友和日本料理

营业中

休息中

二十多年前，曰本餐廳不像現在那麼成行成市時，灣仔銅鑼灣較出名的曰本料理就是水車屋及友和，前者已不在，但後者就一直屹立至今。它的午市套餐，約一百元便已有很多選擇！今晚不想傷腦筋，便點了鐵板燒套餐。先上蟹籽沙律，這沙律最突出的是青瓜絲，因是曰本温室青瓜的關係，十分爽脆清甜，絕不會有草腥味及粗鞋的感覺。再上刺身，三文魚，吞拿魚，甜蝦及黃尾，都不賴。重頭戲是鐵板海鮮拼盤，有龍蝦，三文魚及魷魚，它只用牛油烹調，故可吃到材料的原味。最鮮味的不用說當然是龍蝦，只需加點檸檬汁便足夠了，鮮嫩彈牙。這裡不只提供沙律醬，更會有自家製XO醬，香辣惹味。併盤更有大量炒雜菜，令晚餐較平衡。跟著便是曰式餃子及大蝦天婦羅上埸，個人較偏愛甜薯及南瓜，大蝦就留給家人！沾天婦羅的汁料，十分正宗，配合蘿蔔蓉同吃，便没那麼熱氣。最後是小鍋烏冬，手打稻庭烏冬，煙韌爽滑，湯頭也清甜。套餐更附送餐飲或雪糕，我們通常都選後者，因這裡的雪糕口味選擇超多有芒果，芝麻，豆腐，綠茶，紅豆等，誰說吃曰本菜不能飽肚？另外，這裡的熟食款式十分多，質素也高，最適合不愛魚生的長輩。這兒設有很多小小的獨立廂房，設有電視，被和紙屏風圍着，私隱度高，也充滿和

由2000年開始幫襯, 曾經極力推介給所有朋友, 但直至2005年開始減少光顧, 原因是食物份量越來越小, 但價格越來越貴, 還有一班不太友善的伙計壽司定食HK$150 得8件下價貨又食唔飽, 魚生也不太新鮮, 仲哀過元X剌身定食HK$150, 以前有原隻鮑魚, 之後得番半隻, 今次直頭冇, 全陪是平價魚生 (三文魚已佔全碟一半), 蝦及帶子海膽休想!!!銀雪魚定食HK$1XX (forget the price) 得番以前2/3 size, 味道還好能保持水準這裡唯一好處是有很多獨立房, 內設TV, 與朋友共聚一流因價錢太貴, 不是物有所籍, 服務係我最不能接受, 相信本人都不會再光顧了

係呢間餐廳用餐已經多年，以前係波斯富街就開始去，嗰晚心思思，又去咗。服務一向都唔錯。環境一般日本餐廳feel。食品前菜豆腐沙律 ~ 即是豆腐加麻醬，豆腐係包裝貨，麻醬適量，上面加左小小紅/黃椒碎。視覺一流，味道不錯。什菜沙律 ~ 蕃茄/菜加沙律汁，一般。刺身左口魚 ~ 幾鮮味，最正係小小厚嗰幾件邊位。赤貝 ~ 夠鮮，爽脆。海膽 ~ 用紫菜加小小飯包住食，冇咁膩，海膽味鮮濃。壽司白蝦仔 ~ 蝦仔味鮮，入口小小"lim",滑，加上一小片柚子皮，利用柚子清香帶起成件壽司。銀雪魚 ~ 係生銀雪魚，開始入口普通，但係"o趙"吓"o趙"吓，魚油開始滲出，魚味逐漸濃厚，正。中size卷 ~ 想食卷物，師傅決定。嘩，入口濃鮮，係用生蟹膏加小小海產同埋青瓜幼絲，以紫菜捲成，好好食。(不過怕蟹膏者唔會鍾意)熱食友和麵 ~ 即係魚湯("魚立"魚湯)拉麵加燒蝦/日式叉燒/日式魚蛋片，鍾意魚湯就好正。泠稻庭烏冬 ~ 烏冬夠滑，入口都夠涷。呢間餐廳除咗套餐/中午時段，二十多年向來都比較貴。但係，佢啲刺身壽司一向係好正(真係好貴)，係度用餐，要食好嘢，要有"大出血"心理準備。

