古宮韓國料理 (已結業)

午餐繼續同韓迷朋友食，今次輪到係明輝中心既古宮，午飯時間唔多人，兩個人可坐一張四人枱，可以舒舒服服食個午飯午飯都好多選擇韓餐必有的前菜，都好多選擇石鍋雜錦套餐，$70 內有翠肉瓜，紅蘿蔔，冬菇，芽菜，青菜，牛肉，辣醬另上，比你撈埋一齊食，石鍋夠晒熱，有好多飯蕉更香口套餐有西洋菜麵士湯(右上），味道較淡甜品南瓜紅豆露(左上），好香南瓜，唔錯

鍾意食韓國野嘅我，公司附近都算有選擇，嗰日處理私人事務，好想食炸醬麵，近近地就去左呢間食！午餐好多選擇，當時我就揀左炸醬麵，味道不錯，好大碗，個餐仲有餃子，好飽！啲泡菜都好好味，讚！！

安達中心泊車後 就在尖東這家韓燒食晚飯前菜的炸雞 同快餐店的炸雞類似 幾好味點了牛肋骨以及豬腩肉 豬腩肉肥美 牛肋骨也很嫰 燒出來的豬油用來煎大蒜 正 跟燒肉的這碗豆醬真厲害 超好味 用來撈了一碗白飯 而且在石鍋內保溫 正！還點了這個煎薯餅 有一顆樹在中間 挺特別 但係有點油膩

曾幾何時，每週必臨。夜闌人靜，打烊方休。裝飾依舊，人面漸非。昔日滿臉笑容的「阿豬媽」不見了，似是返回祖家；熟稔的經理先生猶在。肥得肚皮墜地的看店貓貓「美順」，蹤影杳然。筆者大愛此沙律，份量比以前縮小了近一半。此南瓜紅豆粥，是前菜之一。它不是甜品，卻似是甜品。色澤不比從前。半熟即可，切勿過老。肉汁豐盈，牛味十足。此汁沾魷魚、肉類同食甚妙，然麻油似曾勾兌稀釋，芝麻香大減。此麵韓國進口，麥味突出，滑韌爽彈。當年九十大洋，如今百二兩銀，百物騰貴，又見一斑。湯辣足而鮮未夠。蜆殼碎多，小心細嚼。是晚附送的前菜八小碟。八小碟之中有六小碟天天不同，只有以下兩小碟必然提供。為方便各位預算、參考，特附全套最新套餐餐牌。

實在比韓劇荼毒得太深！！！我成日都話要食韓國野.....今次再話去古宮，真係好多謝各友好相就，講真佢地都食到怕怕.....一星期食幾次韓國午餐啵 呢度午市都好多人，侍應多數都係非本地藉人士，不是韓國人呀！是菲或印藉啦～落單要禁制叫人黎，唔係個個都識落單架！不過坐低都會有前菜食住先，邊食邊等都ok丫～由於食過太多次，今次我叫左個飯+麵套餐，細細地唔會食唔哂，麵少少......不過食到頂住左個肚！都係太飽.....同事由於個胃唔太好，唔食得辣，另外又唔食得貝殻類海鮮......佢唯有揀左個燒鯖魚餐，我無影相因為.......我掛住望，個鯖魚同日本style 係有分別，會比埋個魚頭上碟另外同事叫左豆腐鍋同泡菜鍋.....值得一提係呢度d醃菜，真係好好味！仲有個南瓜紅豆粥（其實應該係糖水），完全有正宗韓風的感受

我最鍾意呢個地方係因為依到前菜特別多野,仲要樣樣都好好味!首先食到泡菜煎餅,一定唔會失望嫁, 幾好味, 煙煙韌韌,口感適中, 甜鹹岩岩好,如要點汁就要問佢攞, 因為佢唔會自動俾你地嫁,另外就係個五花腩,份量好足,好大碟! 雖然冇咩技巧可言, 但佢既準備功夫係值得一讚,不過有時有D地方有陣味,佢無既,依到啲大醬, 辣椒, 生蒜都幫你撈好哂,啱哂我,唔想煩,今次我地就唔太肚餓, 叫得一個五花腩,同煎餅,但佢個五花腩真係好大,所以嚟呢度食,唔洗叫大多野食,除非你好肚餓喇, 真係幾抵食。 

