古早味原住台灣 (已結業)

上次食比我一個比我一個唔錯既感/味覺，同女朋友第二之黎呢度食，一如既往環境舒適、位置闊落，起碼坐低唔會同人頂手頂腳先🤘🏻今次我地點左一d上同上次唔同既菜式：宜蘭卜肉-外脆內嫩，嫩得黎肉汁豐富，如果個皮薄少少就perfect!(起初睇賣相我以為類似大陸既酥肉，但實情唔係😹)醉雞卷-米酒味甘醇、濃郁，雞有雞味，但雞肉略嫌唔夠嫩口😺古早味牛肉麵-正宗台灣麵既味道，麵質彈牙，牛肉炆得好林，好入味山藥炒牛肉-山藥炒得好爽口,亦滲滿牛肉汁係入麵，牛肉亦炒得好juice同牛味充足(我好似第一次食山藥)整體黎講依舊保持我上次食既水準，下次可以再黎過😁

睇電視見到台灣旅遊節目，介紹台灣美食，突然好想食台灣野，就search到哩間”古早味”。由於食果日好熱，所以都係一心想食個乾撈麵，現場環境好寬敞，冷氣好夠，卡位好舒服。睇一睇餐牌，尖沙咀黎講算幾划算。由於天氣太熱，所以都係想叫輕量醒胃既野食，我地叫左個古早味乾撈麵，麵質夠彈牙有咬口，加上香濃家鄉肉碎，個汁非常入味，肉碎肥瘦均勻，仲有少少青瓜絲，哩個我可能係台灣都未必食得到。另外亦叫左個新竹炒米粉，雖然我唔識新竹有乜係出名既名菜，但個米粉炒得夠乾身，但咬落唔會太硬，加上一啲配料，哩個一定必叫。小食我地叫左個麻辣豬耳，麻而不辣，豬耳好入味，每一口都覺得到膠感漿住個囗咁，應該含骨膠原極高既一個小食。飲品方面，我地叫左2杯，一個係蜂蜜檸檬薏米水、檸檬冬瓜愛玉飲，薏米水清熱解渴，冬瓜愛玉有好多啫喱酸味味好醒胃。

今日同朋友到尖沙咀行完街就到isquare對面古早味原住台灣食下台灣野。入到去安排好窗口位，坐下睇睇餐牌食咩先。個環境其實都幾舒服，唔會太焗促。一人一碗飯加一個小食。豐收飯都幾多料，牛展口感都幾好味，鹵水蛋幾入味。鹵水雞翼都不俗，豬腩肉口感同味道都幾好，腸仔味道有驚喜的確唔錯。魚都幾好味質感幾好。滷肉飯肉碎幾鮮味和鹵水蛋一樣都夠入味。宜蘭卜肉個口感不錯，香脆可口仲係即炸熱辣辣。店員不時幫忙加飲水，走既時間都好好禮貌抵讚。

還好的台灣料理，而且地方幾大。葱饀餅：爆汁，味道一般，皮有少少厚。豐收飯：普普通通，幾種唔同嘅小食拼埋一齊放喺飯上面😅豬軟骨干撈麵(粗麵)：味道不錯👍🏼芋圓甜品：好多料，芋圓好食，夠Q，食到蕃薯，紫薯同芋頭味。野飲就好一般，我寧願去樓下飲鹿角巷。餐廳小角落有手作賣，唔算貴，等lift可以睇下。

女人仔吹水夜, 最緊要坐得耐, 環境C服, 食物OK, 地點就腳, 就係咁, 搵左呢間尖沙咀既台菜試下呢間野係I-square 對面, 好似好易搵, 但間大廈又唔多突出, 可能咁少人上去幫襯搭lift 上二樓, 出去見間餐廳都幾光鮮坐位都算闊落D野食價位唔算貴飲品價錢都OK, $2X杯台式飲品, 其實算抵添呀滷肉飯 - 滷肉入味, 份量都合理, 有台灣feel鹽酥豆腐 - 外脆內軟, 又唔油, 推荐! 菜脯煎蛋 - 都可以, 如果香口D會好D海鮮粉鮮煲 - 粉絲入味, 整體都唔錯宜蘭蔥餡餅 - 幾油下, 唔係特別可口, 可以唔叫臺灣手抓餅 -  最平平無奇, 乾爭爭, 又係可以唔叫飲品 - 有點甜, 珍珠唔錯, 有口感, $22 杯, 都幾抵飲! 食物有OK, 有D好一般. 餐廳唔多人, 坐得耐傾計又無面色睇,  算係咁啦~ 