過去大半年，有時間都會去友和歎個中午定飯，必選刺身定，價錢唔貴，料不錯，前菜是和風沙律，十多件刺身再來一碗炒飯，完事後再醒多個甜品你歎，總之食到你飽為止。算唔錯，百多元有交易，有時仲會整間房你坐下傾偈刺身定外，亦試過壽司定，最好揀月中至尾的日子去，壽司質素是頂上頂的肥美吞拿魚，八件壽司件件正，還附送個魚湯，爽燒銀雪魚都唔錯，但要等好耐，同枱人食飽都未有得食不過，近日質素有下降跡象，可能生意又旺起總括，銅鑼灣食店多，想食好嘢又唔想太貴，不妨去試試

上次去完友和，因太好食所以哥哥話想食日本野，第一個地方就諗起我既心水日本餐廳友和!!! 我地明知會食到好飽所以慢慢黎　試多D野先encore。我地除左食上次介紹過既所有魚生外，今次各自重叫左份熱野食。　我媽媽好鍾意飲湯，所以叫左個名好特別既魚奶湯!!! 真係奶白色架，飲落去重好滑。個湯入面有豆腐粒，好清甜。我自己好鍾意胡椒味所以加左胡椒粉，好正!!! 不過媽咪話其實唔洗落胡椒粉都唔會覺得個湯腥。　（因為飲左一半先記得影相，所以相中只有半碗。）　蒜片炒雞腎!!! 細細粒，好香好爽口而且位鹽味唔會太，已被我列入友和必吃list。我地連D蒜片同炸米粉都清埋，你話正唔正呀。依個餸最啱送酒。　雜錦粥：同桌既人多數叫好穩陣既稻庭烏冬，我同媽咪就試個五目雜錦粥。雖然係好多料，但係我同媽咪都覺得好清甜。　甜品我地個個都食柚子sorbet，爸爸話幫助消化所以唔怕食。我地每次黎到都碟碟清，真係開心啦!!!

有人請客，為同行幾位朋友慶祝生日，我地特別早一個星期訂位去佢最欣賞既友和食日本野。我地真係有福啦，魚生剛剛到，見到好多好正既生魚，重睇埋師傅劏魚既刀法。今次影左好多相，但食評內只能挑選其中8張，不過一陣我會喺友和嗰頁post 埋上去。所有野都好新鮮。我地重要食到encore好多樣，重要攬住個肚走添。唔好哂時間，等我續一介紹比大家：　粟米頭盤 (季節性)：必吃1!!! 非常鮮甜爽口，正到我同爸爸唔鍾意食蔬菜既人都食到要encore!!! 。 粟米係切成一片片既（我地鍾意呀，唔洗自己喳住黎咬），可以用筷子夾起，不過要好小心，因好容易跌。　炸三文魚皮：必吃2!!! (sorry唔記得影相）經理推介，好薄，好脆，好夠味，入口重會溶，無人話你知真係好難估到係魚皮。　拖羅壽司：必吃3!!! 條魚剛剛到，師傅劏完我地係頭8個欣賞到既食客 dum dum dum... (dum 幾聲) 食到我地大家都要encore!!!　入口會溶架!!! 温度啱啱好，好鮮甜，係我食過最好食既拖羅!!! 所有拖羅fans真係唔好錯過，一定要黎試下。　金目鯛刺身同八爪魚刺身：我個人係比較喜歡食壽司，可能係因為有飯

好友說這兒很出名，很多藝人都來吃宵夜，而大家的收工時間也越來越像演藝界，於是就來扮扮名人好了。並壽司併盤，八件加三卷的魚生都很新鮮，味道也合格。海鮮烏冬，烏冬是傳統扁扁的那種，卻又說不上很滑，反是那雪白的湯有濃濃的魚味，海鮮也算很豐富。油甘魚西京燒，最大的印象是骨比較多，不過就不很油膩，配上那沙律味道很好。雖然說不上便宜，但食物服務和裝修各方面都很decent，正正經經四平八穩的樣子，但就是欠了點令人感動和吸引的感覺，還是咱們工作得味覺也衰退了?

