友膳方

营业中

休息中

話說上回來到西營盤，無意中在正街向西面而行，經過友膳方，駐足看了一會餐牌，呀！原來是吃小菜的餐廳，正值當時是午飯時間，都沒有內進，反而今次卻刻意留意這餐廳，再看看門外的餐牌，原來都有午餐吃的，不如走入去一試。從門和外內在看。有著一道通花的玻璃門，都幾特別的，在收銀處擺設了不少精品，還有十字架，看來是信教者開的餐廳，於是在結賬時八卦地問了一下店員，原來確實是由信奉基督教的老闆娘開設的。除此之外，餐廳內裡有一個個白色長方形的鏡牆，而在下所坐的位置，卻鋪上了白色的軟墊的牆，蠻舒適的。餐牌上有各式的午餐，有碟頭飯，炒粉麵飯，日式烏冬和一些類似家常便飯的客飯，而這餐廳的火瞳湯是這裡的名物，但是在下沒有點來喝。瑞士汁干炒鮮牛肉河。名付其實的干牛河用上瑞士汁，可謂有別於其他干牛河，看起來沒有其他的立立令感覺，而且看來是乾身的牛河，吃一口固然是較乾身，而且確實是用上了甜豉油把每條河粉沾上，色水均勻之餘，而且甜絲絲的，牛肉用上了鮮牛肉，口感鮮甜而確實較新鮮，不靭而滑。可是份量卻嫌略少了一點。洛神花茶喝起來較甜，但之後卻又有點酸微微的感覺，而且喝起來似乎是沖劑的多，感覺上是是茶葉沖的呢！因此這一杯茶不是在

約八點去到，都幾滿，不過都有位坐！呢到最多人叫應該係湯啦！檯檯都有一煲／盅我都叫左個是日媽咪靚湯：昆布海草大生地螺片龍骨煲豬蹍（$20一盅，都有一飯碗份量）叫左小菜：欖菜四季豆魚香茄子椒鹽豆腐缽仔飯湯好足料，又甜，亦唔會似一般例湯咁鹹到死！四季豆爽甜，又唔會煮過龍，汁都撈埋！椒鹽豆腐就好一般，炸得唔夠鬆化，同埋個豆腐唔係滑豆腐，而係板豆腐，口感一般；佢伴個汁酸酸地，但唔多夾缽仔飯：個缽好熱！唔知係咪真係一缽缽煮定點，不過賣相好可愛！最驚喜既係魚香茄子：一般餐廳既魚香茄子一定油到飛起！呢間一 D 都唔油！應該係用清蒸代替左走油個步驟，令茄子仲係好多汁飽滿；個獻汁都唔錯，雖然唔覺有鹹魚香味，但都算幾好味既．不過唔知點解，個汁有少少酸酸地既味...

今日落雨唔係好想出街食..所以叫左滋味速遞外賣住家小菜好過快餐食物啦媽咪靚湯日日唔同..1煲夠2-3人飲..足料又健康麵豉豆腐斑腩煲..鹹左少少..下次未必會再叫柱貝蝦米魚湯雜菜煲..好多菜好清好好味滋味雞唔特別..同白切雞差唔多Overall幾滿意..靚湯最滿意..會再幫襯

十二月三十一日(星期四)2009年的最後一日,想別出名的坤記煲仔飯作一個句號....去到老公仔還說不用緊,不多人...一問老闆娘之下,原來是要訂檯的!......唯有下次吃吧...真是失望和掃興呢...行又行,來到滋味一方,見到是中式飯餐,似乎標榜無味精的健康食物,都可以一試位就比較迫了!看了menu,散叫吧!我點了個沙茶牛肉粉絲煲,老公仔說點例牌的滋味雞,加了個砵仔飯和魚湯米線沙茶牛肉粉絲煲的確不錯,但是牛肉份量比較少,味道好....滋味雞,有雞味,雞肉都很嫰滑!...魚湯米線,湯底清得很,有點淡味.....這個價錢就比較貴....味道可以,喜歡健康的朋友可以一試...

放工之後，同女朋友亂咁行，由ＩＦＣ行到入西環，　周圍無咩特別吸引既餐廳。　最初都有ｄ躊躇, 因為見到個價錢同ｄ餸既款式, 好似都唔平,　但最終抱住想食中菜既心情所以入左呢間。　環境唔錯，　光猛乾淨，　又有電視睇。我地叫左　四果湯 + 魷魚蒸玉餅 + 滋味雞 + 兩碗白飯通常又累肚餓既時候會覺得ｄ飯、餸特別滋味, 但係呢度比唔到呢種感覺我。因為我會認為一間餐廳推介既野會煮得比較好味, 又或者會將家常小菜整得比較出色. 最終個答案係個湯同兩味餸都好普通, 唔係特別甜, 亦冇特別鮮, 送飯時更覺得佢淡, 令我同女朋友都有ｄ失望。

