友和士多

营业中

休息中

今時今日要喺香港地搵中式糕點都幾難，搵一間好食嘅糕點舖仲難！適逢週末天氣好，就嚟個南港島線遊，點知俾我搵到一間專賣懷舊食品嘅士多，重點係平！靚！正！簡直就係開心大發現！舖頭有好多自家製懷舊糕點：砵仔糕、桂花糕、大菜糕、茶果、紅豆煎餅等，仲有各式各樣嘅餅乾涼果，真係花多眼亂，不過只得一個胃，今次唯有買住幾款試下先！煎堆仔呢個絕對係世界級！老闆娘話每日出爐時間都唔定，今次超級好彩撞啱新鮮出爐，離遠已經聞到勁香，熱辣辣勁鬆化，亦都唔太油膩，紅豆餡綿密，甜度啱啱好，十個讚呀～！買呢個真係講運氣，我企喺度一陣已經成盤俾人掃哂！眉豆花生糕呢款係鹹嘅糕點，第一次食非常有驚喜！本身都鍾意五香粉個種鹹鹹香香嘅味道，呢款糕幾香幾滑，大大粒眉豆同花生，非常足料，值得一試。糯米糍有3款口味，可惜我呢個花生友最愛嘅芝麻花生賣哂⋯今次就買紅豆蓉同蓮蓉，皮薄煙韌，值得一讚d餡唔會做得太甜，細細粒食多幾粒都唔怕，下次一定要試埋花生味。芝麻糕/馬蹄糕本身應該係凍食，不過老闆娘教我可以返屋企整熱或者煎嚟食，幾種食法。芝麻糕好似食緊固體芝麻糊咁，芝麻味幾香；馬蹄糕真係食到一粒粒爽口馬蹄，真材實料，個人覺得好味過酒樓個d。今

今日中午番灼鴨脷洲美食，正餐食飽後想食些甜品糕點，朋友介紹我去友和士多買紅荳香蕉糕，及其他糕點，於是我買了紅荳香蕉糕及桂花糕，紅荳香蕉糕好特別，夠煙靱，可惜唔係我杯茶，試過就算；而桂花糕好香好甜，下次會再試，還有砵仔糕及眉荳糕都好出名，可惜我不是眼闊肚寛的人，亦留待下次再試！

又食好西！$9第一轉買左:桂花糕- 大菜糕口感，有桂花糕，都ok.眉豆茶果-外皮少少qq,加埋少少咸味嘅眉豆，味道幾得意！花生芝麻糯米滋-層皮好夠q,好岩我。但個餡甜左少少。但香花生同芝麻味的！第二轉返去再買，原來$5有兩個糯米滋架。。佢仲有豆沙同蓮蓉餡架！

今日入左西灣河搵朋友食夜晚飯，就決定早D入去鴨脷洲，行下細個住既地方。入到去，物事人非，碰巧看到一間士多賣中式點心，就去光顧一番。伯伯係咁推介我食乜好，不過我最鐘意就係豆沙。買左豆沙餅同埋豆沙香蕉糕髮各兩個。豆沙餅，本身我見到咁大舊，以為佢個餅皮會好好厚，但係一咬，個皮就只有月餅皮咁薄，但係個餡起碼有半個大拇指既長度咁厚，食落都幾甜下，不過我鐘意食豆沙都係因為佢甜姐，加上食到一粒粒紅豆皮，唔錯。之後豆沙香蕉糕，我覺得呢個真係世界級。因為佢放起到我就已經見到入面深紅色既紅豆餡已經透左出黎。加上佢香蕉糕既精油不算太多，好清淡，香味都來自紅豆多，食落去好鬆軟，我仲諗住留番番屋企先食，兩個香蕉糕已經去左我個肚入面

傳統港式小食，好溫馨，全部自家製。買了馬仔，小時最愛美食，做得好香甜，又夠鬆，超市一定搵唔到呢種味道。加個煎堆，$5蚊，豆沙餡做得綿，幼，香！小區小店有人情味，多支持！

係Kiwi Sweets閒坐了片刻，慢嘆完蛋糕，又再踏上趴地之旅了，踱步至早前食友Hero介紹過的友和士多。遠處，已見士多門口擺放了各式各樣的傳統糕點，不少街坊也爭著搶購。行近一看，犀利， 士多出售缽仔糕、豆沙燒餅、糯米糍、煎堆、西米糕、糉、馬仔、迷你月餅、光酥餅、桂花糕、香蕉糕和各式中式糖餅，還有一小包一小包的餅乾，約$5件或包。男女店家捧出一盤盤即製的馬仔、桂花糕，正在忙於以透明膠袋獨立包裝。雖則胃撐肚漲，且還要繼續趴地之旅，然新鮮即製美食當前，豈能錯過﹗小妹和C決定買馬仔、西米糕和南乳餅淺嚐。一包兩件的馬仔$5，又名薩琪瑪，是滿清的食品。馬仔咬下頗為鬆脆可口，不會凌散散的，蜜芽糖膠香甜且帶黏，咬口十足，越好越好味。新鮮就是好味道，實非坊間或超市馬仔可媲美的。小妹素來喜歡煙煙韌韌、具嚼勁之物，像水晶般粒粒晶瑩剔透的西米糕是小妹的寵兒。士多的西米糕$4卻找不到完整西米粒的踪影，口感比較軟腍淡味，外邊咬落更帶點糊口，幸中間較Q彈，配合富豆香的幼滑香甜無渣豆沙餡，味道清淡中見香甜。C一見士多有眾多的餅乾出售，急切追問店家有否南乳餅，最後買了一包有方形、花形和心形的南乳餅$5，頗為抵食﹗小

