友酒棧台式火鍋專門店

营业中

休息中

（而家疫情底下打邊爐不是太好😷不過都介紹下）推薦大家一間黃店台式火鍋！食物高質！不過唔係任食，偏貴⋯要過9:30之後先會有宵夜折扣，但我地實在唔想咁夜食，決定照殺🥢➖我哋叫咗個滋補花膠雞鍋 $188 有足料嘅花膠同紅棗藥材仲有半隻雞，真係又滋補又養生！😋而且好鍾意個鍋唔係一般打邊爐嘅煲而係好古色古香嘅熱鐵鍋咁♨️➖啲火鍋配料牛類丸類都好高質！肥牛好食係基本唔多講～最想推薦比大家係［黃金流沙包$58 ］佢係印左笑哈哈樣嘅丸🙂裏面係鹹蛋黃流心餡超好味🥰另外［牛筋丸$58］都好juicy好彈牙👍

平時嚟呢間餐廳都係打邊爐,但而家疫症期 餐廳午市都做埋lunch嘅套餐,而且價錢仲好超值！午餐只係38蚊，連埋凍飲都係41， 如果係學生只係15蚊咋！鍾意食常餐嘅朋友都有得揀咁啱坐中卡位有窗， 視野都唔錯午市芙蓉蛋飯38蚊芙蓉蛋煎得幾香唔錯， 都幾足料！頽食茶餐廳來說都係一個唔錯嘅選擇，而且價錢都唔算貴！不過店員嘅服務就一般 ，落單嘅女人感覺好懶，而且態度一般…只係企喺收銀機落單，無論你坐幾遠都要大聲喺個位度嗌你食乜嘢…全餐廳嘅人都聽到…感覺唔係幾好聽……捧餐嘅男店員就比較好禮貌…

好早前見到火鍋店有早餐食，仲要好平，今早终於入左去。叫左個最平$25，2餸麵餐+凍飲。腸仔火腿通粉，凍檸茶腸正常，火腿有煎過👍，湯底用出前，茶都0K食得過，兼人不太多，衛生理想，到大圍踏單車朋友就最好，食完個早餐先去玩，就係單車舖隔離。

想試友酒棧好耐，大圍火車站行出黎2分鐘左右就到，位置一流2個人叫左5,6樣野食，質素屬於中上，特別係碟牛脊邊，寫住牛魔王推介，真係冇介紹錯，爽口彈牙又有牛味！2個人食覺得太大碟，如果有一半份量叫就好三寶丸應該係手打既，每款有3粒(食左部分先記得影相)，食落去彈牙，而且黑色個款墨丸係街外少見，有特色打邊爐個湯底都好重要，今次叫左元貝冬瓜湯，好清甜，d元貝仔食到最後個刻都仲有😂湯底唔膩，更加食得出d料既味道服務好好，店員有禮貌，留意住每枱客既需要，幾次唔使叫加水已經自動幫手加左👍

天寒地凍梗係要打邊爐，叫咗個花膠雞鍋同一碟手切牛，仲有少少配料（油炸鬼，蟹柳，蜂巢豆腐同午餐肉）已經好飽，因為隻雞好大！好嫩！同朋友飲咗好多碗個湯底唔會好重味精手切牛好好味，好重牛肉味，本身唔係好鍾意食好肥嘅肉，呢款啱曬我地，一開始仲怕瘦嘅牛肉好咬好耐，但係呢款又唔係喎，比較驚喜呢到地方坐得舒服，侍應態度都唔錯，打邊爐最梗要開心，整體感覺唔錯～～不過兩個女仔黎食埋單二百幾好抵，同出面放題差唔多，最緊要有折！