6月17日（星期三）晚，是晚又和女友繼續西環覓食之行，不過目標食肆不是吃過就已經收鋪。我們在大街與小巷尋覓之際，看到這店，門面裝修美觀，覺得不錯，問過門口店員還未收爐就進去了。這裡主打老火燉湯，是晚兩款燉湯分別是花膠粟米竹絲雞和南瓜紅棗煲唐排，每款要了一盅，另外還點了兩個小菜花膠絲浸芥膽和沙茶牛肉金菇窩。兩款燉湯都火喉十足，味道清甜，皆因落足材料，而且一點味精也感覺不到。花膠絲浸芥膽：花膠絲少說也有約十條，而且還有素翅附送，芥膽煮得很軟腍，味道清淡；沙茶牛肉金菇窩：其實是沙爹金菇肥牛煲的變奏版，沙茶醬取代了沙爹醬，多了一分惹味而少了一份刺激的辣，韓式石頭窩和中式的砂煲都有保存食物溫度的作用，肥牛尚算不韌，這個窩用來送飯真的不錯。我們要了一個飯，是用砵仔蒸的，飯身軟綿，感覺上既健康又衛生。這裡的的小菜和燉湯都是少鹽、少油、少糖和無味精，雖然價錢是比一般茶餐廳貴少許，但是可以食得健康，多付一些也無妨。

星期一，據太座講於西營盤附近有一間小店，以所有食品不含味道作招徠。趁友人J到那一帶睇醫生，順道與她一起晚膳。此店雖是小店格局，但佈置一點都不馬虎，燈火通明，光鮮企理。座位編排有點狹窄，未能滿足如筆者身形般對空間嘅要求。餐牌一物二用，係印刷精美嘅宣傳單張。餸菜款式多樣化，其中特別附調不含味精、晚晚不同款嘅「媽咪靚湯」，單以材料論，有花膠、螺片、猴頭菇、玉竹、黨參等，材料豐富，只要望一望都覺得好味。消費滿二百蚊，仲送滋味雞(例牌)。大家為了有免費雞食，所以點菜都比較進取。結果三個人，叫了五餸一湯。豉汁帶子蒸豆腐 ($62) – 蒸嘅時間耐咗，所以帶子變得有點老。不過帶子肉也算是清甜，豆腐清香之餘也滑溜，豆豉汁濃淡適中，恰恰將各種食材嘅味道發揮出來，比日前於大坑「民聲」所食嘅同類菜式更加好；潮式欖菜四季豆 ($48) – 是功夫頗多嘅一道菜，欖菜與豬肉刴得幾幼細，與四季豆炒勻之後撈飯食，味道帶有少許鹹香，直教筆者食慾大振；泰式芝麻醬燒骨 ($68) – 以厚肉排入饌，配合帶有酸味嘅醬汁，排骨被醃得鬆軟，毫不費勁便能骨肉分離；滋味雞(例牌) (免費，原價$48) – 亦是此店嘅招牌菜之一，肉質

30-3-2009忙了成個早上, 2:30pm 餓得發慌, 同埋朋友 S 落0黎食個 late lunch, 求其入了呢間「住家」店叫兩個米線餐 (跟小食及飲品, 好似 $32 each) share 食試試.先0黎飲品「熱洛神花蜜」: 賣相呈淡粉紅色, 飲落味道有 d 似無花果蜜, 但就先清甜後帶點酸澀, 個人而言唔太喜歡. 早知穩陣一點飲柑桔蜜算數!米線 #1 係「醉雞杞子魚湯米線」: 湯底頗鹹, 可幸唔算太 MSG, 但面頭蒜茸落得極重手, 味道勁搶, 真係飲唔出係「魚湯」喎; 醉雞唔「醉」, 肉就幾腍, 不過不論賣相質感及味道都似豬肉多 d, 感覺怪怪的; 米線就十分煙韌爽口, 意料之外!米線 #2 係唔記得乜名的肥牛魚湯米線: 米線一樣爽口, 湯底就無 #1 咁鹹, 不過仍然唔多覺係「魚湯」, 真奇怪?「肥牛」就其實係茶餐廳的「滑牛」, 腍腍的但質感好「膠」, 真係... 小食 #1 係炸雞翼, 脆口無油, 肉亦嫩, 幾好食.小食 #2 就係蠔油菜心, 清清腍腍, 都幾難唔好食?門口幾骨緻, 入面環境就有點似新式火鍋店的縮水版, 乾淨企理但卡位勁窄 @_@" 店員們

收到宣傳單張, 好似幾吸引, 就黎試一試是日住家湯有2種, 分別係沙參玉竹猴頭菇螺片竹絲雞及花膠蓮子百合南北杏瘦肉煲豬脷選擇了前者, 一煲38蚊約兩三人份量, 味道很香濃, 很足料, 食黎當餸食都得另外要了鮑魚花膠扒生菜, 有4隻鮑魚仔, 炆得相當入味! 花膠也不錯, 唔會痴牙, 138蚊算是物有所值環境同服務也ok, 值得再來, 希望食物keep到水準