難得平日放假相約朋友到數碼港睇電影，因為平時較少到南區所以特意提早到鴨脷洲逛逛兼食晏。 一直覺得香港仔、鴨脷洲係漁民聚居嘅地方，有漁船停泊、遊客必到嘅海洋公園、珍寶海鮮舫; 而香港仔謝記、南記魚蛋粉亦都係由細食到大。 不過近幾年南區不斷發展轉型，翻天覆地搭建地鐵、興建豪宅，不久將來必有一番新景。 今日閑逛於鴨脷洲大街上完全感受到一種寧靜小社區內街坊鄰里嘅一種情懷。沒有大型巴士、貨櫃車於街上，只有少量私家車、小型客貨車、小巴等; 而大多數樓房都不高於十層，市區罕有; 更難得係走在街上完全無壓迫感，當中有好多特色懷舊小店，應該已經營好幾代無論外表同貨品都好似停留於某個年代一樣。 首先印象深刻係友和士多， 格局同以前見過嘅一樣，舖門前放有各式各樣糕點，種類之多今時今日確實難得一見 ， 而且大部份都係$5一件， 真係想樣樣都試吓。燒餅排列於一不銹鋼大盤內，每個燒餅差不多有手掌大小，較大件兼厚身但皮薄而豆沙餡適中，喜歡餅表面烘得夠乾身唔油膩，又唔會黐牙，好好味呀。馬仔係我至愛，店員將一盤像小方枱大小嘅馬仔分為兩件一袋售賣。 顏色金黃，食落鬆脆又唔會散開，而糖膠香甜唔太黏口，所以食完再買多兩包俾

難得到鴨脷洲來，當然要四處逛逛。走到鴨脷洲大街來，看到這家賣中式糕點的，甜胃蠢蠢欲動，便買了數件跟千島醬到海傍的風之塔公園野餐。白糖糕甚是鬆軟，入口不酸，甜度剛好，只是我素覺得白糖糕味道較單調，所以試過數口便留給喜歡吃的千島醬。眉豆糕是鹹糕，而且加了五香粉，味道跟鹹肉糭十分相似。千島醬還是喜歡甜糕多一點，我則覺得這個挺特別。豆沙餅，皮有點像月餅的，但較乾身點。中間的豆沙餡亦不油，所以沒月餅般膩，要是油能稍多一點質感應該會更順滑。我很喜歡吃西米糕，但現在外間都不常見。這裡出品軟韌好嚼，豆沙餡跟西米皮比例亦佳，很合心的一款。芝麻糕芝麻不夠重，味道讓人稍為失望，幸而富彈性不難吃。外間有不少店舖的芝麻糕或芝麻卷比這個都要做得好吃。長條型的香蕉糕賣光了，我們便試有豆沙餡捲在內的。香蕉糕柔軟味香甜，跟薄薄一層不過甜的豆沙餡十分合拍，推介之一。所以說，從味道和款式來看，中式糕點不見得要遜色西式。吃了那麼多也不過是$20，實是外頭難覓的划算。雖不是特別美味的一家，但是值得支持的小店，大家去鴨脷洲的話也去瞧瞧。

十月上旬•晴跟拍攝隊來鴨脷州工作，吃午飯選了鹵水鴨的同時，也帶大家試試這邊的中式甜點。白糖糕是最多人選吃的，香甜鬆軟也沒有酸味，新鮮之故。馬蹄糕內的馬蹄是拍的，口感特別脆。我選的是西米糕，微濕帶靭性，加上蓮蓉餡好吃。只幾塊錢的食物，做得有水準，值得支持。

二月下旬‧晴有同事的山水餅是曲奇薈，有的是Mimosa，而我就百分百支持本區小企，就在這裡買幾底中式糕點給大家吃。馬蹄糕是我最喜歡的，質地夠彈性又帶韌性，馬蹄夠爽脆，吃起來涼涼的，很討好。桂花糕也是吃得透心涼的，桂花味很香，也受歡迎。芝麻糕就是濃濃的，又香又甜，像是吃固體的芝麻糊，也不錯。最後是西米糕，黏軟糯口，內裡的豆沙甜美好吃，獨立包裝，吃得方便。吃些中式糕，又美味又健康。這一年，有很多收穫，就如發現了這一顆就算是本區居民也不知道的寶藏。謝謝大家！