叫了燒豬腩及豆腐海鮮湯。只能知道燒豬腩賣相吸引，味道尚可，不肥膩，前菜八小碟味道不差，有兩碟泡菜不夠辣，但豆腐海鮮湯則無法評論，因為根本無上過，45分鐘內催了幾次，而且要等到埋單時才即刻送上 ，還態度極衰地問我究竟要唔要，唔要佢走攞走 。服務極差 ，只會悉心照料韓國食客，每次催單時，只會悔氣地講“轉頭俾你”及“就到” ，茶水都無加過 ，催到火都嚟埋，決定唔等，索性去另一間韓國菜再食過 。

一行3 人決定揀呢間餐廳, 因為可以飯後傾耐D都唔會有人摧, 但食物價錢偏貴, 味道OK.1 海鮮煎餅 - 原來可以好飽...2 牛排骨鍋3 辣年糕 - 夠辣4 煎餃子5 炸醬麵我地被安排坐房內, 雖然可按鐘叫侍應, 但人手唔夠, 要等.前菜數量夠, 但份量偏少... 埋單後, 沒有像一般的韓國餐廳(質素好價錢亦跟呢間差唔多)送生果或糖, 服務爭D.

和朋友二人在尖沙咀, 特然很想吃菜包肉 "보쌈" (Po Ssam) 諗起好耐冇去過, 加上又可以坐得耐既古宮, 所以決定行返去尖東都要食呢間!之前食過幾次, 全部都係四人枱, 兩個人坐好闊落, 又可以坐得耐啲, 絕對係傾偈既好去處. 其中一個我最鍾意呢度既地方係呢度既前菜特別齊, 樣樣都好好味! (不過我記得好以冇得添既.. ) 前菜前菜極齊全! 記得第一次食個凍既南瓜湯時覺得怪怪地, 但其實幾好味~! 泡菜煎餅不會失望的, 幾好味, 煙韌適中, 甜鹹剛好. 唯獨要沾汁就要問佢攞, 佢唔會自動俾~  五花腩好大碟! 雖然冇煮餸技巧可言, 但佢既準備功夫係值得一讚!平時食菜包肉, 啲大醬, 辣椒, 生蒜等都係分開上既, 但呢度幫你撈好哂! 啱哂啲懶人! (我認)除此之外仲有多另一隻醬又係事先撈好的, 有蘿蔔泡菜絲係裡面仲有... 生栗子? 唔知係咩嚟, 但都幾好味!**我地眼闊肚窄, 諗住得一個五花腩, 叫多樣好似開心啲, 點知食唔哂!見隔離枱三個男人都係一碟五花腩咋!! 下次一定唔會叫咁多!所以嚟呢度食, 唔好好似我地咁浪費食物呀~! T_T **除此之外, 我地叫咗兩支啤酒一支燒酒

一行二十人到古宮家庭聚餐，第一次食對此餐廳感覺其差。首先全店當晚只有兩位待應，而該兩名待應是菲律賓籍，不擅中文及英文令全晚點菜至溝通也有問題另外亦因為只有兩名待應， 人手嚴重不足，所有食物都要等很久才到，待應本身又可能因為太忙？令點菜的錯誤其多 經常送來我們沒有點的菜或送漏單。我們點了其中一道是要用菜包著燒肉吃的 菜比肉遲20分鐘上 對著吃完肉的碟子和兩盆菜， 我們只有無言以對可以形容我們的心情。因言語不通又因為待應根本無時間招呼我們 我們連那一個肉應該沾那一種醬也不知道就要把肉往嘴裹送。最後最重要的味道和連鎖百多元的任食韓燒找不到任何分別我真的找不到任何理由我要付出人均300元的價錢換來這種質素的食物和服務

