友利坊 x 友利冰室 x 勿當奴 (已結業)

返學成日經過始創中心既【友利坊 x 友利冰室 x 勿當奴】，見好多人排隊、成日趕時間就無去試。今次同fd得閑，就去左食個lunch。餐廳有少少似快餐店，要先點餐俾錢再入座，而大部分食材都係外國進口。裏面位置都算寬敞，不過客人都好多。 乳豬卡邦尼意粉：見好多人都叫而且推薦，所以就叫左。有三舊乳豬，皮脆肉嫩，好juicy，又無咩肥膏。卡邦尼意粉好creamy，意粉既分量、蘑菇煙肉都算多。 Wasabi唐揚炸鷄漢堡配薯條：薯條同炸鷄都係新鮮炸起。薯條非常好食，外脆内軟。Wasabi醬唔會太辣、但可以抵消炸物既油膩感，而唐揚炸鷄非常juicy同肉非常厚。推薦 椒鹽炸燒賣：椒鹽好惹味、再加左D蒜粒。而且有6粒，價錢都ok。 蘋果伯爵茶：唔會好甜、蘋果味道好香 檸檬伯爵茶：檸檬唔會太重，但好香

到始創逛街，看見這間餐廳非常有特色。餐廳佈置非常特別，以麥當勞的人物為背景加以創作，牆上壁畫搞鬼有趣。還有很多玩味的字句，充滿藝術感。最有趣的是餐牌！餐牌上有很多款式供選擇，有中式的，還有西式的。我喜愛吃西餐而老公喜愛吃中餐，這個配搭就最啱我們這些有「選擇困難症」的人了！老公點了古法雙冬羊腩煲套餐。內有羊架、羊腩、冬筍、枝竹和馬蹄。跟餐還有一碟唐生菜、一大碗白飯和一杯飲品。羊架和羊腩炆得很腍，其他配菜亦相當入味。我當然是叫西餐啦！我點了一份「一人威靈頓紐西蘭草飼牛柳配秘製密椒汁」。酥皮很鬆脆，內有碎磨菇，牛柳煎得剛剛好，很Juice，加上秘製的醬汁，伴着酥皮一同吃，非常好味，伴碟的蔬菜沙律亦很新鮮。我們還額外點了酥炸餃子作餐前小食。餃子炸得酥脆，內裏的肉很入味，配上醬汁，十分可口。這間餐廳的裝修堪稱玩味十足，令人難忘，還有那中西合璧的餸菜，相信下次來可以再選擇另外一種食品。離開時，發現此餐廳的食物有急凍包賣呢！都幾特別！

呢間係我第N次造訪我最鍾意嘅冰室，呢間跟一般嘅茶記或冰室有著明顯不同之處。呢間冰室嘅菜式融合左創意，每一道菜都展現左佢哋用心製作嘅精神，每一次嚟幫襯都能帶比我驚喜。今次我哋就食二人套餐，揀左中式牛柳和泰式豬手。仲有住家味道嘅「紅蘿蔔合掌瓜粟米湯」湯底清澈，口感順滑，融合了紅蘿蔔的甜味和合掌瓜、粟米的鮮甜❤️呢餐嘅特色將中式、泰式和日式菜餚集於一堂每道菜都展現了高水準。中式牛柳嫩滑的牛柳片搭配著酸甜醬汁，呢種絕妙嘅平衡令人回味無窮！泰式豬手用滷水滷得非常入味嘅豬手，完全感受到其軟嫩程度更令人驚喜嘅係，豬皮滷得好夠時間，帶著Q彈嘅口感，每一啖都充滿彈牙嘅飽滿感，讓膠質感係口裡面爆發，勁正辣酒煮蜆呈現了日式烹飪嘅精髓。蜆肉新鮮嫩滑，每隻都好飽滿，味道辣辣哋，入口鮮美無窮