從收音機知道午市定食會有半價仲要做到 7:00 , 真係點都要試一次明星飯堂 下午打去Book 位, 已經 full 了9 成, 只餘下Bar位, 由於太想食, 於是都confirm了2位 。我們未到6:點已到抵, 客人很小, 我極力要坐卞位, 由於客人未到所以比左間細房我倆, 房內有電視, 自成一角好正…. 我: 油甘魚定食 $85大舊 : 鰻魚飯定食 $75 另外要多個三文魚刺身 $45 先到三文魚刺身: 有5 大片厚切, 鮮甜味美, 淺嘗已滿足了魚生引發作 接著各人的卷物: 三文魚卷: 卷物內有蛋, 蟹柳,青瓜等以三文魚卷作反卷, 合格之作, 但不凸出 主菜鰻魚飯定食, 麵鼓湯先上, 鰻魚燒得甘香, 但皮痴著肉很難分開, 要用好大力先可以分開, 加上香甜的鰻魚汁令到大舊一口一口地幹掉整盒日本飯…… 有點兒那過呢 ! 而我的油甘魚定食也接著上桌, 一眼望見已對板, 厚切油甘魚伴xo 漿配上新鮮沙律, 而我急不及待先試油甘魚, 魚燒得甘香細嫩, 魚味充足, 口內充滿著油甘的魚油….魚生是不能雙提並論的, 每食一口都覺得自已好幸福 …… 接著是沙律, 加上日本漿汁, 酸酸味味中和

早幾日老闆突然間約食晏, 咁啱師傅又冇約人, 所以就赴約; 一行三人, 而地點老板就揀左呢間食店, 師傅從來都未黎過呢間, 所以都幾期待!一坐底發覺地方都幾靚, 都幾有日本嘅感覺; 之後即刻睇下有咩好食啦, 打開餐牌發覺樣樣野食都幾貴, 平均都要成八九十蚊一份, 加上呢度食親嘅都係貴價野, 唔係龍蝦就係鮑魚, 都係唔理咁多, 等老闆發板啦! 最後老闆柯打左個三人前龍蝦餐, 有龍蝦刺身拼盤, 燒雞泡魚肝, 燒帶子, 炒黑豚肉, 鮑魚炒飯同埋一窩粥!先講下個龍蝦刺身拼盤, 拼盤有龍蝦, 三文魚, 甘蝦同埋鮑魚! 龍蝦就幾鮮甜, 肉質爽口, 不過就有少少苦口; 而三文魚切得幾厚, 入口鮮甜, 非常肥美, 幾好; 甘蝦又係非常新鮮, 入口爽口鮮甜, 好味; 而鮑魚起初師傅仲為係生嘅, 試過後先知係熟不過係放喺d冰面上凍食, 鮑魚口感都幾好, 但食唔出有咩好味, 有咩特別? 師傅一向都唔鍾意食刺身, 但呢度嘅刺身都幾好味, 真係唔錯!燒雞泡魚肝就燒得幾香, 幾好味; 燒帶子就燒得幾香, 加上帶子幾鮮, 而肉質爽口, 真係唔錯; 而炒黑豚肉就炒得唔油, 黑豚肉肉質非常鬆身, 入口一d都唔韌, 加埋

今日去左食dinner, 唔得, d 麯勁似公仔面食物凍, 勁求其, 之前食lunch都唔係咁仲要乜都貴, 70蚊個面連味千都不如, 又要等成大半個鐘, 又唔好坐, 服務怪雞態度差, 以後都唔會再去