這天早上在尖沙咀體檢，就相約在新港中心上班的好友吃午餐，她和同事經常在這大廈的另一餐廳午餐，但未試過古早味原住台灣，於是我們就決定試試。甫踏出電梯，已看到設計得充滿台灣原住民風族的味道，店員安排我們坐在窗邊的卡位，很舒服。午餐的選擇有很多，飯及麵類都分別有12款，包前菜及$18飲品(可補差價)。我點了台式黃金炒飯$58，足料豐富又好味，饀料有兩種顏色的應該是台灣臘腸，粟米等，飯的質感適中。紫薯黑糖鮮奶(餐加$10)，只是被壓軟的紫薯很香甜，有得吃有得喝，很滿足。朋友點了新竹炒米粉$68及古早味紅茶，也很吸引。

這家古早味台灣餐廳的食物選擇非常多，不僅有傳統台式美食，更有原住民特色料理。小食、小菜、燉湯、飯麺、甜品、飲品、火煱、洒、台式手工啤酒，一應俱全！是夜首先點了海底椰排骨燉湯（$30），燉湯很足料，沒有一般茶餐廳那種味精感，很暖胃。前菜點了台式小雲吞（$28）、椒鹽龍珠（$78）、麻辣拼盤（$68)和台灣刈包（$28）。台式小雲吞配上其醬汁，出奇地美味。椒鹽龍珠是墨魚咀，很香脆卻不會過鹹。麻辣拼盤有腎片、豬耳、肚絲，滷得很入味卻不會太辣，適合喜歡微辣的人。刈包內有一大塊半肥瘦豬肉和酸菜，挺惹味的，服務員還細心的幫我們切開兩份。因為吃了很多前菜，主菜只點了滷肉飯（$58）， 吃得出是用新鮮豬肉，味道很好，而且滷肉的份量很多，有驚喜！最後甜品點了手工綜合芋圓（$45），很大的一碗，足夠2 人份，刨冰上有紅豆、綠豆、仙草、珍珠和芋圓，很甜蜜滿足!古早味的環境舒適，價錢亦很抵，下次要帶家人來晚餐呢！

今天去尖沙咀做完facial，突然想吃牛肉麵，就找找台式料理去了。就在i square 對面，我們便上樓嘗嘗，店面空間很寬敞，座位舒適。我點了乾煸四季豆，四季豆用上蝦乾，蒜蓉炒香，加上肉碎，更加惹味。古早味牛肉麵，滿足了我對牛肉麵的慾望。湯底濃香，牛肉很腍，配菜有紅蘿蔔和小棠菜。紹興醉蝦(凍食)，一上菜已傳來酒香，蝦肉彈牙，再沾些紹興酒，更加濃味，放心，我沒有醉呢。綜合芋圓，有綠豆，紅豆，仙草，珍珠作配料，刨冰有香濃的煉奶調味，地瓜和香芋芋圓煙韌彈牙，一吃難忘。

可能我平時食開嘅台灣菜都係小店，一般裝修都唔會太講究，但呢間餐廳真係令我喜出望外，真正嘅「蔗渣價錢，燒鵝味道」。一入到黎已經比佢哋裝修同環境吸引住，裝修係我最鍾意嘅藍色，同埋有好舒服既卡座，淨係環境都已經加晒分！食物方面我同男朋友叫咗鴨肉冬粉、豐收飯、蚵仔酥、仲有個糖醋肌里肉。冬粉其實同粉絲個口感有啲似，但係就硬身少少，食落有口感，亦都吸收左啲湯既精華。豐收飯有好多餸，包括牛展、滷水蛋、腩肉、鯖魚同埋台灣腸，啱晒為食嘅朋友仔！蚵仔穌比較特別，出面嘅台灣餐廳好少見到，不錯！最後就係糖醋肌里肉，酸酸甜甜送飯好開胃！

又到3點3時間，行間尖沙咀，終於找到一間台灣餐廳給我們選擇。餐廳位於樓上，不算起眼，但餐廳的裝潢值得稱讚，它的擺設充滿台色風格，而且非常寬廣，坐得很是舒服，適合大型慶祝活動。不算太餓，所以主要叫了一些小食吃。叫了涼拌木耳，木耳很爽，而且一點也不淡味，少少辣，很是野味。也叫了手爪餅和蔥餡餅，手爪餅好香，而且也很大份，吃完個餅都有少少飽飽地了。蔥餡餅非常多汁，一啖咬落即爆汁，好味又好玩。雞軟骨我最愛，炸得很香很入味，男女老少也一定會喜歡，最後叫了一碗糖水，但個人覺的偏甜了一點，愛吃甜朋友會比較喜歡。