今年中秋公司喺呢間餐廳叫左到會，令我對到會徹底改觀，原來到會都可以新鮮熱辣，乳豬仲keep到脆卜卜好好食🤩今日同男友嚟咗始創睇傢俬發現到呢間餐廳就直接拉左佢入去😆二人套餐❤️青紅蘿蔔燉湯好足料👍 飲落完全唔味精，好有媽媽的味道☺️❤️招牌爆谷燒鵝即叫即燒真係唔同啲！皮好脆，食落真係有爆谷嘅甜味😱 好特別😂肉質都算嫩滑，幾好食！😋❤️中式牛柳呢個係我食中菜必點😍牛柳用左紐西蘭草飼牛柳👍 夠淋滑，醬汁濃稠度啱啱好，送飯超正🤤❤️泰式咖喱軟殼蟹個餐包兩個小菜同一碟油菜，呢個係另外加$88既～咖喱好香濃稠身，軟殼蟹香脆，好好送飯🫢下次想試下焗豬，因為平時都中意食，加上見佢係用日本珍珠米搭配美國豬扒，感覺用料唔錯👍希望我呢個中菜小炒迷下次唔會又比小炒吸引咗😆

一行人黎到友利冰室食LUNCH，呢到既形式係先係門口比錢叫野食，然後先入去等職員帶位。下午時間很多人，但好好彩都即刻有位坐。我就叫左個日式咖喱吉列豚肉日本蛋包飯 $72，唔洗等好耐就上菜，一見到就覺得賣相好靚，吉列豚肉都炸得好好，食落爽脆肉質鮮嫩，碟邊仲有沙律菜可以消除油膩感👍🏻咖哩就係日式甜咖哩，甜甜地好易入口一啲都唔辣。成碟份量都好多，相信男人都會食得飽👍🏻朋友就叫左沙嗲和牛牛肉出前一丁配炒蛋及多士 $62，不過朋友話驚食太飽就走左多士🤣睇落都幾吸引，下次都試下先~

由焗意粉, 牛丼, 漢堡包都令人諗起3間香港既連鎖快餐店係門口買完飛自己拎野飲再入座, 原來餐廳轉角好非常寬敞吉牛丼(配日本溫泉蛋)份量超多, 成年男人食差D都食唔晒溫泉蛋流心狀態超完美洋蔥煮得超淋, 味道甜甜的仲帶牛味芝士肉醬意粉茄味非常突出, 帶點酸甜令到成碟意粉唔會太漏意粉仲跟隻溫泉蛋, 食起上黎更加滑LUR LUR蘋果伯爵茶甜中帶清香醇和,帶淡淡茶香羅漢果茶剩係睇色都知道非常足料, 羅漢果可以潤肺、化痰非常適合入秋既天氣飲最後甜品加十蚊就可以食到森永雞蛋布丁/森永牛奶布丁有種細個食兒童餐既感覺, 童年回憶番晒黎布丁兩款味都特別濃厚, 細膩順滑

呢間餐廳唔單止係港式冰室，裝潢有香港特色，連啲菜式都好fusion 👫經典西式二人餐 $218 (扒餐x1、意粉x1、飲品x2)🍖慢煮八小時炭火燒牛半肋骨配雜菌燒肉汁都幾大份，牛肋骨每啖都有少少肥肉同筋膜位，個汁係牛肝菌味🍄係有啲咬口，建議切細舊d咁食，另外仲有薯蓉同胡麻醬沙律菜🥗，呢個價錢食到咁多肉肉係抵食💰🍝乳豬卡邦尼意粉(+$10)邊有人諗到乳豬可以配卡邦尼😂，中要配埋中式乳豬醬😙個人覺得無話夾唔夾，最緊要大家都好味🤌🏻乳豬有3嚿，皮夠晒脆🐷意粉creamy味道ok🍝🧀白酒青口焗薯蓉 $68用一個小鐵窩裝住，底係薯蓉🥔，加埋有4隻青口🌊，再喺面加芝士焗🧀，令個面有拉絲芝士嘅感覺😋不過68蚊份量可以再多d🙉🍎富士山蘋果伯爵茶/🍋檸檬伯爵茶唔係間間冰室會有咖啡☕️/茶🍵以外嘅選擇，味道都唔錯，唔會太甜👍🏻Overall餐廳坐位多同闊落💺，價錢相宜💰，味道都唔錯，勝在選擇豐富中西式都有，喺附近想平平哋食個港式西餐嘅不妨一試