之前Michael响電視介紹過呢間嘅嘢食後我就特登走去試下好唔好食~~~~1530一去到,馬蹄糕,西米糕同砵仔糕賣晒,問過老闆最快幾時有,佢話要個半鐘-夜晚8點先有......淨返黑芝麻花生糯米糍,白糖糕同埋茶果最後都埋咗黑芝麻花生糯米糍,白糖糕先講白糖糕,買咗$2.5一個,食落去一啲酸味都無,小甜黑芝麻花生糯米糍,買咗$10五個,食完仲有啲椰絲响我口入面皮都有點兒彈牙食完白糖糕之後,呢間士多嘅白糖糕好食過深水埗果間嘅白糖糕又平又好食

我都喺因為kc兄嘅關係,所以特意嚟到鴨脷洲大街搵食,jul 01, 10,買咗 : 1) 馬蹄糕 (hk$2)-不是彈嘅版本,帶點腍-但當中有馬蹄粒,所以又帶有d爽口-味道是ok的,不過馬蹄味稍遜 2) 西米糕 (hk$2)-好耐都無見過街邊賣西米糕,齋舖還仲見到-佢比較腍,外邊咬落帶點模糊,但中間開始就無咁糊喇-食到有點煙香味-佢嘅豆沙餡就比較流質,唔會食到豆蓉/殼,帶點甜,可以帶起無嘜味嘅西米 3) 砵仔糕 (hk$3)-並不是中間"窩心"嘅外形-腍中帶點彈,不是太甜-也食得過啦,如果可以再多d豆就更好啦 4) 黑芝麻花生糯米糍 (hk$3)-可能沾滿椰絲,所以比較挺身-黑芝麻皮都幾煙韌,唔喺軟腍type-裡面嘅花生碎餡都ok的-另外仲有芒果蓮蓉同豆沙味 5) 眉豆茶果 (hk$2)-茶果小食1貫都喺我嘅杯中茶,但好食嘅茶果唔易搵-我要個皮都帶煙韌,眉豆要有5香粉味-印有大紅花-呢個嘅皮夠煙韌,也頗黏的,有咬口但唔喺叫硬-眉豆有溫溫嘅5香粉味,合我要求-但眉豆味呢個茶果就略嫌個皮厚咗少少-不過我終於可以喺港島區搵到好味嘅眉豆茶果 (元朗有明x茶果,大澳有財x) 6) 豆沙茶果 (h

星期六的1930, 食完晚飯去試吓這友和士多的小食。這是一間小小的舊式士多, 隔鄰是金菠蘿, 唔多起眼, 從來沒有留意，十分佩服KC的細心 . 這裏賣的是懷舊零食, 餅, 糕點等等. 　看完KC的賞味隨筆，我想試吓砵仔糕，糯米滋, 西米糕和馬蹄糕,但已經賣完. 退而求其次，兩個人買咗：眉豆茶果，花生茶果和香蕉糕：咬下去又軟又煙韌，也很黏手。多年無吃，香蕉糕仍是那濃濃的香精味道，吃兩口已覺好漏。眉豆茶果和花生茶果都好多餡，兩者味道不錯，我較喜歡甜的花生茶果。　每件兩蚊, 好抵!一面吃，一面想，茶果嶺和茶果有什麼關係？清未民初年間，茶果嶺因山上長有大量茶果樹因而得名。茶果樹實為學名血桐的植物，因每次蒸茶果時需要大量血桐的樹葉 (註1).註1:《香港歷史文化小百科16－趣談九龍街道》爾東　著，第54-155頁，明報出版社，2004年11月

五月上旬．悶熱又到五月節，是吃糭的時候了。近年也會到處買些糭來試，一日經過鴨脷洲大街，見賣糕點的這裡，也有糭賣，就來湊湊熱鬧。不要看這間小小的店子，賣的糭子種類不少，除了分鹹肉及鹼水，還有紅豆、花生、眉豆的糭。我只對綠豆糭有興趣，這裡也有一只蛋黃及半只蛋黃兩款。當然糭只是一年吃一次，總不成要吃雞肉及鵪鶉蛋包的「健康糭」吧，就要了隻「全黃」的。說是綠豆糭，除了綠豆也有糯米，吃起來鬆化，是好吃的。內裡的肥肉不算很肥，據悉是為了附近居民的健康著想。那如果豬油再豐富一點，糯米及綠豆邊就更香了。12元一只，半只黃的只是9元，絕對的街坊價。而這裡，最出色的反而是各式舊式糕點，請大家也看一看：http://gourmetkc.blogspot.com/2010/05/blog-post_26.html祝大家端午節快樂！