食物雖不俗,但價錢貴,重點係餐廳職員服務態度惡劣,受到無禮對待,成餐飯經驗好差!首先係帶位入座,我地問清楚訂座係咪有優惠(只係問一句),侍應表現得幾唔耐煩,係咁叫我地坐低先(註:當時後面冇其他客人等緊,場內亦只有幾枱客人)。到落order時,另一位侍應態度都好差,因為我地分開兩張紙寫(兩個鍋),佢就好大反應,語氣好惡咁問我地做乜唔寫埋同一張。到之後全程都冇笑容,而且同我地講野都好似命令式咁。(自問我地冇特別要求,亦都好有禮貌咁同佢講野,所以好莫名其妙)未試過食一餐飯可以咁受氣,其實服務態度唔好,就算野食幾好食(雖然呢間唔係)都唔會有返頭客,我都唔會推介俾其他人。

讚1. 服務好好，女侍應非常之好態度，笑容好好2.韭菜餃都幾足料3.個凍檸汽水好大杯，影相幾好彈1. 整體嘢食嘅水平好一般，湯底嗌左番茄湯同埋菇湯，番茄湯係有浸茄膏味嘅，個人認為就唔係太鍾意呢一種偏甜嘅蕃茄湯，菇湯就全部都係乾菇，無鮮菇，有啲意外，味濃但唔鮮2. 牛偏韌，其他配料份量有啲偏少，花甲唔算好新鮮

這幾天天氣好凍，最合適打邊爐。晚上大約六點半開始打邊爐，店裡已經接近坐滿。我和友人坐在樓上閣樓。我們點了麻辣和昆布湯做湯底。麻辣湯底真的很辣，吃完會噴火的。如果吃得辣，就會覺得好爽。否則，就要不停飲水。而昆布湯大概就是草菇味道，比較清，可中和一下麻辣味。因為友人比較喜歡吃牛，我們二人點了牛魔王拼盤、牛脊肉、雲吞、唐山菜、芋絲、花甲、烏冬等。這裡的牛很好味。飲品方面，點了一杯超大杯的檸檬茶，兩個人都算夠飲。最值得讚的，是這裡的服務很好，店員很熱心。在這寒冷晚上，很暖心。

事前用app訂座一到就有位可入坐落左單半個鐘 連湯底都未到 當時餐廳冇咩人 隔左陣職員禮貌地表示張單唔見左 follow緊冇咩客既情況下 海報咁大張既單都唔見左.......我同朋友已經面如死灰 拎定張100蚊紙等多5分鐘就走後尾終於搵返單 湯底連食物一次過上 但都係漏左樣野 催左單一次 同佢講仲有野未到職員問係咩食物 我地叫佢check單職員表示廚房只有大list 唔知我地仲爭咩.......話埋比佢聽爭左咩食物 等左15分鐘都係未有個湯滾下滾下 已經食到冇野好食又催第二次 又係等到訓著都冇再催第三次終於有啦.......呢間餐廳啲單亂過亂世佳人隔離枱都聽到上錯野/ 上漏野.......大家支持黃色Circle 但唔係下下打開門做生意 頂著個黃字就可以咁冇質素食物其實份量同價錢都唔太成正比不過係味道係Ok正常既

大圍打邊爐，都屬於多選擇。本身同幾個女仔諗住去616牛肉火鍋，點不知又冇得book位焗住7:00去walk in但係都起碼要等幾張枱，最後女友人話不如去第二間就揀咗依間啊。閒日晚飯時間都算爆，我地坐咗上2樓，d位都算OK闊唔會話好迫好窄感覺良好。我哋叫咗鴛鴦鍋一邊麻辣一邊冬瓜，老實講好普通。我哋都係嗌啲一般嘅打邊爐食物，我哋叫咗一碟本地牛肩肉，唔係好肥但係都唔算特別好味，總結係一間好普通嘅打邊爐鴨血亦都唔係特別好食買單大概$380到一個人。