有日同朋友去友和食晚飯.一入到門口我就話(嘩!咁舊d裝修,得唔得嫁)我朋友話ok嫁d野食!!到我上到去見到好旺先放心ｄ！但是ｄ裝修真是好舊！！我和朋友到壽司檯選食物時個師傅仔問小姐想食咩？我就問這樣好嗎．那樣好嗎？（我都覺得自己好麻煩）但個師傅仔都一直保持好好的笑容！！我望多佢兩眼，佢面都紅！好笑．好Q!!!我到叧一邊看食物時．見到有位師傅口黑面黑，問佢野有唔彩，仲大大聲廣粗口！！態度極差！但ｄ食物好正．．．記得叫日本海膽好正！！！

印象中的友和是貴價菜，但有一天出名慳儉的家母竟然提議來這裡吃午飯，我便估到我的情報已有點過時。甫抵達時我仍有點猶豫到底是否這一間，定還是我聽錯店名，但進去後發覺母親大人已在。我環顧四周，發覺裝修已有點舊，帶點沒落的氣氛，餐牌也只是一般過膠紙，完全沒有一點貴價格調。我隨便叫了個午餐，母親大談發現這裡的經歷，並唯恐我不知這兒以往的風光，不斷細數過往的歷史，我聽到此不禁替此餐廳感到一點唏噓，但回心想幾多名店都被時間淘汰，而這間鋪起碼在轉型後還能生存，都算是有一點本事。起碼它竟能吸引到我家中的格價專家來光顧推介都已經是一種成功。至於講回食物，一分錢一分貨，以這價錢都算是不錯了，最重要是飯後還附送餐茶，但真的有點港式。

曾幾何時，去友和又或水車屋吃日式料理是幾風光的，今時今日，當然不可同日而語。來這裡，是朋友選的，多年沒幫襯，來吃一下午市定食也無妨。裝修佈置仍然日式，但人行到上來，一位阿姐問：「幾多位？」不知何解，感覺很港式。坐了在壽司檯，侍應送上餐牌。不少的午市定食，價錢都不貴，大多是六十幾七十蚊，比較貴的壽司定食是一百零五，而刺身定食是一百，朋友做東，就跟他一樣選了刺身定食。女侍應出奇不意的放下兩個前菜，完全是酒樓放豉油碟的放法，係有「哼」一聲的。分別是海藻及炸雞軟骨，前者是凍吃的，沒有問題，後者是炸的也是凍凍的，就有點兒那個；刺身併盤上場，份量夠多，除了三文魚兩大片，還有油甘、池魚、北寄貝、吞拿各兩片、甜蝦，及三文魚反卷三件，不論味道，單看份量已知夠飽。坐壽司檯當然會留意壽司師傅，但見大師傅不用動刀就可以拚出一個個併盤，正覺奇怪之際，原料所有刺身都是預早切定一盤，再流水作業式的「執」埋一碟。際此情況，除了將不吃的三文魚類統統給了友人，其他刺身也似乎是淺嚐好了﹝都說我是麻煩的！﹞。總括來說，以此價錢，是平。但當然，吃刺身，也是一分錢一分貨色，很公平。還好有味噌湯及炒飯一碗，以我的食量，夠飽了。餐後

上星期同朋友黎食DINNER, 我地叫咗幾客壽司, 鰻魚炒飯, 海膽刺身等等, 壽司都尚算OK, 但係鰻魚炒飯炒得太硬, 又少鰻魚, 唔好食, 海膽刺身仲差, D海膽濕淋淋咁, 仲有D鯹味, 一D都唔好食, 埋單成7百幾蚊, 真係唔抵!

The taste is good, but i don't like the environment, even there have some individual rooms, but last time when i with my fd were in the room, we heard some people were talking very loudy and gambling, it was totally disturbing us. By the way, the price is quite reasonable if compare with the taste.