古早味原住台灣 (已結業)

餐牌上有各式各樣的台灣地道食品，小菜、主菜、台式飲品同甜品等，頂應有盡有，而且價錢都好抵，尖沙咀區真係唔貴😌😌😌🤤🤤🤤花枝蝦排外面炸得脆脆，內裡軟軟的蝦肉，再點上甜甜辣辣既醬汁好襯，唔錯既一道小菜👍👍涼拌黄瓜，冰凍的青瓜，辣度剛好！台灣菜不得不點嘅招牌牛肉麵，湯底藥材味頗濃烈，麵條質感彈牙。牛肉肉質有鬆軟易咬，好有台灣風味！台式滷水併盤，有各式選擇，我就點了大腸、豬耳、滷蛋，滷得非常入味兩個人埋單先300幾，真係好抵😱😱😱

今晚老同事約吃飯，約在尖沙咀方便大家下班過去，同事說這家台灣菜環境很好，適合我們聊聊天，好吃價格又合理。這家餐廳就在國際廣場對面的樓上，也靠近尖沙咀地鐵站E出口，很容易找。菜單是一大本，對於我這個有選擇困難症的人來說真是挑戰，不過沒關係，就看推薦的菜總不會錯。當天的客人也不少，但上菜的速度比我們選菜還要快。先來櫻花🌸蝦野菜沙拉，沙拉醬酸酸的很開胃，櫻花蝦的搭配也很吸引眼球，而沙拉菜也很新鮮。然後是海鮮粉絲煲，以為會很多油，沒想到很干身，粉絲也很爽口，還有不止一隻大大的蝦，我們兩都喜歡這個口味，讚一個。酥炸鹽穌雞，雖然有個鹽字，但並不太鹹，外脆內嫩，都是雞胸肉，所以很健康，也是餐廳推薦的菜之一。

黎到尖沙咀食乜好.........樓上既一間台灣風味餐廳.....地理位置方便👍🏻👍🏻時間尚早...很快便有位....環境舒適.....好有特色喔👍🏻👍🏻好多選擇....小食...麵....湯類......藥燉烏骨雞....藥材味十足👍🏻👍🏻小需吞....巧小👍🏻👍🏻台式香腸...好細心喔....已經切好一片片....入味！炒米粉.....吾會太濕...乾身....👍🏻👍🏻👍🏻拼盤.....入味！薑茶........休閒的一餐晚飯☺️

lunch黎到呢間台式餐廳古早味食下，之前去過其他地區食過都還可以既，呢間既水準都係唔錯既，有機會黎到尖沙咀試下都無妨既。今次點了：酥炸雞扒麵，檸檬薏米水。雞扒麵，麵係闊身既，口感都還不錯，少少彈口既不過自己就對呢種麵沒有特別喜好既，但都覺得不錯既。雞扒方面，皮都夠脆既，都炸得唔錯，少少香口吧。小食方面，魚仔魚片口感真係唔錯，食落去唔林，有口感。青瓜少少酸味幾惹口，好味道。西蘭花就沒有特別不過唔係生既口感，食落去都唔林。檸檬薏米水，都算足料，有唔少薏米，不過有熱飲既話我會更加喜歡，薏米怯濕，凍飲係濕，飲番凍既就無作用啦。環境方面，呢間夠大夠寬敞，唔錯既裝修。總結偶爾吃一吃也不錯啊。

早幾天，和朋友去尖沙咀hot toys 買復仇者聯盟的玩具，可惜已被其他人買了，沒有我至愛的雷神。周圍行，有點口渴，又有點累，於是我們選擇找個地方坐一坐，休息一番。結果，就來到了這間古早味原住台灣。環境乾淨，門口的牆有彩色的塗鴉，我們叫了一客小食，每人又叫了一款甜品。輕鬆休息一會兒........小食是鹽酥豆腐$38。豆腐切成一小塊立方體，外脆內嫩，外皮夠香夠咸，裡面夠滑夠軟，一粒食完又一粒。我的甜品是檸檬愛玉（凍） $28。清透能見的（檸檬）黄色一大杯的甜品，有一片檸檬在表面飄浮，還有幾粒杞子，自我感覺幾健康。用匙羹一小口一小口地吃，原來裡面有很多愛玉，可能因為透明，所以看不見，但食到最後，仍有愛玉，就知愛玉之多。酸酸的，微甜，頗開胃。至於另一個甜品，就是綜合芋圓（凍）$45。感覺是：都幾大杯！份量比檸檬愛玉更大。有深紫色，淺紫色，米黃色等芋圓，不同的顏色代表不同的味道。例如深紫色食到好香紫薯味，而且Q彈，比較有彈性有咬口。size大小都比其他甜品餐廳食到的芋圓大一點。裡面又夾雜不同的配料，例如紅豆，綠豆，仙草，珍珠。其中紅豆和綠豆比較甜，配合不太甜的芋圓一起吃，味道滿意。珍珠亦有糯