友利 x 勿當奴相信香港人都唔陌生。餐廳佈置住搞鬼麥當勞肥叔叔插畫，其實係以老細本人做寫照。以香港本地菜crossover西餐打響名堂。仲有我最愛MCD 嘅期間限定將軍漢堡，呢度365日都有得食！ 對上一次食都好幾個月前。我最愛嘅玫瑰露肥叉 仍然健在，但係燉湯套餐似乎已經壽終正寢。換嚟嘅，竟然係：入秋補身最愛，食完會慶烚烚嘅炆羊腩！ 好過份，竟然拎我最愛嘅羊腩嚟玩！ 但又抵受唔住誘惑叫咗個《基本發腐乳炆羊架 套餐$238 2個主食連嘢飲》嚟試下😣 禾打媽也！ 這是什麼好東西！羊架真係畀啲腐乳炆到入曬味，打完卡之後就算見到啲肥膏稍為凝固，但都入口即溶，唔影響口感。淋埋腐乳汁，點解可以諗到咁樣食！！冬菇馬蹄配菜，完全就係羊腩煲入面不出嚟嗰啲味，竟然仲crossover特濃牛油薯蓉，點解個配搭可以咁無違和感！ 《 香煎封門柳及吉列炸蝦配日式燒肉汁》望落好乾但食落好juicy。牛肉味好濃，配埋燒汁好味。吉列炸蝦有驚喜，唔係普通雪藏炸蝦，炸皮有調過味。同樣配有特濃牛油薯蓉，成碟都極邪惡😣 食完 女子 月巴 口牙牙牙牙

#中西合璧美食巡禮#今日放工經過太子嘅創興廣場，發現呢間幾特別嘅餐廳，佢哋嘅菜式都好有特色，有傳統嘅香港風味，但又加入咗新派嘅元素，得出一種唔同嘅風味。首先，我哋嚟試下佢哋嘅"美國殺飼斧頭豬扒配蘋果黑醋醬"。豬扒嘅質地鬆軟，熱辣辣嘅，配上特製嘅蘋果黑醋醬，酸酸甜甜嘅，好夾！而且，呢道菜嘅份量足，有飽足感。再配上一杯凍奶茶，奶味濃郁，茶味足，簡直係完美嘅組合。第二道菜式就係佢哋嘅"招牌即燒爆谷燒鵝"。燒鵝皮脆，肉嫩，有淡淡嘅香料味，真係好好味。佢哋嘅爆谷燒鵝，就係將鵝肉同爆谷混合煮，獨特嘅口感同味道，令人回味無窮。配上一杯檸檬伯爵茶，清新嘅檸檬味同伯爵茶嘅淡淡嘅花香，真係好解膩。至於小食，佢哋嘅"脆炸粗曲薯條"同"香辣焗雞翼"都有驚喜！薯條外脆內軟，粗曲嘅形狀又增添咗口感。而香辣焗雞翼，則係以特製香辣醬焗至金黄色，雞翼香口又唔過辣，好適合唔太能接受辣味嘅朋友。總括嚟講，"友利冰室x勿當努"係一間值得一試嘅餐廳，無論係主菜定係小食，都能滿足你嘅味蕾。

