及單點的分別在於套餐多了1隻味玉及1款小食，當然價錢亦相對較貴。🌌蝦味噌套餐 $115🌌大量櫻花蝦及蔥花灑滿湯上，香味飄出，味玉色澤亦不錯，有少許流心的感覺，先喝一口湯底，特濃的蝦香味及豚骨的甜味，估計湯底花了一段時間來淆製，然後夾起拉麵放進口內，麵的韌度剛好，不會太過腍，而味玉則是流心，蛋黃香味突出，最後是豚肉，它的厚度大概是2層午餐肉，但肉質並不粗糙，算是腍但豚味不太強烈，整體不錯。✨別天神套餐 $105✨我的朋友選的是豚骨湯麵，這個湯底相對蝦味噌湯底比較淡味，少了那份蝦香濃郁的味道及粟米，但能夠吃到豚骨湯底原本的鮮甜味，兩款湯底都很美味。🎇餃子🎇由於我們選的都是套餐，所以每人再選了一款小食然後再Share，餃子算是普普通

黎到旺角梗係去食下黃店！今次就去左間好出名嘅黃店—傅多拉麵別天神。一入到去就已經見到小型連儂牆，大家都寫左好多打氣字句💛餐廳嘅環境好似傳統日本拉麵店咁，喺門口就有一部機俾你點餐，之後就可以望住個廚師整嘢食啦～價錢對於日本餐廳黎講算係中價，但旺角黎計都偏貴。我地由廚師手中攞我地嘅拉麵，碗麵仲熱辣辣。拉麵嘅麵質超彈牙，而湯亦都好濃郁，唔好睇碗湯好白咁，其實佢並無用任何嘅味精，全部都係用豬骨用壓力煲熬出黎，真係非常細心！而我都好鐘意廚師推介，可以教我地點樣食到最好食嘅一啖拉麵，好貼心。整體黎講，係黃店已經大大加分，再加上味道唔錯，真係值得一去，價錢係貴少少，但可以當手支持下黃色經濟圈！