餐廳位於Isaquare 對面，樓下有一條長人龍排小食，入到大樓直上2樓，不太難找。2樓全層都是餐廳，空間感很大，牆壁是參考了彩虹眷村的圖畫，很特別很好看。坐位之間不會太逼亦坐得舒服。朋友身體不適，點了小食比較多。藥燉烏雞湯&蟲草花燉鴨湯2款湯都十分足料，烏雞湯愈飲愈濃，我個人比較喜歡蟲草花，較容易入口，很舒服好喝。滷肉飯，飯量和肉都不錯，不過不失。鹽酥雞看起來份量很少，但很肉札實，新鮮炸出來特別好吃。葱餡餅沒有在台灣吃過，所以不知道相不相像，但不錯吃少不了一杯胚芽奶茶，不錯不錯雖然只點了這幾款食物，最後都吃不完。整體還不錯，平日晚上人不太多，可以慢慢聊天。

地方都算隱閉，不過近地鐡站。呢日同朋友食lunch，唔記得相機食先！！！叫左個雞絲飯，d雞絲認真麻麻，好（鞋），不過d飯係加左糙米同少少汁，就咁爬反都好食。朋友叫左瀂肉飯，撈埋一齊食先好食，就咁食有少少肥濟。最後半價加左碗雞湯，藥材味濃真材實料。

一坐下便點了檸檬冬瓜愛玉飲品，冬瓜檸檬是我的最愛，味道清甜，夏天消暑一流，特別一讚愛玉份量好多，而且不會死甜，喝到最後還有愛玉。第一次吃宜蘭蔥餡餅，外面的皮有點像餃子，煎得很香脆，餡料是蔥和豬肉，蔥的量很夠，蔥味香濃，適合喜歡吃蔥的人，我和朋友都很喜歡。燉湯我們選了藥燉烏骨雞湯，侍應在落單時會提醒藥味比較重，非常細心，我喜歡藥味特地點了來試，果然黨蔘味很突出，喝了以後口裡有回甘味，是個溫和的藥材湯。

今日想食台灣野，係Isquare 對面見到呢間古早味原住台灣，一於試試。店鋪好大，坐得舒適，而窗外望到isquare。點了鹽酥豆腐，好香好脆，鹽味好夠，份量也適中。然後是台式手爪餅，之前係台灣試過覺得幾特別，而呢間的手爪餅也好有台灣的味道，跟台灣食到的手爪餅味道一樣。主食就點了滷肉飯及台式涼麵。台式涼麵好特別，就像沙律加了冷麵，味道出奇地夾，麵也很爽口。滷肉飯味道濃郁，滷肉送飯真的好好味，豬肉也很香。

今次去尖沙咀，因為時間不足1小時，就喺附近隨便搵個地方食嘢，見到個名……古早味，諗下係咪可以食到傳統台灣風味呢，就一於呢間啦。佢喺二樓要搭𨋢上去。 地方算大 ，好似個小迷宮，但枱與枱之間有点迫。中午去，夠哂繁忙。我点了滷肉飯、嘉義雞絲飯， 分別都跟3個小食、1個湯、1杯$18以下嘅飲品。3個小食同餐牌張相，分別非常大，很失望，比手指尾還細的半棵西蘭花，幾片冇味青瓜，一粒不知什麼餡的炸丸子。西洋菜湯正常。滷肉飯有半隻鹵水蛋，2片黃瓜，台灣滷肉飯畀我嘅感覺係惹味，肉汁令我好想撈飯食，但係古早味嘅滷肉飯就冇咁嘅感覺😥滷肉味道正常，但分量少，不足以撈飯， 食到一半好似食白飯😥原來朋友嘅嘉義雞絲飯重差，小食係一樣嘅，冇味雞絲配上有点硬嘅飯，最後都放棄食唔晒。好彩還有杯珍珠奶茶，一般水準，但珍珠多少少就好啦。雖然小食有点失望，主菜一般，但每人平均$65，有飯、湯、飲品，價錢也可接受。但尖沙咀可以有很多選擇。

今日好想食台灣嘢，上黎睇依間餐廳都唔錯，決定上黎試下先😋😋無論係色調，壁畫，餐桌定係擺設，餐廳裝修好有台灣寶島嘅感覺。朋友叫做一個魯肉飯便當🍱 便當好精緻，有送埋例湯，同埋盒裡面有幾個細格都裝左幾種唔同嘅小菜，食落都好清新。魯肉食落都好夠味，唔會太鹹，調味都唔錯。我就叫左個嘉義雞肉便當。同樣都係有相同嘅例湯同埋小菜。雞肉醬汁係唔錯，撈飯食好好味👍🏻但係今日嘅雞肉煮得略為老左啲，無咁嫩滑。總括黎講，餐廳嘢食都ok, 環境好舒適，係適合悠閒傾計嘅地方。