餐廳牆壁裝修好玩味街頭塗鴉風格又同時感受到香港🇭🇰文化既特色而且菜式中西合拼創出新主意 👍🏻🌟啤酒辣酒煮硯 💰$68好香啤酒🍻味又帶辣辣地既味道愈食愈覺得惹味 😍🌟二人扒餐 💰 $238🌟基本發腐乳西式煎羊架新穎食法 中西合璧既羊架🤣以為羊腩先會配腐乳但羊架意外地同腐乳好夾 👍🏻咁樣又可以遮蓋左羊羶味 🫢🌟慢煮八小時炭火燒牛半肋骨配雜菌燒肉汁肉質🥩顏色呈鮮粉紅比較多筋位置所以會有嚼勁磨菇汁都幾香濃 飲品🌟奶茶 （凍/熱）分別叫左一凍一熱奶茶奶茶底香濃幼滑推介指數：🐻🐻🐻/3粒友利坊 x 友利冰室 x 勿當奴 (太子)📍地址：太子彌敦道750號始創中心地庫B1樓B02-06號舖☎️ 電話：23386766#香港美食#九龍美食 #太子美食 ##啤啤遊食團#假日好去處 #港人推介美食 #相機食先#香港美食打卡 #窮遊美食 #平民遊 #港式 #冰室#茶餐廳 #hkfoodblogger #foodie #hkfoodie #hkig #dinner #hkstyle #852#bearbeareat#bearbeareat太子

太耐冇去食友利坊有啲掛住佢啲新式fusion菜，所以今日一放工就去咗太子始創中心地庫既友利坊食飯。一去到已經排晒長龍等買嘢食，我同我同事分別叫咗兩個餐，一份係香煎封門柳，另一份係爆谷燒鵝配上湯金蒜白菜仔香煎封門柳及吉列炸蝦配日式燒肉汁封門柳肉質淋滑，牛肉香味充足，而且熟度岩岩好，唔會過生或者過熟。吉列炸蝦脆卜卜，唔係一早炸定比你果啲，食得出係即叫即炸，所以呢個餐比其他餐要等耐少少招牌即燒爆谷燒鵝配上湯金蒜白菜仔一上菜果刻離遠都聞到陣爆谷味，估唔到爆谷同燒鵝都幾夾，燒鵝只有小量脂肪，食落口唔會好油膩，岩哂我口味。白菜仔浸係濃郁既上湯入面，令到食肉獸都忍唔住要食返幾條菜

#始創中心#太子#友利冰室x勿當奴 中西合壁 任君選擇❗️好耐無去始創中心😁估唔到地庫變左咁多無哂格仔鋪 但多左間勿當奴勿當奴配搭自由度好大可揀小菜中菜餐湯✅亦可鋸扒西餐意粉🍝港式茶餐又得🤏✨環境仲環好大 坐得好寬敞今次同老公叫左個兩人餐加意粉🍝#三文魚配蜜糖芥末醬三文魚扒表皮煎得好香脆分量比想像中多 配上秘製嘅蜜糖🍯芥茉醬同豐富嘅三文魚油 充滿DHA 魚油🐟#豬扒配蘋果黑醋醬豬扒🐽一上碟望到條骨即時醒神哂😂外表兩邊煎至脆聲咬落卜卜脆 配上肉汁 好juicy🤤佢個醬汁都唔錯 👍🏻酸酸地 開胃#燒日月貝黑松露炒意粉最後就係松露意粉 香濃奶油醬可以再creamy啲 不過好多黑松露醬昇華左個意粉 一上碟就好香✨✨再加左碟油菜🥬去到太子既朋友又可以多個餐廳選擇✅👍🏻#太子#中餐#西餐#扒餐#hkig#hkfoodie#instafood#instadaily#foodporn#foodphotography#旺角#18區#美食推薦