又係睇演唱會前快食，今次搵左間係尖東韓食，個名係韓國都有間不過食餃子出名。依間都第一次食可能個fd 想回味下韓國食物。因為時間不多所以冇食韓燒，只係叫d 現成食物，依到order 快連上菜都好快，可係先上d 韓國前菜小碟，5個人送上6碟都算ok la。order 左係韓國食過同韓劇中d 主角成日食既炸醬麵，其實等於HK人常食公仔麵一樣，只做法有別而已。出奇的個麵比起係韓國食真有過之而無不及，但又冇食到好似韓劇d人食到成口醬咁跨。其實都冇乜時間映相同記低食過晒d 咩種類，只映左一兩款在這略為介紹下:炸醬麵~之前未食見到d 汁一堆朱古力咁，稔住都痲痲。食落又出奇地ok「d 醬汁甜甜地好易入口而且d 麵又唔太林剛好，可以推介order。order 左個粥但唔記得左咩名lu。 清清地味道唔錯，不過放太多蔥朋友唔太愛。還有多人order 既南瓜牛肋骨煲，d牛肋骨放係個南瓜上面，上枱後先切開，唔知係米掛襟電話，唔知比人快手切開左個南瓜(都係睇番其他食評先知乍。講番個牛肋骨炆得好入味，加埋甜甜既南瓜配幾得2，有d 地球人唔鍾意食南瓜一定唔會食。跟枱既前菜真幾好味，可惜RE-ORDER 係要收錢。唔係

同男友叫左一個豬手同一個辣海鮮麵, 前菜都有8小碟辣海鮮麵: 夠辣又夠熱, 一碗都分到兩個人食, 但材料同麵唔算多, 味道ok, 可以試下~豬手: 平時食韓國野我都會叫, 黎到買相幾吸引, 之後撈埋d菜同汁夾生菜食其實都幾野味, 食左幾片之後, 就發現每片豬手後面都有綠色同橙色發光既野, 於是我就叫經理來詢問, 點知佢答我係d豬筋既顏色, 並不是有問題, 亦冇同我地換過及退錢, 之後成碟野我地就冇郁過喇, 翻查番點解d豬肉會咁既色, 原來係腐壞了或不新鮮就快變壞所以才會這樣, 所以超嬲

第一次黎到古宮食LUNCH叫左個雜錦豬肉泡菜窩成個窩都係得泡菜. 搵黎搵去, 得2,3片"薄切" 豬肉有冇攪錯呀! 飯後有薑水就幾好味但個窩既材料真係唔得囉...

今日同事突然間話想食韓國菜~ 行到老遠終於有一間叫古宮既韓國料理一人叫左一樣"定食". 同事叫左個石頭飯. 我就叫左一個泡菜海鮮面.好大碗!! 相信要兩個人先食得晒~!湯都幾重海鮮味.足料, 有蟹, 有蜆, 有墨魚. 但面唔係公仔面, 而係白色既粉面~ 即刻扣左少少分~!石頭飯好香, 同樣都係足料. 不過份量就少D~LUNCH 黎講都好貴~間唔中食下無妨～

收工心血來潮想吃韓國菜，既為了燒烤，也為了飲濁米酒，友人推介在尖沙咀的古宮。店子相當大，九曲十三彎，七點半來到已座無虛席。或許因開業年久關係，店子感覺比較陳舊，帶點昏黃的懷舊味道。就我所見待應姐姐似是清一色的韓國人，感覺有如回到首爾釜山。由於老字號，打正旗號正宗韓國菜，食物價錢中上，想來想去也無咩心水的情況下，要了$480的二人燒烤套餐。先來前菜，自兩年前去完韓國後都無咩再食過了﹗白菜醃得極鮮辣，又香又爽脆，吃後食慾大振﹗所有前菜也做得不錯，你總不捨得浪費不吃，最後全部食哂﹗來這兒是因老友在面書上貼了這盆濁米酒，很懷念在韓國時由早喝到晚的感覺﹗甜甜的帶米香，飲落清涼順喉﹗小碗小碗的對飲亦是樂趣﹗$80一公升，也不算貴，再問友人原來在尖咀的韓國街一盒這種一公升濁酒約$40﹗我倆很愛喝呢，要去入入貨﹗這個$480套餐有牛肋骨。韓國待應姐姐會在你旁用熟練的手腕幫你煎好，剪成一粒粒上碟﹗牛肉多汁厚切，醃得甜甜的亦不失牛味，唔錯啊﹗豬肉就自己慢慢煎慢慢玩吧﹗份量也不少，二人份量滿意呢﹗原本以為這間古宮會得出一個笑面的食評，可惜是及後兩味餸令人相當失望﹗第一道是這道半隻雞的人蔘湯﹗熱辣辣原鍋上枱，