又一個開心星期五，係尖沙咀飲酒前先去食個晚飯醫下肚。友人突然間想食下台灣野，點知係isquare抬頭一望，就見到古早味，一於就試下先。7點上到去，可能因為未到食飯時間，一去到就可以入座。我地女人仔兩個叫野食，胃口唔係好大，所以叫左一個新竹炒米粉，醉雞卷，再加兩個小食就好足夠。醉雞卷 - 店員準備拎上檯既時候，未行到就已經聞到好香既酒味，即時心心眼😍 味道食落亦好有酒味。雞皮已拎走肥油，可連皮一齊食。但雞肉略為結實新竹炒米粉 - 份量同材料都好多，有冬菇，肉絲，洋蔥，芹菜，蘿蔔絲，再加少許蝦乾同菜，食到尾依然有好料。米粉亦炒得好，條條分明唔會痴埋一舊。但略為太多油炸地瓜圓 - 台灣夜市既小食，竟然係香港台式料理既地方有得食，實在太開心喇😀 熱辣辣食好香口Q彈，就算攤凍左既時候都唔會縮埋一舊五味透抽 - 灼鱿魚加個特別既醬汁，下面有芽菜墊底。凍食夠爽口由坐底開餐到走岩岩一個鐘，店員已經會主動幫你加水，好好嘅態度同服務。下次再幫襯一定要試麻油炒腰花😆

入到嚟環境都唔錯，清清淨淨完全係台灣地度嘅擺設。宜蘭蔥餡餅我個人就最鍾意食一啲入面有餡嘅麵包，呢一款食落就唔係我食慣嗰啲，但係都好好味佢有佢嘅台灣本土特色，值得一讚!蚵仔煎 啦啦啦!千祈唔好同潮州蠔餅，咁去食呀!包你有好大嘅驚喜，因為各有各嘅處理方式，呢個有呢個好食之處，想試下就自己嚟幫襯下啦!台式醬牛肉同五香牛肉唔同，佢有佢嘅特色各有其色，食落各擅勝場。海鮮粉絲煲 粉絲煲大大隻蝦，見到海鮮 一隻隻，唔係蝦毛唔係海鮮仔，清淡可口唔錯。乾貝櫻花蝦荷葉飯見到個竹籠仔，再睇埋個入面啲櫻花蝦，話驚喜食埋入口，乾脆可口味道濃沃，值得一試。乾扁四季豆 哈哈哈!有啲似小小炒王呀!辣辣地甜甜地酸酸地鹹鹹地 。最正就係扁豆，粒粒粒都咁好味呀!九層塔手抓餅 哈哈哈手抓餅，見到佢爭啲畀佢同印度嘅薄餅，引導錯咗，味道完全唔會輸蝕畀印度大大叔呀!去台灣 一定要試一試。雲吞仔加啲醬汁加啲調味料，如果唔係淡淡哋嘅，就咁食原味雲吞仔，都唔錯。飯後飲品 一人一杯 紅豆奶茶，芝士古早味紅茶， 食完清清喉嚨，飲返啲慣常嘅口味。

又一間以台灣。古早味做主打既店鋪～呀MEAN特別鍾意古早味，襯LUNCH TIME同個FD特意拜訪餐廳裝潢別有一番台灣風味感覺幾好，傳應都熱心招呼冇嫌繁忙時間人多我地叫咗牛肉麵同埋花枝蝦排配熱珍珠奶茶少甜牛肉麵除此之外仲有３款伴菜牛肉有Ｄ淋有Ｄ唔淋，冇咩味～紅蘿蔔唔係一齊熬湯仍然係生既。麵質唔錯，彈牙唔硬唔痴牙可惜湯好咸亦都唔似係熬既牛肉湯單一冇香料味冇其他味，連台灣味都冇。花枝蝦排喜出望外，有鮮味炸得酥口感不錯～但都係冇古早味

今日同媽媽出尖沙咀逛街，她不喜歡吃西式的食物，中式的又覺得自己煮得比餐廳好吃，所以每次跟她一起出外用膳，都十分傷腦筋。本來還沒有想法到底要吃什麼，打算邊走邊看看餐廳，看她想不想吃。我們乘搭西鐵，走到H出口 i square 的扶手電梯直上，對面街的招牌顯示二樓有間台式餐廳。又不是西式的，而且有台灣獨特的口味，台灣的風味她自己肯定煮不了，於是便選定了這間餐廳。餐廳果然富有台灣特色，無論裝飾，擺設，都很有台灣的情懷。媽媽點了新竹炒米粉，喝珍珠奶茶。我點了鹽水雞便當，喝桂圓紅棗。我吃了一口新竹米粉，米粉有嚼勁，而且炒得相當入味。我的便當跟餐牌的很相似，賣相不錯，而且配菜亦十分惹味。椰菜相當講究，加了小蝦米炒。這裏的店員能操流利的普通話，不少遊客專程到來，店員都跟他們溝通得很好。