今日係太子附近做運動，所以又係始創中心食嘢，貪呢度位置就腳。第一次試呢間餐廳，估唔到居然有便價西餐食，而且食物質素唔錯👍所以我經常都會黎食。今次叫左2人餐加小食，2人餐價錢198，小食每樣➕8元，價錢都好便，我叫左忌廉薯餅同單骨雞翼，味道正常😌2人餐包左兩個主食同兩支野飲，主食種類繁多，基本上一定啱食。我地就叫左1:秘制冬陰公炒意粉🍝賣相唔錯，海鮮有青口、蜆、魷魚🦑、蝦🦐，調味好適中，冬蔭公味濃郁，夠香辣夠酸，好開胃。加上意粉煮得好好，軟硬適中，我鍾意❤️❤️❤️2:威靈頓紐西蘭草飼牛柳配秘制蜜椒汁外表好好，一啲都唔比西餐廳輸蝕，呢個價錢食到真心意外。上檯都仲係熱辣辣，一切開就已經見到裡面嘅肉好粉嫩，食落口好軟熟，肉汁豐富，加埋酥皮食好正，建議大家要試下😍😍野飲係自家製，我今次揀左花旗參蜜同埋奶茶，兩杯都唔會好甜，味道唔錯，之前試過蘋果伯爵茶都幾好飲。消費價錢：2人214結論：次次做完運動都會食餐廳名稱：友利坊x友利冰室x勿當奴餐廳地址：太子彌敦道750號始創中心地庫B02-06號舖

💛 舖頭喺始創中心地庫，價錢相當相宜😍 選擇又多，燒味中餐西餐都有，諗唔到去邊食，呢度都不妨係一個好選擇😁💛 牆上面嘅壁畫全部都好搶眼搞笑🤣 要喺出邊嗌早餐先搵位坐。💛 我同🐼就叫咗一個 $238 二人扒餐！食物材料大部分由外國入口，例如美國或者紐西蘭😁 可以八選二，我就揀左友利雜扒盛 同 威靈頓紐西蘭草飼牛柳🥩💛 二人餐仲可以有兩杯飲品，除咗有罐裝飲品, 水吧飲品之外，仲有自家製凍飲😍 例如羅漢果茶; 蘋果伯爵茶等~💛 平時都比較少煮飯，所以冇乜機會食菜🙈 見到可以可以再加$38要個上湯金蒜白菜仔，就嗌埋了😁💛 落咗單之後店員會俾個號碼牌你，搵位坐好擺號碼牌喺枱面，店員就會為你送上餐點👍🏼💛 雜扒餐好豐富，有豬扒, 雞扒, 牛扒, 腸仔, 火腿，配黑椒汁😙 雞扒塊皮都煎得好香脆。豬扒就用上美國穀飼豬🐖唔會太乾身。伴碟仲有沙律, 薯蓉, 車厘茄同粟米💛 另外冇諗到二人餐都可以嗌威靈頓牛扒😍 好抵食👍🏼 酥皮同牛柳中間有蘑菇醬，提升左牛柳嘅鮮味。秘製醬汁係蜜椒醬，甜甜的，同牛柳都幾襯，幾開胃~💛 最後白菜仔嘅份量都好多😝 上湯都好飲😂 飲完又唔會口渴👍🏼💛 聽講所有燒味都喺自家工場製作，

可惡呀！難食到癲！初初食啲叉燒係好靚仔，雖然調味感覺有點怪怪哋，不過近Office啲叉燒又幾靚就keep住幫襯但近幾次幫襯真係愈來愈差，到今日已經差到一個我要爆粗嘅地步！激死人！你啲叉燒乾到煲湯瘦肉咁，先唔講調味愈來愈怪同埋今日真係好Q怪好Q難食！仲要啲叉燒係乾到睇得出嘅乾！仲要唔係1、2舊係咁，係差唔多全部都係呀$&@!?！所以香港呢啲咁嘅垃圾餐廳做唔住都係抵死！題外話，收銀個女人真係好黑口黑面，出殯咁嘅樣，係每一次佢都係輸馬輸波乜都輸咁樣子！今日係我唔啱，我唔應該再比多次機會你哋，上次食完又瘦又怪味嘅叉燒我都仲要中個頭埋去，我以後都唔敢㗎喇🙏🏼🙏🏼🙏🏼🙏🏼