放工到尖沙咀去了一間台式餐廳，就在isquare對面，很容易就找到了，餐廳裝潢很整潔，設計也滿有台式感覺，色彩繽紛的，空間感足夠，座位舒適。我們點了宜蘭蔥餡餅，即叫即炸，整個很熱，要小心燙口，中間有肉餡，蔥餡，煎得香口，不錯～鹽酥豆腐，每粒也炸得金黃，外脆內軟，豆腐粒很滑，蒜香粒帶出豆腐香～～酥炸鹽酥雞，同樣即炸，很惹味，雞肉沒有過乾，挺嫩滑。新竹炒米粉，材料有蝦米、洋蔥、紅蘿蔔、椰菜，米粉爽身，軟硬適中，味道也香口美味～綜合芋圓，芋圓三色咬下很有嚼勁，還有煉奶冰、紅豆、綠豆、仙草，材料豐富。整體環境食物都不錯，適中同朋友share，聊聊天～

今日食lunch，有同事推介呢間古早味原住台灣的台灣菜，說它經濟實惠，於是比佢拉黎試下。店舖的裝修是傳統台灣民族風，而且店舖是位於2樓，相對空間較大，店中座位都幾多，當日亦無需等位，坐亦坐得好舒服。我點了當日店員推介的台式牛肉麵，牛肉的質感很滑嫩，而且很入味，麵條的軟硬適中，時間恰到好處，證明店員有相當的經驗。另外餐飲則是加錢轉了黑糖珍珠鮮奶，我特意點了店員推介半糖，果然剛剛好，珍珠很軟熟，味道濃濃的鮮奶味，岩曬我嘅口味。埋單連朋友的午餐都係大約$150，尖沙咀旺區都幾抵。

今午由尖沙嘴,  I - Square 地鐵出口行上來, 正在落雨, 有點狼狽又有點浪漫.   抬頭看見對面樓上有間大玻璃窗的餐廳..........古早味, 決定上去食午餐, 避下雨.   乘電梯直達餐廳, 開門見手繪壁畫, 好特別.加上紅色 古早味 牌坊,  更含濃厚台灣色彩, 餐廳面積大, 座位多, 和諧設計, 令客人坐得舒適, 裝修和格調, 富美感. 我們點了兩個午市套餐, 酥炸雞扒麵, 新竹炒米粉, 包主食及台式飲品, 好經濟 !由於外面雨濕濕, 大家都想飲, 熱茉莉綠茶, 暖暖胃!套餐未到, 大家想先嚐台式名食:  九層塔手抓餅.手工製作, 果然有水準, 上檯夠熱,  味道濃郁,  入口煙韌鬆脆, 朋友說笑, 好像多過九層啊.  真比印度薄餅好食.第一個套餐到了.   酥炸雞扒麵配三款前菜, 醃青瓜, 台式香腸,  西蘭花酥炸雞扒分開用碟盛載.   湯麵大大碗, 熱 騰騰. 賣相和組合不俗.先吃前菜, 醃青瓜, 正中台式菴瓜, 做涼伴好食.  台式香腸, 好惹味,  西蘭花夠爽口. 雞扒份量不少.  炸得香口,  雞肉嫩滑, 外脆內軟.   伴有菜絲.湯麵好大碗, 麵條闊,

在尖沙咀的國際廣場附近逛街，有好多樓上鋪，多數其實已經被茶餐廳，或者快餐廳佔據了。偶爾發現原來還有個台灣餐廳隱藏在附近。就在北京道，樓上鋪頭。台灣其實不是僅僅有牛肉麵，我們進來的時候差不多也已經是晚餐了。所以下午茶之類的餐牌是不存在的。燉湯都有~！不過因為打算食甜品，所以就未叫住。手工啤酒都好吸引呀！衝著想去吃小芋圓，所以簡單點了海鮮粉絲。這個剛剛服務生送上臺就好惹味！怎麼可以少得了白飯，本身唔想食飯都被迫試一試。之後叫埋了餐牌的推介菜，堅韌的墨魚丸(椒鹽龍珠)，呢個同避風塘有得一比，就係辣味夠，濃夠，而且墨丸都夠大粒。之後怕不夠餸，額外一個山藥炒牛肉。。。好似叫埋叫埋都是下飯菜。重頭戲來了，最喜愛的小芋圓。甜品甜膩膩的，甜味適中。買單有加一服務，人均150元左右。

尖沙嘴呢間台式餐廳，雖然要答lift上，但空間尚算寬敞中午去食物選擇大約有兩大類：便當/湯麵/炒飯，價錢由基本$60-$80炒飯份量十足，會見到d飯粒係一粒一粒，而且有光澤得黎唔油就咁睇會覺得碟炒飯好似同普通揚州炒飯無分別，用左好多唔同材料。但其實暗藏驚喜，其中一樣特別既材料係用左台灣既一種出名小食米血糕落去炒。廚師將米血糕切成細粒狀，同其他材料差唔多，等人可以一口滿足曬好多口感。另一個最底係lunch套餐跟杯免費台式野飲：綠茶/紅茶。其他野飲就補番差價，我就補$4要杯抹茶珍珠奶綠。珍珠多到飲唔曬！