小店相當勤力，早午晚全天候營業。早午提供港式套餐而晚上是火鍋。第一次來友酒棧吃早餐，早餐價錢、分量合理，選擇亦不少，味道也不錯。冷/熱飲品加＄3, 冷飲比較抵！最欣賞是環境，座位舒適，一半座位是sofa ，早上剛好有和暖太陽，坐近窗位可一同享受日光浴。感覺relax,舒服！另外值得一讚，當天有位特殊小朋友倒瀉食物，sofa、衣服都是食物，店員默默地清潔沒有半點不悅或多餘說話。家長要照顧特殊小朋友已經不容易，最希望得到外界的包容！

依家搵食都要睇清楚除左食物、環境、服務，仲要留意埋佢電視播咩台❗️免得睇到影響食慾...小小火鍋店，非常近大圍鐵路站，方便喔～自己並非食肉獸，去任食店實做蝕本貨，所以呢類火鍋店先岩我屋企人鐘意雞鍋，呢個全家人都覺得好味花膠比想像中多，有10舊左右，雞湯清香，見到有紅棗，龍眼，黨蔘同淮山，不過淮山煲到最後都比較硬一口豚肉，金錢展ok 喇～墨汁墨魚滑好味 下次想試蝦滑～叫多了一份烏冬，想試埋紅薯粉～仲有d 菜同雲吞另外，店員會主動加湯，全程無叫過佢加，佢自己會走埋黎，呢一點，值得一讚

今晚食左間喺大圍嘅良心火鍋店 我地專登過去食 真心想支持一下 我叫左<野菌昆布鍋拼麻辣鍋>想特別讚個麻辣湯底好岀色 平時食米線特辣級嘅我 覺得好好味 但對普通吾食辣嘅朋友 應該會係辣左啲 而且仲有平日好少見嘅台灣A菜、水蓮菜同萵苣 食落好新鮮😋個笑哈哈流沙包都幾搞笑 🤣🤣第一次食不過我地放得太耐 搞到吾係好流沙所以我諗時間要啱啱好會仲好食睇下杯大大大檸茶 仲大杯個塊面 😝😝最重要係良心店舖 職員個個都Nice 我地食得好滿足

大圍火鍋店有數間，大部分都嘗試過了，今次就去友酒棧一試究竟。湯地大約有十款港式湯底選擇，首先order 了野菌昆布湯底，有勁多野菌，建議野菌煮至中後段才吃比較淋及入味。Order 了三種肉種，本地手切牛脊邊，美國肥牛及北海道豚肉。本地手切牛脊邊，牛脊邊肉質肥瘦均勻，大約煮十秒即可食用。 美國肥牛，亦大約煮十秒便可，肉質彈牙有咬口。北海道豚肉，肉質結實，不會太嚡口，好味！仲有其他一般既火鍋配料，食材新鮮，價錢適中。特別一提墨汁墨魚滑，新鮮，彈牙，墨魚味重。

在openrice訂位有八折所以選左呢間黎食。好好彩有得坐房，房入面共有兩檯客，都算高私隱度。叫左娘娘湯底，其實就係烏雞藥材湯底。其實最後都食到隻烏雞，湯底味唔算好濃，但鼓油配料勝在夠多，調到好味既醬汁，所以加起黎都唔錯。食物方面四個人叫左成檯料（見圖），肉黎講偏多肥膏，但夠「林」而且唔會覺得肥膩。個人偏好佢d丸，好有肉汁，真材實料，明顯唔係平時食到既一般貨色。其他食物不過不失啦。但有微言既係佢個鴨血，擺盤就靚啦，不過份量真係太少了。不過最吸晴既都係佢既大大杯飲品系列。有檸菜檸水檸樂檸七，說穿左就係一大半杯冰同double份量既飲料。（年紀不輕表示接受不了咁多冰最後「不」走左一大半先飲）抵就唔算啦，但打下卡都可以既。最後每人賣單三百幾，平就稱唔上啦。但勝左可以坐好耐同埋咁岩坐到房，呢個價都算可以接受的！